الاوسط برو مجانا الان

[البستكي]

هذا اخر شهر لي مع برو راح اقطع الاشتراك معاهم

انا بعد هذا اخر شهر لي مع البرو وبعدها راح اقطع اشتراكي معاهم
موقع البورصة المجاني ولا اروع
ليش ندفع 20 دينار شهريا

 

[alshammiri]

لما كنا نسأل ادارة الاوسط ليش العشرين دينار يردوا علينا
انك تحصل على الاسعار مباشرة بعكس موقع البورصة
الحين تساوت الشوارب كلهم اسعار مباشرة
ومكاتب البورصة تعطي خدمة الرد بالتلفون نفس الاوسط

ما في عذر الا يخلون الاشتراك خمس دنانير بس ما في غيرهم
يبون والا في غيرهم شركات مثل
ايفا

جالف بورصة

ولدينا مزيد ...

 

[boali]

ماكو شي بلاش بزمنا هذا

كلوووو بفلووووووووووووووس

حتى المعلومه بفلووووس

 

[Senator]

والله يا جماعه انا مستغرب من شي

الأوسط ياخذ منك 20 دينار بالسوق الكويتي و 20$ دولار بالأمريكي ؟؟

عجيب امرهم يعني 20 دينار = 20 $ (تقريبا 5 دنانير) كلها خدمة وحده مع ان الأمريكي الشغل عليه اكثر و حاجه المتداول اكثر للستريمر

شمعنا عندنا بالكويت اغلى !!!!!!!!

يمكن لأن بالسوق الأمريكي اهما ياخذونه ببلاش ؟؟؟ و يلا زلقه بطيحه نعطيهم الخدمه و ناخذ 20$ يا بلاااش !!!!!

غلط اللي قاعد يصير ياجماعه

 

[علي الغانم]

والله أنا بودي لو يرفعون الاشتراك الشهري ل 100 دينار

بدل 20 دينار حاليا ... علشان يخف الضغط عليهم

وما عندي مانع أدفع 100 دينار شهريا مقابل خدمة أفضل وأسرع

ويستحسن أضافة خدمة Intraday Data للمضاربين مثل الشركات

الأمريكية . وان شاء الله يكون هذا الرأي مسموع للمسئولين في

الشركة لأن كما ذكر الأخوة قبلي أن هناك الكثير من الشركات التي

تحاول للوصول الى تقديم ما تقدمه شركة الأوسط وما هي الا مسألة

زمن فقط فلذلك على شركة الأوسط التطوير والتميز للأمام كحل وحيد

للبقاء والمنافسة .

وأتمنى للأوسط دوام الرقي والتميز

مشترك فى الاوسط برو

وشكرا

شفييييييه

 

[kkekke]

والله أنا بودي لو يرفعون الاشتراك الشهري ل 100 دينار

بدل 20 دينار حاليا ... علشان يخف الضغط عليهم

وما عندي مانع أدفع 100 دينار شهريا مقابل خدمة أفضل وأسرع

ويستحسن أضافة خدمة Intraday Data للمضاربين مثل الشركات

الأمريكية . وان شاء الله يكون هذا الرأي مسموع للمسئولين في

الشركة لأن كما ذكر الأخوة قبلي أن هناك الكثير من الشركات التي

تحاول للوصول الى تقديم ما تقدمه شركة الأوسط وما هي الا مسألة

زمن فقط فلذلك على شركة الأوسط التطوير والتميز للأمام كحل وحيد

للبقاء والمنافسة .

وأتمنى للأوسط دوام الرقي والتميز

مشترك فى الاوسط برو

وشكرا

الحبيب يعني راهي ....دايم فية ناس تكابر

عمو بعض الدول المتقدمة تقدم افضل من هالخدمة مقابل 5 دولار الى 10 دولار

حبيبي 20 دينار لازم تكون الخدمة توب وسريعة ولايف

والا يخلونها ببلاش احسن لهم اذا الامر يعلق والمؤشر يعلق والزبون اكيد


متعللللللللللللللللق ​

بالعافية عليهم العشرينة بس نبي خدمة كفوا​

 

[Moshaks_777]

ياحلات البلاش

 

[NBK]

السلام عليكم

أخوي العزيز ان مشترك عندهم عن طرق مكتبهم اللي في البورصه بس

اتصالي مع دلال السوق

اقدر ابيع و اشتري نفس طريقتك, هل وضي نفسكم ولا لا, ممكن تفيدني
و لك جزيل الشكر

ممكن يااخوان اي واحد يجاوب على سؤالي من مشتركي الاوسط

 

[علي الغانم]

حطيت فحسابك الي فالاوسط فلوس

 

[مرعوب بالسوق]

لا ما ايصير

ممكن يااخوان اي واحد يجاوب على سؤالي من مشتركي الاوسط

انا عندي الاوسط ما تقدر تبيع الا عن طريق البرنامج واذا علق السستم عندك الله ايكون بعوني وبعون كل واحد مضارب اذا علق البرنامج

الخدمه اللي تتكلم عليها ممكن تكون عند مكتب الشرق ( بس العيب )بالمكتب تقدر تاخذ الكمية اكثر من مره اذا تعلق عندك البرنامج

والله اعلم وما اقدر افتي اكثر من جذييييييييييه

 

[النائب]

الاوسط برو bkme

ياجماعه اليوم اخر السوق قبل لايغلق ب 40 ثانيه اختفت اوامر اغلب الشركات والشركات معاها
يعني لاني شايف اوامر العرض والطلب للبنوك ولا الاستثمار ولا اغلب قطاع العقار .... انمسحت من صفحة البرنامج>>> شالسالفه وين الخلل

 

[sporty72]

بعد ان اصبح موقع البورصة اكثر تطورا واسعار مباشرة وصفقات اون لاين
لماذا ندفع للاوسط برو 20 دينار شهري
لماذا لا يصبح مجانا ويكتفوا برسوم البيع والشراء
نأمل من ادارة الشركة التفكير جديا بهذا الاقتراح
والا فالشركات الالكترونية كثر الان ومن دون رسوم شهرية

تبي الصراحة أخوي
لو يخلونها على 20 دينار وايد أحسن أو يزيدونها شوي هم أحسن بعد
لو يخلونها مجانا راح يصير ضغط على النظام
وبعدين شنو قيمة ال 20 مقابل العمولة اليومية للسوق ولا شي طبعا
بس الي نرجو منه انهم يطورون النظام هذا أهم شي

 

[النائب]

الغالي sporty72

الموضوع قديم جدا بس انا رفعته للاستفسار ... فعلا البرنامج يعاني من الضغط والاشتراك معقول
ومع هذا يعلق <<<وهو اشتراك فما بالك لو يخلونه مجاني طبيعي بينفجر .... ماعلينا شكرا مره اخرى وانا اسف لرفع الموضوع. .. كنت ابي استفسر مع الجميع اللي حصل معاي والا انا بروحي... سلام ياصاحب

 

[q8aliq8]

موقع البورصه افضل بكثر من الاوسط

 

[الانوار الخمسه]

وأنا بعد وياكم لم اجدد الاشتراك .






________________________________________________________ .

 

[sporty72]

الغالي sporty72

الموضوع قديم جدا بس انا رفعته للاستفسار ... فعلا البرنامج يعاني من الضغط والاشتراك معقول
ومع هذا يعلق <<<وهو اشتراك فما بالك لو يخلونه مجاني طبيعي بينفجر .... ماعلينا شكرا مره اخرى وانا اسف لرفع الموضوع. .. كنت ابي استفسر مع الجميع اللي حصل معاي والا انا بروحي... سلام ياصاحب

هلا فيك أخوي فعلا انا ملاحظ الفترة الأخيرة يعلق وايد خصوصا لما يزيد التداول لفترة معينة
تحياتي

 

[hassankoc]

بيت التمويل بلاش

 

[طبعنا]

وأنا بعد وياكم لم اجدد الاشتراك .






________________________________________________________ .

انا لغيته ايام الازمة
بيت التمويل بلاش

 

[Bo ayed]

ياحلات البلاش

يا خوي التمويل عندهم خدمة مباشر كانت 20 دينار والحين بلاش

 

[aadm1]

وقفت حساب الاوسط برو

ورحت لشرق 6 شهور 50 دينار وبرنامج سريع فعلا وما يعلق الا نادر

بس بصراحه برنامج الاوسط كان اسهل وافضل بالنسبه لي