ارحبو بالسوق الامريكي

الموضوع في 'السوق الكويتي للأوراق الماليه' بواسطة sam-7, بتاريخ ‏25 مارس 2006.

  1. sam-7

    sam-7 عضو جديد

    التسجيل:
    ‏19 فبراير 2006
    المشاركات:
    219
    عدد الإعجابات:
    0
    مكان الإقامة:
    الكويت
    الاخوة الافاضل رواد السوق الكويتي للاوراق المالية في هذا الوقت بالذات اعتقد اللي سلم على فلوسة و أيدة تحكة على المضاربة يتجة للسوق الامريكي تغيير جو و مراقبة السوق الكويتي الذي بعتبر حاليا غير واضح المعالم , خاصة انك لا تحتاج راس مال كبير لدخول السوق الامريكي المفتوح والذي يمكنك شراء اسهم بسعر يقل عن الفلس اي انك بامكانك اتطقطق بمبلغ 100 دينار لو حبيت واسمك ماقطعت عن البورصة .
    للعلم فية ناس قررت مسبقا عدم العودة لسوق الكويت الا عند وصول المؤشر لاسعار ..... ,
    فالامريكي سوق مفتوح بلاحدود وبامكانك الحصول على برامج لمراقبة حركة الماركت ميكرز , واللي مالك امل تتابع حركتهم بالكويت .
    والله ولي التوفيق
     
  2. hbeeb

    hbeeb عضو جديد

    التسجيل:
    ‏10 فبراير 2006
    المشاركات:
    117
    عدد الإعجابات:
    0
    اشلون ادش على السوق الامريكي علمنا طريقة
     
  3. متداول اسلامي

    متداول اسلامي عضو مميز

    التسجيل:
    ‏7 أكتوبر 2005
    المشاركات:
    2,106
    عدد الإعجابات:
    1
    مكان الإقامة:
    في الميتاستوك
  4. hbeeb

    hbeeb عضو جديد

    التسجيل:
    ‏10 فبراير 2006
    المشاركات:
    117
    عدد الإعجابات:
    0
    ماتقصر واللة يوفقك
     
  5. kappa

    kappa عضو جديد

    التسجيل:
    ‏18 فبراير 2006
    المشاركات:
    579
    عدد الإعجابات:
    0
    اخواني

    هل تعتقدون السوق الامريكي افضل من الكويتي؟؟

    يعني اضمن وافضل

    احنا سوقنا ثلاث اربع تجار قالبين الدنيا

    اما السوق الامريكي فيه مئات التجار الكبار؟

    ابي راي اللي جربوه
     
  6. AMR

    AMR عضو نشط

    التسجيل:
    ‏28 أكتوبر 2004
    المشاركات:
    678
    عدد الإعجابات:
    178
    يا جماعه انا اتعامل بالسوقين

    لا تندفعوا بقوه الى السوق الامريكي بغرض التعويض

    بأندفاعكم الكبير قد يسبب لمن خسائر اكبر من السوق الكويتي


    و انا ابحث عن الفرصه سواء كانت بالامريكي و الا الكويتي



    السوق الكويتي غير واضح و الاقرب النزول يعني مو مشجع

    السوق الامريكي فيالوقت الحالي جيد


    بس انا الشركات التي اتعامل معها كبيرة و حذر نوعا ما


    يعني سوف اشتري انتل على 18 دولار اذا وصلت 100 سهم فقد

    و انساها جم شهر و قد تصل الى سنه او سنتين
    البيع 26

    المحفظه يكون فيها كاش و اسهم بالكويتي و اسهم بالامريكي

    قد تصل الاسهم بالامريكي الى 30 شركه الكويتي فاضي حاليا

    و الشراء بالكويتي قد يكون 6 او 7

    ما يهمني رخص السهم اذا السوق مو زين

    القاعده هذي تعلمتها من الامريكي اني ما قول سعر السهم هذا ارخيص قد ينزل اكثر و اكثر مهما كان رخص سعره

    و يوجد اشتثاء الشركات الكبيرة

    هذا بالنسبه لي

    و الله يوفق الجميع
     
  7. FreeTrader

    FreeTrader عضو محترف

    التسجيل:
    ‏15 سبتمبر 2005
    المشاركات:
    9,696
    عدد الإعجابات:
    10
    مكان الإقامة:
    الكويت
    الربح والخساره موجوده في كل الاسواق ...
    لكن الامريكي يختلف عن الكويتي او الخليجي بشكل عام بكثره الشركات وكثره الفرص ..
    فبالتالي تكثر المخاطر والخسائر للي يدخل عشوائي

    الامريكي يحتاج دراسه قليله حاله حال الاسواق الاخرى لكن عن نفسي افضله عن الخليج لعده اسباب .... راس مال قليل و ادوات تخليك تتابع الاسهم اكثر من اسواقنا الخليجيه وكثره المضاربين فيه

    لكن الحذر من الدخول في الاسهم الصغيره الاقل من الدولار الا بتمعن ودرايه كبيره باخبار الشركات لان الدخول فيها انا اعتبره مثل القمار والعياذ بالله

    هذا رايي للنصيحه فقط
    وسلامتكم
     
  8. بورزق

    بورزق عضو جديد

    التسجيل:
    ‏25 فبراير 2006
    المشاركات:
    227
    عدد الإعجابات:
    0
    شكراً لك اخي الكريم على هذا المقال
     
  9. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,133
    عدد الإعجابات:
    15
    مكان الإقامة:
    طبعا الكويت
    :)


    ما غلطت اللي سماك عضو محترف

    ;)
     
  10. sam-7

    sam-7 عضو جديد

    التسجيل:
    ‏19 فبراير 2006
    المشاركات:
    219
    عدد الإعجابات:
    0
    مكان الإقامة:
    الكويت
    الايام دول

    الاخوة الافاضل هذا الموضوع لم يأت من فراغ فقد كانت الاسواق الامريكية تصحح منذ بضع سنوات واعتقد والله اعلم ان الارتفاع (الموزون) هو السمة الغالبة في السوق الامريكي مؤخرا , والعكس صحيح فقد كانت الاسواق الخليجية بشكل عام تنفجر في تلك الاثناء و الواقع امة حان وقت التصحيح للاسواق الخليجية لتعود الدورة الطبيعية من جديد.. وهذة حال اسواق المال في العالم , عموما اصبح من الواضح مؤخرا وبعد الانحدارات بالاسواق الخليجية ان العديد من الاخوة بدؤأ يتوجهون للسوق الامريكي او على الاقل بدؤا يتسائلون عنة بعد ان كان لا احد يطرح موضوع التحول للامريكي منذ ستة اشهر تقريبا , وعلى فكره صدقوني اذا كان الف ناطرين السوق يرتفع مقابلهم الفين قناص ناطرين الانحدار لاعادة الدورة , وشوفوا مؤشر اليوم ..
     
  11. fahad1234_1

    fahad1234_1 عضو جديد

    التسجيل:
    ‏19 أكتوبر 2005
    المشاركات:
    396
    عدد الإعجابات:
    0
    شلون نفتح حساب وين نروح وشلون التداول
     
  12. khalid592

    khalid592 عضو نشط

    التسجيل:
    ‏2 مايو 2005
    المشاركات:
    673
    عدد الإعجابات:
    0
    مكان الإقامة:
    kuwait
    انا ما انصح بالسوق الامريكي لعده اسباب :
    1. شركات السوق الامريكي ما يقارب 18 الف شركه مقسمه على عده اسواق.
    2.لازم تكون عندك فلاتر معينه عشان تعرف شنو تشتري وشنو تبيع لانك لما تضارب بشركه لازم تقرا الاخبار والارباح لانك ممكن تشتري شركه الماكد معطي اشاره شراء بس ينزل عليها خبر ينزلها قاب داون 20 بالميه من سعرها وانت بجذي خسرت عشرين بالميه طقه وحده وممكن ينزل خبر جيد ويرتفع السهم عشرين بالمييه عشان جذي لازن تعرف شنو الشركه اللي تبي تشتريها.
    3.اذا كنت خسران بالكويتي ورايح للامريكي عشان التعويض وانت مو ملم بالتحليل الفني ومؤشرات الشارت ومستويات الدعم والمقاومه انصحك لا تدش لانه راس مالك بالكامل ممكن يروح عليك
    4.اخواني انا ما ذكرت هالشغلات الا عشان النصيحه سوق الكويتي فيه خير وهو بمرحله تصحيح طبيعي يمكن صارت شغلات ثانيه ادت الى نزوله ولكن باذن الله سيعاود الارتفاع لما مرت به البلاد من احداث سياسيه بالفتره الاخيره.هناك اسهم بالسوق الكويتي حققت 1000 بالميه خلال اشهر قليله مثل المجموعه الدوليه .. المنتجعات الدوليه .. وايفا وانا كنت اتابعها بنفسي وماشريت منها لاني كنت اعتقد انه الامريكي افضل ..

    وهذا انا اللي اربحه بشهر بالامريكي ما يوصل معاي 5 بالميه من راس المال بعد ما خصم العمولات والعمليات الخسرانه ..

    انا ذكرت هالشي للنصيحه والافاده للاخوان والله على ما اقول شهيد
    وبالتوفيق نشالله
     
  13. obo haya

    obo haya عضو جديد

    التسجيل:
    ‏22 يونيو 2004
    المشاركات:
    52
    عدد الإعجابات:
    0
    حيرتونا ياشباب السوق الامريكى زين والا لا!!!

    اول الكلام تشجعنا ... بس الاخ خالد رد وخوفنا معقوله ربح خلال شهر بس ممكن يوصل 5% ؟؟؟!!

    يريت تعطونا توضيح اكثر خصوصا اللى لهم خبره بهالسوق؟
     
  14. khalid592

    khalid592 عضو نشط

    التسجيل:
    ‏2 مايو 2005
    المشاركات:
    673
    عدد الإعجابات:
    0
    مكان الإقامة:
    kuwait
    اخوي ابو هيا يعطيك العافيه ..

    انا ما ابي اخوفك ولا شي ..
    انا فعلا الارباح ما توصل لي 5 بالميه من راس المال لاني ما ادخل براس المال كله ادش ب 25 بالميه منه وهذه طريقتي بالعمل بالمحفظه واداره المخاطر ..

    عموما مو هذا موضوعنا انا النقطه اللي ابي اوضحها انك لا تحاول تنتقل للسوق الامريكي عشان تعوض خسارتك بالكويتي .. ترى السوق الامريكي مو هين .. سوق كبير .. مليارات تكت فيه كل دفيقه شركات بني ستوك وهميه .. شركات معرضه للافلاس يوميا وشركات تدخل السوق يوميا انا كتبت اهني على الشباب الي يدشون السوق ووراها يكتب موضوع انه داش بني ستوك بقيمه عشره الاف دينار وخسر نصها ويطلب النصيحه ..

    عموما خلاصه الكلام تبي تدش لازم تكون ملم بالتحليل الفني واذا ما تعرف انا انصحك بدوره المؤشر نت اللي يسويها بو علي كلنا تخرجنا منها وعرفنا شلون نشتغل ..
    اما اذا تبي تدش وانت على عماك لا انا ما انصحك ياخوي خلك بالكويتي احسن لك ..
     
  15. sam-7

    sam-7 عضو جديد

    التسجيل:
    ‏19 فبراير 2006
    المشاركات:
    219
    عدد الإعجابات:
    0
    مكان الإقامة:
    الكويت
    منو اللي يتأثر بالاخبار اكثر

    بالعكس السوق الامريكي يعتمد التحليل الفني اكثر من الاخبار , كما ان مصادر الاخبار والتحليل الفني متنوعة و مفتوحة كما هو السوق , وليس كأسواقنا الخليجية والسعودية فالصحف الكويتية عليها علامات استفهام فيما يتعلق بالمصداقية , كما ان بالكويت هناك مانسبته اقل من 1% ممن تصلهم الاخبار الطازجة فيستبقون الشراء (ايام عنفوان المؤشر) ثم بعد ذلك تبدأ الاشاعات اللي يدزونها الى صغار المستثمرين ليلحقوا بهم ويرفعوا لهم اسهمهم , ولسنا ببعيدين عن السعوديون ورسائل الجوالات او الاماراتيين وارتباط مؤشرهم باعمار ... الاسواق الخليجية هي ما يلعب به الخبر الدور الاساسي ولعلك شاهدت مؤخرا نزول سهم المجموعة رغم اعلان الارباح ,, والعملية ما يبيلها تعجب فية ناس بلايا عندهم كميات من السهم يبون يصرفونها وكانو شغالين من جم يوم بهدوء و بكميات كبيرة وكانت الفرصه الذهبية اعلان الارباح ... في كل الاسواق ممكن تكون ضحية لكن بالكويت الدولة تدعم حقوق الشركات وانسى المساهمين , بينما بالامريكي هناك انواع من الاسهم (الممتازة) تضمن لك حقوقك حتى قبل ملاك الشركة التأسيسيين , وهناك اسهم ما وراها ضمان ولا امان ( والامان بكل الاحوال من عند الله عز وجل) ولك حق الاختيار بين النوعين ولن يجبرك احد على الشراء.
    والله الموفق , والله يكتب اللي فيه الخير للجميع لانها كلها ارزاق و محد ماخذ الا نصيبة .
     
  16. obo haya

    obo haya عضو جديد

    التسجيل:
    ‏22 يونيو 2004
    المشاركات:
    52
    عدد الإعجابات:
    0
    الله يعطيكم العافيه على التوضيح

    بالنسبه لى الحمدلله مابى ادخل السوق الامريكى علشان اعوض الخساره بس وايد اسمع عنه ودى اجرب حظى فيه

    بس بغيت اعرف جم اقل مبلغ ممكن ابتدى فيه اذا كا تجربه

    والاقى سايتات تعلمنى بدل الدورات لانى للاسف دوامى صبح وعصر فا صعب على اخذ دوره

    ابى اتعلم من الاول بالتفصيل يعنى .... ومشكورين
     
  17. sam-7

    sam-7 عضو جديد

    التسجيل:
    ‏19 فبراير 2006
    المشاركات:
    219
    عدد الإعجابات:
    0
    مكان الإقامة:
    الكويت
    www.alawsat.com
    هذا موقع شركة الاوسط دش وتصفح النسخة العربية , وبامكانك من خلال هالموقع تتداول بالسوق الامريكي والاسواق الخليجية الاخرى , وللمزيد من المعلومات شوف القسم الامريكي بهالمنتدى الطيب , واذا حبيت اتدش دورة وتحصل على شهادة مقابل 50 دينار دزلي على الخاص وانشالله افيدك