محلل ... خبير ... محفظة ... صندوق.... كلهم خسرانين !! أشكيلي لابكيلك !!

الموضوع في 'السوق الكويتي للأوراق الماليه' بواسطة rahaly, بتاريخ ‏12 ابريل 2006.

  1. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    حقيقة شر البلية ما يضحك !!!!

    يعني ربعنا ... تلقاه محلل وفنان صج ... وكل يوم حاطله شارت ...

    والا خبير ... شغل عدل .... يتداول في البورصة من قبل افتتاحها ...

    والا تلاقيه مدير صندوق .... او مدير محفظة ....


    النتيجة ؟؟؟

    خسراااااان بالاسهم !!!!

    تقول حق الواحد السهم الفلاني نازل علي 20% ... يقولك احسن مني .. انا نازل علي 30% !!!

    انا مو من اللي ذكرتهم بس مثل متذوق الشعر ....
    انا متذوق تحليل ... وصديق الخبراء ... وهاوي صناديق .. وشريك محافظ ..

    والنتيجة ؟؟؟

    خسراااااان ...

    :d



    السؤال .............

    يا جماعة الغلط وين ؟؟؟

    من التحليل ؟
    والا من حسابات خبرة غلط ؟؟
    والا السوق ماشي عالبركة ؟؟

    وين الخلل؟؟

    وشنو الحل؟؟



    يعني الصراحة التحليلات والخبرة ولله الحمد والمنة .. ماشية معانا حلاوة في السوق الامريكي ...

    لااااااا ... حتى امس شريت فقع ب 6 دنانير وبعدين لقيته ب 5 .... اضطريت اشتري مرة ثانية نفس الكمية عشان (( ابرد عليه ))

    يعني التحليل ماشي معانا حتى بسوق الفقع ...
    اما بالبورصة سلامتكم


    :d

    أما السوق الكويتي .... مو ماشي معاه شي منهم ....

    فاين الخلل؟؟؟



    تحياتي



    رحالي
     
  2. boalons

    boalons عضو محترف

    التسجيل:
    ‏17 سبتمبر 2003
    المشاركات:
    4,058
    عدد الإعجابات:
    0
    مكان الإقامة:
    KUWAIT
    الخلل بادمان السوووووق

    لما الواحد يشتري سهم ويقول ابي استثمر وكل يوم يجابل اوامر البيع والشرى .... ليش ؟؟ مو انت مستثمر تابع الاقفالات بس احسلك

    ادمان السوق يخليك مضارب غصب طيب السوق صاعد والحبيب يطامر من سهم للثاني

    اغلب المضاربين لما يشترون سهم ويبيعونه بعد مايرتفع شوي ايدهم تحكهم الا يشتري سهم ثاني بنفس اليوم , بدون لا يشوف هل توقيته صحيح ام لا

    وفي نقطة اخيره ان اغلب المتداولين مايفعلون الستوب لووز

    كل هالاسباب تخلينا ما نربح حتى لو صعد السوق الى 40 الف نقطه !
     
  3. بيل غيتس

    بيل غيتس عضو جديد

    التسجيل:
    ‏21 فبراير 2005
    المشاركات:
    599
    عدد الإعجابات:
    0
    ربعنه يا رحالى حمنيه

    للاسف طلعوا عندهم سحاحير مو صناديق

    اليوم شوف عينك تصريف على سينفونيه بيتهوفن

    يمسكلك المؤشر بالكيسبان والزجاج

    انا من راى افضل البيع والانتظار

    اذا شفت تداول بقيمه 150 مليون والمؤشر فوق 11 الف ادخل السوق
     
  4. mustafa2005

    mustafa2005 عضو جديد

    التسجيل:
    ‏14 أغسطس 2005
    المشاركات:
    365
    عدد الإعجابات:
    0
    الخلل
    1- ان السوق فيه ناس وايد ماتدري شنو تشتري وليش ومتى :confused:
    ونفس الشي عند البيع مايدرون متى يبيعون وعلى اي سعر يبيعون وليش يبيعون (يعني لايمشون على اي مبدا وبنفس الوقت يتداولون بطريقة عشوائية دون اي تفكير )

    2- سياسة القطيع

    3- الاشاعات والأشخاص المجندين لخدمة الأشاعات بالبورصة (مأجورين نفس المطبلين ) وياكثر الناس الى تسمعلهم وتمشي على هواهم

    4- عدم الاسقرار من كل الجوانب ( يعطي للمستثمر احساس بالتخبط واللامبالاه والعشوائية باتخاذ القرار )

    وجهة نظر خاصة
     
  5. ipi

    ipi عضو جديد

    التسجيل:
    ‏18 مارس 2006
    المشاركات:
    35
    عدد الإعجابات:
    0
    مكان الإقامة:
    kuwait
    والله صدقت يا رحالى

    مشاركتك تعكس الحالة السائدة فى السوق حاليا مو بس سوق الاسهم لا وسوق الفقع بعد
    اقول شئ
    لى صديق مقرب من المجموعة الدوليه حيل ما اقدر اوصف لك شنو علاقته بسامي البدر والمجموعة والله شوف عينى انه باع بالدينار و نطر يومين ودش على 1,060 وقال السهم ما عد راح ينزل للدينار ثانى ويمكن هالشئ الى مخلينى اقول ان المجموعة ما كانت تقصد تسوى شئ بالمساهمين وان الامور حدثت دون تخطيط لظروف السوق لان لو فى احد لازم يعرف ان شئ هيصير بالمجموعة ويطلع من السهم كان هذا لازم يعرف لكن الواحد ما يقدر يقول الا قدر الله وما شاء فعل وارادة الله فوق كل شئ لو رايد لك خسارة والله لو انت الركيبى راح تخسر ولو رايد لك المكسب راح تلاقى نصيبك بالطريق .
     
  6. خالد الفارس

    خالد الفارس عضو جديد

    التسجيل:
    ‏29 مارس 2006
    المشاركات:
    279
    عدد الإعجابات:
    0
    ,والله انا عمرى ماربحت بسهم ومخطط لهشي انا اراقب اشوف الاسهم الي زايده عليها الكلام والاشاعات لما تتبتدى تصعد بدايتها ادش عليها علي طول وما تطول وياى حتا لو معلق السهم ما انطر ثاني يوم اقطه وانساه فتره واتجه لسهم ثاني وهكذا وبعض المرات ادش علي السهم علي البركه مدرى يكون ضايق خلقي اشوف اى سهم عليه تداول قوى ادش عليه واغلب المرات الله يرزقني من وراه عموما السوق الكويتي علي البركه لا تحليل ولا بطيخ دش بأول الموجه ولا تطمع بنص الموجه بيع هذه سياستي بالتداول وكلو ماشي وانصحكم بسندويش بيض بطمام كل ما اكله اول السو ق اربح:D
     
  7. jreea

    jreea عضو جديد

    التسجيل:
    ‏14 مايو 2004
    المشاركات:
    340
    عدد الإعجابات:
    0
    ذبحتني من الضحك الله يغربل أبليسك :p :D
     
  8. SpeciaL 1

    SpeciaL 1 عضو مميز

    التسجيل:
    ‏23 يوليو 2005
    المشاركات:
    4,629
    عدد الإعجابات:
    8,950
    مكان الإقامة:
    أي مكان فيه واي فاي

    والله هسترت من الضحك :D
    حتى عندي الربع
    يبون يعرفون اشفيني :confused:
    ولما قلت لهم
    عليك إنك تتخيل اشصار :D
    الله يفرحك كثر ما ضحكت الناس
    وأهنيك على هالروح الطيبه ;)
     
  9. white soul

    white soul عضو جديد

    التسجيل:
    ‏6 ديسمبر 2005
    المشاركات:
    1,213
    عدد الإعجابات:
    0

    هلا برفيق الدرب بالعله العقاريه اكيد عرفتها :p

    انا اقولك الغلط وين

    الغلط بعقولنا احنا المتداولين

    قسم منهم يتبع التحليل الفني ويثور ويغضب اذا قلنا في بعض الحالات التحليل يعتبر فيها لاغي يعني كل شغله شارتات ويوت وبلوت:D وما ينظر للعوامل المحيطه بالسوق سواء ايجابيه او سلبيه وما يعترف بشي اسمه توصيه..

    والقسم الاخر يتبع التوصيات توصيه من زيد ومن عبيد وما يعترف لا بشورتات ولا بفنايل واذا قلتله السهم اعطى اشارة خروج رد عليك بطنازه وعنده عداوه مع المحللين ونظرياتهم

    .....................................

    الحين الذكي والي يبي يربح المفروض شيسوي

    يمزج الاثنين التوصيه والتحليل الفني يعني اذا سمع توصيه عن سهم يدش على عند الدعم ويبيع عند المقاومه ويطلع عند اشارة الخروج بس منو فينا يتبع هالطريقه..؟

    وفي اكثر من سبب اخر لخسائرنا

    منها ادمان التداول يعني اذا بعت لازم اشتري حتى لو مو عارف شنو شتري ما تعرف تصفي المحفظه

    وعدم تقبل فكرة البيع بخساره

    ..........................................................

    وعلى طاري الفقع شوف هالتقرير من جلوبل

    جلوبل:الفقع وفرصه لمستثمري الفترات المتوسطه لبناء المواقع من جديد

    كنا قد ذكرنا في شهر يناير الماضي ان الفقع يتداول عند اعلى مستوياته 15 دينار للكيلو الزبيدي واوصينا متتبعي توصياتنا بالاحتفاظ بالفقع والتسييل في حال تداوله باقل من 12 دينار للكيلو والملاحظ ان سعر الفقع قد تراجع منذ ذلك التاريخ حتى وصل الى 5 دنانير على ذمة رحالي وننصح متتبعينا بناء المواقع من جديد عند هذا السعر مع ضرورة ايقاف الخسائر في حال تداوله باقل من هذا السعر.​
     
  10. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    هلا بالروح ... والله من زمان مو شايفلك مشاركة معاي

    :D

    ياخوي من اشوف واحد من ربعي في سهم خسران استااااااانس ..
    اتذكر ان في ناس خسرانه ...
    يعني :
    take it easy

    :D


    الله يوفقك ياخوي

    بس الفقع مشكلة ... يبيله متابعة ... وشارت

    بس المشكلة انك لازم تتابع مؤشرات اكثر من سوق
    ( كويتي .. ليراني .. سعودي .. جزائري .............)
    الشغلة اتعب شوى

    ;)




    رحالي
     
  11. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    رحالي والله انا خسران ..يالله افرح اكثر

    على الاقل اشوف شي ايجابي من خسارتي انها فرحتك :)

    رحالي تقارير الفقع انت مع وايت سوول طيبه ليتكم اتابعونا اول باول

    :)

    انصحك اتابع فرسان الميدان على سما دبي الساعه 8 اليوم النصويت النهائي

    وتعلم هز الراس معاهم :)
     
  12. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت

    هلا بو حسن ....
    اما هز الراس ... ياخوي واحنا شقاعدين نسوي كل يوم ؟؟؟

    مو قاعد تتابع المؤشر؟؟
    وعيونك تتلاقط يمين يسار ؟؟

    قاعدين نهز الروس بدون لا ندري


    :d