بكل الاحوال
اولا بلاليط اتمنى انك ما تقره الكلام الي بكتبه ..وسبحان الله .. اسمع الكلام وشوفه تاليف او لاء.. ليش موقف سيئ عندك من الاول !!
يمكن تعني تبيني اقولك قال التاجر الفلاني او غيره هالخرابيط او انقل اشاعات ؟ هذا مو شغلي هذا شغل غيري
... ومستحيل انقل من كلام اي تاجر فهذيلي بالنتيجه ما يبون الا مصلحتهم وبس ولو فيهم خير ما حقتت بعض شركاتهم خساير بالربع الاول
اما انت فما انك من مواليد مارس 2006 بالمنتدى ... اقولك الله يعينك
دشيت المنتدى بوقت السوق يعاني خساير فاكيد نفسيتك ماثره عليك
وبالنهايه لا تقره الي بكتبه واذا بتقره ..كيفك
جعبر .. انت حطيت اوامر بالعالي لانك متوقع السوق يرتفع بالبدايه في على الاقل
..ويمكن تالي ينزل
او لانك تقول ننطر الصبح واقدر اتلاحق على نفسي ان نزل السوق واغلي الاوامر
وانت حبيبي
الاخوان والقراء وبعد ما سمعت الكثير من الاراء وقرات الاكثر ..استطيع الخص ابهل الامور وباختصار
السوق اعتقد حصله شي مهم سابقا قبل اسبوعين
وهو ان السوق قدر يعدل معدل الدوران ماله
شلون
سابقا محد يرضى يبيع بخساره 50% او 60% من اسهمه
ولكن لم عوض السوق بالارتفاع السابق الى ارتفاع 30% او 20%
اعتقد الكثير لقى فرصه للبيع وباع البعض
شلون هذا بيفيد السوق
الناس ليم تربح من السهم ترد تبيعه وتشتري غيره
وهكذا يستمر معدل الدوران ببيع وشراء الاسهم
وبدون هذا الدوران ..بيركد السوق وفهو الوقود الحقيقي لحركة وارتفاع اي سوق هو زيادة معدل الدوران
اما
وسرعة ارتفاع اي سهم هو نتيجه سرعه هذا الدوران
وهي ترجع لاسباب متنوعه ..كثره اشاعات الاخبار الايجابيه او حدوث اخبار ايجابيه كتحقيق ارباح وغيره
فالنتيجه عرفنا شي مهم
هل عندنا معدل دوران اسهم ؟ او هل في ناس مستعده تشتري اسهم
انا اقول ان سابقا ما كان عندنا ولكن حاليا .. النسبة زادت عن قبل
شفيدنا هالتوقع ..
ان الارتفاع القادم ( الحقيقي ) باذن الله ارتفاع نهائي وطويل
متى هذا الارتفاع ؟
سوال اعيد صياغته بهذه الطريقه ..متى يدشون الي باعو اسهمهم مره اخرى ليزيد معدل الدوران بالسوق
( ناهيك عن الي خرجو من السوق منذ البدايه ويترقبون فرصه تصحيح حقيقيه )
هالشي دافعه امرين
حدوث ايجابيات من حوالينا مثل اخبار طيبه سياسيه (عن ايران ) لانها مؤشر مستمر ويومي
حدوث اخبار ايجابيه ونشوف خضار عند الاسواق الي حولنا مثل سوق السعوديه
فقط
وهي دعوه للترقب
وبرايي لا تعتقدون ان ارباح الربع الاول بتاثر فعلا بشكل جذري .. ابد
ولن تغير من اتجاه السوق
عيل وين بتفيدنا هالاخبار
وين تفيدنا ...
الاجابه
مع انخفاض الاسعار اكثر وخصوصا للشركات الي محققه ربح بالربع الاول
سيتجه المستثمرون الفعليون للقيام بعمليه شراء اسهم بنظام التدرج حتى ان نزل السهم اكثر او صعد بسبب حادث ايجابي قوي ( حسب وضع السوق ) ..فيقوم بشراء كميه اكبر ولكنه عندما يشتري سيشتري كميات بشكل لن ترفع من سعر السهم ..وانما بطريقه حذره حتى لا يساهم برفع سعر السهم مؤقتا وهكذا حتى تصبح الكميه كافيه وهو مستثمر طويل الامد ولكنه لن يضيع الفرصه لانه مثل البقيه لن يعرف 100% متى الحادث الايجابي
فالنقود المخصصه للبورصه لن تذهب الا للبورصه ( هناك شركات نشاطها الاساسي الاستثمار بالاوراق الماليه وهي مدرجه بالبورصه )
وهي دعوه للي عنده فلوس وما يبي ينتظر بتطبيق نظريه الشراء بكميات متدرجه مع ملاحظه السهم المطلوب وطريقة الشراء عليه
وللحديث بقيه ..واسف على الكلام بالطريقه العاميه ( ولا يوجد دليل على نزول السوق بقوه ..او صعوده بقوه الى الان ..فالكل يترقب وينتظر .. )
ولكن كلما طال الانتظار نزل السوق ..في ظل هذه الاوضاع .. ايران والاسواق الي حولنا ...
ما رايكم بالي قلته ؟
