المجموعة الدولية للاسـتثمار ش .م.ك.م ( المجموعة د )

[Bo Tasneem]

اخبار طال انتظارها

1. الادراجات ، هل الهدف ادراجها ضمن ارباح الربع الثاني او الثالث؟
2. ارباح 2005
3. حفار بتروجولف
4. العقود الكبيره! , بوتسنيم عنده الخبر اليقين

نظرا لتأخر هذه الاعلانات لن نصل الى الاسعار المنشوده قبل اكتوبر 2006

رأي متواضع

احم احم .. كحح كحححح .. أنا غير متواجد حالياً .. الرجاء سجّل رسالتك بس لا اتكثّر بعد سماع الإشارة .. تووووت

(هااهاااه يعني ذرابه توووت ) جنه فصلنا الليله ، يبيله بندول !!


بوتسنيم​

 

[Solid_investor]

مهلة أعلان الأرباح تنتهي يوم الاربعاء 29\3 فأذا طلعت أرباح المجموعة 120 فلس و فوق و توزيعاتها قوية فأتوقع السهم راح يغير الى الأتجاه الصعودي وقد يصل الى مستوى الدينار مرة ثانية هذا اذا ماعداها لأن ببساطة السهم كان يتأقلم مع مكرر ربحية من 9 الى 10 في الربع الثاني و الثالث فممكن يكون السعر العادل اذا تكرر السيناريو من 1.080 الى 1.200 ... بس السهم راح يوصل على مراحل و راح يمر بمحطات مقاومة ودعم ممكن للمضارب أن يستفيد منها .... ماراح يكون الطريج سهل لظروف السوق و لاننسى ان في جني ارباح و بناء مواقع الى اخره.

ولاننسى ان السهم راح يفسخ الارباح سواء كانت منحة أو نقدي عقب الجمعية فالمستويات السعرية قد تختلف فلانسبق الأحداث ونشوف الربحية والتوزيعات ولكل حادث حديث

والله أعلم

 

[anaahmad]

احس ان في بعض الاخوة لحد الحين متأثرين بسعر 1200 مادرى علي شنو يعني يوصل للسعر هذا ؟؟
وثاني شي الارباح لحد الحين مو راضي يعلنها ممكن اعرف السبب ثالث شي والاهم من هذا وذاك حلوة ذاك وين مشاريع الحبيب البدر ماشاء الله انثال من فتره مليون ادراج علي مليون مادرى شنو ومن سنه لحد الحين مااعلن افتتاح بقاله تتوقعون هذا فعلا له مصداقيه وعلي فكرة ترا سهمه يدور بدون تدخل منه واعترف ان السهم الاول بالسوق للمضاربه يعني مفتوح حق كل شي اما ان السهم يكون له قاعده استحاله ولو يبون يودونه 150 فلس بيودونه بسهوله جدا للانا ماشي علي اى ريح عاتيه اييبيه يمين وشمال يعني انسو شي اسمه دينار او دينار وميتين خصوصا هاالايام وخلوها للاجل غير مسمي يعني بعد سنه لو غيروا سامي البدر مثلا ويابو ناس اقتصاديين لهم قواعد اقتصاديه وموازنه سليمه وماياخذون كومشين اظن السهم بيكون فيه خير تحياتي لكم

اذا طاح الجمل كثرت سجاجينه

 

[arabvb]

السلام عليكم ورحمة الله
اخواني الكرام
لى السبق الصحفي ( خير ان شاء الله )
اتصل فيني واحد من الربع قال لى شوف الانباء اليوم فيه خبر عن المجموعه د

يقول ان الأرباح بلغت 23 مليون دينار
ارباح محققه 21 مليون
ارباح غير محققه 2 مليون
التوزيعه 40% نقدي 40% منحه

احد يقدر يأكد لنا هالخبر

 

[قربان]

" نجم 2006 بالمضاربه "

اعتقد احسن وصف للسهم ... سهم مضاربي اكثر من ممتاز ..الي يعرف يضارب فيه يطلع منه ذهب علي الرغم من وضع السوق المتجه من سيء الي اسوا ..

حاليا اعتقد السهم في احتمال يمكل نزول لي 600-550 و بعدين فيها ارتداد جميل انشالله ...



بالتوفيق لجميع الاخوه من دون استثناء

 

[المطرود]

" نجم 2006 بالمضاربه "

اعتقد احسن وصف للسهم ... سهم مضاربي اكثر من ممتاز ..الي يعرف يضارب فيه يطلع منه ذهب علي الرغم من وضع السوق المتجه من سيء الي اسوا ..

حاليا اعتقد السهم في احتمال يمكل نزول لي 600-550 و بعدين فيها ارتداد جميل انشالله ...



بالتوفيق لجميع الاخوه من دون استثناء

الأخ الكريم قربان المحترم

مساك الله بالخير

شلون تضارب بالسهم إذا حضرتك تقول إنه في نزول وخاصة إني ماخذه بسعر دينار ... فهل بالإمكان واحد مثلي خسران إنه بالمضاربة يقدر يرد ولو جزء من خسارته .... أرجو التفضل بالرد على سؤالي

مع خالص الشكر والتقدير لك

 

[قربان]

الأخ الكريم قربان المحترم

مساك الله بالخير

شلون تضارب بالسهم إذا حضرتك تقول إنه في نزول وخاصة إني ماخذه بسعر دينار ... فهل بالإمكان واحد مثلي خسران إنه بالمضاربة يقدر يرد ولو جزء من خسارته .... أرجو التفضل بالرد على سؤالي

مع خالص الشكر والتقدير لك

اكيد تقدر تعوض جزء من خسارتك

لو بايع امس علي 770 و راد شاري علي 720 و بايع علي 770 مره ثانيه في نفس اليوم كان صار سعر تكلفتك 900 فلس ...
و لو راد شاري اليوم علي 720 كان صار سعر تكلفتك 850 فلس ..ها مو احسن من الدينار

بس طبعا الحجي سهل ...المضاربه تحتاج شويت مهاره و قلب قوي " و تسكيرت اذون " اذا فاهم قصدي



بالتوفيق اخوي ...

 

[راكان 77]

انسووووووو سالفة دينار ونص يا ملاك المجموعه

الله يسامح من كان السبب في تمسك بعض الاخوان

في اسهم مجموعة البدر وكلامهم وتوصياتهم انا لست

ضد من يوصي توصيه ويخطيء لان كلنا بشر والاخطاء وارده

ولاكن ان يقول السهم الفلاني رايح دينار ونصف ويحطه في توقيعه

وهو شخص ذو خبره بالسوق ويعرف ان هذا السهم منتفخ ومتضخم

ويخدع اخوانه من غير قصد وانا اعتقد انه لم يكن يقصد وانا احسن الظن

بس كم واحد شري وحصل ربح ولاباع وعاش علي الامل الكاذب

والحين خسارته ماتشيلها الجبال اشذنبهم هالمساكين

واتمني من صاحب التوصيه الي هو الجيماز انه علي الاقل يعتذر

ويعترف بخطأه وان يكون درس له ومثل مايحب ان الناس تشكره

لازم يقف ويعترف بخطأه ونقوله انت مخطيء من يوم حطيت الاسعار

المبالغ فيها (

 

[دكتوراسهم]

اوافقك الراى اخوى السهم يخوف تحليلي للسهم هدفه تحت

 

[متداول اسلامي]

كذلك تحليل الاخ قربان
http://www.indexsignal.com/vb/showthread.php?t=43154&page=6

 

[الكونكورد]

أشوف كل من هب و دب قام يفتح موضوع خاص عن المجموعة ..

حبيبي انت ياللي اسمك راكان .. روح شوفلك شغله ثانيه تفيدك غير هالسالفه ..

شي غريب قسما بالله ..

ما ادري هالناس حاشها عمى الوان ولا شنو بالضبط ..

السوق باط 150 نقطه على ويهه و الحبيب يقولي المجموعة و المجموعة ..

ما اقول الا اللهم اكفنا شماتة الشامتين ..

 

[ChuCky]

بو تسنيم ... وصلني خبر ان المجموعة الدولية لايمكن تشوف ال 900 فلس مره ثانية !!!!!!!!!!!!! واحتمال نزولها اكثر من صعودهاااا !!!
شنو تعليقك !!! انا خايف تصير مثل سهم بيان ... تصريف ونزول الى مستويات اقل من 500 فلس !!!!

 

[pipes_kse]

لا يختلف اثنان على ارباح المجموعة د بما فيها من نسبة كبيرة من ارباح محققة تصل الى 90%, فلماذا البيع بخسارة الان, اشوف سعر شراء و ليس بيع, ما زالت هذه الورقة الاخيرة التي سيلعب عليها صانع السوق

الخلاصة, البيع بعد اعلان ارباح المجموعة

 

[Bazona]

انتو ملاحظين شغلة؟؟
هالسنة أي سهم يعلن أرباح مجزية وقت اعلان الأرباح..ثاني يوم حد أدنى..
يتفاعل مع الخبر سلبا!!
ليش احنا ناطرين اعلان أرباح المجموعة؟؟
ممكن السيناريو يتكرر معاها..
just a thought!

 

[.osama]

حسب متابعتي المستمره لسهم المجموعه الدوليه بحكم اني متدبس و غرقان فيه الاحظ ان سهم المجموعه الدوليه هو من احد اسباب نزول المؤشر بسوق الكويت وليس العكس

فالسهم يوميا يتصدر قائمه الاسهم من حيث عدد الصفقات ومن حيث الكميه

بالإضافه إلى انه سهم سعره موقليل

ولازم ناخذ باعتبارنا ان نزول الاسهم هي الي تنزل المؤشر وليس العكس

واتمنى ان محد يتهمني باني اخوف الناس من السهم او ابث روح التشاؤم لاني من اكثر الناس الي ودها السهم يرتفع على الاقل علشان اقلص خسارتي فيه الي تعدت 30% وياخوفي لاتصير 60% إذا استمر الوضع على ماهو عليه كل يوم 40 و50 فلس ناقض

هالسهم هذا للاسف صار مثل السراب كل مايزيد العطش تبعد اهدافه عنا اكثر

بالاول كنا نتأمل الدينار ونص والدينارين والحين بس نبي نرجع راس مالنا ولاهو حاصل لنا

ماكان ودي تكون اول مشاركه لي تشاؤميه بهالطريقه لكن والله من الوضع الحرج الي دخلنا فيه مع هالسهم الصعب

الاستثمار فيه صار مايوكل خبز والمضاربه فيه يبيلها واحد حظه يكسر الصخر
إن بعت بالعالي على امل انك تصيده بسعر اقل يعلق ثاني يوم
وان شريته بالحد الادنى ثاني يوم يعطيك حد ادنى ثاني من اول السوق

حسبي الله عليهم ونعم الوكيل غرقونا وياهم وضيعوا هالبيزتين الي كنا متأملين نخليهم ثلاث بيزات :d​

 

[كيفاني]

الله يستر الله يستر

الله يستر لاحول ولاقوة الا بالله العلي العظيم أن لله وأنا أليه راجعون 000

 

[Bo Tasneem]

بو تسنيم ... وصلني خبر ان المجموعة الدولية لايمكن تشوف ال 900 فلس مره ثانية !!!!!!!!!!!!! واحتمال نزولها اكثر من صعودهاااا !!!
شنو تعليقك !!! انا خايف تصير مثل سهم بيان ... تصريف ونزول الى مستويات اقل من 500 فلس !!!!

هلا لأخوي ChuCky .. ..

ما أدري مصدرك شنو ومنو وليش واشحقه !! بس ياخوي السوق كله متذبذب وهبوط موطبيعي .. الله يخليكم وسعوا صدوركم وطولوا بالكم بارك الله فيكم ..

آنا قلت أول أمس وقبله .. بأن إذا استمر السوق أخضر وصعود طبيعي فراح تعلن المجموعه عن أرباحها .. وشوفت عينكم الوضع مايسمح .. وهذي بصمة نجاح وتحقيق أرباح قياسية لسامي .. فراح ينتهز الفرصة بوقت أحسن من هذا أكيد ..

ننتظر .. والله المستعان

اختي Bazona .. ..

دام إن إللي عندج مو آجل فليش تبيعين قبل إعلان التوزيعة .. السوق كله خايس فالسالفه خاربه خاربه ونطري الإعلان وبعدها شوفي الوضع .. إذا أخس الله لايقول بيعي وحسبي الله على فاعل هالمشكله .. وإذا أفضل فهذا تمام (بوتسنيم اشوي اشوي على مصطلحاتك !! شنو خايس وأخس .. باقي اشوي واتسب بعد ) ماعليه سامحوني من القهر على حال هالسوق !!


بوتسنيم​

 

[ارسطو الدروازه]

هلا لأخوي ChuCky .. ..

ما أدري مصدرك شنو ومنو وليش واشحقه !! بس ياخوي السوق كله متذبذب وهبوط موطبيعي .. الله يخليكم وسعوا صدوركم وطولوا بالكم بارك الله فيكم ..

آنا قلت أول أمس وقبله .. بأن إذا استمر السوق أخضر وصعود طبيعي فراح تعلن المجموعه عن أرباحها .. وشوفت عينكم الوضع مايسمح .. وهذي بصمة نجاح وتحقيق أرباح قياسية لسامي .. فراح ينتهز الفرصة بوقت أحسن من هذا أكيد ..

ننتظر .. والله المستعان

اختي Bazona .. ..

دام إن إللي عندج مو آجل فليش تبيعين قبل إعلان التوزيعة .. السوق كله خايس فالسالفه خاربه خاربه ونطري الإعلان وبعدها شوفي الوضع .. إذا أخس الله لايقول بيعي وحسبي الله على فاعل هالمشكله .. وإذا أفضل فهذا تمام (بوتسنيم اشوي اشوي على مصطلحاتك !! شنو خايس وأخس .. باقي اشوي واتسب بعد ) ماعليه سامحوني من القهر على حال هالسوق !!


بوتسنيم​

ماتيوز

 

[.osama]

حبيبنا يابوتسنيم

يشهد الله اني من المتابعين لمشاركتك خلال الست اشهر الاخيره ويمكن مافي مشاركه وحد لك ماقريتها

وادري انك رجل نيتك صافيه 100% وماتمدح بالسهم إلا لانك مقتنع فيه 100%

لكن وانا اخوك صاحب هالسهم شكله ذيب وماله امان ويخون حتى باقرب الناس له فما بالك بمستثمرين بسهم وده اهو (سامي البدر)يستفيد منه اقصى استفاده

ياخوي شفايده الاعلان حتى لو كان اكثر من جيد لو كانت هذي سياسه صانع السوق على السهم

سهم جراند اعلن توزيعات ممتازه وعلق السهم يومين ا و ثلاث ودخل الناس وياه وصادهم باسعار وصلت إلى 950

وشوفه عينك اليوم السهم ماباقي شي عليه ويتفصخ وهو كل يوم يعطيك حد ادنى ولاهو محترم لادعم ولاشارتات ولاهم محترم نفسه حتى

والمشكله ان ماتحس ان في احد يحاول انه يجمع او يلم السهم علشان ياخذ توزيعاته

يعني الحين شنو استفاد الشخص الي ماخذ السهم كاستثمار من اكثر من اربع شهور

انا ماخذ السهم بسعر 910 صارلي الحين اكثر من ثلاث شهور وكنت متأمل ابيعه بدينار ونص والحين بس ودي اسلم على باقي فلوسي لكن الله يعلم وين بيوقف هالسهم ومن اي سعر راح يرتد​

 

[كيفاني]

تتوقعون كم يتفسخ سهم المجموعه ؟؟؟

تتوقعون كم يتفسخ سهم المجموعه ؟؟؟



عندي أستشاره في واحد من الربع يسألني على قد حاله


شرى سهم المجموعه 1,40 الكميه 2500 سهم


شسوي يبيع متى أو ينطر عند أعلان الارباح ماذا يفعل ؟؟؟؟؟