التعاون مع الجمعيات التعاونية او الاسواق المركزية

[alajmiktv]

بعيدا عن الأسهم وعوار الراس قررت دخول عالم التجارة وأبي من أخواني المساعدة ..

أبي شلون طريقة التعاون مع الجمعيات والأسواق المركزية إذا كنت بدخل بضاعة مثل (( منظفات - قرطاسية - سلع إستهلاكية ))

من وين يستحسن شراء البضاعة ,, وشنو الأصناف المطلوبة ,, شنو طلبات الجمعيات عشان أدخل بضاعة ,, وكم راس المال المقترح

بالعربي أبيها بالتفصيل الممل ,,, والفائدة للجميع ​

 

[circle]

بعيدا عن الأسهم وعوار الراس قررت دخول عالم التجارة وأبي من أخواني المساعدة ..

أبي شلون طريقة التعاون مع الجمعيات والأسواق المركزية إذا كنت بدخل بضاعة مثل (( منظفات - قرطاسية - سلع إستهلاكية ))

من وين يستحسن شراء البضاعة ,, وشنو الأصناف المطلوبة ,, شنو طلبات الجمعيات عشان أدخل بضاعة ,, وكم راس المال المقترح

بالعربي أبيها بالتفصيل الممل ,,, والفائدة للجميع ​

راس المال يجب ان يكون كبير لان تحصيلك للمبيعات من الجمعيات يحتاج من 45 الى 60 يوم ...

بعدين الموضوع يحتاج معارف وواسطات وعوار راس .......

ابعد عن المنتجات الغذائيه ....

والله يوفقك

 

[عليمنكي]

اذا ما عندك معارف بمجلس الاداره اغسل ايدك ,,بضاعتك لو احسن وارخص من الموجود مايقبلونها ..ماتشوفهم طق مطاقق على الانتخابات

ظبط حالك معاهم اهم يطردون احسن الموردين عندهم ويدخلونك بداله

مايبيلها راس مال يبيلها تظبيط ,,,حتى لو اتحط بالونات وعلب فوم رش جنب الكاشير تطلع ذهب

اول شي دق على الاداره بكل جمعيه
اخذ من السكرتير اسماء اعضاء مجلس الاداره والمدير العام
شوف اشلون توصل لواحد منهم

ضبط وياه

 

[dematio]

واسطتك شنو و منو و بس

 

[bo_walid]

عندك معارف يمشي شقلك بالجمعيه حسبيا الله عليهم مايخلون الواحد يترزق الله

 

[Moshaks_777]

مركز سلطان كلشي فيه

 

[Nasser pwc]

حبيبي مايبيلها شي تعرف عضو بمجلس الاداره اهوا يضبطك

يقولك شنو المطلوب عندهم وشنو الي محتاجينله انت مالك شغل

خل كل شي عالعضو​

 

[شكير]

عندك واسطه
جيب تمر حق رمضان من الحساء او القصيم ابو كيلوا ولا كيلوين
ودخله الجمعيات بسسسسسسسسسسسسسسسسس
عندك احد يضبطكككككككككككككككككككككككككككككككككككك

 

[Dublin]

ماعتقد احد من الاخوان ارضى فضولك اخي السائل

اولا الموضوع فعلا يحتاج واسطه من اداره الجمعيه
وكل منطقه لها ادارتها .. فتحتاج معرفه واسعه لتشمل منطقه واسعه لكي تربح اكثر

و تحتاج موظف عنده ترخيص صحي .. وسياره طبعا كي تنقل البظاعه من تجار الجمله للجمعيات

وتحتاج ايضا ان ترضي ( قد تكون رشوه ) عامل الرف كي يضع بضاعتك في المكان المناسب .. بمعنى وضع البضاعه على ارتفاع مستوى العين كي تكون مغريه للشاري ..
وسبب اخر هو عدم تبديل بضاعتك مع شخص اخر ... فتصبح بضاعتك منقوعه بالجمعيه حتى تنتهي

وتجار الجمله تحصلهم بشويخ

فعلا كما قال الخوان عوار راس و تحتك مع ناس تلعوزك
ولكن في حل يريحك من هذا كله

الحل :
انك تجد منتج خارج الكويت و تملك وكالته و تستورده للكويت
فتصبح انت المورد الوحيد لهذا المنتج . ولا يستطيع احد غيرك بيعه بالجمعيات
وان كان المنتج قوي ... لا تحتاج لمعارف .. بل الجمعيات تترجاك لعرض بضاعتك عندهم

على سبيل المثال منتج .. لما تفك ماراح تصك و حفاظات الاطفال اولويييز
لو تملك منتج واحد مثل هالمنتاجات انت مليونير

ودمت سالما

 

[البواردي]

ادري الموضوع قديم بس ودي ادلو بدلوي فيه

انا اخالفكم الراي شرايكم

انا اشتغل بشركه كبيره مندوب مبيعات واعرف كل شي يحتاجه عشان يدخل المنتج للجمعيات ولا يحتاج الامر لا لواسطه ولا غيره بس يبيلها طولت بال وفلوس ومناديب

اول شي اخوي العزيز يكون عندك شركه ومخازن او انك تأجر مخزن مثلاً من المخازن العموميه
ثانياً تعتمد منتجاتك باتحاد الجمعيات عشان تحدد سعر بيعك للمنتج وما يفرق على الجمعيات
ثالثاً لازم تفتح اعتماد بين شركتك وبين الجمعيه وهذا همن سهل
رابعاً تاخذ كتاب من شركتك اسمه اعتماد اصناف تكميليه وتكون حاط في الاصناف والاسعار وكتاب الاتحاد وعينات من بضاعتك وتوديها للجنة المشتريات بالجمعيه عشان يعتمدونها واهني اغلب الجمعيات ياخذون على اول مره 1+1 على الاصناف وتحدد نسبة المجاني للجميعه اللي ما تتجاوز الـ10% بالكثير وهذي النسبه دائمه وانت وشطارتك او شطارت مندوبك في البيع وهذي طبعاً لها طرق كثيره منها الاصناف المخزنيه ومنها والطلبات المباشره وغيرها كثير ....
خامساً عشان تخدم المنتج وهذا طبعاً شي اختياري يجب عليك ان تأجر ارفف لمنتجك وانك تحط مروجين للبضاعه عشان يتم ترتيبها اول بأول وتنضيفها وهذا الشي يساعد على البيع بشكل سريع وواضح والاجارات عندنا بالكويت تختلف من جمعيه لاخرى ومن سوق مركزي لسوق مركزي اخر فمثلاً السيتي سنتر يتعامل بالنسب المجانيه وهذا طبعاً افضل للطرفين


طبعاً هالامور كثيره وبحرها غزير تحتاج إلى خبره عريقه في مجال التسويق وانا انصحك من خبرتي المنتواضعه انك توخر وتبعد كل البعد عن المواد الغذائيه وتتجه إلى المواد الاستهلاكيه ولوازم العايله والقرطاسيه إلى حد ما


وعسى ربي يوفقك

 

[kuwait_17]

مشكور اخوي البواردي .. وانا ارسلت لك رساله خاصة اتمنى ترد علي ... وشكرا

 

[alajmiktv]

خلو الشغل على العام والبواردي ما يقصر :d

 

[kuwait_17]

وينك يالبواردي طولت علينا .. عسا المانع خير ؟؟

 

[kuwait_17]

وينك يالبواردي طولت علينا .. عسا المانع خير ؟؟