شي غريب حدث أمامي مع الآجل

[Black]

اليوم صار شي غريب جدامي مع واحد طلب آجل لشركة و الجهاز مو راضي يعطيه و حاول كذا مرة و في كل مرة يقول له اللي قاعد على الجهاز ان صانع السوق رافض الآجل على هالسهم و هو نفسه كان مستغرب
الشباب يحاولون له على الجهاز و مافي فايده كل مرة يرفضون الطلب
و بعد تقريبا نص ساعة السهم علق الى آخر اليوم
الظاهر صانع السوق يدري بالاسهم اللي راح ترتفع و مو مخلي احد يستفيد
لا يرحم ولا يخلي رحمه الله تنزل
الظاهر اللعب على الناس صار على واسع
الله يعين
سلام

 

[almostabeda]

وهل تظن اخوي الكريم ان الله راح يوفق اللي قاعد يتلاعب ويطوع القوانين ويشرعها لصالح تجارته وان الله وفقه باللعب بالتجاره جدلا تتوقع راح يوفقه بصحته او في اهله وعياله ترا الحوبه من الله وصدقني اغلب اللي تشوفهم يلعبون بالسوق على واسع على قولتك وبوضوح النهار كل واحد له كرت يا بالاميري او الفرابي وحده الدرن الواحد يتمنى الخير له ولاهل ديرته ولا يتمنى لهم السوء لكن الله على كل ظالم يخمط لقمه عيال ديرته ولا يخليهم يستفيدون من رزق الله
وعسى الله يوفق ويرزق الكل والجميع اللهم آمين
_________________________________
D0n'T pUt 0uT tHe gL0w​

 

[مضارب 2]

سلام عليكم

ما ابي افتي بس يمكن الجهاز فيه خلل او السيرفر ترى ساعات اتسير وياي وبعد عدة محاولات يقبل صانع السوق الطلب....


ودمتم ...

 

[Black]

و الله يا خوي انا سمعت اللي يشتغل بالمكتب يقول له المعاملة مرفوضة من صانع السوق
على العموم يا خبر بفلوس باجر يصير بلاش
و الله يعين
سلام

 

[Don^Hugo]

وهل تظن اخوي الكريم ان الله راح يوفق اللي قاعد يتلاعب ويطوع القوانين ويشرعها لصالح تجارته وان الله وفقه باللعب بالتجاره جدلا تتوقع راح يوفقه بصحته او في اهله وعياله ترا الحوبه من الله وصدقني اغلب اللي تشوفهم يلعبون بالسوق على واسع على قولتك وبوضوح النهار كل واحد له كرت يا بالاميري او الفرابي وحده الدرن الواحد يتمنى الخير له ولاهل ديرته ولا يتمنى لهم السوء لكن الله على كل ظالم يخمط لقمه عيال ديرته ولا يخليهم يستفيدون من رزق الله
وعسى الله يوفق ويرزق الكل والجميع اللهم آمين
_________________________________
D0n'T pUt 0uT tHe gL0w​

وجنه العيد الله اموفقه و موفق اعياله ... و احنا افلوسنا طارت بالهوا شاشي للاسف و الله سوق غريب و احنا تونا ندري و الله كبار الملاك ابيعون اسهمهم و ادارة البورصة الكريمة قاعد اتطالع وين صارت هذه غير عندنا و عند الاسواق المجاورة ... قوانين تحمي الهوامير و تساعد على اكل الصغار و اقوولوون اقتصاد مفتوح وسوق حر !!

 

[alamer70]

سوق الاجل مصيبه

اليوم لى صديق ضايق خلقه ومغلق مع الصعود اليوم

سالته سلامات

قال العقد تفصخ الاربعاء الساعه 10 واليوم سهمه معلق

والخساره جايده

الله يعينه ويصبره

 

[q8_chamber]

صانع السوق يدري 100% انه راح يتعلق




​

 

[المهندس الاول]

استغفر الله هالناس ماتبو من الاجل ماشفوا مصايب غيرهم

 

[Black]

اليوم اتضحت الرؤية
اليوم الصبح رحت و قلت بطلب الصفوة آجل و طلبت 100 ألف و الموظف حط البيانات و بلغني بالسعر و سعر تفسيخ العقد و حاول الموظف و حاول و حاول و بكل مرة يطلع له مرفوض من صانع السوق و ان تم وقف التعامل مع السهم في سوق الآجل ، و حاول الموظف أكثر من مرة الى ان هو مل و انا مليت ، و قمت اتصلت بشركة من الشركات اللي اتبيع آجل و كلمت الموظف و قلت له على السالفة ان ليش الصفوة مو مدروجة اليوم و مو قادر احصلها ، قال لي اصبر علشان يشيك عليها و رد علي و قال فعلا ان الصفوة مو مدروجة اليوم لأن الصناديق اتشوف الوضع و بعدين اتقرر اذا بتعاملون فيها ولا لا ، و انا استغربت من رده و قال لي اصبر شوي يمكن راح يسمحول بالتداول بعد شوي و أخذ تلفوني ، و كانت الصفوة وقتها مطلوبة 120 و معروضة 122 ، بعد شوي دق علي و قال ان الصفوة راح يتعاملون فيها باجر .
بعدها بجم دقيقة بدت الصفوة تنزل و صار عليها الحذف مو طبيعي الى ان وصلت الى 116 !!!!
و أفهم يا فهيم
سلام

 

[مستثمر مبتدئ]

بعدها بجم دقيقة بدت الصفوة تنزل و صار عليها الحذف مو طبيعي الى ان وصلت الى 116 !!!!
و أفهم يا فهيم
سلام

أنا والله فهيم بس ما فهمت منك شي

لو قصدهم سيئ جان دبسوك فيها وهم الربحانين

 

[Black]

لو ما كان قصده شي ثاني جان عطوني اياها في اليوم اللي راح تصعد فيه لما طلبتها و في جميع الأحوال هم ياخذون نسبتهم اللي هي اتفوق الألف دينار و طبعا الكمية تحكم بالعملية هذه ، اول شي ياخذون عمولة بالإضافة الى فرقية السهم و السهم اللي يبي يصعده الصندوق ماراح يعطي الناس عليه آجل و الشي شفته بعيني يوم السبت طلبها واحد جدامي ولا عطوه و السهم صعد بشكل كبير و في يوم الأحد أنا طلبتها و رفض الطلب و نفس الشي السهم صعد في يوم الأحد بشكل كبير ، و لما قال الموظف انهم راح ينزلون الشركة آجل يوم الاثنين بدأ السهم بالنزول الى ان وصل 12-14 من 120 و مع الوقت راح اتشوف العجب و ان شاء الله راح ينفضح المستور من التلاعب و الاتفاقات اللي صارت على فلوس المستثمرين الصغار .
و الله يعين
سلام

 

[DAISKY]

و الله يا خوي انا سمعت اللي يشتغل بالمكتب يقول له المعاملة مرفوضة من صانع السوق
على العموم يا خبر بفلوس باجر يصير بلاش
و الله يعين
سلام

كلامك صحيح صارت معاي
لا ومايصير يطلبلك مره ثانيه الا اذا طلب شخص ثاني عقبك

 

[Black]

كلامك عدل
و أكثر من هذا اذا بعت اسهمك بالبيع العادي ما تقدر تاخذ آجل من نفس السهم الا اذا أحد أخذ و انت اتصير بعده ، علشان يمنعون الناس اللي عندها اسهم من شركة و حاسة ان شركتها بترتفع من انها اتبيع الكمية اللي عندها و تاخذها آجل بكميات ضخمة .
الله يعين