ننتظر ارباح المخازن التي ان صعدت سترتفع اسهم 6 شركات وهي محط انظار دول الخليج وارباح سلطان التشغيليه التي ستعلن يوم السبت ناهيك عن ارباح شركه ايفا ( انا شاري منها وغرقان ولكن الكميه بسيطه التي تعرض للبيع كل يوم من اسبوع بالحد الادنى ) وننتظر هدو نفسية المتشائمين وننتظر ترتيب الاوراق بعيد عن شد الاعصاب بحيل الله السبت يوم مبارك هدوو اعصابكم وتوكلو علىالرحمن وجابلو اسركم ترى الزعل ما يفيد والصبر فيه اجر والتفائل نتيجته طيبه لانك لن تستفيد من شد اعصابك ولن تستفيد من تعكير الاسره في وقت المفروض تطلع وياهم ترفه عن نفسك ورجاءا رجاءا ... شووفو توقيعي الي بالاسفل
والله ياخوي الخميس والجمعة مافيه تداول وفرصة مثل ماقلت ان الواحد يهدئ اعصابه لمدة يومين خاصة ان التداول اليوم مشجع بس ياخوي من كثر ماتعقدنا من سالفة الفجوات اخاف يطلعلنا بكرة محلل يقول ان السوق لازم يغطي فجوة اليومين اللي ماصار فيهم تداول ويستمر السوق نازل السبت والاحد
سلام عليكم ماشاء الله عليك اخوي بوحسن ( الصبر مفتاح ) جنك تدري بالحال الله كريم وان شاء الله خير السبت .... على العموم رحم الله والديك ورزقك من حيث لا تحتسب...
بارك الله فيك أخوي الكريم الصبر مفتاح وجزاك الله خير وإن شاء الله جميع الإخوان من اهل الإيمان والتقوى وهاذي فرصة للجميع بالرجوع إلى الله بقراءة القرآن والأدعية ولدي إحساس كبير بأن الله مع الجميع ، وإن شاء الله فترة وتعدي بسهالة ( اللهم إني أسألك اليسر بعد العسر والفرج بعد الكرب والرخاء بعد الشدة اللهم ما بنا من نعمة فمنك لا إله إلا أنت برحمتك يا أرحم الراحمين ) وصل اللهم على محمد وآله الطاهرين
تسلم إيدك ويسلم تفكيرك يا بوحسن .. أحسنت بس اشتنصحنا !! ندوره الشاليه ولاّ جبد ؟ تروالي الشاليه إذا وصلناله اليوم بيطلع مرهون الله لا يقوله بس .. الله المستعان .. وإن شاءالله تتضح الرؤيه بهاليومين أكثر وترجع المياه إلى مجاريها يارب بوتسنيم
والله كلامك عدل المفروض ان الواحد يهدي اعصابه ويجابل اهله واسرته بس النفسية منهاره والله لو وين يودونا ماكو فايده من السهل ان تقول انك تبي تهدي اعصابك و و و بس الحجي شي والحقيقة شي اخر كلامك جميل بس وين الي يطبق هدوا حيلنا الله يهد حيلهم ان شاء الله ما يتوفقون دنيا واخره وتييهم المصايب وري بعض كل مصيبة اكبر من الثانية ( اقصد الي كانوا وراء انهيار السوق ودمار البيوت )
أخوي بيج بن السلام عليكم الله يصبر قلبك حبيبي وحاول إنك تخرج مع الأهل وتوسع صدرك وحاول إنك تضحك وتنشر الضحك في بيتك وتترك الجد هاليومين ، حاول تزور والدينك واخوانك وأطلب منهم يدعولك لكشف هاذي الغمة ، وصدقني إذا تتفائل راح الله سبحانه وتعالى يفرج همك ويجازيك على صبرك الجميل ، وأنا أسأل الله أن يفرج همك وغمك ويرزقك من رزقه الواسع آمين رب العالمين .
اليوم التداول الي صار بالاخير نوعا ما مشجع وهو دليل رغبه للجميع بان صعود الاسهم بات وشيكا وبان الاسهم جميعها اسعارها جيده ومغريه فما بالك بالسبت اليوم شفنا اسهم خضره بدون غش وبدون تدليس يعني كانت خضره من الساعه 11 اليوم ..وعندك قطاع البنوك مرتفع وفي اسهم حاولت الارتفاع باذن الله السبت خير وباذن الله احنا نكون تخصلنا من الحد الادنى الي كان يطلع لنا بكل يوم
مشكوور اخوي الصبر على الموضوع الجميل ،، وسؤالي لك اخوي هل اكيد موعد اعلان ارباح سلطان السبت؟؟ لاني غرقان من سلطان عالاخر ،،
جزاكم الله خير على التفاؤل.................. ولازم تعرفون ان احنا احسن من غيرنا..........على الأقل عندنا فلوس تدخلنا البورصة................ يعني وضعنا أفضل من أوضاع 90% من العالم................ غيرنا ماعنده قوت يومه............وتصبروا بالرحمن............ وجزاك الله خير يالصبر مفتاح....................والخسارة بالعمر..........والباجي يتعوض...........
