على فكره اليوم انا طلعت من السوق

[JoKaR]

عاد تدري أنك مسوي زحمه بالمنتدى


بس والله أحلا زحمه :d


الله يوفقك وين ماتروح "الصبر مفتاح" بوحسن

 

[mercedes_Q8]

عاد تدري أنك مسوي زحمه بالمنتدى


بس والله أحلا زحمه :d


الله يوفقك وين ماتروح "الصبر مفتاح" بوحسن

جان زين ناطر شوية ... ( لحد ما "تتضح الرؤية " ) مثل ما اغلب الاعضاء يقولون بالمنتدى



انا ما اشارك بالمنتدى ....

بس انت من اكثر الاعضاء اللي اقرا مواضيعهم وردودهم ....
الكل تعود على الخسارة بالبورصة .... بس خسارتك "جايده " للمنتدى

الله يوفقك .... ويخضر دربك

 

[almared]

بصراحه عندي إقتراح ...

نسوي قطيه لأبو حسن منها يستفيد بالصعود القادم ومنها يبقي معانا بالمنتدي ...

ولك مني عدد 50 الف سهم الصناعات بس عطني عشرين الف أدخلك آجل فيهم ... والباقي من عندي .

يستاهل أخوي التوم ...

 

[ali2105]

أشكره لقاه فرصه لخروج من المنتدى قص عليكم مساكين ألي صدقوك كويتين بسرعه ينقص عليهم

 

[hassan_abu3eed]

اخوي بوحسن

انا والله من فتره طويله وقبل لا اسجل في المنتدى كنت من اشد المتابعين لك ولبعض الاخوان وقررت اني اسجل علشان استشيركم ولا قصور في باقي الاعضاء وانا على فكره ثلثين راس المال راح الله يعوض علي وعليكم وسيوله مافيه وسياره مافيه والمعاش كله اقساط بس هم ماراح انسحب لين اجمع المليون

وغريبه منك انت انك تقرر الانسحاب
وين الصبر اللي انت كنت مسجل النك فيه

حاول تراجع حساباتك
وانشالله الله يعوض عليك

واحب اهديك هذه الاغنيه الجميله عسى تهدي اعصابك يالسمي

اخوك

ابو عيد

http://songs.njom.net/music/arab/rm/asalah/asalah107.rm

 

[Bo Tasneem]

ماني مصدّق !!


بوتسنيم​

 

[Nasser pwc]

عزيز وغالي​

 

[سلااااااااام]

السلام عليكم ورحمة الله

يحز في النفس أن نوادع اليوم من كانوا إخوة لنا في هذا المنتدى أخذوا بأيدينا وساعدونا كي نصل وإياهم إلى النجاح .

قد كان مطلعكم يفيض بأنسنى *** واليوم نبكي أين ذاك المطلع

بالأمس أبو مناور واليوم الصبر مفتاح وغدا أخ مغادر آخر كأن فصل الخريف قد حل وأخذ يساقط ورق الشجره (المنتدى) ورقة تلوى الورقة ولكنها الحياه يذهب أخ عزيز ويأتي أخ آخر عزيز ولكن لكل منهم بصمه يضعها في قلوب محبيه وإخوانه في هذا المنتدى.

ولا يسعنا إلا أن ندعوا له بالتوفيق أينما حل وإرتحل


والله يوفقنا لمرضاته سبحانه​

 

[قاروه]

بوحسن .. والله انك اخ عزيز علينا جميعا صراحه ما توقعنا خروجك عالاقل عوض الخسارة والله يعلم كل واحد وشكثر خسارته .. وانت صراحه اكبر خسارة لنا في خروجك من المنتدي .. وكلنا من نشوف اي مشاركه لك والله ياخوي نتهافت على قرائتها .. بس دامك قررت الخروج فلاحول ولاقوة الا بالله والله يعوض عليك سبحانه بالذهب وتكون بداية خير لك بس امانه امانه امانه يا بوحسن مر على اخوانك مرور الكرام من فترة لي فترة

 

[ياقوت]

الله يوفقك ويوفق الكل ان شاء الله​

 

[Dolphin Kuwaiti]

أقص إيدي إذا بوحسن طالع من السوق

أهو يبي يعرف معزته عندنا .......

راح ياخذ جم فرة بالجيتي على جسر صبحان ويحرق الشارع والتواير حرق

بدل ما يحرق أعصابه ....... ما عليه بو حسن إحرق التواير عدل :d

بس لا تكون بايع الجيتي أو راهنه ..... ترى صعبة الجيتي أهم من السوق

:d ................ راح نشتاقلك بوحسن .................. :d

 

[بن تركي]

أبوحسن اللي مضيع محب سنة وينساه واللي مضيع ذهب بالسوق الذهب يلقاه بس اللي مضيع بوحسن بوحسن وين يلقاه.

مقتبسة من أغنية عراقية مع التغير ببعض الكلمات.

 

[بوحسن]

ايوه ابي اعرف معزتي

اقولكم خسران وفي فرصه ذهبيه اني اعوض 3% من خسارتي

مو حرام اضارب عليكم بالسوق لان المحافظ ما تشتري اسهم هاليومين ..الصغار والشياب بس الي يشترون ؟ مو كافي خسرانيين اضارب عليهم هالمره ...

باذن الله التفاؤل قريب بانتهاء التصحيح
( مع ان الكثير متشائم حتى من صناع السوق )

وعمره عمره هالشي مو طبيعي

اقتصاد سليم وزيادة ايرادات وسوق مريض ؟ ووين الشركات الي بتدرج الصينيه وغيرها ..هني او بالخليج ..هذا دليل ان الوضع الغير طبيعي لازم ينتهي ويحل محله وضع طبيعي

والنفط بيسوي عمايله قريب

اما انه خروج من المنتدى بشكل نهائي مو صحيح ومخالف للعقل
ان صار السوق ايجابي فلازم نرجعله لان العقل يقول جذي

ولكن خروجي وبما اني قرقه ومسولفجي بالمنتدى قلت ارتاح منكم وترتاحون مني ترى المنتدى قلب شات واحنا ناطرين السوق يرتفع بسبتي وبسبة الربع

بس عندي فرصه بسوق الذهب تاجر ايراني تجنس امريكي ورايح هووليود بيجرب حظه بالتمثيل ويبي يبيع محله
( شباصات وخواتم ذهب )

قلت اطقطق ابهل المشروع وخصوصا المحل يم البورصه يعني ترتفع البورصه اهد المحل بالي حمل ..وهو كله خمس خواتم وشباصتين ..
شسوي ما خلولنا المحافظ الا الشباصات نتاجر فيها الله يغربلهم

وانا نبهت اني بطلع يعني علشان لا يستغرب البعض من عدم مشاركاتي بسبب انشغالي بعدة امور او علبال البعض ان حاشتني سكته قلبيه بسبة الخساير المتواصله قلت افوت عليهم هالفرصه

كلامكم كله حلو وجميل
وبصراحه هالكلام يخليني كل سنه بعد ما ارد بارتفاع السوق
اسويها مره واقول بطلع


في اشاعه طالعه تقول الحريم بطلو يشترون ذهب وراحو على الالماس

الله يستر علي :d

 

[Cha3bar]

بس عندي فرصه بسوق الذهب تاجر ايراني تجنس امريكي ورايح هووليود بيجرب حظه بالتمثيل ويبي يبيع محله
( شباصات وخواتم ذهب )

قلت اطقطق ابهل المشروع وخصوصا المحل يم البورصه يعني ترتفع البورصه اهد المحل بالي حمل ..وهو كله خمس خواتم وشباصتين ..
شسوي ما خلولنا المحافظ الا الشباصات نتاجر فيها الله يغربلهم

ليكون المحل إلي مقابل سوق المباركية شارع العطور ومكتوب عليه للبيع؟

:d

 

[بوحسن]

ليكون المحل إلي مقابل سوق المباركية شارع العطور ومكتوب عليه للبيع؟

:d

هذا محل واحد ماخذ اجل المال الله يعينه


يا جماعة انصحكم ابهل اليوم كل واحد يمد ايده بجيبه ويطلع ربع دينار صدقه ويعطيها فراش ولا بنغالي اوكلش كلش ينوى بدفع الصدقه لاقرب فقير يصادفه

وبتشوفون اثر الصدقه

واليوم ايضا كسوف شمس جزئ ايضا اعتقد فيها اعمال

 

[قاروه]

هذا محل واحد ماخذ اجل المال الله يعينه


يا جماعة انصحكم ابهل اليوم كل واحد يمد ايده بجيبه ويطلع ربع دينار صدقه ويعطيها فراش ولا بنغالي اوكلش كلش ينوى بدفع الصدقه لاقرب فقير يصادفه

وبتشوفون اثر الصدقه

واليوم ايضا كسوف شمس جزئ ايضا اعتقد فيها اعمال

بوحسن جنه كلامك ورا مخزى او قمت اتكلم بالالغاز ؟؟

 

[SpeciaL 1]

ايوه ابي اعرف معزتي
كلامكم كله حلو وجميل
وبصراحه هالكلام يخليني كل سنه بعد ما ارد بارتفاع السوق
اسويها مره واقول بطلع


في اشاعه طالعه تقول الحريم بطلو يشترون ذهب وراحو على الالماس

الله يستر علي :d

إنت مش معقووووووووووووول
welcome back​

 

[beckham_23]

موفق بو حسن (الصبر مفتاح)
و ان شاء اللة نشوفك معانة عن قريب العاجل
بس لا تحرمنة من كتاباتك
اخوكم بواحمد

 

[دنانير]

في اشاعه طالعه تقول الحريم بطلو يشترون ذهب وراحو على الالماس

الله يستر علي :d[/QUOTE]






دنانير،،،

 

[صقرالبحر]

انا بعد طلعت من السوق اليوم .......

انا طلعت من السوق اليوم ببعض الخسائر
احيانا الصبر مو مفتاح
المثل يقول في التاني السلامه وفي العجلة الندامه ولكن عكس هذ المثل هو اللي يمشي مع السوق التعبان
لعل خروجنا من السوق هو ماارادته الحكومه او غيرها وحصل ماارادوا ومثلي الكثيرين ولكن ليعلموا ان الرازق هو الله وحده وليس هم
لم نكن نطمع بملايين ولا بتاسيس شركات انما هناك خير كثير في بلدنا الذي هو مقسوم لدول الضد وليس لنا .. انما اردنا تحسين وضعنا المعيشي لنا ولاولادنا فقط لاغير .. ولكن .. ديره الفساد ولا ديرة الحساد
يعني تعيش ببلد فيها فساد افضل من بلد كلها حساد وبلدنا علي كثير خيرها وين يحوشك هذا الخير والحسد منتشر كالوباء ....
اخواني
سامحوني علي اي شي بدر مني من غير قصد وسوف اظل متابعا منتداكم الكريم لاني فعلا حبيتكم كلكم وانتم الاسهم اللي كلها خضرا وحد اعلي دايما

ولكم تحياتي