الاكتتاب في صندوق ايفا الاسلامي ( عسجد)

[على حمد]

يا ليت تفيدونا شلون طريقة التسجيل وتحويل المبلغ اذا امكن؟؟؟ والارباح وين تنزل؟ هل على الحساب بالبنك ام استلمها من الشركةبشيك ؟؟ وهلما جرا ....هذا مع خالص الشكر للجميع

 

[Bo Enzo]

ياريت لوتبينون طريقة عمل الصناديق وتوزيع الارباح

وكم نسبة الارباح المتوقعة بعد سنة او سنتين ؟

والحين في اكثر من صندوق للاكتتاب ايفا والمؤشر والهند شنو تنصحوني فيه ؟

وشلون اعرف قيمة الوحدة وصعودها ونزولها يوميا ؟

 

[boalons]

. على العموم أنا داش الصندوق بقوة 10,000 دينار ..... وخر عني ..... ولك إكزوز اللمبرقيني يعفط لل10,000 مالتي .

.

ها ها ها هي

والله انك ظحكتني ونسيتنا بلا السوق شوى

وعسى الله يرزقك منه ويوفقك

 

[Mohammadd]

شركة الإستشارات المالية الدولية - ايفا
العنـــــــــــــوان مجمع الصالحية التجاري ، مدخل رقم (1) ، الدور الخامس.‏
تلفـــــــــــــــون ‏2455636 - 2455363 (965)‏
فاكــــــــــــــــس ‏2404964 - 2459631 (965)‏

844432 also

النصيحه يا جماعه توجيه الإستفسارات والأسئله وأخذ المعلومه مباشره من الشركة . أرقام الشركة الشباب جزاهم الله خير ذاكرينها بالإقتباس أعلى.
دق على الشركة وأسئل وأستفسر على راحتك أو زورهم في الشركة ولا تتردد تراهم ميتين على فلوسك ولا تدش على الصندوق إلا إذا كنت مرتاح تماما ومتطمن أن الربع يستاهلون وما منهم خوف.

أستشير و أستخير والله يكتب اللي فيه للجميع إنشاءالله.

بالندوه وزعوا علينا CD وفيه الملفات المرفقه بالأسفل ... أرجوا أن تعم الفائدة.

 

[كاسر المقاومه]

اتوقع له النجاح نفس صندوق ايفا الاستثماري

 

[hindkwt]

تسلم يالغالي انت بتكتتب فيه؟

 

[hindkwt]

الي باط جبدي بأيفا مصاريف التأسيس مالتهم عاليه يعني 2ونص وفوق وباقي الشركات على نص بس

 

[أوتاد]

تو كلمتهم ..وقالو مافيه شي مضمون والارباح سنويه
وقالت اذا كنتي خايفه من حركة السوق تقدرين تاخذين فلوسج بعد 3شهور
وصراحه ماتطمنت قالت الموظفه النزول ماراح يكون قوي مثل السوق...؟؟

والحين شنو تنصحون اكتتب ولالا

 

[Nasser pwc]

تو كلمتهم ..وقالو مافيه شي مضمون والارباح سنويه
وقالت اذا كنتي خايفه من حركة السوق تقدرين تاخذين فلوسج بعد 3شهور
وصراحه ماتطمنت قالت الموظفه النزول ماراح يكون قوي مثل السوق...؟؟

والحين شنو تنصحون اكتتب ولالا

هلا اختي

دام جذي خايفه انصحج بودائع بنك بوبيان ضمان وامان بإذن الله​

عندهم وائع غير ثابته وانتي تتحكمين بالمده الي تبينها هذا من غير صناديقهم الممتازه​

وتقدرين تستفسرين منهم بخصوص الودائع اما صناديقهم بالامانه انا مو داشهم بس اخوي داشهم ويقول جيده من بدايتها

وهذا رقمهم 820082​

 

[أوتاد]

مشكور اخوي ناصر استفدت من معلوماتك ...

 

[Mohammadd]

زيادة معلومات عن الإكتتاب بالصندوق ....

رقم حسابهم ببيت التمويل الكويتي 011010087525
أسم المستفيد : شركة الإستثمارات المالية الدوليه

ليس الهدف من المعلومه هو التشجيع والحث على الإكتتاب ولكن يعلم الله إنما هي لتسهيل الطريق لمن يرغب بالإكتتاب .... والله من وراء القصد.

 

[وردة اليرموك]

ملحوظه هامه

السوق منهـــــــــــــــــــــــــــــــــــــــــــــــــــــــــــــــــــــــــــــــــــــــــــار وايفا منزله صندوق من اللي عنده فلوس الحين واللي عنده فلوس ماراح يغامر ويحطها ووضع السوق منهار اكيد الناس خايفه الحين الناس تبي افلوسها ولو يحصلون افلوسهم راح يحطونها وديعه بالتمويل وشكرا

 

[حمووودي]

سؤال الى الاعضاء والاخوان بالمنتدى ؟؟؟

ممكن اعرف شنو فايدة صندوق العسجد ؟؟؟

يعني انا سمعت انه ادنى حد للاكتتاب اهو مبلغ 1020 الف وعشرون دينار ؟؟

يعني فرضنا حطيت وشاركت بهالمبلغ ؟؟؟ شنو فايدتي ؟؟؟ وجم احصل ؟؟؟ وجم يصيرون فلوسي وشلون التوزيع سنوي او شهري او كل ست شهور وجم يطلع لي ؟؟؟

 

[أوتاد]

والله شووف باختصار كلمت وحده من موظفاتهم..
قالتلي مافيه شي مضمون..بس دامه اسلامي فان شاءالله ربي
يطرح فيه البركه .

ادني حد للاكتتاب الف دينار .20 حق خدمه مدري عموله .

المبلغ تقدر تسترده بعد ثلاث شهور..والارباح سنويه مو شهريه.

وماراح يقولون جم يطلع المبلغ عشانه اسلامي ..
والله اعلم

 

[حمووودي]

والله شووف باختصار كلمت وحده من موظفاتهم..
قالتلي مافيه شي مضمون..بس دامه اسلامي فان شاءالله ربي
يطرح فيه البركه .

ادني حد للاكتتاب الف دينار .20 حق خدمه مدري عموله .

المبلغ تقدر تسترده بعد ثلاث شهور..والارباح سنويه مو شهريه.

وماراح يقولون جم يطلع المبلغ عشانه اسلامي ..
والله اعلم

عندي خبر بس انا قصدي يعني جم يطلع لي كل سنه لو قطيت الف دينار حد ادنى بالصندوق ؟؟؟ يعني تقريبآ الصناديق المشابهه له جم يطلع ؟؟

 

[أوتاد]

قالو مافيه شي مضمون..يعني مو اكيد تربح ..

وقريت رد في هالموضوع تقريبا صفحه 12
ان صندوق ايفا ان شاءالله ارباحه 100بـ%

تقدر تقرا هالرابط وتستفيد من المعلومات اللي فيه
مو بس عن ايفا الا عن معظم صناديق الاستثمار ..

http://www.indexsignal.com/vb/showthread.php?t=40663

 

[حمووودي]

قالو مافيه شي مضمون..يعني مو اكيد تربح ..

وقريت رد في هالموضوع تقريبا صفحه 12
ان صندوق ايفا ان شاءالله ارباحه 100بـ%

تقدر تقرا هالرابط وتستفيد من المعلومات اللي فيه
مو بس عن ايفا الا عن معظم صناديق الاستثمار ..

http://www.indexsignal.com/vb/showthread.php?t=40663

فاهمك فاهمك بس اللي مو فاهمه شغله ياليت توضحها لي ؟؟

ادري مافي شي مضمون ؟؟؟
بس افرض لو اني اكتتبت بالحد الادنى على سبيل المثال

يعني استلم ارباحي بعد سنه ؟؟؟ لمن يعلنون بالجرايد ؟؟؟

يعني جم استلم تقريبآ ؟؟؟؟ 100 دينار بعد سنه ؟؟ او 400 دينار ؟؟ او 20 دينار او 40 دينار ؟؟؟؟

 

[أوتاد]

ان شاءالله الاخوان يفيدونك اكثر ..

انا اول مره بحياتي بساهم ولحد الحين
ماراح اسوي اي شي الا لما استخير
والرقم التقريبي ان شاءالله يفيدونا فيه الاخوان والاخوات..

اسفه ما افدك بالشكل المطلوب

 

[أوتاد]

موضوع اتوقع راح يفيدك..

http://www.indexsignal.com/vb/showthread.php?t=43996

 

[wildibm]

اعيد واكرر مانصح احد بدخول صندوق مجاله اسهم الشركات المدرجة في البورصة.
مو علشان صندوق ايفا وزعت ارباح 100% معناته راح توزع نفس الربحية مرة ثانية

انا اقول لو تحطون فلوسكم في صناديق الطاقة افضل بكثييييير
ليش؟
لأن سوق الطاقة مرتفع وعمره ماراح ينزل وهو في صعود مستمر
برميل النفط كان 40$ والحين صعد إلى 64$ (ترى بغيت اكتب فلس :d )

والحين راح يسوون مدينة كبيرة في قطر , كلها نفط وغاز طبيعي وصندوق قلوبال راح يشترك فيه.
وحتى اذكر حاطين في الجريدة صورة المدينة (صفحتين طول بعرض)


انا ماحب اخش عليكم
وهذي مو توصية مجرد راي (علشان لا احد يدعي علي)
عندكم مخ فكروا وشوفوا

والله يوفق الجميع