رفع قضية على وزير المالية

[مضارب 2]

سلام عليكم


اتصدقون ما اقول الا الله يكون في عونكم وهذا ويهي اذا حصلتوا فلس من ورى الدعوى.......

مع احترامي للجميع وانا احبكم لله في الله ولكن نبي كلام منطقي مو حجي...

والله خير الرازقين..

 

[انور النقوشي]

نطلب من الوزير ان يكف عن بيع اسهم الهيئه و التامينات و يكون السوق بخير لا نريد منه اموال و لاغيره

 

[rahaly]

الحكومه هذي ما تحاتي الا الجرايد ونجرة الشعب

سووولكم نجره مثل ما سوى كريدي وربعه بيرتفع السوق

تسكتون يبيعونكم الاولى والتالي

حكومة ما تبي شوشره ..تبي هدوووووووء

عاد المفروض الكل يستلمها

والقضيه ترفع على وزير التجاره والماليه ايضا لان وزير التجاره صرح بصبعه واشر ان المؤشر فوق

اهم شي بالموضوع التغطيه الصحفيه وبسسسسسسسسس

بدونها لا طبتو ولا غدى الشر

كلام صحيح مية مية ..
وبدل لا ندفع للمحامي ... ندفع حق كم صحافي يشلخ الحكومة وتلتفت لنا ..




على فكرة ... ترى زلزله لما اشر بصبعة وقال فووووق ...
كان قصدة بعدها ينهااااار من فوووووووق





رحالي

 

[بوزايد]

منتوا ملاحظين ان الديره صارت سوالفها ماصخه وما تبرد الجبد
كل يوم حكومتنا اردى من اليوم اللى قبله شسالفه شصاير
بالبلد اكو شى صاير ما ندرى عنه ؟ ندرى ان مجموعة من التجار مو راضيه
عن التشكيل الوزارى خصوصا الزلزله بس يتراوالى هذا ما يبرر اللى قاعد يصير . الشيخ سالم العلى مو معقوله عشان زعل يقط فلوسه بخساره
لالا فى شى اكبر من السوالف هذى .. حتى الصقر يقولون باع المال
ووهق المساهمين بالذمه هذى تصير بدوله فيها قانون ؟
القانون فى نيروبى يقول البيت لها :d
ادرى شطيت بس لاتلمونى واحد يعطينا تفسير ياجماعه

 

[بوحسن]

كلام صحيح مية مية ..
وبدل لا ندفع للمحامي ... ندفع حق كم صحافي يشلخ الحكومة وتلتفت لنا ..




على فكرة ... ترى زلزله لما اشر بصبعة وقال فووووق ...
كان قصدة بعدها ينهااااار من فوووووووق





رحالي

والله هالوزير ما يدري الله وين قاطه .... يالله من زين الوزراء الباجيين بس علشان يكون هذا ارداهم كلهم بنفس المستوى ..ناس همها بس تتلمع وتجمع فلوس قبل لا تنشال وكلهم يدرون جدامهم بس سنه قبل التشكيله الجايه


عموما رحالي اسباب النزول تتلخص بشي واحد فقط ومعروف

شهر صفر ويوم السبت انخلص منه

رفعو القضيه حتى لو خسرانيين الدعوى ..لانكم بالنهايه بتفوزون باحترام الوزير لكم وباجي اعضاء الحكومه والمره اليايه بيحسبولكم الف حساب وبيقولون راضوهم ووخرونا عن دوخه الراس..صدقوني انا اعرف شلون المسئولين يفكرون اول شي يفكرون بانفسهم واخر شي يفكرون بالمصلحه العامه والي تقتضيه

 

[sayer]

مطالبة ادارة البورصه بوقف التداول حتى حل الازمة المفتعلة وهذا حق المساهمين للضرر ... مع مطالبة مجالس الادارات بعقد جمعية غير عادية لبيان الاسباب قبل بدء التداول

اعتقد ان هذا افضل من افتعال ازمه مع الحكومة


ويفضل غدا قبل بدء التداول تقديم طلبات جماعية كافيه لايقاف التداول حتى لايكون هناك اقفالات وهمية كالمعتاد

قرار حكيم وانا بعد وياكم بي شلون نقدر نقدم الطلبات بوقف التداول الى ادارة البورصة في احد يقدر يفيدنا؟؟؟

 

[boalons]

قرار حكيم وانا بعد وياكم بي شلون نقدر نقدم الطلبات بوقف التداول الى ادارة البورصة في احد يقدر يفيدنا؟؟؟

الطلبات طال عمرك انتجمع الساعة 8 الصبح عند باب البورصه وكل واحد معاه عجره , والي فيه خير يدش

 

[hindkwt]

ايدو لين تعيزون يعني مادري منو راح يحاكمه مو وزير عدل نفسه

اقول استريحوا احسن لكم والي صار بالبورصه مو مختلف عن الي صار بشركة هبتكو هالشي عادي وكله يصير بالكويت ومالكم الا انكم تسكتون

 

[مايجامل]

الطلبات طال عمرك انتجمع الساعة 8 الصبح عند باب البورصه وكل واحد معاه عجره , والي فيه خير يدش

أنا بعرض اسهمي في سوق الجمعة مع الأثاث المستعمل يمكن أحصل شراي