السقوط إلي الاعلى

الموضوع في 'السوق الكويتي للأوراق الماليه' بواسطة الصـــــالح, بتاريخ ‏12 مارس 2006.

  1. الصـــــالح

    الصـــــالح عضو نشط

    التسجيل:
    ‏1 يوليو 2005
    المشاركات:
    609
    عدد الإعجابات:
    15
    مكان الإقامة:
    الكويت
    ياجماعه ماتلاحظون انه السالفه طالت وامصخت حبتين؟؟؟ السوق السعودي نازل اكثر من 750 نقطه اليوم والبورصه الكويتيه مو امقصره هم بعد نازله...وللاسف مافي تصريح من اي مسؤوول عن اسباب هالنزول ....طبعا انا ادري انه هالموضوع مكرر بس السؤال هل هشئ بفعل الضربه المتوقعه لايران؟؟؟ اذا هالشي صحيح بعد الواحد اشينطر ...الهوامير يكتمون الخبر ويبيعون الكميات إلي عندهم علشان صغار المستثمرين يبتلشون ابورصة مليانه عروض وخاليه من اي طلبات....ولاحد يقولي انه هالنزول سببه زياده راس المال او الاكتتابات في سبب ثاني قوي الله العالم فيه والسهم إلي اليوم خسران باجر خسارته الدبل والله يوفق الجميع ويرحمنه ابرحمته
     
  2. دخيلك ياربي

    دخيلك ياربي عضو جديد

    التسجيل:
    ‏31 يناير 2006
    المشاركات:
    25
    عدد الإعجابات:
    0
    اي والله اخوي الصالح

    السالفه مو مصخت حبتين الا نص درزن

    الله يكون بالعون

    على فكره النقطه الي انت ذكرتها بخصوص ايران الصراحه اوافقك الراي عليها ....

    بس يعني عندك حل او وجهة نظر اخوي الصالح.
     
  3. جمال1975

    جمال1975 عضو جديد

    التسجيل:
    ‏25 يونيو 2005
    المشاركات:
    79
    عدد الإعجابات:
    0
    اخوي الصالح

    اول شي اغلب الناس تقول الايام هذي فترة ترقب

    ثاني شي انت تقول الكبار تصرف على الصغار وانا اقولك راقب الصفقات وتعرف من اللي قاعد يشتري

    ومن وجه ( نظري ) ان السوق الاسبوع الجاي انشالله راح يتعدل

    قول انشالله وخلك متفائل

    اخوك ابو تركي
     
  4. الصـــــالح

    الصـــــالح عضو نشط

    التسجيل:
    ‏1 يوليو 2005
    المشاركات:
    609
    عدد الإعجابات:
    15
    مكان الإقامة:
    الكويت
    المشكله يااخوي اني متسلف جم دينار وداش البورصه وخايف انه الاسهم تنزل اكثر من جذي وابتلش....والسالفه مايبيلها لامحلل ولامجتهد يبيلها واحد هامور يهمس باذنك ويقولك شلي صاير بالديره وبالخليج بضبط علشان اتقرر اتبيع والاتكون فرصه انك تشتري واتزيد الكميه إلي عندك خاصه انه الاسعار نازله ابشكل ملحوظ :confused:
     
  5. fahad100

    fahad100 عضو نشط

    التسجيل:
    ‏10 مارس 2006
    المشاركات:
    431
    عدد الإعجابات:
    0
    الله يعلم ان السبب الحقيقي هو
    اسعار النفط راح ترجع مثل سعر زمان يعني اقل من 30 دولار
    :confused:

    تحياتي
     
  6. بو بندر

    بو بندر عضو نشط

    التسجيل:
    ‏15 سبتمبر 2005
    المشاركات:
    1,002
    عدد الإعجابات:
    50
    مكان الإقامة:
    متداول الاوسط سابقا
    اشفيه المحلل النفطي

    هذي فتوه جديده

    انفط مرشح لللارتفاع يا عزيزنا


    الوضع كله علشان ايران فكر او شغل مخك ليش كانت كوندليزا رايس بالخليج او ليش اوصلو الرئيس المصري والايراني ابنفس اليوم الكويت

    او ليش الشيخ صباح رايح الحين جوله خليجيه

    دمتم
     
  7. matrex-ku

    matrex-ku عضو جديد

    التسجيل:
    ‏27 سبتمبر 2005
    المشاركات:
    320
    عدد الإعجابات:
    0
    مكان الإقامة:
    كويت جابر
    اي والله هذي خوش فتوه
    النفط بسبب تهديد ايران ينزل غريبه
    بس خوش تحليل
     
  8. LONG TERM

    LONG TERM عضو مميز

    التسجيل:
    ‏28 ديسمبر 2004
    المشاركات:
    1,968
    عدد الإعجابات:
    287
    مكان الإقامة:
    الكويت
    مالك امل ............ 100 اخر السنة توقعات الخبراء بالعالم
     
  9. الصـــــالح

    الصـــــالح عضو نشط

    التسجيل:
    ‏1 يوليو 2005
    المشاركات:
    609
    عدد الإعجابات:
    15
    مكان الإقامة:
    الكويت
    طيب ياجماعه لو فعلا البورصات بتنزل علشان موضوع ايران بعد احنه اشقاعدين ننطر؟؟ هذي لاتنفع معاها لاالحكومه تدعم البورصه ولاضخ سيوله هذي حرب ويمكن اتكون حرب نوويه الله العالم شلي بيينه من وراها...شنو توقعاتكم بخصوص الاسهم بالفتره اليايه؟
     
  10. سهم استثماري

    سهم استثماري عضو جديد

    التسجيل:
    ‏13 نوفمبر 2005
    المشاركات:
    1,070
    عدد الإعجابات:
    0
    أولا : أسعار النفط لفوق وهالكلام لخبراء في هذا المجال مو من عندي وكل العوامل الإيجابية للصعود متوفره وكل اللي قاعد يصير حسد ويبونا نقط كل اللي عندنا ونطلع بخسارة وبعدها يرفعون السوق ويجبرونا ندش بالعالي .. وهذا هو اللعب بيع فوق واشتر من تحت والضحية اللي ما عنده صبر ولا درايه
    المهم يا شباب واضح إن الهيئة لم تتدخل !
    قطاع البنوك مشاء الله يبيض الوجه .. ولكن السؤال المهم هل هالصعود في هذا القطاع بالذات ناتج إن اغلب المتداولين وجههوا سيولتهم لهذا القطاع الآمن ( مع إن السوق كله ما يفتح النفس ) أو بدأت تتسرب إعلانات الربع الأول للبنوك !

    ما أدري ليش أنا متفائل للفترة القادمة وأحس إن القصة قربت على الإنتهاء وتبقى نتائج الربع الأول هي محط أنظار الجميع حتى نعيد حساباتنا من جديد .
     
  11. خوش خبر

    خوش خبر عضو جديد

    التسجيل:
    ‏1 يناير 2006
    المشاركات:
    669
    عدد الإعجابات:
    0
    الاسهم

    انا اشوف انهم يبون يرزون احد ويمكن الوزير الجديد بعد الاجتماع راح كل شىء يتعدل ويكون حل المشكله والكل راح يمدحه ويمجد فيه او يكون بعد اجتماع المجلس يعنى يبون يطلعون بطل جديد لفلم البورصه بس منو الله اعلم .
    نصبر و نشوف والله كريم . والنهايه انشاء الله راح تكون زينه للجميع .:rolleyes:
     
  12. some one

    some one عضو جديد

    التسجيل:
    ‏30 أكتوبر 2005
    المشاركات:
    170
    عدد الإعجابات:
    2
    الصراحة مجرد ربط النزول في السوق السعودي بالنزول في السوق الكويتي فيه خطأ كبير
    لأن السوق الكويتي يختلف كل الإختلاف عن السوق السعودي من خلال ربحية شركاته وانخفاض مكررات أرباحة
    أما السوق السعودي فما هو غريب إنه ينخفض وما زالت أسعار الشركات بالنسبه الى ربحيتها عاليه يعني ما زالت مضخمة
     
  13. Chess

    Chess عضو نشط

    التسجيل:
    ‏19 أكتوبر 2005
    المشاركات:
    429
    عدد الإعجابات:
    3
    أي شخص ذو خبرة يعرف انة هذا شيء طبيعي حتى لو زادت حدتة
    لكن ما يقلقني صراحة هو طول المدة ... و السؤال الي يطرح نفسة هو

    ماذا لو حصل مكروة لا سمح الله أثناء هذا النزول الغير مبرر ؟!

    ساعتها أنقول ..... إحنا ناقصين !؟!؟
     
  14. fahad100

    fahad100 عضو نشط

    التسجيل:
    ‏10 مارس 2006
    المشاركات:
    431
    عدد الإعجابات:
    0
    نعم اسعار النفط هي السبب من الاسباب الرئيسيه
    و حطها حلق في اذنك
    اذا انت واهم نفسك ان اسعار النفط ستستمر .. غلطان بالفم المليان
    و كذلك اذا انت واهم ان ارباح الاسهم عام 2005 ستستمر على طول .. غلطان بالفم المليان ... يمكنك تقول ما انت تريده ان يكون
    و ليس ما هو سيكون .. لا تراهن على المستقبل

    لكن نصيحتي الابتعاد عن الاسهم بالوقت الحالي
    هناك مشكله احتمال حرب اهليه في العراق لا سمح الله
    مشكله ايران
    مشكله انخفاض سعر النفط الى اقل من 30 دولار

    بالاضافه ان جميع الاسهم اسعارها متضخمه جدا جدا جدا

    انها سوق مناخ مصغر

    تحياتي
     
  15. Moshaks_777

    Moshaks_777 موقوف

    التسجيل:
    ‏26 أكتوبر 2005
    المشاركات:
    3,518
    عدد الإعجابات:
    0
    مكان الإقامة:
    الكويت
    وين الحكومه عن هل مسخره إلي قاعده تصير بالبورصه بوق عينك عينك
     
  16. استثماراتي

    استثماراتي عضو جديد

    التسجيل:
    ‏29 ديسمبر 2005
    المشاركات:
    365
    عدد الإعجابات:
    0
    :( :( :(

    لاحول ولا قوة إلا بالله
     
  17. بو بندر

    بو بندر عضو نشط

    التسجيل:
    ‏15 سبتمبر 2005
    المشاركات:
    1,002
    عدد الإعجابات:
    50
    مكان الإقامة:
    متداول الاوسط سابقا
    اولا

    لو اتصي مشكله بسيطه في الخليج النفط بيولع

    ثانيا

    الاسهم اسعارها بالحضيض قيس

    الكويتيه === 530 توزع 60 % نقدي

    مجموعة النقل === 2420 توزع 1000 % نقدي

    الزجاج ======= 720 توزع 42% نقدي

    اوغيره كثييييييييييييييييييييييييييير

    بتقولي شركات ارباح غير محققه بس اتوزع ولا لا او توزيع مجزي ولا لا

    شبعني 2005 او جوعني 2006 احنا اعيال اليوم مو باجر


    دمتم
     
  18. fahad100

    fahad100 عضو نشط

    التسجيل:
    ‏10 مارس 2006
    المشاركات:
    431
    عدد الإعجابات:
    0
    اشبعك 2005 و اقصك 2006 او افلسك 2006
    لا توهم نفسك ان الارباح الشركات 2005 دايمه
    ( النقل توزع 1000 % كل سنه)
    ما صارت حتي بالاحلام اذا توزع كل سنه


    انها سوق مناخ مضغر

    الحذر ثم الحذر
     
  19. بو بندر

    بو بندر عضو نشط

    التسجيل:
    ‏15 سبتمبر 2005
    المشاركات:
    1,002
    عدد الإعجابات:
    50
    مكان الإقامة:
    متداول الاوسط سابقا
    انا ابي افهم انتا ليش متشائم جذي

    يا اخي اذا انت شايف ان السوق حدة موشي لا تدشه اطلع منه سيل او حط افلوسك وديعه احسن


    دمتم
     
  20. fahad100

    fahad100 عضو نشط

    التسجيل:
    ‏10 مارس 2006
    المشاركات:
    431
    عدد الإعجابات:
    0
    ههههههههههههه
    السوق نزل نزله بالحضيض
    السوق فلس عوائل و جاب الهموم للناس و تقول متشائم

    انا احذر فقط
    و انت كيفك
    انها سوق مناخ مصغره


    تحياتي