شركة اتصالات ثالثه

[خالـــــد]

الطبطبائي قال ما يصير ناخذ راي الزوجه للزواج من الثانيه

اكيد ماراح ترضى

 

[.osama]

كل ماقلت هانت شانت ازود من اول​

 

[محمد2]

أكيد هذا زواج مسيار

 

[hindkwt]

حبيبي النقاش مايصير جذي!! شنو رمضان و بوفيه ومادري شنو؟ شهالكلام

إذا عندك رد منطقي و أرقام و هالأمور أهلا وسهلا ما عندك رجاء لا تكتب أحسن.

بوعتيج انا متفهمه انك مساهم في الشركه وماتبي تخسر وتبي تحمي استثماراتك بس مو بهالطريقة يعني خليت ثلاثة ارباع المنتدى يستهزؤن فيك قاعط تطلب رد منطقي من الأخ وحظرتك قاعد تطلب دراسة جدوى حق شركة اتصالات بالكويت!!!

يعني هذا الشي يحتاج دراسة جدوى بالله عليك؟ يعني هذا شي بسيط بأمكانك تروح حق الف مكتب دراسة جدوى روح شوف شيقولك بس لاتروح مكاتب تابعه حق شركات الأتصالات الحالية رجاءا ماله داعي الكلام الي ماله داعلي وارجع واقول لك حق انك تدافع عن استثماراتك بس مو بهالسذاجة عيني مثلا قول السبب بصراحه انك ماتبي تخسر صدقني الناس هني راح تقدرك وراح تقولك من حقكك تدافع عن استثماراتك بس تقول الشركه راح تفشل ومالها جدوى اقتصاديه احنا مو يهال هني وانت تقول انه ال 3جي ماشتغل بأي دولة بالعالم الحين رديت وقلت انه فعلا شغال بالبحرين! يعني البحرين سوقهم يستوعب 3جي بس احنا لاء ؟ولا عشان يبون بس يسحبون السوق من بتيلكو لأن مااتفقوا معاهم على الأسعار نفس المسخرة الي صايره هني؟ عيل يامعود قول انشالله تطلع شركة ثالثة هني بعد وماتتفق معاهم عشان نشوف ال 3 جي الي نحلم فيه بس!

ثانيا انا بقولك شغله ثانيه ومهمه

اذا الشركة الثالثه راح تخسر وماراح يكون لها جدوى اقتصادية وراح تسكر من اول سنه مثل ماقال التيس البراك خلاص عيل معناته هذا شي وايد زين للأتصالات المتنقلة ليش مسوين مؤتمر صحفي؟ اها يمكن عشان خايفين على فلوس المتقاعدين!!!!!!!! شفت السذاجة؟

ترى المشكلة تكون بالسذاجة والأستخفاف بعقول الناس مو حقهم بالدفاع عن نفسهم يعني لو قاليلين نبي الحكومه تحمينا عشان ماتخسر جان الناس وقفت معاهم مو يقول الشركه راح تفشل ومالها جدوى والحبيب طاق الصدر ومعصب مادري من متى ال ام تي سي تهتم بحقوق المواطنين المتقاعدين مادري مكتب محاماة ولا شركة اتصالات

بس ماقول الا كفك يالبراك يالعقيدي يعني عباله بيصير مثقف لما يشتري الشهادة ويلبس بدله ويقعد يتفلسف على خلق الله بالجرايد صج انك تستلمت همشة من ال ام تي سي لكنك رحت كبش فداء ال ام تي سي عشان يدافعون عن نفسهم .

تفظل الموقع http://www.alvarion.com بأمكانك تراسلهم وتقولهم نوعية الشبكه الي تبيها والمساحة وعدد المشتركين ويرسلون لك عرض السعر

واذا تبي اي معلومات ثانيه عن هالموضوع انا حاظره لأن هذا مجال دراستي وانشالله نشوف لك شركة اتصالات خاصه يوم من الأيام حالك حال غيرك

 

[بوزايد]

خل يحطون الف شركه مو بس ثالثه بس بشرط
1-اكتتاب عام .
2- التأمينات ما تكون شريك بالشركه.
3-السعدون ما يحط ايده فيها لامن قريب ولا من بعيد.
عبالكم السعدون والطبطبائى يتعبون عشان عيونكم ؟ تحلمون تراا
ما ادرى ليش تذكرت صفقة الخس مالت وزارة الدفاع والعضو (حبة الخس الواحد = دينار)
اللى كل يوم يدش المجلس الملف وياه واخر شى عقد بوزارة الدفاع بلع لسانه وانطم . السعدون مثله عنده شى يبى يقوله ويساوم الحكومه عليه عطونى شركة اتصالات واسكت
عرفتوا ليش الديره ما ينزرع فيها بطيخ ..
فهمتوا شى ؟ طاف

 

[Cha3bar]

يشهد الله إن هذا الموضوع لا ناقة لي فيه ولا جمل .. طرق أسهم التأسيس في شركتي الإتصالات

حاليا الشركتين ينافسون شركات أكبر في أسواق أكبر من سوق الكويت، يدفعون ويستثمرون مبالغ كبيرة تفوق رؤوس أموالهم في هذه الأسواق لقناعة منهم بأنها أسواق مجدية وفي نفس الوقت يقومون على تطوير شبكاتهم المحلية في الكويت وتحسين أداء الخدمات

بالنسبة لتكلفة شبكة الجي إس أم، ترى مو بس هذي التكلفة الوحيدة على الشركة عشان تشتغل، قبل كل هذا يجب عى الشركة تصميم دوائر الربط لشبكتها في الكويت وطريقة ربطها بالشبكات الأخرى وشبكة وزارة المواصلات "بدون الدخول بتفاصيل فنية" حتى لا تكون شبكة مغلقة على نفسها (المعنى إني كمشترك في هذه الشركة الجديدة أستطيع الإتصال على الشبكات الأخرى وعلى الهواتف الثابتة في المنازل) هذه العملية تحتاج معدات وخطوط ربط رئيسية وإحتياطية ودفع إشتراكات لجهات مستفيدة

زين نأتي لموضوع خدمات الإتصال الدولية حاليا في ثلاثة وسائل لربطها، إما عن طريق المحطات الأرضية المربوطة بالأقمار الصناعية، أو تأجير مجال دولي في الكيبل البحري عن طريق وزارة المواصلات، أو ربط الإتصالات الصوتية بخطوط نقل المعلومات ما يطلق عليه "VoIP .. Voice Over Internet Protocol" طبعا الشركتين حاليا يمتلكون كل هذه الخاصيات الثلاث لضمان إستمرار الخدمة في حال إنقطاع الخدمات الأخرى

طبعا هذا غير العمالة المطلوبة وغير وغير وغير .. أي شركة راح تدخل هذا المجال في الكويت راح تستثمر مبالغ طائلة وما أدري متى راح تقدر تحقق مثل ما ذكرت لكم سابقا نقطة التعادل

 

[hindkwt]

يشهد الله إن هذا الموضوع لا ناقة لي فيه ولا جمل .. طرق أسهم التأسيس في شركتي الإتصالات

حاليا الشركتين ينافسون شركات أكبر في أسواق أكبر من سوق الكويت، يدفعون ويستثمرون مبالغ كبيرة تفوق رؤوس أموالهم في هذه الأسواق لقناعة منهم بأنها أسواق مجدية وفي نفس الوقت يقومون على تطوير شبكاتهم المحلية في الكويت وتحسين أداء الخدمات

بالنسبة لتكلفة شبكة الجي إس أم، ترى مو بس هذي التكلفة الوحيدة على الشركة عشان تشتغل، قبل كل هذا يجب عى الشركة تصميم دوائر الربط لشبكتها في الكويت وطريقة ربطها بالشبكات الأخرى وشبكة وزارة المواصلات "بدون الدخول بتفاصيل فنية" حتى لا تكون شبكة مغلقة على نفسها (المعنى إني كمشترك في هذه الشركة الجديدة أستطيع الإتصال على الشبكات الأخرى وعلى الهواتف الثابتة في المنازل) هذه العملية تحتاج معدات وخطوط ربط رئيسية وإحتياطية ودفع إشتراكات لجهات مستفيدة

زين نأتي لموضوع خدمات الإتصال الدولية حاليا في ثلاثة وسائل لربطها، إما عن طريق المحطات الأرضية المربوطة بالأقمار الصناعية، أو تأجير مجال دولي في الكيبل البحري عن طريق وزارة المواصلات، أو ربط الإتصالات الصوتية بخطوط نقل المعلومات ما يطلق عليه "VoIP .. Voice Over Internet Protocol" طبعا الشركتين حاليا يمتلكون كل هذه الخاصيات الثلاث لضمان إستمرار الخدمة في حال إنقطاع الخدمات الأخرى

طبعا هذا غير العمالة المطلوبة وغير وغير وغير .. أي شركة راح تدخل هذا المجال في الكويت راح تستثمر مبالغ طائلة وما أدري متى راح تقدر تحقق مثل ما ذكرت لكم سابقا نقطة التعادل

حبيبي سواءا حققت ارباح او خسرت حالها حال الشركات الي كل يوم قاعده تنزل والي مايبي لا يكتتب اعتقد هاذي اسمها اسهم وتجارة والأنسان الذكي يعرف يختار الشركة الي راح تنجح من الي راح تخسر من معطيات السوق الي شايف انها راح تخسر لا يكتتب فيها والي شايفها بتربح يكتتب وخلصنا احنا مو بدولة شيوعية عشان نغصب الناس على اي شي

 

[Cha3bar]

حبيبي سواءا حققت ارباح او خسرت حالها حال الشركات الي كل يوم قاعده تنزل والي مايبي لا يكتتب اعتقد هاذي اسمها اسهم وتجارة والأنسان الذكي يعرف يختار الشركة الي راح تنجح من الي راح تخسر من معطيات السوق الي شايف انها راح تخسر لا يكتتب فيها والي شايفها بتربح يكتتب وخلصنا احنا مو بدولة شيوعية عشان نغصب الناس على اي شي

السلام عليكم

مبدأ تأسيس الشركة الثالثة أن تكون أولوية الإكتتاب للمتقاعدين عن طريق التأمينات، يعني موضوع الإكتتاب شبه إجباري مو إختياري

في شغله شدتني في مداخلة سابقة بخصوص دراسة الجدوى إن كان المشروع مجدي أو غير مجدي، يا ريت لو تطلعين على مزايدة رخصة الإتصالات في إيران العام الماضي إلي دخلت فيها شركتي الوطنية والإتصالات متضامنتين ولكن عرض الشركة التركية كان أعلى بكثير وهنا أعلنوا أنه لا جدوى من الإستثمار في السوق الإيراني بهذا السعر حتى مع ترخيص الخدمة لمدة 15 سنة، بعد أشهر إنسحبت الشركة التركية عندما أدركت الخطآ الفادح الذي وقعت به

حالة أخرى رخصة الإتصالات في باكستان من أشهر قليلة التي حازت عليها شركة إتصالات الإماراتية تقريبا نفس السيناريو والآن توصلوا لحل وسط لتسديد الدفعة الأولى من هذا الإستثمار

 

[bu3teeg72]

بوعتيج انا متفهمه انك مساهم في الشركه وماتبي تخسر وتبي تحمي استثماراتك بس مو بهالطريقة يعني خليت ثلاثة ارباع المنتدى يستهزؤن فيك قاعط تطلب رد منطقي من الأخ وحظرتك قاعد تطلب دراسة جدوى حق شركة اتصالات بالكويت!!!

يعني هذا الشي يحتاج دراسة جدوى بالله عليك؟ يعني هذا شي بسيط بأمكانك تروح حق الف مكتب دراسة جدوى روح شوف شيقولك بس لاتروح مكاتب تابعه حق شركات الأتصالات الحالية رجاءا ماله داعي الكلام الي ماله داعلي وارجع واقول لك حق انك تدافع عن استثماراتك بس مو بهالسذاجة عيني مثلا قول السبب بصراحه انك ماتبي تخسر صدقني الناس هني راح تقدرك وراح تقولك من حقكك تدافع عن استثماراتك بس تقول الشركه راح تفشل ومالها جدوى اقتصاديه احنا مو يهال هني وانت تقول انه ال 3جي ماشتغل بأي دولة بالعالم الحين رديت وقلت انه فعلا شغال بالبحرين! يعني البحرين سوقهم يستوعب 3جي بس احنا لاء ؟ولا عشان يبون بس يسحبون السوق من بتيلكو لأن مااتفقوا معاهم على الأسعار نفس المسخرة الي صايره هني؟ عيل يامعود قول انشالله تطلع شركة ثالثة هني بعد وماتتفق معاهم عشان نشوف ال 3 جي الي نحلم فيه بس!

ثانيا انا بقولك شغله ثانيه ومهمه

اذا الشركة الثالثه راح تخسر وماراح يكون لها جدوى اقتصادية وراح تسكر من اول سنه مثل ماقال التيس البراك خلاص عيل معناته هذا شي وايد زين للأتصالات المتنقلة ليش مسوين مؤتمر صحفي؟ اها يمكن عشان خايفين على فلوس المتقاعدين!!!!!!!! شفت السذاجة؟

ترى المشكلة تكون بالسذاجة والأستخفاف بعقول الناس مو حقهم بالدفاع عن نفسهم يعني لو قاليلين نبي الحكومه تحمينا عشان ماتخسر جان الناس وقفت معاهم مو يقول الشركه راح تفشل ومالها جدوى والحبيب طاق الصدر ومعصب مادري من متى ال ام تي سي تهتم بحقوق المواطنين المتقاعدين مادري مكتب محاماة ولا شركة اتصالات

بس ماقول الا كفك يالبراك يالعقيدي يعني عباله بيصير مثقف لما يشتري الشهادة ويلبس بدله ويقعد يتفلسف على خلق الله بالجرايد صج انك تستلمت همشة من ال ام تي سي لكنك رحت كبش فداء ال ام تي سي عشان يدافعون عن نفسهم .

تفظل الموقع http://www.alvarion.com بأمكانك تراسلهم وتقولهم نوعية الشبكه الي تبيها والمساحة وعدد المشتركين ويرسلون لك عرض السعر

واذا تبي اي معلومات ثانيه عن هالموضوع انا حاظره لأن هذا مجال دراستي وانشالله نشوف لك شركة اتصالات خاصه يوم من الأيام حالك حال غيرك

أولا أعتذر عن التأخير في الرد.

وثانيا أنا ما عندي غير هالـ1200 سهم ماكو غيرهم بأحدى الشركتين حالي حال خلق الله.. بس السالفة سالفة مبدأ و قلتلج على الأقل لازم يسون دراسة جدوى اقتصادية وهذا شي متعارف عليه مو من عندي! لو عندج فكرة مشروع صغير أبو 100 أو 150 ألف دينار وتروحين حق شركة المشروعات الصغيرة راح يقولون لازم تدرسين السوق و تسوين دراسة جدوى اقتصادية و تحطين خطة عمل (business plan) وتناقشينها معانا بالتفصيل. فما بالج بشركة المفروض رأس مالها بالملايين؟ يعني مادري بصراحة هل مثل هالطلب فعلا يخلي على قولتج ثلاث أرباع المنتدى يستهزون فيني؟

المشكلة إني قاعد أشوف وايد مشاركات قاعدة تنوخذ بشكل عاطفي وانفعالي مو بموضوعية و عقلانية مع الأسف!


على فكرة الموقع اللي ذكرتيه لشركة تعطي حلول داعمة لشركات الإتصالات مو أجهزة الشبكات المعروفة (يعني مو BTS أو BSC، إلخ) ولا الشركة معروفه أصلا بالسوق.. بس إذا تبين أنا ممكن أعطيج فكرة بسيطة عن أسعار الشبكات بشكل عام لآن هذا مجال عملي.


ملاحظ أخيرة.. أشوف وايد متحامله على البراك عسى ما شر؟



سؤال وللجميع....

شمعنا تحركوا فطاحل مجلس الأمة فجأة على موضوع الشركة الثالثة بعد ما كان نايم مدة طويلة؟

 

[bu3teeg72]

يشهد الله إن هذا الموضوع لا ناقة لي فيه ولا جمل .. طرق أسهم التأسيس في شركتي الإتصالات

حاليا الشركتين ينافسون شركات أكبر في أسواق أكبر من سوق الكويت، يدفعون ويستثمرون مبالغ كبيرة تفوق رؤوس أموالهم في هذه الأسواق لقناعة منهم بأنها أسواق مجدية وفي نفس الوقت يقومون على تطوير شبكاتهم المحلية في الكويت وتحسين أداء الخدمات

بالنسبة لتكلفة شبكة الجي إس أم، ترى مو بس هذي التكلفة الوحيدة على الشركة عشان تشتغل، قبل كل هذا يجب عى الشركة تصميم دوائر الربط لشبكتها في الكويت وطريقة ربطها بالشبكات الأخرى وشبكة وزارة المواصلات "بدون الدخول بتفاصيل فنية" حتى لا تكون شبكة مغلقة على نفسها (المعنى إني كمشترك في هذه الشركة الجديدة أستطيع الإتصال على الشبكات الأخرى وعلى الهواتف الثابتة في المنازل) هذه العملية تحتاج معدات وخطوط ربط رئيسية وإحتياطية ودفع إشتراكات لجهات مستفيدة

زين نأتي لموضوع خدمات الإتصال الدولية حاليا في ثلاثة وسائل لربطها، إما عن طريق المحطات الأرضية المربوطة بالأقمار الصناعية، أو تأجير مجال دولي في الكيبل البحري عن طريق وزارة المواصلات، أو ربط الإتصالات الصوتية بخطوط نقل المعلومات ما يطلق عليه "VoIP .. Voice Over Internet Protocol" طبعا الشركتين حاليا يمتلكون كل هذه الخاصيات الثلاث لضمان إستمرار الخدمة في حال إنقطاع الخدمات الأخرى

طبعا هذا غير العمالة المطلوبة وغير وغير وغير .. أي شركة راح تدخل هذا المجال في الكويت راح تستثمر مبالغ طائلة وما أدري متى راح تقدر تحقق مثل ما ذكرت لكم سابقا نقطة التعادل

كلامك كله صح و تقريبا نفس اللي أنا قاعد أقوله.. يعطيك العافية

 

[hindkwt]

السلام عليكم

مبدأ تأسيس الشركة الثالثة أن تكون أولوية الإكتتاب للمتقاعدين عن طريق التأمينات، يعني موضوع الإكتتاب شبه إجباري مو إختياري

في شغله شدتني في مداخلة سابقة بخصوص دراسة الجدوى إن كان المشروع مجدي أو غير مجدي، يا ريت لو تطلعين على مزايدة رخصة الإتصالات في إيران العام الماضي إلي دخلت فيها شركتي الوطنية والإتصالات متضامنتين ولكن عرض الشركة التركية كان أعلى بكثير وهنا أعلنوا أنه لا جدوى من الإستثمار في السوق الإيراني بهذا السعر حتى مع ترخيص الخدمة لمدة 15 سنة، بعد أشهر إنسحبت الشركة التركية عندما أدركت الخطآ الفادح الذي وقعت به

حالة أخرى رخصة الإتصالات في باكستان من أشهر قليلة التي حازت عليها شركة إتصالات الإماراتية تقريبا نفس السيناريو والآن توصلوا لحل وسط لتسديد الدفعة الأولى من هذا الإستثمار

انت قاعد تقارن ايران وباكستان بالكويت؟ هذول عندهم تلفونات بالبيت اول عشان يشترون نقال؟ اكيد بيخسرون

 

[hindkwt]

أولا أعتذر عن التأخير في الرد.

وثانيا أنا ما عندي غير هالـ1200 سهم ماكو غيرهم بأحدى الشركتين حالي حال خلق الله.. بس السالفة سالفة مبدأ و قلتلج على الأقل لازم يسون دراسة جدوى اقتصادية وهذا شي متعارف عليه مو من عندي! لو عندج فكرة مشروع صغير أبو 100 أو 150 ألف دينار وتروحين حق شركة المشروعات الصغيرة راح يقولون لازم تدرسين السوق و تسوين دراسة جدوى اقتصادية و تحطين خطة عمل (business plan) وتناقشينها معانا بالتفصيل. فما بالج بشركة المفروض رأس مالها بالملايين؟ يعني مادري بصراحة هل مثل هالطلب فعلا يخلي على قولتج ثلاث أرباع المنتدى يستهزون فيني؟

المشكلة إني قاعد أشوف وايد مشاركات قاعدة تنوخذ بشكل عاطفي وانفعالي مو بموضوعية و عقلانية مع الأسف!


على فكرة الموقع اللي ذكرتيه لشركة تعطي حلول داعمة لشركات الإتصالات مو أجهزة الشبكات المعروفة (يعني مو BTS أو BSC، إلخ) ولا الشركة معروفه أصلا بالسوق.. بس إذا تبين أنا ممكن أعطيج فكرة بسيطة عن أسعار الشبكات بشكل عام لآن هذا مجال عملي.


ملاحظ أخيرة.. أشوف وايد متحامله على البراك عسى ما شر؟



سؤال وللجميع....

شمعنا تحركوا فطاحل مجلس الأمة فجأة على موضوع الشركة الثالثة بعد ما كان نايم مدة طويلة؟

اولا 1200 سهم يعني راح تربح اكثر من الشركة اذا طلعت اكثر من ربحك الحالي حتى لو خسرت الأم تي سي "ولو انها لو شنو ماتخسر"

ثانيا دراسة الجدوى الأقتصادية متوفرة ويقدرون يسونها وذا طلبوا المجلس هالشي راح ينفذونه لهم ولو انك بينك وبين نفسك عارف انها مالها داعي بس ماني شايف احد طلبها غير البراك مادري اهو شدخله بالموضوع موظف بشركة الأتصالات حاله حال الأوادم!

ثالثا الموقع الي دزيته لك يوفرون شبكات متكاملة والي ذكرته اهو احد خدماتهم واذا مو مصدق ارسل لك الأيميل ومبين فيه المبلغ عشان تصدق اذا تبي تسألهم ارسل لهم ايميل ويردون عليك

رابعا انا اكره اي شخص يدخل عصه بشي مايخصه وهذا الي سواه البراك قاعد يدافع عن المتقاعدين ّ! أنت شكو!! نائب مجلس امه ولا رئيس التأمينات ولا متقاعد!!!!! من سمح له يتكلم بأسم المتقاعدين من الأساس هذا حتى مايتكلم بأسم الشركة الا بالمناسبات الحزينه على قلوبهم مثل هاذي يعني يكون اسلوب! الناس شافت اسلوبه بالجرايد انسان ساذج وعباله الكويتين مايدرون انه قاعد يدافع عن نصب شركتة طول هالسنين بأمريكا الدقايق غير اوقات الذروة مجانية وهني نصب عينك عينك ويقولي السوق مايحتاج وتقولي ليش متحاملة عليه ؟ حتى لو بتخسر ماله شغل خل تخسر ليش اهو زعلان عرفت؟ انا اكره الناس الي جذيه عبالهم انه الناس اغبيه واهم قاصين علينا يعني بذكاءهم بس لا لااكثر ولا اقل ولا هالأشكال اساسا مو كفو وقتي

خامسا النواب اصلا ماتحركوا الي يبي الشركة السعدون وقدمت له هدية عشان "يطخ" اهو والغانم لأن حقهم شوي مهضوم ومادشوا التوب 20 لأغنى اثرياء العالم مثل الخرافي والشيخ حمد فقدموا له هالشلغة على شرط انه يطخ شوي ووافق وطبعا النواب مستفيدين ايضا

واي سوأل ثاني حاظرين

 

[Cha3bar]

انت قاعد تقارن ايران وباكستان بالكويت؟ هذول عندهم تلفونات بالبيت اول عشان يشترون نقال؟ اكيد بيخسرون

السلام عليكم

باكستان وإيران دول فيها تلفونات وجامعات ومستشفيات من قبل أن يكون عندنا تلفونات بالبيت، ما كان المقصد المقارنة بين مستوى دخل الفرد بينهم وبينا وإنما القصد الإشارة إلى الأسواق التي مازالت تعتبر جديدة ولديها نسبة نمو أعلى من نسبة النمو المحلي في الكويت، طهران عاصمة إيران فيها أكثر من 20 مليون نسمة ويقدر عدد مستخدمي خدمة النقال هناك حسب علمي 3.2 مليون فما بالك بتعداد الدولة كاملة؟

المسألة واضحة هي مسألة أرقام ونسب وعوائد متوقعة، ما ودي أدافع عن البراك لكن شهادة يجب أن أقولها أنه إنسان يدرك ما يقوله وما يقوم فيه من أيام ما كان في شركة ITS في التسعينيات

 

[sadsa]

للأسف تأخذون بعض الامور من زاويه مختاره من قبلكم
والزاويه التى لا تعجبكم تسكرونها
لماذا لم تأخذون مثال 00000000الاردن 3 شركات مع الmtc
00000000000000000000000لبنان 3شركات مع الmtc
00000000000000000000000لبحرين 2شركات مع الmtc
00000000000000000000000تونس3شركات مع الوطنيه
00000000000000000000000الجزائر 3شركات مع الوطنيه
00000000000000000000000العراق 3شركات مع الوطنيه والmtc
00000000000000000000000lمصر 3 او4 شركات قابله للزياده
00000000000000000000000هونغ كونغ على صغرها كثيره شركات 0الاتصالات
00000000000000000000000ودول كثر ماتحط قدامها راى كبير وصغير
تشوف مصلحة البلد والمردود على المواطن والمقيم حيث انه أصبح حاجه ضروريه وليس ترفيهيه
ليش مايصير عندنا 3 شركات ويصير أرخص دقيقه فى المنطقه بما اننا لا نستورد الاتصال
نفس رخص سعر البنزين فى بلد ينتج البنزين

 

[bu3teeg72]

اولا 1200 سهم يعني راح تربح اكثر من الشركة اذا طلعت اكثر من ربحك الحالي حتى لو خسرت الأم تي سي "ولو انها لو شنو ماتخسر"


ثانيا دراسة الجدوى الأقتصادية متوفرة ويقدرون يسونها وذا طلبوا المجلس هالشي راح ينفذونه لهم ولو انك بينك وبين نفسك عارف انها مالها داعي بس ماني شايف احد طلبها غير البراك مادري اهو شدخله بالموضوع موظف بشركة الأتصالات حاله حال الأوادم!


ثالثا الموقع الي دزيته لك يوفرون شبكات متكاملة والي ذكرته اهو احد خدماتهم واذا مو مصدق ارسل لك الأيميل ومبين فيه المبلغ عشان تصدق اذا تبي تسألهم ارسل لهم ايميل ويردون عليك

رابعا انا اكره اي شخص يدخل عصه بشي مايخصه وهذا الي سواه البراك قاعد يدافع عن المتقاعدين ّ! أنت شكو!! نائب مجلس امه ولا رئيس التأمينات ولا متقاعد!!!!! من سمح له يتكلم بأسم المتقاعدين من الأساس هذا حتى مايتكلم بأسم الشركة الا بالمناسبات الحزينه على قلوبهم مثل هاذي يعني يكون اسلوب! الناس شافت اسلوبه بالجرايد انسان ساذج وعباله الكويتين مايدرون انه قاعد يدافع عن نصب شركتة طول هالسنين بأمريكا الدقايق غير اوقات الذروة مجانية وهني نصب عينك عينك ويقولي السوق مايحتاج وتقولي ليش متحاملة عليه ؟ حتى لو بتخسر ماله شغل خل تخسر ليش اهو زعلان عرفت؟ انا اكره الناس الي جذيه عبالهم انه الناس اغبيه واهم قاصين علينا يعني بذكاءهم بس لا لااكثر ولا اقل ولا هالأشكال اساسا مو كفو وقتي

خامسا النواب اصلا ماتحركوا الي يبي الشركة السعدون وقدمت له هدية عشان "يطخ" اهو والغانم لأن حقهم شوي مهضوم ومادشوا التوب 20 لأغنى اثرياء العالم مثل الخرافي والشيخ حمد فقدموا له هالشلغة على شرط انه يطخ شوي ووافق وطبعا النواب مستفيدين ايضا

واي سوأل ثاني حاظرين

أولا: ما فهمت قصدج!

ثانيا: إذا دراسة الجدوى الأقتصادية متوفره دلينا عليها لو تكرمتي و صدقيني إني عارف بيني وبين نفسي لها ألف داعي وداعي وأتحدى إنهم يسونها أصلا لآنها راح تثبت إن المشروع فاشل وأصحاب الفكرة ناس عفى عليهم وعلى أفكارهم الدهر!! عيل بالله السعدون كفو يتكلم عن الـWiMax !!!!

ثالثا: أنا اللي أعرفه و كل اللي بعالم الإتصالات يعرفونه إن الشركات اللي تزود الشبكات محدوده!! مثلا نوكيا، موتورولا، سيمنس، ألكاتيل، هواوي، إريكسون بس بصراحة اللي ذكرتيها (لو فرضنا عندها فعلا اللي ذكرتيه) مالها وجود بالعالم شلون تبين "الشركة الجديده" تروح تشتري منهم حتى لو على حساب الرخص؟


رابعا: ماني فاهم بصراحة ليش تقولين ما يخصه؟؟ يعني إذا هالسالفة ما تخص البراك أو حمد صباح الأحمد عيل من تخص؟ وبإمكاني وبنفس المنطق إني أقولج إنتي بعد شخصج؟ أو أنا شخصني؟ أو الجرايد شخصها؟ (بس لا تفهميني غلط أنا مجرد قاعد أستخدم منطقج) فراح تصير السالفة محكورة على ناس معينين اللي يتكلمون فيها و هذا برأيي غلط. وبعدين البراك شخص أصبحت له سمعة عالمية والكل يحسب له حساب من هالشركات الكبيرة ماعتقد شخض ساذج تكون وضعيته بهالشكل.. عموما هذا رأيج الخاص بس أعتقد لو تتاحلج فرصه وتلتقيت فيه راح تعرفين وتتعلمين منه أمور كثيره.


خامسا: إذا مثل ما تقولين إنهم عطوا السعدون هالشركة عشان يطخ هو مع النواب الباجين (مادري يمكن عشان يسكتون على موضوع حقول الشمال!!!!!!!!! يمكن!!!) معناته كلامي صح اللي ذكرته في البداية إن السالفة مو أكثر من صفقة سياسية!


وأنا هم حاضر لأي سؤال حتى لو كان فنّي.

 

[bu3teeg72]

للأسف تأخذون بعض الامور من زاويه مختاره من قبلكم
والزاويه التى لا تعجبكم تسكرونها
لماذا لم تأخذون مثال 00000000الاردن 3 شركات مع الmtc
00000000000000000000000لبنان 3شركات مع الmtc
00000000000000000000000لبحرين 2شركات مع الmtc
00000000000000000000000تونس3شركات مع الوطنيه
00000000000000000000000الجزائر 3شركات مع الوطنيه
00000000000000000000000العراق 3شركات مع الوطنيه والmtc
00000000000000000000000lمصر 3 او4 شركات قابله للزياده
00000000000000000000000هونغ كونغ على صغرها كثيره شركات 0الاتصالات
00000000000000000000000ودول كثر ماتحط قدامها راى كبير وصغير
تشوف مصلحة البلد والمردود على المواطن والمقيم حيث انه أصبح حاجه ضروريه وليس ترفيهيه
ليش مايصير عندنا 3 شركات ويصير أرخص دقيقه فى المنطقه بما اننا لا نستورد الاتصال
نفس رخص سعر البنزين فى بلد ينتج البنزين

لكل دوله وضعها الخاص ومثل ما الكويت ما تتحمل شركة ثالثة أيضا البحرين ما تتحمل لكن لما تقوللي السعودية ولا مصر طبعا هذولا وضعهم أفضل بكثير.. وعلى فكرة إنت عندك هني أرخص الشركات بالعالم كله مو بس بالمنطقة! (لتصحيح المعلومة.. لبنان شركتين فقط)


يا ناس يا عالم الموضوع عمره ما ينوخذ بطريقة شمعنا اهم و إحنا لآ.. السالفة فيها حسابات و دراسات وبلاوي مو فزعة على غير معنى!!!

 

[hindkwt]

السلام عليكم

باكستان وإيران دول فيها تلفونات وجامعات ومستشفيات من قبل أن يكون عندنا تلفونات بالبيت، ما كان المقصد المقارنة بين مستوى دخل الفرد بينهم وبينا وإنما القصد الإشارة إلى الأسواق التي مازالت تعتبر جديدة ولديها نسبة نمو أعلى من نسبة النمو المحلي في الكويت، طهران عاصمة إيران فيها أكثر من 20 مليون نسمة ويقدر عدد مستخدمي خدمة النقال هناك حسب علمي 3.2 مليون فما بالك بتعداد الدولة كاملة؟

المسألة واضحة هي مسألة أرقام ونسب وعوائد متوقعة، ما ودي أدافع عن البراك لكن شهادة يجب أن أقولها أنه إنسان يدرك ما يقوله وما يقوم فيه من أيام ما كان في شركة ITS في التسعينيات

ثلاث ملاين عندهم تلفونات السكان عشرين مليون! الكويت الي يستخدمون النقال 4 ملاين وسكانها 3 ملاين! هذا يبين لكم انه سوق الكويت مختلف عن اي سوق ثاني ويموتون على شي اسمه نقال وتلفونات حتى لو كل واحد عنده ست خطوط والسوق متشبع لين الرقبه هم راح تنجح هالشركة اليديده لأن الناس الي عايشين بالكويت يعيشون عشان يتكلمون بالتلفون يعني الكويت مافيها اي شي الا التلفون عشان جذي راح تنجح هالشركة وهذا الواقع الي عايشة المجتمع الكويتي للأسف من الملل القاتل تلقى 90 بالمية من الوقت على النقال تلفون حق الأهل تلفون حق الربع تلفون حق الرفيجات تلفون حق بره الكويت والخط بخمس دنانير ولو يصير بربع بعد ما الشركة تنزل هم محد راح يخسر لأنه يطلع عليهم بعشر فلوس يمكن

باين من ردك عن البراك انك احد مساهمين الشركة الله يزيد لكم ارباحكم ويخليه لكم دايما جاهز بالترقيعات...

 

[Cha3bar]

رد سريع قبل لا أمشي .. أنا قلت طهران بس 20 مليون غير باجي مدن إيران

 

[hindkwt]

أولا: ما فهمت قصدج!

ثانيا: إذا دراسة الجدوى الأقتصادية متوفره دلينا عليها لو تكرمتي و صدقيني إني عارف بيني وبين نفسي لها ألف داعي وداعي وأتحدى إنهم يسونها أصلا لآنها راح تثبت إن المشروع فاشل وأصحاب الفكرة ناس عفى عليهم وعلى أفكارهم الدهر!! عيل بالله السعدون كفو يتكلم عن الـWiMax !!!!

ثالثا: أنا اللي أعرفه و كل اللي بعالم الإتصالات يعرفونه إن الشركات اللي تزود الشبكات محدوده!! مثلا نوكيا، موتورولا، سيمنس، ألكاتيل، هواوي، إريكسون بس بصراحة اللي ذكرتيها (لو فرضنا عندها فعلا اللي ذكرتيه) مالها وجود بالعالم شلون تبين "الشركة الجديده" تروح تشتري منهم حتى لو على حساب الرخص؟


رابعا: ماني فاهم بصراحة ليش تقولين ما يخصه؟؟ يعني إذا هالسالفة ما تخص البراك أو حمد صباح الأحمد عيل من تخص؟ وبإمكاني وبنفس المنطق إني أقولج إنتي بعد شخصج؟ أو أنا شخصني؟ أو الجرايد شخصها؟ (بس لا تفهميني غلط أنا مجرد قاعد أستخدم منطقج) فراح تصير السالفة محكورة على ناس معينين اللي يتكلمون فيها و هذا برأيي غلط. وبعدين البراك شخص أصبحت له سمعة عالمية والكل يحسب له حساب من هالشركات الكبيرة ماعتقد شخض ساذج تكون وضعيته بهالشكل.. عموما هذا رأيج الخاص بس أعتقد لو تتاحلج فرصه وتلتقيت فيه راح تعرفين وتتعلمين منه أمور كثيره.


خامسا: إذا مثل ما تقولين إنهم عطوا السعدون هالشركة عشان يطخ هو مع النواب الباجين (مادري يمكن عشان يسكتون على موضوع حقول الشمال!!!!!!!!! يمكن!!!) معناته كلامي صح اللي ذكرته في البداية إن السالفة مو أكثر من صفقة سياسية!


وأنا هم حاضر لأي سؤال حتى لو كان فنّي.

اولا انا مو محلله اقتصاديه اقعد احللك الأسهم الي راح تتكتب فيها وحسبتها قتلك بصورة عامه المفروض انك تفهم!

ثانيا بما انك متأكد انه الشركة اليديده راح تخسر ومتأكد انه مافي جدوى اقتصاديه ممكن تقولي ليش حضرتك والبراك زعلانين من الشركة اليديدة؟ معناتها لما تطلع الشركة اليديدة ماراح تأثر على الشركة الحالية ليش مشتطين ومعارضين؟ اها يمكن تهمكم مصلحة الكويت !!!!!! عدل؟ (دير بالك ترد بسذاجة عشان ماتحصل رد مثل قبل)


ثالثا : اذا معلوماتك قديمة وثقافتك على انوع التلفون الي بالسوق هاذي مشكلتك انا قتلك الشركة الي دزيتها توفر شركات بأمكانك تراسلهم والشركة هاذي معروفة ومؤسسه شركات بدول كثيره والشركة قديمة مو يديده واذا مالها وجود بعالمك هذا موضوع ثاني وطبعا لازم الشركة اليديده تدور الرخص مع الجوده هاذي تجارة ولازم تقلل التكاليف اذا ماراح تأثر على الجوده لأن الشبكات صار شي قديم وكل الشركات باعت هالتكنلوجيا على الدول الأسيويه والجوده عالية والسعر ارخص يعني هاذا النظام اليديد وترى شبكة ال ام تي سي touch الي بلبنان نص معداتها من هالشركة

رابعا: اهو قاعد مايتكلم بصفه شخصية قاعد يتكلم عن التجار واصحاب الشركة الي ماكلين السوق اكال ومايبون يخسرون وقاعدين يقص على نفسه وعلينا يقول انا خايف على فلوس المتقاعدين رجاءا عن السذاجة انا قتلك لو قايل انا مابي شركتنا تخسر من الشركة اليديده جان قتلك من حقه يدافع بس يقعد يتعنفج ويجذب وعباله احنا اغبيه راح نرد عليه عشان يعرف انه الناس مو اغبيه مثل ما اهو متصور وانا خصي اني ابي اكتتب فيها عشان ابي اكسب فلوس وكاني صريحه ياريت لو تكون انت صريح وتقول السبب الحقيقي لعدم رضائك بشركة يديده ماتشوفني رديت عليك لكن تقولي جدوى اقتصاديه وخايفين على فلوس المتقاعدين راح نرد عليك وعليه والجرايد ماقالت لاتبي الشركة ولا ماتبيها اصلا مو مهتمه بالموضوع الي له مصلحه بس قاعد يتكلم لكن للأسف انكم مو صادقين وقاصين على نفسكم وانا ماحب التقى بناس يكذبون على الناس ونفسهم عشان التقي بالبراك

خامسا: طبعا صفقه سياسيه عبالك عشان عيونا !!! الحكومه متى ماسوت شي ماوراه فاديه لها اول بس مو عيب اذا كنا احنا بنستفيد ومحد راح ينضر "طبعا ال ام تي سي ماراح تنضر" مثل ماقال البراك بالجرايد فماله داعي نمنع الفايده عن الناس ولا شرايك؟

ماعندي اي اسأله لك واذا عندي ماراح اتأخر

 

[hindkwt]

رد سريع قبل لا أمشي .. أنا قلت طهران بس 20 مليون غير باجي مدن إيران

ماشاالله وباكستان ماعندك معلومات عنها بعد؟