الشركة السعودية المشتركة

[سبع الليل]

للحين ما قفل الاكتتاب؟

 

[التكانة]

السلام عليكم ...

يعلم الله إن مالي شغل في الشركة ولكن بعد سؤال أهل الإختصاص في الاستثمار في الكويت والسعودية وغيرهم قالوا غالية وماتسوى وخصوصا إنها تأسيس يديد راح تكون بالسوق بعد سنتين وهي الآن رخصة فقط ، هذا اللي توفر عندي ، واللي ناوي يشتري والله شركة المتحد أفضل منها وقائمة وعندها أصول و أرباح زينة و راح تدرج نصف السنة القادمة إن شاء الله ، وكل واحد له مطلق الاختيار وكلامي مو ملزم لأحد . والسلام

 

[سبع الليل]

للرفع

للحين ما قفل الاكتتاب؟

للرفع

 

[سبع الليل]

للرفع

شباب شنو آخر الأخبار؟؟

 

[الناصح_1]

الشركة السعودية

كتبت الرأي العام اليوم

«دار الاستثمار» تشهر «السعودية المشتركة» برأس مال 600 مليون ريال قبل نهاية الشهر
كتب محمد الجاموس: علمت «الرأي العام» ان شركة دار الاستثمار تستعد قريباً لإشهار شركتها التي أسستها في السعودية برأس مال 600 مليون ريال سعودي (50 مليون دينار كويتي).
وأوضح مصدر مطلع ان دار الاستثمار انتهت من إجراءات التأسيس تقريباً وتوقع إشهار الشركة التي تحمل اسم الشركة السعودية المشتركة في وقت قريب جداً وقبل نهاية الشهر الجاري.
وتبلغ حصة شركة دار الاستثمار 60 في المئة بالشراكة مع حلفاء استراتيجيين في الكويت، في حين ستتـــــمــــــلك شـــــركة الدمــــــــام للتعـــــمــــير الـــــســــعودية حصة تبلغ نحو 10 في المئة، فيما خصصت حصة الـ 30 في المئة المتبقية لمستثمرين سعوديين.
وأكد مصدر معني ان الشركة الجديدة ستباشر في تنفيذ خططها وبدء التشغيل بعد الإشهار مباشرة، منوهاً بأن الشركة ستكون منفذاً الى قطاعات مختلفة مثل التأمين والتنمية العقارية والاستثمار وإدارة الأصول واصفاً السوق السعودي بأنه واعد وفيه المجال واسع للابتكار.

 

[سبع الليل]

يأهل الدار...هل من مجيب؟؟؟

مشكور أخوي الناصح ...
بس أنا ودي أسمع أخبار من وسط الجليب ...يعني من وسط الشركة نفسها.
ياخوي شبعنا كلام جرايد...ماكو شي يبرد الجبد.
ودي أعرف هم صكو الاكتتاب أصلاً؟؟!!
ومتى الادراج؟؟هذا لو في إدراج للشركة!!
أنا اكتتبت أول أسبوع لأنهم قالوا لي : (الاكتتاب بس إسبوعين تلحق ياما تلحق)
فلوسنا متجمده صارلها أكثر من 8شهور...لو مشتغلين فيها أحسن .
لاااا وشارينها بسعر دبل...حكيم يالمسلم حكيييييييم الله يستر لو يحطونك مكان الركيبي.

الشركة هذي بسميها أوكيانا2 على وزن نورمندي2 -طراد الفنان المرحوم عبدالفتاح القصري- اللي طبع من أول مرة نزل فيها البحر.
والظاهر أهل الدار ما عندهم إنترنت علشان يقرؤن..أو لاهين بالهوت ميل و شغل دزلي و أدزلك صور ,لقطات تضحك والحين طايحيله مباركة لشهر رمضان ....شركة اسلامية واللي يخافون الله بحقوق الناس فيها بالكثير 10%!!!

 

[الناصح_1]

السعودية المشتركة

للعلم يا جماعة إن سهم السعودية المشتركة

قد تم تجزئته إلى 5 أجزاء

يعني لو عندك 3000 سهم أصبح عندك الآن 15000 سهم

يعني السهم صار سعره 20 ريال وراح ينزل في مجموعة البنوك وليس الإستثمار

ومثل ما وصلني إن السهم ما عليه خوف

ومتوقع له قريبا أن يصل إلى أسعار عالية جدا عدنان المسلم يقول متوقع له يصل إلى 80 ريال

أنا أدري إن الدار صارت تخوف بس إنشاء الله يبيضونها هالمرة

وبخاصة إن عدنان المسلم هو الذي سيدير هذه الشركة

والله أعلم

 

[سبع الليل]

كلامك حلو يالناصح...بس الله يستر لا يكون مخدر مؤقت.
الناصح ما تدري متى تدرج؟؟
و تدري اذا يصير أبيع الحين ولا لأ؟؟

 

[الناصح_1]

السعودية المشتركة

أنا ما ني خايف منها بل متفائل جدا بهذه الشركة

وأعرف ناس كثيرين سجلوا فيها والكل يثني عليها

ولعلمك الخاص أنا غدا راح أسجل فيها كمية حلوة وأنا ما أسجل إلا ناشب فيهم أسئلة من أكبر رأس إلى الموظف الصغير

أدري بتقول ليش إلى الحين ما سكرت !

أقولك فيه ناس سجلوا وما دفعوا وهذه هي الكمية التي يبيعونها

والدار متوقعة مستقبل طيب لهذه الشركة

أقول خلك معانا وتوكل على الله وإنشاء الله بتلاقي خير منها

 

[سبع الليل]

يالناصح قول آمين.....
عسى الله يوفقك و يرزقك رزق طيب و يبارك لك في صحتك و مالك و أمة محمد أجمعين.....

هذه أول دعوه لي في رمضان و أسأل الله القبول.....آمين.

 

[الناصح_1]

السعودية المشتركة

يالناصح قول آمين.....
عسى الله يوفقك و يرزقك رزق طيب و يبارك لك في صحتك و مالك و أمة محمد أجمعين.....

هذه أول دعوه لي في رمضان و أسأل الله القبول.....آمين.

ولك مثل ما دعوت

 

[سبع الليل]

يالناصح ... يا صديقي ... سمعت عن مسلسل إخوه التراب؟؟..إحنا إخوه السعودية المشتركة.

على العموم أبشرك ... إبشر بالعلوم الطبية بعد شهر واحد لاغير...بس قول آمين.
إسمح لي ما أقدر أقولك منو قالي و وين ومتى قعدت وياه...الشخص مو عروقه بالماي...إلا هو الماي نفسه.
بس اللي يهمني و يهمك هو الأخبار الطيبه.... إبشر.

 

[الناصح_1]

السعودية المشتركة

يالناصح ... يا صديقي ... سمعت عن مسلسل إخوه التراب؟؟..إحنا إخوه السعودية المشتركة.

على العموم أبشرك ... إبشر بالعلوم الطبية بعد شهر واحد لاغير...بس قول آمين.
إسمح لي ما أقدر أقولك منو قالي و وين ومتى قعدت وياه...الشخص مو عروقه بالماي...إلا هو الماي نفسه.
بس اللي يهمني و يهمك هو الأخبار الطيبه.... إبشر.

يعني أخي الكريم

نزيد الكمية وإلا كافي

آنا اكتتبت 15000 سهم بس ممكن ازيدهم إذا فيه أخبار طيبة

 

[tajjir]

متى ادراجها لو تكرمتوا....؟
كم سعر السهم كان....؟
كم اقل كمية....؟

 

[الناصح_1]

السعودية المشتركة

سعر السهم حاليا 20 ريال

ادراجها بعد سنة ونصف في السوق السعودي

أقل كمية أعتقد 10000 سهم يعني حوالي 15000 دينار

راح تشهر هذا الشهر وبعد الإشهار أعتقد تستطيع بيعها في السوق الثانوي السعودي

 

[سبع الليل]

إمسك مينونك

يعني أخي الكريم

نزيد الكمية وإلا كافي

آنا اكتتبت 15000 سهم بس ممكن ازيدهم إذا فيه أخبار طيبة

والله كيفك ...بس القناعة حلوه ياحلو.
خوفك أقولك روووووووح اشتر , وتتوهق بعدين.
وزع بيض على أكثر من سلة....(ترى سلتي فيها مكان إذا تبي )

المهم حاول توزع استثماراتك...ترى هاببين بالأراضي كاستثمار بقندهار

 

[دبل سهم]

يا الاخوان

وين نكتتب؟ ولحد متى ؟ الاكتتاب

ارجو الرد

 

[سبع الليل]

يا الاخوان

وين نكتتب؟ ولحد متى ؟ الاكتتاب

ارجو الرد

الاكتتاب في الدار للاستثمار ...برج العوضي بشارع أحمد الجابر
والاكتتاب للحين مفتوح....بسرعة روح اكتتب و توهق معانا...
شناطر ؟؟روح بسرعة.

 

[سبع الليل]

ماكو خبر جديد؟؟

 

[الناصح_1]

السعودية المشتركة

اتصلوا فيني شركة الدار قبل قليل من أجل توقيع

العقد معهم والخاص بالشركة السعودية المشتركة

وقالوا بأن الشركة تم اشهارها في السعودية

وسيعقدون مؤتمرا صحفيا بعد الغد حول هذا الموضوع

وقالوا بأن الأخبار طيبة عن الشركة وسوف نسمع ما يسرنا

إنشاء الله

الله كريم