أقوى أسهم للأسبوع الثاني من إبريل 2006

[Moshaks_777]

أخوي المهذب جداً


شرايك بالتجارية العقارية ؟؟

 

[q8_chamber]

المهذب جداً = انت احد اعمدت هذا المنتدى

ترى هلكلام من قلبي والله

و الله يعطيك العافية على مجهودك الطيب ((الممتاز))


ترى هلكلام حقيق مو مساحل


انا عندي سؤال واحد

ما رايك بسهم اسمنت الخليج ؟؟

هل السعر 630 مناسب

و شنو توقعاتك للسهم



و الشكر لك مقدماً​

 

[dad]

الاخ العزيز مهذب جدا
شريت الابيض يوم الاربعاء و بعدين طلع فيه بياع قوي نزله حد ادنى
شرايك ابدله في سهم ثاني مع اني خسران فيه

 

[المهذب جداً]

.

الاخ العزيز مهذب جدا
شريت الابيض يوم الاربعاء و بعدين طلع فيه بياع قوي نزله حد ادنى
شرايك ابدله في سهم ثاني مع اني خسران فيه

سلوك مثلث أسهم الإسمنت الإماراتي أسهل للمتابعة من إسمنت الشارقة و إسمنت الخليج.

إسمنت الشارقة و إسمنت الخليج أسهم ممتازة بس ما أعرف عن سلوكها شي.


نتمنى أن تتعدل أوضاع السوق الإماراتي

و أسهم الإسمنت الإماراتي خصوصاً الثلاثي المعروف لها إرتفاع جيد قبل نهاية شهر 5 / 2006.

أكيد راح تشوف أسهم تناقز مني و مناك.

من أهم أساب الخساير في البورصات ما يلي :

- الدخول على قبل التحديد بوضوح شديد سعر مستهدف للخروج.

- كثرة التنقل بين الأسهم بين عناية و دراسة.

وإنك تصبر على السهم شي زين.

.

 

[المهذب جداً]

.

أخوي المهذب جداً


شرايك بالتجارية العقارية ؟؟

السهم ثقيل

عندها أخبار زين و كمية من أرباح الغير التشغيلية جيد

طبعاً بالإضافة لأرباحها التشغيلية الجيدة.

سمعت أن هناك مفاوضات من البحر لبيع حصته لمعرفي بـ 600 فلس للسهم الواحد.


.

 

[المهذب جداً]

.

إللي عنده الكيه سبان لا يقط هالسهم قبل ماترتفع كميات التدوال بشكل كبير جداً

.

 

[بيض الصعو]

السلام عليكم أخوي المهذب
جزاك الله خير على مساعدتك لصغار المستثمرين, وابي نصيحه منك لاني اثق فيك الله العالم اشكثر خسارتي بالبورصة وودي اطلع على الاقل راس مالي اخوي عندي دولية م ا لما كانت ب 0.600 اشرايك ابيعها واخذ التخصيص او صكوك
ويعطيك العافية

لا تنسانه يا المهذب ترا للحين ناطر

 

[Moshaks_777]

الله يعطيك العافية اخوي المهذب جداً على المعلومه

 

[جرير]

يااجمااعة الخير اللي يشووف المهذب جدااا

يبلغه انه الاسهم اللي وصى فيها صارلهاا ثلاث اشهر وخاصه صكوووووك

واهي نازله يعني اذا امكن يبلغنا شنو نسوي بالسهم

نبيع بخسااره.. نطالع ونتحسر والمشكله من توصيته بجم يووم والاسهم

ناازله ... لايكوون صررف علينااا

 

[nasy]

.

صكوك ، التخصيص ، كيه سبان >>>>>>> 340 فلس.


بالإضافة للصناعات الوطنية و مثلث الإسمنت الإماراتي.

.

أين الحقيقه ​

على الاخوه المحتجين على عدم صعودهم التجمع بساحة الاراده

 

[البيروتي]

يااجمااعة الخير اللي يشووف المهذب جدااا

يبلغه انه الاسهم اللي وصى فيها صارلهاا ثلاث اشهر وخاصه صكوووووك

واهي نازله يعني اذا امكن يبلغنا شنو نسوي بالسهم

نبيع بخسااره.. نطالع ونتحسر والمشكله من توصيته بجم يووم والاسهم

ناازله ... لايكوون صررف علينااا

السهم فيه نزول لغاية 202 وانشاله يرتد منها بقوه بس شوية صبر يا اخوان