البورصـه ماهـي دعـاوي تخاريـف مثـل السمـك ياكـل قويهـا ضعفهـا

AYAM ZAMAN

عضو نشط
التسجيل
19 سبتمبر 2005
المشاركات
187
الإقامة
الكويت
مع قلـة الوالـي وشـح المصاريـف
كـل ٍ عـرف للبورصـه وأحترفهـا
وكل ٍ يشوف إنه مع الوقـت حريـف
ويفهم ولا يـدري وش اللـي أقترفهـا
مـا يـدري إنـه باغتـوه العواريـف
وخلوه يجنـي صرفـة ٍ مـا عرفهـا
دسوله المعسـول وسـط المظاريـف
وقالوله إلحـق مـن عرفهـا صرفهـا
وخلك مع أول مـن تعـلا المشاريـف
وأبشر بجنـي أربـاح مالـك وشفهـا
شفها بعد فتره تجيلـك علـى الكيـف
ومن دون تتعب ضعف الأضعاف صفها
إصرف ومثلك صرف المال تصريـف
وإدبل سهم وإشتر سهـم مـن طرفهـا
باكر يبيـن وابـل السحـب والطيـف
وتنعـم بنعمـه مـا تعبـت بشغفهـا
مسكين ما يـدري وبعـض الملاقيـف
إنهـم ضحيـة نـاس باعـت شرفهـا
يومين والثالث هبط سوقهـم كيـف ؟
اللـي بناهـا ثـم رفعهـا نسفـهـا ؟
يعني حلاله راح يا حيـف يـا حيـف
ويـن الوعـود ويـن طيـب غرفهـا
إغرف خساره مـن كبـار المغاريـف
وإشبـع مـن زلال الوهـم وإرتشفهـا
يا بوي خذهـا دون شـك ٍ ولا زيـف
ماكـل مـن جالـه تجـاره عرفـهـا
البورصـه ماهـي دعـاوي تخاريـف
مثـل السمـك ياكـل قويهـا ضعفهـا​
 

سهم استثماري

عضو نشط
التسجيل
13 نوفمبر 2005
المشاركات
1,070
صح إلسانك ..
الشباب إنفتحت قريحتهم الشعرية مع موجة التصحيح العنيفه:rolleyes:
 
أعلى