هل التاريخ يعيد نفسه ؟ ( الكذبة الكبرى )

[سوق الاوراق]

السلام عليكم

كذبوا الكذبة وصدقوها . والاسطوانة تتكرر يوميا باْعلى المستويات

التصحيح​

لقد سرقوا الكويت بكاملها لاكثر من مرة بفترة وجيزة جدا لاتتعدى الربع قرن .

بالاشتراك مع ايادي خفية خارجية ( والدليل مايحصل بالخليج ) .

التصحيح كذبة ! من كبار القوم

( والتضخم ) تبرير صحيح لارتفاع القيم السوقية للسلع مثل - ارتفاع - الاراضي - والعقار - وما يتعلق بجميع الجوانب الحياتية .

حالة خاصة تحيط باْقليم الخليج . باْزهى عصورها على مرالتاريخ وفترة ذهبية لم ولن تتكرر ابدا .

 

[م. سعد]

ما ادري ليش تذكرت انهم لما زادوا اسعار السلع و البضائع قالوا هذا الشيء طبيعي جدا مع ان المصادفة في توقيت زيادة المعشات كان واضح .. بس اسعار الاسهم قالوا لأ تضخم غير مبرر مع ان ارباح الشركات زادت و تضاعفت دبلات و طبيعيا تزيد اسعار الاسهم ..

 

[البيروتي]

لا نريد تدخل الحكومه !!!!!!؟

اجل شنو تبون

منو اللى وصل سهم المخازن 6850 منو ؟

منو اللى رفع المجموعه الدوليه من 120 فلس للدينار منو ؟

منو اللى رفع اغلب الاسهم من 100 و 200 و300 لأسعار خياليه منو ؟

منو اللى صرف علينا فوق منو ؟ منو منو ؟

ليش كذبتو كذبه وصدقتوها ( تصحيح ) ليش ترفع السهم وتسوى له دعايه بالصحف وطايح له تصريف وعينى عينك , طبعا المستفيد الاول والاخير هم التجار والخسران هو الفقير انا وانت وغيرنا الكثيرين ؟

ليش اللى السنه اللى طافت كان عنده 8 مليار السنه هذى صار عنده 12 مليار
والفقير ليش السنه اللى طافت كانت ديونه 10 آلاف السنه هذي صارت 30 الف

طبعا كل اللى قاعد يصير بالبلد بمباركه حكوميه , ليش تبون التجار يزعلون طبعا يطلبون من الجكومه عدم التدخل تدرون ليش علشان يمصون دمى ودمك علشان يسوون اللى يبونه علشان تزيد فوسهم دبل علشان ينافسون الوليد بن طلال وكل هذا قاعد يصير جدام الحكومه بمباركة الحكومه .

لاكن للاسف اعضاء مجلس الامه اللى ما توقعناهم يسكتون طبعا استثنى منهم
النائب الفاضل وليد الطبطبائي
النائب الفاضل محمد الخليفه
النائب الفاضل وليد الجري

اما باقي الاعضاء اللى التزموا الصمت ومباركة ما تفعله الحكومه اقول لهم

للشعب الكويتى حوبه وانشاله ما تضيع .

حسبي الله ونعم الوكيل انشاله فلوسنا نار تحرقكم كل فلس سرطان دم بأجسامكم وين تروحون من دعواتنا .