عضو جديد هل من مرحب؟ عندي سؤال احبابي

[اشحفان القطو]

السلام عليكم ورحمة الله وبركاته

هذه اول مره اكتب موضوع في منتدى

كنت احوس من اسبوعين في هالمنتدى
والصراحة تعلمت وايد اشياء

يعطيكم العافيه

بس ما شاء الله

احنا وين وانتوا وين

ودنا انصير تجار بس يبيلنا 100 سنة
ولا اشرايكم



الله يعينا واياكم
ونبارك لكم هذا الشهر الفضيل

على العموم اخواني عندي سؤال يمكن تكرر عليكم وايد
بس تحملوني
تونا اضيوف

اخواني ابحث عن موقع فيه كتب او منتديات للمبتدئين حدهم
يعني توهم داشين ما يعرفون شي
يعني نبي نتعلم خطوة خطوة
ودي ابدا بالمضاربة
لو سمحتم نبي الخطوات من البداية
اخوكم تخيلوا كلش ميح
فنرجوا المساعده

ويعطيكم العافيه
وبهذه المناسبة انتوا كلكم

معزومين على العشا بكره الصبح الساعة 12 العصر يوم الاحد بعد صلاة الجمعه لا تنسون

 

[السفير]

وعليكم السلام
حياك الله بين اخوانك وترى كلنا كنا مبتدئين
اما اذا كنت تبحث عن التجار فلن تجدهم هنا

وتفضل هذا الرابط
http://www.indexsignal.com/lessons1.htm

 

[اشحفان القطو]

يعطيك العافيه اخوي السفير ......انت اول واحد يرد علي في اول مشاركة لي في اول منتدى ادخله.....جزاك الله خير

ما ادري كم صار الحساب

على العموم اخي الحبيب.....انا رحت لي هالرابط من قبل .....اذا كان بالامكان وضع رابط جديد يبدا بالتسلسل مع المبتدأ طبعا بالعربي...

ومشكور وايد وايد

اخوك الشحفن

 

[khial1]

حياك الله في منتداك بس ودي انصحك نصيحة عشان ما تطيح الي طحنا فية وتروح فلوووسك

اولا اقرا قد ما تقدر وتعلم قبل العب في هذة الاسهم


ثانيا لا تدخل في شركة تحت 3 دولار مهما كان ونتبه من اسهم السنتات لان الدخول فيها انتحار ومجازفة


ثالثا احرص على الدخول في شركات معروفة واذا نولت بك فهي ستعود في يوم من الايام مثل nok نوكيا او csco سيسكو


وتابع الاسهم اقل شي شهر بي تمعن ويجب ان تضح تجارب وهمية واجعل خسائرك وهمية واعلم ان من ربح بي الصدفة المطلقة سوف يخسر بي الصدفة المطلقه ولا تكون طماع ولا مكابر ستب لوز اجعله من اساسياتك اقصد وضع حد ادنى من الخساره


هذه اشياء في خاطري واتمنى ان تركز عليها جيد ومرحبا بك في المنتدى

 

[اشحفان القطو]

مشكور اخوي الخيال......وعندي لك وللاخوان همشة اسالة

الله يعطيك العافيه اخوي الخيال كلامك ما شاء الله يبين واحد عنده تجارب....الله يبارك لك امين

الصراحه اخي الحبيب فهمت كلامك كله الا شي واحد وهو ستوب لوز
اظن معناته توقيف الخسارة او شي من هذا القبيل ......ما ادري كاني قرأت عن موضوع اشتراط البيع لاسهم معينه من خلال مبلغ تضعه انت للسمسار والا يتجاوز المبلغ حد انت تحدده......

على العموم اظن اني فهمت كلامك كله

عندي سؤال اخواني .......والظاهر انكم راح تتعبون وايد وياي.....يالله تحملونا

انا الحين سمعت عن موقع datek وموقع amiertid ......ما ادري كانهم اتحدوا مع بعض ......لو احد يوضح لنا هالشيء.......وبعدها عندي شي ثاني استفسر عنه
وهو الفورمه الي انعبيها فقط عندي سؤال عن رمز البنك الخاص فيني
اظن ديتك حتى يحولون لك افلوس بحسابك لازم اتحط رمز البنك الموجود في ديرتك
كيف اعرف رمز البنك
علما اني بالكويت والبنك الي انا فيه هو بيت التمويل الكويتي

جزاكم الله خير

وعساكم على القوة شباب

على فكره شباب هذا موقع ممكن تشارك فيه وتفتح حساب وهمي تضارب وتستثمر بالفلوس ويعلمك الطريقة كيف......يعطونك حساب تقريبا نص مليون دولار
بس مو صج

انا بديت من هناك واشوي اشوي اتعلم
ما ادري ان شاء الله يفيدكم واذا كاحد يعرف موقع احسن يخبرنا
جزاكم الله خير
موقع يعطيك حساب وهمي للمبتدئين مثلي

 

[doji]

عزيزي تفضل

السلام عليكم ورحمه الله وبركاته

تفضل ان شاءالله افضل موقع من خلال التجربه
رابط
http://www.virtualstockexchange.com/Home/default.asp
تحياتي للجميع

 

[متفائل]

هلا اخوي اشحفان القطو

بالنسبة للموقع الوهمي ... قرات نصيحة لأخونا أحمد علي إن لم تخني الذاكرة .. يقول أنصحكم عند الدخول في المواقع الوهمية أن تضعوا نفس المبلغ الحقيق الذي تنوون فعلا المشاركة به
يعني لو عندك 2000 دولار وناوي تتاجر بهم حقيقي فحط 2000 دولار بس وشوف نفسك
مو تحط نص مليون وتشوف مكاسب تصدق نفسك

وترى أنا مثلك ما زلت أحبو في هذا الطريق

 

[اشحفان القطو]

يعطيك العافيه دوجي على الرابط.....بس نفس الرابط الي انا حاطه....

على العموم جزاكا لله خير

وبالنسبة للاخ متفائل فكره حلوه والله ان تتجار اب نفس المبلغ الي انت ناوي تتدخل فيه
كلامك منطقي جدا
جزاكم الله خير

وان شاء الله انشوف اخوي متفائل من يتعلم اكثر انا ولا انت

ان شاء الله انت
ونتنافس على الاخرة