الاربعاء الاسود غدا حسب ماوصلنا من مصادرنا

[خوش خبر]

السوق

12 ساعة بينا وبينكم وبليهان جاب لكم الخبر والعطلة سوف تكون كبيسة كما كانت في السابق وتفظلوا رقم النزول مقدما 190 حمر اغلاق

الله يجازى اللى كان السبب فى اللى صار فيك يا بليهان ما الومك انت من ضحايا السوق وما تشوف شر

 

[anaahmad]

12 ساعة بينا وبينكم وبليهان جاب لكم الخبر والعطلة سوف تكون كبيسة كما كانت في السابق وتفظلوا رقم النزول مقدما 190 حمر اغلاق

يااخى فال الله ولا فالك
السوق انشالله اخضر ونعوض شوى من خسايرنا

 

[مستثمر من 1996]

لو كل منتدى فتح موضوع مثل هالموضوع ، السوق ما رح يشوف اللون الاخضر ابداً ،

الناس بدون شي مخترعة

 

[اقتصاد77]

أخوي شايفك .. حتى لو ما إتفقنا معاه ... يبقى الرجل له رأيه ونحترمه .

يااخي سهم استثماري انا يوم اقول بان بليهان اهو كريدي
اللي يكتب في النوادي انا محق في كلامي لان الاسلوب
نفسه وطريقته في فتح المواضيع بكثره وكله يسوي نفسه
فاهم واهو مايدري وين الله قاطه .. بذمتك في انسان عاقل
يقول هالكلام اللي قاله درجه انه تدخل في علم الغيب
ولا حتى ذكر اسم الله ..

 

[قرطبه]

بليهان العقل زين

احنا شنو اللي شاقنا غير بليهان وربعه
على اي اساس تقول احمر واخضر
لو عند شارت حطه واشرح
ولتعلم الغيب قولنا يمكن نصير ربعك
بس من ها الاشاعات المغرضه اللي ما تودي ولا تيب والواحد خل يوزن شنو قاعد يقول
اللي يبي يزيد عدد مشاركاته علشان يتغير المسمى من جديد الى نشط خل يطلب من المشرفين ترا ما يقصرون

 

[طير شلوة]

كذب المنجمون ولو صدقوا 190 ليش مو 189 ولا 191 شنو البلورة اقصد الشارت العجيب اللي عندك

 

[المستكشف]

اذا صار نزول قوي بكره لازم تعتذرون لبليهان

 

[BUTTERFLY]

كذب المنجمون ولو صدقوا 190 ليش مو 189 ولا 191 شنو البلورة اقصد الشارت العجيب اللي عندك

أذا طلع الكلام الي المكتوب بجريدة السياسة صحيح ابشر ان السوق خضر

 

[بو اسكندر]

اذا صار نزول قوي بكره لازم تعتذرون لبليهان

نيته طيبه انشاء الله بس باكر نبيه يعتذر اذا صعد

 

[ALMOHET]

[QUOTE=ebjad]أخ بليهان لقد قلت كلاما غير مبني على حقائق ومعلومات تستطيع أن تقنع فيها مرتادى هذا المنتدى المحترم والمثل يقول: الكلام اللي ما عليه اثبوت يموت. أما بخصوص تراجع السوق خلال اليومين الماضيين فهو بسبب الفجوات التي حدثت من الارتفاع الهائل يوم السبت الماضي الامر الذى جعل معظم الاسهم تقفز بالحد العالي وتترك خلفها فجوات كبيره لا يمكن ان نسميها بفجوات منطلقه وجب على المؤشر التراجع لتسكيرها ثم بعد ذلك سترون أن شاء الله ارتداده موفقه . أخواني أى ارتفاع غير متدرج في الصعود لايمكن الاعتداد به لان الذى حدث للسوق في يوم السبت الماضي كان استجابه نفسيه للاخبار التي اشيعت عن دعم السوق دون قناعه شخصيه للمتداولين في القيم السوقيه والثقه بها . فكان التفاعل النفسي مع الخبر بحجة أغتنام الفرص لئلا يرتفع السوق ويفوت على من لم يغتنمها النصيب . فكانت الحركه تتبع اسلوب القطيع مع الاسف فأندفع الكل في الشراء ونسوا أو تناسوا ما قد يحدث جراء ذلك . فأطمئنوا السوق متى بنى ما تركه من فجوات سيرتد وتلقون خير . فأبتعدوا عن الاساليب الرخيصه التي يتبعها ضعاف النفوس ومروجي الشائعات والذين اصبحوا بمثابة الطابور الخامس الذى يسعى لتحطيم المعنويات وتثبيط الهمم فالرجال ذووا الهمم العاليه لا تهزهم الرياح والاعاصير التي يثيرها مروجي الشائعات . والسلام

أحييك أخي الفاضل على كلامك المنطقي ..الله يكثر من أمثالك[/QUOTE]


الشارت يتكم ويتنبئ بالخبر

السوق متجه ل9000

 

[طير شلوة]

أذا طلع الكلام الي المكتوب بجريدة السياسة صحيح ابشر ان السوق خضر

الله يبشرك بالخير شقايلين السياسة

 

[طير شلوة]

أذا طلع الكلام الي المكتوب بجريدة السياسة صحيح ابشر ان السوق خضر

بليهان تعلم التفائل من هالناس اللي تتعب على الاخبار الطيبه اللي مثلهم مو تدور الاخبار الشينه الله يهداك

 

[المعوشرجي79]

السوق بداية الى 9500 نقطه ومن ثم 9000 نقطه ويبدولي الدعم القوي عند 8700 نقطه !!!!

 

[BUTTERFLY]

بليهان تعلم التفائل من هالناس اللي تتعب على الاخبار الطيبه اللي مثلهم مو تدور الاخبار الشينه الله يهداك

بعد شنو شالوا الحرامي

 

[BUTTERFLY]

السوق بداية الى 9500 نقطه ومن ثم 9000 نقطه ويبدولي الدعم القوي عند 8700 نقطه !!!!

انت تدري اخوي المعوشرجي عن اي رقم تتكلم يعني هل الرقم ان اسعار الاسهم دون 250 فلس.
وانتوا وايد مهتمين بالمؤشر يبه هل المؤشر مثل الركيبي اسهم تفصخت والبست كذا مره واتفصخت والمؤشر ما تحرك بتفصيختهم
يعني مؤشر السوق وهمي
مثال لاحظ غدا اسهم كثيرة راح تتفصخ منها جلوبل شوف المؤشر ما راح ينزل معها ولكن يصعد مها.


اليوم كله بكتب بالون الاخضر من زمان ما شفت هل الون بعود عيني حق باجر انشالله خضر.

 

[المعوشرجي79]

انت تدري اخوي المعوشرجي عن اي رقم تتكلم يعني هل الرقم ان اسعار الاسهم دون 250 فلس.
وانتوا وايد مهتمين بالمؤشر يبه هل المؤشر مثل الركيبي اسهم تفصخت والبست كذا مره واتفصخت والمؤشر ما تحرك بتفصيختهم
يعني مؤشر السوق وهمي
مثال لاحظ غدا اسهم كثيرة راح تتفصخ منها جلوبل شوف المؤشر ما راح ينزل معها ولكن يصعد مها.


اليوم كله بكتب بالون الاخضر من زمان ما شفت هل الون بعود عيني حق باجر انشالله خضر.

شخبارك اخوي بتر فلاي انت من الناس القدامي الي اعرفهم ولكن هذا الواقع راح تستغل الشركات والمحافظ والصناديق والهوامير هالخبر وراح يبدأ الخسف غدا وانا غدا لناظره قريب ولا حول ولا قوة الا بالله العلي العظيم

 

[BUTTERFLY]

شخبارك اخوي بتر فلاي انت من الناس القدامي الي اعرفهم ولكن هذا الواقع راح تستغل الشركات والمحافظ والصناديق والهوامير هالخبر وراح يبدأ الخسف غدا وانا غدا لناظره قريب ولا حول ولا قوة الا بالله العلي العظيم

هلا بالمعوشرجي كل ما اقره اسمك اتذكر عربي قابضة الي خافسة بالناس خفاس كلها عقود وتوزيعتها ولاشي عقود وينزل السهم الظاهر هل السنه يقولون بيوزع بك ماك وشبس وبيبسي.
المهم ما اطول عليك تفائل بالامل وانت كنت من الناس الي كنت دائما متفائل تذكر الدوليه للتمويل اشسوت فيك ووين راحت بعدها.
ولاتنسي اذا طلع الخبر صحيح ابشر بالخير جايك انشالله.

 

[بو سليمان]

لو الله يفكنا من هالأخبار البايخة كان إحنا بألف خير .. و إنتوا ما عندكم سالفة إلا يوم أسود و إنهيار و كارثة و باقي هالكلمات اللي ما لها سالفة .. و بعدين يا أخي إذا تبي تتنبأ عن شي بالمستقبل على الأقل قول و الله أعلم مو كأنك قارئة الفنجان .........على العموم عدم الثقة من قبل صغار المستثمرين و الخوف من السوق سببه إنت و أشكالك اللي ما لهم سالفة غير التكهنات و الخرابيط و إذا إنت خايف من السوق و تحذر الناس من الأسهم يا أخي روح إشتغل بسوق الفقع أحسن لك.

مجرد راي من الممكن تاخذ به او تركه لكن لا يجوز الاسلوب

الشراء و البيع حريه و فناعة

لا يجوز اللي حصل مع الاحترام

 

[البيروتي]

اخواني حذرت من يوم السبت من السوق سوف يهبط الي النزول في منتدي النوادي وحذرت وقلت ان من لايبيع خسران ومن يشتري خسران وان عند ربي صاج اخواني نصيحة ترا غدا حسب معلوماتي سوف يكون الاربعاء الاسود كما كان في 8/3/2006 دربالكم واخرتها انطردت من المنتدي من سبب النصيحة فعاد يامشرفين ومراقبين السوق غدا سترون 9950في المؤشر وانا لاقلت قلت وجاكم العلم

يا بليهان حرام عليك تخرع الناس , انت تدري بكلامك هذا تساعد المحافظ والصناديق
على تنزيل السوق وعلى فكره ترى اغلب كلامك اللى قبل وتوصياتك كلها طلعت
فشوش يعنى خرطى

مو معنى انك بعت اسهمك تبي الناس تبيع وراك

 

[المناور]

والله الشرهه على المشرفين والمراقبين

المنتدى صار ساحه للمنجمين والمطبلين

الرأى الغير مبنى على تحاليل علميه ومنطقيه

من المفترض ان لايكون له مكان هنا

ومن واجب المشرف حذفه فورا