ساعدوني بدخل السوق

[سمبتيكا]

السلام عليكم اخواني الكرام حاب اعرف منكم شنو هي الطريقه الصحيحه لدخول سوق البورصه علما باني لااعرف اي شي وياريت تعلموني من وين ابدا وشكرااااا لكم

 

[alajmiktv]

انا انصحك تتابع السوق كحد ادنى ست شهووور ,, وتعلم التحليل وتداول تداول وهمي ,, ولا تعتقد انك ذكي بل اهم شي

 

[Bo Tasneem]

أخوي الكريم ..

الله يوفقك إن شاءالله ويكتبلك الرزق ويفتح أبواب الخير جدامك إن شاءالله

لاتدخل عمياني عزيزي .. بل حط في بالك الدراسة قبل الدخول .. ومعرفة الوحدات وكيفية حسابها .. ولاتنسى بأن الوحدات إذا نزل السهم احتمال ماتقدر تبيعهم إلاّ بسوق الكسور والكلام اهني طويل ويبيله شرح شفهي أكثر من الكتابة

وإذا بتبدأ بمبلغ كبير .. ادخل بوحدة أو ثنتين وحط في بالك باحتمالية الخسارة فيهم علشان لاتنصدم .. وإذا حاشك ربح فيهم قول الحمدلله ولاتعلّم أحد

ابدأ بمبلغ بسيط .. وخل هالمبلغ أهو تجربتك في الدخول .. والبلغ الكبير حطّة بسهم صغير جداً .. يعني قرابة الـ ربع دينار بل وأقل إذا لقيت .. بس أهم شي سمعة الشركة حطها في الحسبان .. وانسى هالأسهم سنتين واعتبرهم استثمار طويل

واشوي اشوي راح تتعلّم أشياء كثيرة بالسوق .. وربي يوفقك ويوفق الجميع إن شاءالله .. وترى كلامي في الأول مو قاعد أخوفك فيه لأ بس بحرصك لأن هذا حلالك ..


بوتسنيم​

 

[الجارح]

السلام عليكم اخواني الكرام حاب اعرف منكم شنو هي الطريقه الصحيحه لدخول سوق البورصه علما باني لااعرف اي شي وياريت تعلموني من وين ابدا وشكرااااا لكم

الله ايعينك على السوق صعود نزول خساره ربح سكرى ضغط اهم شى الصبر وعدم الاستعجال بالامر ابحث فكر تربح الله ايوفقك انشاء الله

 

[بوعدول]

اخوي الشباب ماقصروا معاك
وانا معاهم بكل الي قالوا
راقب ثم راقب ثم راقب ثم راقب وبعدين ادخل السوق
افهم السوق عدل وتابع الاخبار الاقتصاديه
والله يرزقك ويرزق الجميع

 

[kkekke]

اهلا وسهلا حياك الله

دخول السوق سهل من البوابة تلقى الامن شباب مصريين حلولين


بس قول صباح الخير مع ابتسامة تطيح الميانه على طول


تروح تسجل وتأخذ رقم تدوال

ومن بعدها تفكر او تتخذ القرار مضاربة والا استثمار


ان كنت مضارب عليك بالشركات الجديدة العمرها لا يتعدى العامين بالبوصة


واما اذا كان قرارك استثماري ((( وهنا انا اويدك )))

عليك بالشركات العريقة الكبيرة اللي عمرها في البوصة 7 سنوات واكثر

وانت في وضع آمن


والله يوفقك


بس نسيت لا اقولك بعد تدخل مر على الكفتريا اخذك شي بارد يبرد على

قرارك​

 

[خوش خبر]

السوق

اسال المجرب ولا تسال الطبيب اخوى انصحك خلك بعيد عن العناد والاعتقاد انك فاهم وراح تدخل السوق من غير خبره تاخر شوى وشوف السوق عدل واسال دائما على اللى مو فاهمه وادخل دورات واصرف شوى على الدورات وتعلم ولا تدش عليمى الحين لغايه ماتشوف نفسك عارف السوق الكويتى ولما اقول لك سوق الكويت صعب التحليل وياه والنصيحه الثانيه اللى اعتقد الافضل بنظرى ان تبعد عن السوق اواستثمر فلوسك فى شىء افضل او شوف لك احد الصناديق الاستثماريه المعروفه والراى رايك وما علينا الا النصيحه

 

[بوحسن]

جرب بالاول تشوف هالرابط واستفيد منه

http://www.indexsignal.com/vb/showthread.php?t=45318

 

[engineer-5]

قبل لاتتخذ اي قرار .اول شي لازم تسأل ثم تسأل ثم تسأل.
وبعدين فكر واتخذ القرار المناسب
وبالتوفيق انشالله

 

[محمد10]

اخوي سمبتيكا
ما راح اقولك لا تدش

لكن سو استفتاء بالمنتدى للاعضاء وقولهم لو ردينالكم راس المال تطلعون من السوق

وشوف رد الاعضاء على الاستفتاء وبعدها قرر

 

[محمد10]

اخوي سمبتيكا
ما راح اقولك لا تدش

لكن سو استفتاء بالمنتدى للاعضاء وقولهم لو ردينالكم راس المال تطلعون من السوق

وشوف رد الاعضاء على الاستفتاء وبعدها قرر