البورصـه ماهـي دعـاوي تخاريـف مثـل السمـك ياكـل قويهـا ضعفهـا

الموضوع في 'السوق الكويتي للأوراق الماليه' بواسطة AYAM ZAMAN, بتاريخ ‏30 مارس 2006.

  1. AYAM ZAMAN

    AYAM ZAMAN عضو جديد

    التسجيل:
    ‏19 سبتمبر 2005
    المشاركات:
    187
    عدد الإعجابات:
    0
    مكان الإقامة:
    الكويت
    مع قلـة الوالـي وشـح المصاريـف
    كـل ٍ عـرف للبورصـه وأحترفهـا
    وكل ٍ يشوف إنه مع الوقـت حريـف
    ويفهم ولا يـدري وش اللـي أقترفهـا
    مـا يـدري إنـه باغتـوه العواريـف
    وخلوه يجنـي صرفـة ٍ مـا عرفهـا
    دسوله المعسـول وسـط المظاريـف
    وقالوله إلحـق مـن عرفهـا صرفهـا
    وخلك مع أول مـن تعـلا المشاريـف
    وأبشر بجنـي أربـاح مالـك وشفهـا
    شفها بعد فتره تجيلـك علـى الكيـف
    ومن دون تتعب ضعف الأضعاف صفها
    إصرف ومثلك صرف المال تصريـف
    وإدبل سهم وإشتر سهـم مـن طرفهـا
    باكر يبيـن وابـل السحـب والطيـف
    وتنعـم بنعمـه مـا تعبـت بشغفهـا
    مسكين ما يـدري وبعـض الملاقيـف
    إنهـم ضحيـة نـاس باعـت شرفهـا
    يومين والثالث هبط سوقهـم كيـف ؟
    اللـي بناهـا ثـم رفعهـا نسفـهـا ؟
    يعني حلاله راح يا حيـف يـا حيـف
    ويـن الوعـود ويـن طيـب غرفهـا
    إغرف خساره مـن كبـار المغاريـف
    وإشبـع مـن زلال الوهـم وإرتشفهـا
    يا بوي خذهـا دون شـك ٍ ولا زيـف
    ماكـل مـن جالـه تجـاره عرفـهـا
    البورصـه ماهـي دعـاوي تخاريـف
    مثـل السمـك ياكـل قويهـا ضعفهـا​
     
  2. سهم استثماري

    سهم استثماري عضو جديد

    التسجيل:
    ‏13 نوفمبر 2005
    المشاركات:
    1,070
    عدد الإعجابات:
    0
    صح إلسانك ..
    الشباب إنفتحت قريحتهم الشعرية مع موجة التصحيح العنيفه:rolleyes: