ذكريات لاتُنســـى (لاتطوفك)

asrar12345

عضو نشط
التسجيل
2 سبتمبر 2006
المشاركات
1,776
الإقامة
أين ؟؟؟
يبا اشفيكم عورني قلبي
من كلامكم
جنكم ( مجموعة شيبان ) وقاعدين يتذكرون الماضي
من خمسين سنه مضت

يبا كلكم شباب
والحمدلله بألف نعمة وخير
والحمد لله على ما كتب الله
الانسان بطبعه يحن للماضي
لكن
لاتبكي على اللبن المسكوب
و لا تندم على ما فات
وتفاءلوا بالخير تجدوه :d
صراحة ما كملت القراءة الحجي وايد
لكن قرأت تعليقاتكم
و مو قديم حييل في اشياء لا زالت تحدث حتى الأن
وكل زمان وله وقته وجماله
اللي قبل اصغير صار رجل
وعنده اعيال وزوجه ( تغثه ) او بيصير بإذن الله
بعدين يصير جد عقب ما كان أبو
ويلعب مع احفاده
كل مرحله لها جمالها
عيشوا حياتكم كل لحظة
واستمتعوا فيها كل لحظة
والحين خاصة
عشان مو عقب عشر سنوات
تحطون ذكريات هالوقت
وتترحمون عليها بعد
الزمن صار يتغير بسرعه رهيبه
الخمس سنوات صارت مثل الخمستعش سنه
والقادم دائما بإذن الله أفضل
اهم شيء نحسن العمل والعبادة
ويجعلنا الله من الفايزين في هذه الدنيا الفانية
ولا عيش إلا عيش الآخره

وسلامتكم



بعدين منواللي قال البنات يحطون جيس جمعيه على راسهم
يحطون جيس محلات هارودز من لندن
مستورده مخصوص لهالمهمة الصعبة :d​

.
 

q8ia_edaria

عضو نشط
التسجيل
5 مايو 2006
المشاركات
684
لوووول حلوة وايد اشياء كنا انسويها ...:p
خاصة الحنه اللي على الايد لوووووووووووول..... مت عليها من الضحك...
ومشكوووووور على الموضوع الحلووووووووووو
 

بس999

عضو نشط
التسجيل
17 يوليو 2006
المشاركات
120
الإقامة
الكويت
ياحلو ايام الطفولة

1‏- تذكرون لعبة العنبر نعبي بطل البيبسي تراب قبل لايحذفك فيها وتقول عنبر واذا كان حاقد عليك يشوتك بالكوره الصغيره بوجهك عادي لعب

2‏-تذكرون لعبة لحق ملاحق واللي تلمس راسه تقوله مقرقش
مقرقش شنو معناها مادري


3-تذكرون السيم اللي نقصه ونسويه على حرف u‏ ونجيب سير ونقعد تحت شجرة الكنار ونصيد فيه طيور زعره رقعي زرزور وناسه

4-تذكرون الكورييين ماادري صينيين
كنا لاشفنا واحد بالشارع نقوله شي علي بابا كانوا يلحقونا لين نوصل البيت
شي علي بابا شنو معناها مادري

5-تذكرون الرجل الحديدي كنا متحطمين فيه وادا طلع المسلسل ربعك اللي بالشارع انحاشوا ماتشوف ولا قطو بالشارع عشان ماتطوفهم اغنية البداية تقدموا وحاربوا وهاجموا وانتشروا الديناصور عدونا


6‏ تذكرون لعبة حيا الميد ولعبة بريلا

7-تذكرون الشباب اللي يلبسون طاقية مشخله ولازم ينزل الطاقية ويغطي فيها جبهته وحواجبه ويفترون بالاسواق ابعد عنهم

8-‏ تذكرون عصير سانكست مع بفك
ونحط مع البفك شطة يعني حركة


9-‏ من يذكر لعبة التيل فيه تيلة كان اسمها روز يتفائلون فيها مايبيعها راعيها بدينار

10-من يذكر نعال تيربو ومن يذكر جواتي بورسلي كنا نتفاخر بالمدرسة اللي عنده جواتي بورسلي
 
أعلى