البحرية السهم الوحيد اللي مشي عكس السوق

الموضوع في 'السوق الكويتي للأوراق الماليه' بواسطة مايجامل, بتاريخ ‏24 ابريل 2006.

  1. مايجامل

    مايجامل موقوف

    التسجيل:
    ‏11 مارس 2006
    المشاركات:
    1,365
    عدد الإعجابات:
    0
    يا شباب سهم البحريه كان سعر السهم 510 و500 فلس يوم كان السوق صاعد

    وارتفع ولامس 700 فلس والسوق كله نازل

    واليوم اغلق مرتفع 20 فلس بسعر 680 فلس

    هذا السهم الحديدي ونبارك لملاك السهم
     
  2. مايجامل

    مايجامل موقوف

    التسجيل:
    ‏11 مارس 2006
    المشاركات:
    1,365
    عدد الإعجابات:
    0
    اليوم السهم أقفل علي 720 فلس

    بصراحة السهم قوي جدا ما تأثر من نزول السوق صعود من 500 فلس مع نزول السوق مشي عكس السوق
     
  3. مايجامل

    مايجامل موقوف

    التسجيل:
    ‏11 مارس 2006
    المشاركات:
    1,365
    عدد الإعجابات:
    0
    نجم السوق 770 فلس ومعلق والسوق نازل
     
  4. LONG TERM

    LONG TERM عضو مميز

    التسجيل:
    ‏28 ديسمبر 2004
    المشاركات:
    1,968
    عدد الإعجابات:
    287
    مكان الإقامة:
    الكويت
    الظاهر انها المخازن رقم 2

    حرب ايران الجيش الامريكي ما يحتاج للنقل البري

    يحتاج النقل البحري :)
     
  5. مرعوب بالسوق

    مرعوب بالسوق عضو جديد

    التسجيل:
    ‏13 ابريل 2006
    المشاركات:
    469
    عدد الإعجابات:
    0
    مو قلنا ان السهم عنده


    تحياتي واشواقي الى كل القراء الاعزاء

    الجرايد اليومية وبالتحديد الانباء بأن الشركة يوجد لديها عقد
    مع البترول وهم الشركات التالية

    1 ـ السفن
    2 ـ البحرية
    3 ـ الانابيب


    مو تطبيل والله بس حقيقة
     
  6. مايجامل

    مايجامل موقوف

    التسجيل:
    ‏11 مارس 2006
    المشاركات:
    1,365
    عدد الإعجابات:
    0
    تتوقعون يوصلون السهم دينار معقوله والسوق طايح :eek:
     
  7. C'O'B'R'A

    C'O'B'R'A عضو نشط

    التسجيل:
    ‏30 مارس 2006
    المشاركات:
    1,084
    عدد الإعجابات:
    0
    مكان الإقامة:
    K U W A I T
    السلام عليكم

    عزيزي العضو ما يجامل

    انظر الى ملاك السهم

    السهم ماعليه كلام وحجي وايد

    والي اقصده بالملاك الرئيسيين بكيفهم يرفعون وينزلون السهم

    والقليل من المستثمرين من يملك في السهم

    والي متحكم في السهم شوف وين يبي يوديه
     
  8. مايجامل

    مايجامل موقوف

    التسجيل:
    ‏11 مارس 2006
    المشاركات:
    1,365
    عدد الإعجابات:
    0
    كنت ما خذ السهم بسعر 490 فلس بس دوخني ما في تداول علي السهم وبعت 520 فلس

    واليوم اقفل علي 800 فلس :eek:

    الله يرزق ملاك السهم
     
  9. خير الكلام

    خير الكلام عضو جديد

    التسجيل:
    ‏9 سبتمبر 2004
    المشاركات:
    1,030
    عدد الإعجابات:
    1
    السلام عليكم

    قول عني ماتقول :)

    هذا حال سهم البحريه .

    ياجبل مايهزك ريح .

    قال ايه قال مخازن2 ؟:confused:

    تستثمر صح تربح صح من غير تطبيل وكلام فاضي .

    مبروووووووووووووك للملاك :cool:
     
  10. الزعيم1

    الزعيم1 عضو جديد

    التسجيل:
    ‏29 يونيو 2005
    المشاركات:
    8,340
    عدد الإعجابات:
    0
    مكان الإقامة:
    الكويت
    علي فكره أخر نشره للأسهم الشرعيه التي أصدرت اليوم من بيت الأوراق البحريه دخلت معاهم.
    بس بيان رغم أنها تمتلك حصه ظاهره فيها لم تتفاعل مع هالصعود الطيب.
     
  11. راعي الحقوق

    راعي الحقوق عضو جديد

    التسجيل:
    ‏26 ابريل 2006
    المشاركات:
    47
    عدد الإعجابات:
    0

    تستثمر صح ؟

    أخوي السهم هذا محلك راوح من 4 سنين مع ان السوق دبل 3 أضعاف

    فلم البحرية كان من أشهر أفلام الرعب على الاطلاق و الحين ياي تطبل عليه على بو انه صعدله كم يوم؟

    شوف شارته و الحكم لك

    و اذا تعرف تقرى بيانات مالية عطنا رايك فيها جزاك الله خير
     

    الملفات المرفقة:

    • untitled.PNG
      untitled.PNG
      حجم الملف:
      18.2 KB
      المشاهدات:
      179
  12. خير الكلام

    خير الكلام عضو جديد

    التسجيل:
    ‏9 سبتمبر 2004
    المشاركات:
    1,030
    عدد الإعجابات:
    1
    السلام عليكم

    ======
    اخوي ؟
    كان فلم رعب كلام فاضي .

    الكل يدري ان البحريه سهم ثقيل .

    شنو تقصد بكان ؟

    هل كان سعره دينار ونزل ل450 مثلا ؟


    وضح ليش فلم رعب ؟

    الا ان كنت تقصد الان فلم رعب ؟


    وشنو تقصد ان السوق تضاعف 3 مرات ؟؟؟؟؟؟؟؟؟

    انا اللي اعرفه ان السوق تناقص 3 مرات ؟

    والشارت هذا مايمشي اللي يمشي انك تستثمر صح تربح صح .


    واسمح لي ترى هالاسهم حق بس المستثمرين .


    وبعدين اطبل على شنو ؟على سهم نصحت فيه يوم كان ب470 ؟

    ومنو اللي بيشتري الحين ؟

    منو اللي مو متقلقص للاسف الشديد ؟


    ومشكور .


    ملاحظه مهمه : لو راده على قرائه الشارتات لحكمت انت بنقسك على تناقضك :)
     
  13. راعي الحقوق

    راعي الحقوق عضو جديد

    التسجيل:
    ‏26 ابريل 2006
    المشاركات:
    47
    عدد الإعجابات:
    0
    صرت الحين انا متناقض ؟

    اخوي اذا ما فهمت مداخلتي اطلب مني اوضحها لك ابدا ما كان له داعي ترد رد يبين انك مو فاهم المغزى

    تقول عيزت و انت تنصح بالسهم ايام ما كان ب 470 ؟ السؤال حبيبنا هو من متى و هذا السهم بالسعر الي قلت عليه ؟؟؟

    السهم من سنين الطواعين و هذي اسعاره و هذا هو سبب وضعي للشارت علشان ابين لك ان السهم صارله 4 سنين يشفط بالغرازه الي هو فيها

    انا ما حطيتلك تحليل فني علشان تقول عني متناقض !! انا حاطلك تاريخ سعري للسهم !! افهم المغزى من الشارت و بعدين احكم يا زميلي

    و بعدين تقول السوق تناقص ؟؟؟ المؤشر كم كان من 4 سنوات؟؟ و كم وصل ؟؟ و في المقابل سهمك الاستثماري على قولتك كم كان و كم وصل خلال نفس الفترة ؟؟

    و تقول لي ليش تسميه فلم رعب ؟ فلم رعب انك تشوف السوق يدبل مرة و مرتين و ثلاث و اسهم مترديه و نطيحه تصعد و سهمي (الاستثماري) مدنقر و اربع تواير بنجر (و تقول تستثمر صح تربح صح الله يهداك؟)

    قولي بالله عليك اللي استثمر من 4 سنين بالبحرية شنو معدل النمو على استثماره ؟؟

    ثانيا و اذا السهم كان بدينار و نزل نص سعره ؟ عادي الصناعات كانت قريب الدينارين و نزلت لي الدينار و معروف ان الصناعات مو بس استثماري ثقيل الا فيل !! الطيحه هذي كلت الخضر و اليابس الا ما رحم ربي اللي هي الاسهم اللي عليها صانع سوق يقفلها آخر السوق من طقت الدار و أعيان و البيت و كم سهم غيرهم خاصة الشركات اللي ملاكها راهنين اسهم

    و ما رديت علي بسالفة البيانات المالية للشركة ؟؟ اذا ما تفهم فيها قول ما عندنا مانع نساعدك

    و على فكرة السهم الاستثماري الثقيل عمره ما يموت 4 سنين على نفس الاسعار و بعدها يدبل باسبوعين

    و لا عندك كلام ثاني ؟
     
  14. مايجامل

    مايجامل موقوف

    التسجيل:
    ‏11 مارس 2006
    المشاركات:
    1,365
    عدد الإعجابات:
    0
    يا أخي مو شرط تكون داخل علي السهم من اربع سنين

    لو داخل قبل اربع اسابيع السهم اليوم دبل معاك

    وهذا سوق لازم تعرف شلون تصيد الفرص
     
  15. راعي الحقوق

    راعي الحقوق عضو جديد

    التسجيل:
    ‏26 ابريل 2006
    المشاركات:
    47
    عدد الإعجابات:
    0

    كلامك على العين و الراس يا أخي الغالي

    و نفس الشي اللي شرى الدواجن قبل 3 أسابيع اليوم مطلع 50% مربح لا و سهمه اليوم معلق حد اعلى

    هذا و الدواجن شركة خسرانه

    لكن هل يحقلي اني اقول عن سهم الدواجن انه استثماري ؟؟؟!!

    سهم يربحك و سهم يخسرك ما نختلف

    لكن نختلف على مقولة ان سهم معين استثماري و هو لا استثماري و لا قالها الله

    ارجو انك تفهم الكلام بمضمونه و معناه الكامل
     
  16. مايجامل

    مايجامل موقوف

    التسجيل:
    ‏11 مارس 2006
    المشاركات:
    1,365
    عدد الإعجابات:
    0
    هلا عزيزي

    أنا كتبت في موضوع أفضل سهم تحت 200 فلس

    أن سهم الدواجن ممتاز للمضاربه وممكن تطلع منه مربح ممتاز
     
  17. خير الكلام

    خير الكلام عضو جديد

    التسجيل:
    ‏9 سبتمبر 2004
    المشاركات:
    1,030
    عدد الإعجابات:
    1
    السلام عليكم

    ===
    كان ردي عليك بمتناقض ان السهم كان ثابت .

    يعني مو فلم رعب ؟

    انت عندك فلم الرعب ان السهم كان ثابت ؟

    طيب والسهم اللي من 6800 نزل لدينارين شنو ؟ فلم كوميدي ؟:confused:

    انت تعرف شنو الاستثمار والا بس تبي تسولف :)

    سهم بوبيان اشتريته ب100 فلس وخليته بالتجوري سنتين ؟

    مع ان في سهم من 130 فلس طمر لدينار ؟

    بالنسبه لي بوبيان استثماري .

    والسهم بو130 فلس مضاربي .

    اخوي تعلم الفرق مابين الاستثمار والمضاربه بارك الله فيك .


    لهالدرجه كلمه تستثمر صح تربح صح اثرت عليك ؟:confused:


    انت تتكلم عن سنه 2005 وتقول الاسهم تضاعفت ؟
    وانا اتكلم عن اليوم واقول الاسهم تناقصت ؟

    احنا عيال اليوم .


    الحين سهم البحريه يسوى سهمين من اسهمك الصاعده :)


    اخيرا تستثمر صح تربح صح .


    ومايصح الا الصحيح .
     
  18. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0
    أنا أؤيد كلام الأخ راعي الحقوق وبلا قيود ..

    وبالنسبه للأخ خير الكلام فهو ما قل ودل و أنا أخوك .. كلام راعي الحقوق كان واضح ودقيق .. فحاول تقراه مره ثانيه بتمعن يمكن تغير رايك أو أنك قد قرأته بالفعل وأقتنعت فيه بس ماخذتك العزه بالأثم ..
     
  19. راعي الحقوق

    راعي الحقوق عضو جديد

    التسجيل:
    ‏26 ابريل 2006
    المشاركات:
    47
    عدد الإعجابات:
    0

    الظاهر انك تعتبر +/- 15% حركة فعلية :confused:

    أرد و أقولك اذا ما تعرف تقرى رسوم بيانية مو عيب تسأل


    من قلب فلم رعب

    و أظن وضحتلك ان السوق تضاعف 300% و السهم قيمته بالسوق محلك راوح و هذا أسوأ شي ممكن يحصل للمستثمر


    ما فيه سهم بالسوق نزل من 6.800 لغاية الدينارين و أتحداك تذكر السهم

    الا اذا فعلا انت مو قادر تفرق بين خسارة السعر السوقي بسبب نزول سعر السهم و بين التعديل السعري الناتج عن توزيع منحة !!


    تصدق عاد لو تشرحلي (من غير سوالف) مفهومك الشخصي لمبدأ الاستثمار أكون لك شاكر

    اللي أنا أعرفه عن الاستثمار انه ثاني قطاع في البورصة بعد البنوك :)



    بالذمة هذا مثال تضربه ؟؟؟؟

    زين بكل أمانة قول لي اللي شرى سهمك الدايخ (بوبيان) قبل سنة و حطه بالتجوري يومنا هذا شنو استفاد بالضبط ؟؟

    و اللي شرى السهم بو 130 فلس قبل سنة يومنا هذا شنو استفاد ؟؟



    أخلي الحكم للزملاء بالمنتدى يقررون منو فينا اللي مو فاهم مبدأ الاستثمار و مبدأ تضخيم الثروة قياسا بالزمن :)


    شسوي أنا انسان حساس ;)


    اللي يتكلم عن الاستثمار ما يتكلم بالأيام يتكلم عن شهور عديدة و سنين

    و لا هذا غير مبدأ الاستثمار اللي تعرفه ؟؟

    شلون حكمت انه يسوى سهمين من أسهمي ؟؟ خاصة ان السهمين اللي بالمحفظة بيت التمويل و بيت الأوراق ؟

    اللهم لا اعتراض لكن مو بسهم البحرية :)

    صحيح ؟؟ :)

    الا تعال ما رديت علي بسالفة البيانات المالية ؟ ترى تجاهلك للسؤال يدل على انك تجهل الاجابة
     
  20. راعي الحقوق

    راعي الحقوق عضو جديد

    التسجيل:
    ‏26 ابريل 2006
    المشاركات:
    47
    عدد الإعجابات:
    0
    تهقى؟؟ :)