مبروك 150 دينار بدل الايجار ( ليش يا اعضاء )

[حمووودي]

والله حسافه بدل الايجار المجلس اقره ووافق عليه باغلبية الاعضاء والحكومه بترده ؟؟؟؟ زين يسوون الحكومه بصراحه ؟؟؟؟
لانه اعضاءنا تدرون شنو يبيون ؟؟؟؟

يبون اهما يمشي لهم بدل ايجار يبون اللي معاشه 400 دينار يمشي له 150 دينار بدل ايجار واللي معاشه 2000 دينار هم يمشي له 150 دينار ؟؟؟؟

ليش مادري المفروض مثل ما قال الوزير ووزير الدوله محمد شرار والله انه انسان يعرف مصلحه الكويت وقالها اشكره اللي معاشه 2000 او 3000 مو محتاج ل 150 دينار بدل ايجار مو نفس اللي معاشه 300 او 400 ؟؟؟؟


وقال للاعضاء ما نردد القانون لو تحدد سقف الراتب لي 800 وفوقهم على حسب شرايح وصولآ الى 1200 بس الاعضاء فلسونا من كل شي الله يهداهم

 

[wawwaw]

السلام

مبروك ويستاهلون اكثر

بصراحه هذا الراي الصحيح لانه قوانين البدل الايجار كانت من صالح التجار العماير وليس من مصلحة المواطن اللي ساكن في بيت ابوه او المواطن اللي ساكن في المنزل الغير محرره وحتى اللي ساكن في العماير اللي ايجارهم 270 وما فوق وبعدين وين تحصل ايجار 100 دينار او 150

كل الايجارات مرتفعه
على العموم 150 نعمه والحمد لله

 

[عبدالله العبدلي]

الحمد لله

بس بسراحة ماني فاهم يعني إلى راتبه من 800 وفوق ماياخذ بدل ، أبي أحد يشرحها بالتفصيل الممل .

 

[ralraja11]

يا ناس احمدوا ربكم فيه دوله تعطي كل المواطنين بدل سكن ؟؟؟؟

لا ومو عاجبكم بعد

لو يدري الصومالي ان بدل سكن المواطن في الكويت اكثر من 400$ بالشهر بيموت

اذكر مرة في برنامج اوبرا جابوا الكويت على انها دولة تعطي مواطنيها المال للزواج ؟؟؟


يا ناس احمدوا ربكم ترا النعمة زوالة


ما شاء الله عن العين

بس والله حنا اهل الخليج بنعمة ولله الحمد

 

[S500]

يا ناس احمدوا ربكم فيه دوله تعطي كل المواطنين بدل سكن ؟؟؟؟

لا ومو عاجبكم بعد

لو يدري الصومالي ان بدل سكن المواطن في الكويت اكثر من 400$ بالشهر بيموت

اذكر مرة في برنامج اوبرا جابوا الكويت على انها دولة تعطي مواطنيها المال للزواج ؟؟؟


يا ناس احمدوا ربكم ترا النعمة زوالة


ما شاء الله عن العين

بس والله حنا اهل الخليج بنعمة ولله الحمد

الحمدلله على نعمه

وياليت اكثر العالم تحس بالانعام اللي والله العظيم لو تبي تعد بس اللي عندها بالغرفه ما قدرت

 

[حمووودي]

الحكومه ترد بدل الايجار والشعب يقف معاها ويساندها

والله اني احب هالريال ( وزير الدولة لشؤون مجلس الوزراء ووزير الدولة لشؤون مجلس الامه والله انه انسان ماكو مثله السيد محمد ضيف الله شرار )
تدرون ليش ؟؟؟
لانه احسن من اعضاء مجلس الامه اللي احنا منتخبينهم وما منهم فايده وما يبون الا ينفعون التجار ,,,,

شلون انا اقول لكم شلون الحكومه على لسان وزيرها محمد ضيف الله شرار قالت بدل الايجار امية وخمسين دينار حق اللي معاشاتهم اقل من 1200 والمجلس مو راضي اعضاءنا يبون حق الكل حتى اللي معاشه 4000 دينار يبون يمشي له بدل ايجار امية وخمسين

بس زين تسوي الحكومه يردون بدل الايجار

واخيرآ فلسونا مجلس الامه من كل شي من امية وخمسين ومن كل شي

 

[alajmiktv]

انا عندي سؤال فيه أحد معاشه فوق ال 1500 وللحين ما طلع له بيت او شرى بيت ؟؟

او بصيغة ثانية فيه احد معاشه فوق ال 1500 وللحين ما تجاوز عمرة 35 سنه وللحين مأجر ؟؟

ترى 90% من الكويتيين تتراوح رواتبهم من 500 الى 800 لا ومن ضمنها 3 اعيال

 

[روبية]

المشكلة مو بدل الايجار .. خوفكم اول ماتيي الزيادة يرفعون الأجارات مثل ماسووا بزيادة الخمسين دينار ..