نخيت الرياجيل( الرياييل )

[المطيري]

تكفون الفزعة ابي الحل اليوم الثلاثاء 7/3/2006 بعت اسهم التمويل ومادري وشلون عن المنحة والنقدي وكيفية اثبات انها تخصني عند البورصة لاني شاري قبل اسبوع والشهادات كانت معاي وكل الشكر مقدمآ للجميع

 

[boalons]

راحت عليك خلاص

او روح للشركة معاك اثنين شهود يحلفون انك شريت










لاياخوي قاعد اتغشمر

عادري روح لمقر توزيع الارباح يالتمويل ومعاك البطاقه المدنيه ويعطونك الارباح لاوزعوها ان شاء الله

 

[المطيري]

مشكور

مشكور على الرد بس انت متاكد ياخوك خرعتني ؟

 

[boalons]

اي والله

ادا كانت الجمعيه العموميه امس وبعت اليوم تستلم الارباح مافي مشكله , يامن الشركة مكان توزيع الارباح او اعتقد في شركات تستلم ارباحك من المقاصه او يحولون النقدي بحسابك , ادكر السنه الي فاتت المقاصه خدوا رقم حساباتنه علشان هالشي ادا ماني غلطان

بس اهم شي ان يكون عندك السهم بعد الجمعيه العموميه , الي يتفصخ وراها السهم

 

[المعوشرجي79]

تكفون الفزعة ابي الحل اليوم الثلاثاء 7/3/2006 بعت اسهم التمويل ومادري وشلون عن المنحة والنقدي وكيفية اثبات انها تخصني عند البورصة لاني شاري قبل اسبوع والشهادات كانت معاي وكل الشكر مقدمآ للجميع

والله على هالعنوان جنك طايح بمصيبة ما يعلم فيها الا الله سبحانه وكنت مزهب ادق على 777 مقيوله الفلوس وصخ دنيا

 

[Bo_Rashed1]

الله يهداك يالمطيري

قلنا الحين صايره مصيبــه بالرجال ( الريال ) أو حال عليه آجل ويبي سلف ... اثاري سالفتك كـذا



المطيري شكلك توك جديد على السوق

المهم ... الله كريم

مثل ما قالك اخونا العزيز / boalons روح الدور الاول مقر توزيع ارباح الشركات وأخذ رقم وانطر دور .. وحط لهم بطاقتك المدنيه و10 دنانير بخشيش ,, واذا ما عندك بطاقتك المدنيه .. قولهم انا المطيري .. واهم يعرفونك .


والنعم فيك طال عمرك .. واعذرنا يخوك ... انتغشمر وياك.

والله يوفقك.
وتقبل تحياتي.

اخوك / بو راشــد

 

[JJJ]

تكفون الفزعة ابي الحل اليوم الثلاثاء 7/3/2006 بعت اسهم التمويل ومادري وشلون عن المنحة والنقدي وكيفية اثبات انها تخصني عند البورصة لاني شاري قبل اسبوع والشهادات كانت معاي وكل الشكر مقدمآ للجميع

بكل بساطة

كشف المقاصة هو الإثبات

مع تحياتي

 

[المطيري]

كل الشكر لكم

والله انكم بيضتو الوجه ( الويه ) وانكم تنحطون على راس الرياجيل الله لايخلينا منكم ومن معلوماتكم

 

[Bo_Rashed1]

على فكره يالمطيري


الارباح ( النقدي والمنحه ) مو شرط تاخذهم الحين ... يعني لو تجيهم بعد سنه أو دهـــــــر .... ترى عادي ... حقك ما يضيع.


مثلي انا بعت سهم اليوم الثاني من تفسيخته السهم ... وبعد 9 شهور .. رحت وأخذت ارباحي .

يعني خلك بعد الزحمه ... إللا اذا كنت تبي تبيع الاسهم المنحه بسرعه.

عسالله يوفقك