مسابقة لاهل التحليل الفني و من له خلفية

[الريان]

هذا الموضوع سوف اضع فيه ثلاث شارتات اريد التعليق من اهل التحليل ومارايكم فيه وهل بعتير فرصة واين نقطة الشراء واين نقطة البيع وايضا الفترة المطلوبة

 

[الريان]

الشارت الثاني

 

[الريان]

الشارت الثالث

 

[يوسف غضنفري]

الله يهداك بو ريم شلون تبينا نحدد نقاط البيع والشراء وانت مو حاط الاسعار

 

[الريان]

الله يهداك بو ريم شلون تبينا نحدد نقاط البيع والشراء وانت مو حاط الاسعار

من غير ارقام بس ابيك شنو تعليقك على السهم وين تشوفه رايح وين اتجاهته لانه بصراحة عاجبني شارته وابي اشوف تعليقكم عليه

 

[سهم استثماري]

الأخ الريان مو جنه هالشارتات مبهمه !... مع إني مو محلل فني ولكن نحتاج لمثل هالمواضيع .. وقواك الله يالريان .

 

[يوسف غضنفري]

الرسم الاول :

كسر الترند الهابط والهدف نصف مقدار الترند ويمكن ياخذ وقت لعدة أشهر

الرسم الثاني:

اتوقع كسر المقاومة لانه كسر الترند الهابط مثل الرسم الاول والمدة عدة اشهر

الرسم الثالث:

تأكد من اختراق المقاومة لانه مرتين حاول يكسر ولكنه لم يفلح .. بعد التأكد من كسر المقاومة تكون نقطة الدخول بعد اختباره للدعم .. والهدف الاولي هو مقدار الارتفاع من ارتداد السهم تحت المقاومة لغاية المقاومة

 

[متداول اسلامي]

السلام عليكم
اولا
اشكرك اخوي العزيز بوريم على هذه الطريقه

وبما اني من الصغار فحبيت اسبق اخواني الكبار حتى لا يسكرون الباب علي

تفضل وجة نظري

 

[متداول اسلامي]

والثاني :

 

[متداول اسلامي]

وهذا اخر شي

ارجوا منك اخوي ابو ريم تعقب وتعلق وتوضح لي اخطائي

 

[بو صالح]

السلام عليكم

الله يعطيك العافيه بوريم

اذا تعدى هدف الترند الازرق رايح للاحمر ونقطه الشراء بعد الخط الاخضر

السهم استثماري بحت مبين من الفريم

 

[Wise]

السلام عليكم

مشكور بوريم على هذى المسابقه

ولنا مداخله


بخصوص هذا الشات هدفه نصف الترند

ولكن ناخذ بعين الاعتبار الخط الاسود العريض انه ما يكون عائق لسهم لتحقيق الهدف ومع مرعاة الترند القصير وعدم كسره ايضاً فى مسار السهم للهدف المحدد .... وهدف السهم من اسبوع الى شهر اذا كان التحليل على الديلي.​

 

[Wise]

الشارت هذا بوريم

من وجهة نظري مكون نموذج دعم ومقاومه والسهم كسر المقاومه

مع مرعاة توقيف الخساره ان السهم ما ينزل عن المقاومه اللي كسرها

وهدف السهم واضح بالخط الاحمر مع مرعاة القمه اللي امام السهم حاليا انها ماتكون عائق لسهم من تحقيق الهدف .​

 

[الراقي]

بوريم هذي الأسهم شكلها راح تنفجر خلال الأيام القادمة

 

[الريان]

سوال واريد جوابه

اي سهم اشترية واي سهم اخليه هذا سوالي هل يستحق الشراء ولا لا

 

[بو صالح]

سوال واريد جوابه

اي سهم اشترية واي سهم اخليه هذا سوالي هل يستحق الشراء ولا لا

اشتر كل الاسهم









لانه واحد متغير الفريم

 

[الفايدة للجميع]

ما أعتقد أن هذة الشارتات موجودة بالسوق الكويتي في الوقت الحاضر


والله أعلم!!!!!!!!!!!!!!!!!!!!!!!!!!!!!!!!!!!!!!!

 

[شاري بايع]

ماشاء الله عليك

ما أعتقد أن هذة الشارتات موجودة بالسوق الكويتي في الوقت الحاضر


والله أعلم!!!!!!!!!!!!!!!!!!!!!!!!!!!!!!!!!!!!!!!

أوافقك الراي وأوافق أخوي أبو صالح على أن الشارت واحد

 

[سناعيس]

مشاء الله ابو صالح

ماشاء الله عليك بو صالح فعلا الرسومات الثلاث لسهم واحد الا ان ذكاء اخونا الريان بتغير الزوم أعطى انطباع على انها لأسهم مختلفه

أشتر يالريان وانت مغمض بس عسى مو بسوق الحرمنه (الكويتى)

 

[المريح]

الله يعطيك العافية .....موضوع قوي و الشارتات الثلاثة لنفس السهم بس السكيل غير ...لاحظوا المدة تحت