الثلاثاء 11/4/2006 ----- تتوقون راح تتأثر بورصة الكويت

[q8_chamber]

الله يستر من نزول بورصة السعودية
1457 نقطة نزول


تتوقعون راح ينزل مؤشر بورصة الكويت ؟؟؟

هل الصناديق راح تحافظ على اسعار الاسهم ؟؟

خاصةً .,.,., الصناديق اغلبهم خسرانة



انشاء الله ما تأثر علينا



و تستمر رحلت المؤشر ​

الأخضر​

 

[انور النقوشي]

احنا كوجا مرحبا بالسوق السعودي؟
السوق السعودي صعد احنا بالنزول
السوق السعودي اخذ وضعه احنا بالنزول
يبا شركاتنا و محافظنا اهي اللي تحرك السوق مو السوق السعودي يحرك السوق
شكرا

 

[الراقي]

على كلام الأخوة السعودين ان سبب النزول ان سوق المال اوقف اثنين من كبار المضاربين بسبب مخالفتهم لقوانين وهذا شي اوصل رسالة لباقين ان القانون فوق الجميع وطبعآ الأخوان ماعجبهم هذا الكلام فكان ردة فعلهم البيع في كل الأسهم يعني نستنتج من هذا الكلام ان سبب النزول داخلي يعني احنا مالنا شغل

 

[عنيد]

والله حاله السوق السعودي ينزل احنا نتأثر

يبى سوقنا باجر أخضر ماله شغل بالسوق السعودي .

بل بالعكس يمكن مفيد لنا هالنزول لأن اخوانا السعوديين يتجهون الى

سوقنا . ​

 

[Moshaks_777]

باجر يبين

 

[Koko wawa]

احمر بعدين اخضر اتوقع

 

[ebjad]

لماذا نربط الهبوط في سوقنا بالسوق السعودى أعتقد أنه من غير العدل والانصاف أن يكون هناك ارتباطا وثيقا بينهما طالما أن عوامل التأثير داخليه ولها مسبباتها . أما اذا ارجعنا الامر لاسباب خارجيه فهي مؤثره بكل تأكيد فمسألة العناد الايراني وما صرح به رئيس جمهورية ايران الاسلاميه هذا اليوم بأن ايران لن تتحرك قيد انمله في التنازل عن مواصلة بناء مفاعلها النووى وذلك في رده على ما نشر من تقارير في بعض الصحف الامريكيه بأن امريكا تخطط لضربات انتقائيه لمواقع ايرانيه ،اذا ما تراجعت ايران عن فكرة المفاعل النووى .
فالخوف مما يثار من زوبعة بين ايران وامريكا يؤثر بشكل مباشر أو غير مباشر
على الاقتصاد الخليجي عموما وليست اسواق المال فقط . نأمل ان تحل هذه الخلافات وننتهي من هذه البروباقندا التي تعيش عليها هوامير بكتيريا الازمات . والسلام

 

[eezeee2]

بسكم تخوف واشاعات !

fالسوق الكويتي ليس تابع السعودي
سوقنا فيه خير وانششششاءالله الى الاعلى
ودوم دربه خضر:

 

[fahad1234_1]

ياجمعه المحافظ ما تنزل السوق اللي ينزله اعتقاداتكم البطاله
حدث العاقل بما يعقل
التأثير فقط بأزمه بالخليج (النووي الايراني _حرب العراق) اما سوق حديث بالنسبه لسوقنا يطيحه...... السوق الكويتي يتأثر من طيحته هذي موضه يديده اول مره نسمع عنها

 

[أبو عبدالملك]

يوم السبت قبل الماضي اللي يصادف تاريخ 1/4/2006

كان السوق السعودي نازل 420 نقطة و السوق الكويتي صاعد 224 نقطة

يعني كل ما ينزل سوق السعودية نقول سوق الكويت مرتبط فيه!!!!

غير سالفة هذي!!

خلاص سوق نزل 420 نقطة كما ذكرت في بداية كلامي و سوق الكويت بنفس اليوم صعد 224 نقطة ...وهذا يثبت انه لايوجد ارتباط بينهم بل يثبت ان لكل سوق معطيات وظروف محيطة به تساعد على توجه السوق فكيف نربط سوق عريق له تاريخ كسوق الكويت بسوق آخر!!

الرجاء من بعض الاخوان معرفة ان سوق الكويت ليس سوق ناشيء بالمنطقة!! كباقي دول الخليج سوق الكويت من اقوى الاسواق بالشرق الاوسط فالواجب عدم ربطه بأي سوق آخر

الحقيقة واضحة و هي انه لايوجد ارتباط بين السوقين ..و انا اجزم انه عند كل نزول للسوق السعودي سوف تولد هذه الاسطوانة من جديد

و جوابها واضح كما ذكرت ببداية كلامي من نزول قوي للسوق السعودي و ارتفاع قوي للسوق الكويتي بيوم واحد بل بتوقيت واحد

 

[نفطي]

يوم السبت قبل الماضي اللي يصادف تاريخ 1/4/2006

كان السوق السعودي نازل 420 نقطة و السوق الكويتي صاعد 224 نقطة

يعني كل ما ينزل سوق السعودية نقول سوق الكويت مرتبط فيه!!!!

غير سالفة هذي!!

خلاص سوق نزل 420 نقطة كما ذكرت في بداية كلامي و سوق الكويت بنفس اليوم صعد 224 نقطة ...وهذا يثبت انه لايوجد ارتباط بينهم بل يثبت ان لكل سوق معطيات وظروف محيطة به تساعد على توجه السوق فكيف نربط سوق عريق له تاريخ كسوق الكويت بسوق آخر!!

الرجاء من بعض الاخوان معرفة ان سوق الكويت ليس سوق ناشيء بالمنطقة!! كباقي دول الخليج سوق الكويت من اقوى الاسواق بالشرق الاوسط فالواجب عدم ربطه بأي سوق آخر

الحقيقة واضحة و هي انه لايوجد ارتباط بين السوقين ..و انا اجزم انه عند كل نزول للسوق السعودي سوف تولد هذه الاسطوانة من جديد

و جوابها واضح كما ذكرت ببداية كلامي من نزول قوي للسوق السعودي و ارتفاع قوي للسوق الكويتي بيوم واحد بل بتوقيت واحد

اخي العزيز..

انا اتفق معك تماما انه لا يوجد هناك ارتباط بين السوقين..المشكلة ان البعض يحاول استغلال اي هبوط في السوق السعودي لنشر الذعر في سوق الكويت لتحيق اهدافهم بتنزيل الاسعار ومن ثم التجميع باقل الاسعار...


والله اعلم وموفقين خير...

 

[سهم استثماري]

دائما كنت أقول ما في إي إرتباط بين السوقين ..والصدفة جمعت الأسواق الخليجية وبعض العربية في تصحيح مشترك ... فقط كانت صدفه لا اكثر ولا أقل .....السوق السعودي بصراحة حصل فيه تضخم بالأسعار لدرجة مخيفه لهذا نزلوا نسبة التغير من عشره لخمسه وبعدها سمحوا للأجانب بالدخول وبعدها عملوا تجزئه وأخيرا رفعوا نسبة التغير واعادوها لعشره .. اللي قاعد يصير كأن مريض يحتضر والأطباء قاعدين يحاولون إنعاشه بكل الوسائل ولكن دون جدوى ...

سوقنا اعرق وسوقنا آمن ... سوقنا بخير لا تحاتون

 

[الكولونيل]

ولييييييييييييييييييييييه
هم انهيار مره ثانيه ماصارت اشوف صارت موضه هالانهيارات
الواحد عسى مايتنفس شوي وعين من الله خير الا ذكرتوه بالانهيار
احنا ماصدقنا نشوف السوق اخضر قلنا ترد بيزاتنا بس الظاهر ماكو فايده
الواحد يفتحله بقاله ابرك

 

[Bo Tasneem]

احمر بعدين اخضر اتوقع

كلامك صحيح .. وسمعت مثل هالكلام اليوم ولكن باختلاف بسيط .. إن باجر أحمر بس من غير أخضر للأسف .. ويارب هالكلام غلط !!


بوتسنيم​

 

[محمد10]

يا خبر النهارده بفلوس بكرة يبأى ببلاش

 

[pipes_kse]

سيناريو يوم الثلاثاء 11-4-2006

استغلال من المحافظ و الصناديق لتنزيل السوق
قط من صغار المستثمرين على المطلوب

و يعقبه ان شاء الله لون اخضر و تعديل مرة اخرى

و ان شاء الله ما يزيد السيناريو عن هذه الاحداث

 

[الدغري]

يبه سوقنا ما له شغل بالسوق السعودي

بس ممكن يستغلون النزول الكبير في السوق السعودي ويحاولون الضغط على السوق باجر .... والله أعلم .

 

[المجموعي]

ممكن يكوووووون هناك كسر لكل التوقعات وصعود للمؤشر

لكن الاغلب يتجه الى الثبات والتأسيس فوق ال10700

وفقنا الله لما يحب ويرضى

 

[المعوشرجي79]

اتوقع نزول 440 نقطه غدا !!

 

[FLOOD]

نصيحة من اخ الى عندا سهم ربحان باجر يشوتة صدقونى نزول مو طبيعى باجر لاحد يقص على نفسا ويقول السوق الكويتى مالة شغل بالسعودى ومافى ربط ترا الربط موجود و فعال الاول محافظ كويتية كثيرة تتداول بالسوق السعودى و هذا النزول يؤثر على تملكات المحافظ 2 العامل النفسى لة كبير الاثر على السوق الكويتى اللهم انى بلغت