شرايكم بهالفكرة ... تأسيس؟؟؟ دش وشوف

[العنزي_1980]

شرايكم بتأسيس اتحاد لصغار المستثمرين ؟؟؟ طبعا يدافع عنهم ويحمي مصالحهم ...... والخ ؟؟؟؟ ابي ردود وارائكم .... طبعا اكيد بعض الناس يقول من صجه هذا؟؟؟؟



المهم ابي آرائكم سواء معارضه ام مؤيده

 

[بوعبداالله]

مؤيد:d

 

[Bo_Rashed1]

الله يعطيك العافيه اخوي العنزي


اذا تبي الصراحه!!

كل آخر الشهر تنطرح هالفكره .... ولكن للأسف ما يصير شي.


واللي انا ملاحظه انك طرحت هالفكره في منتصف الشهر ... جنك رواتب المتقاعدين

 

[العنزي_1980]

ههههه حلوة بوراشد انا والله طرت على بالي ومادري انها تنطرح او انها مطروحه بالمنتدى ... وتسلم على مرورك (المهضوم كتير)

 

[SPY_ HUNTER]

فكره حلوهه ليش لا نبي اتحاد صغار المستثمرين بس بالاول نبي يرجع راس المال

 

[q8_lord]

مؤيد

 

[مستثمره جديده]

اولا ما هي توجهاتها و ماذا بها من منافع لصغار المستثمرين و ما مدى تاثيرها .. و اللخ .. بعدين اقرر .. انا مؤيد بس بعد ما اعرف كل شي لاني ما اعتقد انها راح تاثر بشي مجرد اسم

 

[wawwaw]

السلام

وانا بعد وياكم

 

[Abo Thaar]

السلام عليكم

فكرة ممتازة وانا بعد وياكم

 

[العنزي_1980]

فكره حلوهه ليش لا نبي اتحاد صغار المستثمرين بس بالاول نبي يرجع راس المال

مشكوور عالمرور حبيبي الله يعوضك ويعوض كل خسران انشالله انا الحمد لله سلمت من هالطيحه ... لكن شي يجر شي اتحاد والاتحاد يكون دوره رقابي بحت على اللعب او العبث مع الصغار والاتحاد طبعا يكون وسيط بين الصغار وهيئة سوق اذا انشئت او وزارة التجارة

 

[العنزي_1980]

اولا ما هي توجهاتها و ماذا بها من منافع لصغار المستثمرين و ما مدى تاثيرها .. و اللخ .. بعدين اقرر .. انا مؤيد بس بعد ما اعرف كل شي لاني ما اعتقد انها راح تاثر بشي مجرد اسم

توجها رقابي او وسيط بين صغار المستثمرين والجهة المسئوله وبعدين بس ينشئ اتحاد يكون له دور وتكون له تصريحات واعلام جذي الناس الكبار تحسب له ألف حساب ....الخ هذه الافكار الوارده براسي حاليا ومنكم نستفيد عطونا اراء ااخواني واخواتي ... وشكرا ع المرور اخت مستثمرة

 

[العنزي_1980]

وانا شاكر لكم حبايبي المؤيدين ...لكن الافضل انكم تكتبون اراء او اقتراحات لو بالنهاية نسويلها دراسة بالمنتدى ونرتبها ونخليها موضوع مثبت يطلع عليه كل من يدخل المنتدى اضعف الايمان يعني

 

[أحمداني]

مؤيد

 

[rahaly]

حبيبي دور في المواضع راح تلاقي الموضوع مطروح وشبعاااااااان مناقشة


الله يعطيكم العافية




رحالي

 

[Nasser pwc]

شكرا اخوي لعنزي عالتذكير

الموضوع تبخر من كثر ماينطرح



اخوك

ناصر​

 

[Moshaks_777]

لصغار المستثمرين


هده خله يتحدى

 

[white soul]

يوقف بويه منو؟


بعدين اول شي راح يصير هواش عالكراسي

والي يقعد عالكرسي راح ينسى ربعه

بالعربي نفس مجلس الامه شلون العضو حافي منتف بعدين يستغني

 

[صقرالبحر]

من صجكم انتوا ؟؟؟


لو بتجمع كل صغار المستثمرين مايكملون مليون دينار عندهم وهذي قيمة احدي صفقه من صفقات الهوامير اللي مايدرون عنها


الله يخليكم سكتوا لاوالله اللحين يرجعون الاسهم للصفر لمدة سنه جدام ويعلمونكم يعني شنو اتحاد

 

[محب التوحيد]

اتحاد صغار المستثمرين
فكرة حلوة
بس أنا خوفي
المخاوف
1-يكون رئيس اتحاد صغار المستثمرين هو من كبار المستثمرين(يعني هامور)
2-أن يكون رئيس اتحاد صغار المستثمرين صغير فعلا وبعدين يكبر على كتوفنا ويصير يتحكم بالسوق وحنا طاف .
3-هوشات المناصب رح تأثر على الاتحاد ويصير اسمه اتحاد (نطف)(بويضة) المستثمرين يعني اللي يدافعون عنا رح ينسونا مرة وراح يتذكرون مصالحهم.
4-أعضاء الاتحاد فكرهم الاول شلون بيصير رئيس اتحاد كبار المستثمرين وراح ينسونا .

الزبدة:
لا يبه خلنا جذي زين حيل

 

[العنزي_1980]

شفيكم محبطين ؟؟؟؟