اليكم طريقه دمج الاسهم ومنهم بنك بوبيان

الموضوع في 'قسم الاسهم الكويتيه غير المدرجة' بواسطة InUrEyEs, بتاريخ ‏29 ابريل 2006.

  1. InUrEyEs

    InUrEyEs عضو نشط

    التسجيل:
    ‏12 يناير 2005
    المشاركات:
    1,101
    عدد الإعجابات:
    2
    ياجماعه طريقه الدمج لديكم من البورصه نفسها ومن الضجيج مكان الدمج

    عندى واحد من الاهل يشتغل اهناك

    اولا الدمج للدرجه الاولى الاب الام الابناء الزوج والزوجه ام واب الزوج وام واب الزوجه

    الاوراق المطلوب صور البطاقات المدنيه للطرفين شهاده الاكتتاب ورقه تنازل للاسهم من صاحب الاسهم مثلا الاب الى الابن يكتب الورقه وحط عليها البيانات ووديها البنك اصدق التوقيع بخمس دنانير مالا داعى اتودى الوالد او الوالده البنك بس خلهم اوقعون الورقه ودها انت صدقها.

    الورقه عندى بس ماعندى سكنر الى يبييها ادزه له فاكس وحطها هنيه


    ولى دامج له خلاص ماله داعى اروح الى دامج بورقه وحده مثلا اهو زوجته واولاده اهو دامج خالص فليش اروح ينطر نزول السهم البورصه وعقب ابيع الانه الاسهم مدموجه خالصه (لانه فى ناس وايد راحو اليوم وهم اسهمهم مدموجه خالصه من الاكتتاب بس سببوا ازدحام فوق الازدحام الى هناك وتعبو نفسهم على الفاضى)


    وعلى درجه الاقارب الثانيه مثل الاخ والاخت والعم والخال ممكن تدمج بس بعد ماينزل السهم السوق يعنى بعد تاريخ 15-5 ممكن الدمج لمه يكون السهم بالبورصه

    واى استفسار انا حاضر انشالله اكون قطيت عمليه الدمج والله يوفق الجميع انشالله


    سبحان الله وبحمده سبحان الله العظيم عدد خلقه ورضى نفسه ووزن عرشه
     
  2. بن تركي

    بن تركي عضو جديد

    التسجيل:
    ‏25 يونيو 2005
    المشاركات:
    779
    عدد الإعجابات:
    0
    عساك عالقوة وماقصرت ،،،،
     
  3. S500

    S500 عضو مميز

    التسجيل:
    ‏30 مايو 2003
    المشاركات:
    2,037
    عدد الإعجابات:
    0
    مكان الإقامة:
    الكويت
    شنو ورقه تنازل ؟

    انا بدمج اسهم الوالده معاها اخواني بنفس الشهاده مدموجين بسم الوالده

    انا عندي توكيل عام من الوالده يبون بعد ورقه تنازل واروح اصدقها من البنك

    اذا من الاساس انا اللي فاتح لها حساب بالبنك اشلون يبون اصقها من البنك والوالده اصلا ما راحت البنك ولا وقعت من الاساس؟
     
  4. المضارب السريع

    المضارب السريع عضو نشط

    التسجيل:
    ‏27 مارس 2006
    المشاركات:
    704
    عدد الإعجابات:
    2
    مكان الإقامة:
    الكويت
    اخوى انا اليوم كنت عن المسؤل فى البورصه بخصوص اعتماد توقيع من البنك سألت المسؤل قلت اذا الوالده ما عندها حساب فى البنك اشلون قال بس خل توقع على التنازل وجيبلى البطاقه المدنيه
     
  5. bohassan24

    bohassan24 عضو جديد

    التسجيل:
    ‏2 يونيو 2004
    المشاركات:
    102
    عدد الإعجابات:
    0
    شباب هذا والشي الغريب من الموظف المشرف على دمج بوبيان ان ايقول الدمج الى اقارب الدرجة الثانية بعد سنة من الادراج ومادري من وين جايب الكلام وطبعا زحمة و حوسة والساعة 4.45 خلصت الارقام و كل الناس يبون يدمجون اخوانهم باسم امهم او ابوهم وبعدين يدمجون بسمهم بالله عليكم مو حوسة خو خلاص افتح المجال لي الدرجة الثانية على الاقل يعني بين الاخوان لان الوضع خايس لازم تودي امك او ابوك البنك علشان يصدق التوقيع بالله هاذي حالة يسر ولا تعسر بس البورصة عسر ولا تعسر شباب تكفة ديوانية وزير التجارة بالدسمة اليوم بتداء من الساعة 8 تكفة حضروا خلوه يتكلم شوي حركوا ترى اهو نائب طلع من الشعب يمكن ينصفنا الشكو لله العزيز الاعز الاجل الاكرم
     
  6. بن تركي

    بن تركي عضو جديد

    التسجيل:
    ‏25 يونيو 2005
    المشاركات:
    779
    عدد الإعجابات:
    0
    مع الأخ التوجه للديوانية وإطلاعة على الموضوع ،،،،،،،
     
  7. بن تركي

    بن تركي عضو جديد

    التسجيل:
    ‏25 يونيو 2005
    المشاركات:
    779
    عدد الإعجابات:
    0
    للإستفسار عن الدمج هذا رقم تلفونهم :

    2992191 - 2992193 - 2992195
     
  8. bu-abdullaziz

    bu-abdullaziz عضو مميز

    التسجيل:
    ‏11 ديسمبر 2003
    المشاركات:
    1,777
    عدد الإعجابات:
    0
    فى طلب اقرار تنازل

    مطلوب رقم الشهادة ( شهادة رقم )


    مالمقصود فيها ؟ رقم الطلب او رقم السند الى موجود فى سند تخصيص الاسهم ؟!!

    وشكرا
     
  9. InUrEyEs

    InUrEyEs عضو نشط

    التسجيل:
    ‏12 يناير 2005
    المشاركات:
    1,101
    عدد الإعجابات:
    2

    خلاص اخوى مدام عندك توكيل تقدر اتصرف فيه اهو يااامه توكيل او ورقه تنازل
     
  10. vactory

    vactory عضو جديد

    التسجيل:
    ‏4 مارس 2006
    المشاركات:
    215
    عدد الإعجابات:
    0
    مكان الإقامة:
    الكويت
    ماعليك امر ابي منك سؤال ؟ البنك الي صدقت منه التنازل لازم يحضر الشخص نفسه او انا اروح عن امي او اخوي ويعتمدونه فيدنا الله يجزاك خير
     
  11. InUrEyEs

    InUrEyEs عضو نشط

    التسجيل:
    ‏12 يناير 2005
    المشاركات:
    1,101
    عدد الإعجابات:
    2

    اخوى خلها فاضيه عقب ماتخلص شغلج اهناك يكتبونها لك
     
  12. InUrEyEs

    InUrEyEs عضو نشط

    التسجيل:
    ‏12 يناير 2005
    المشاركات:
    1,101
    عدد الإعجابات:
    2

    شوف اخوى انا خذت بطاقت الوالد مالت البنك ومدنيه وخليته اوقع على التنازل وخذتهم ورحت بروحى وعطيتها الموضفه اول شى قالتلى شلون قتلها هذا توقيعه بعد والاوراق كلها موجوده بس جيكى على التوقيع راحت حق مديره الفرع قلت اوكى وصدقوها وعطونى الورقه بدون حضور الوالد
     
  13. Blue Chips

    Blue Chips عضو جديد

    التسجيل:
    ‏7 يونيو 2005
    المشاركات:
    454
    عدد الإعجابات:
    1
    سؤالى يا اخي الفاضل
    انا و اخي دامجين اسهمنا مع العيال والوالد مع الوالده هل استطيع ادمج اسهمي مع اخي مع الوالد
    مع الشكر الجزيل
     
  14. vactory

    vactory عضو جديد

    التسجيل:
    ‏4 مارس 2006
    المشاركات:
    215
    عدد الإعجابات:
    0
    مكان الإقامة:
    الكويت
    انا رحت اليوم ودمجو زوجتي وعيالي بس امي واخواني مادمجوها قالو لازم تروح البنك تعتمد التنازل قلت زين ليش تخلصوني وماقلتو اعتمد تنازل زوجتك قال المسؤول الي في البورصه اسمه ابو ثامر قال خلصناك علي زوجتك يعني سوينا في طيب خلاص روح وسو اعتماد علي الباقي امك واخوانك ياجماعه هذا رد بالله عليكم والله الي شفته اليوم تخبط مو طبيعي المشكله رفيجي ماقالو له شي والله عاندهم ومشوه بس انا تالي عاندت بس مانفع اخرتها قالو سو اعتماد التوقيع من البنك والمشكله امي واثنين من اخواني مسافرين ومادري شنو اسوي اروح البنك اعتمد التواقيع مادري لازم حضورهم او لا
     
  15. vactory

    vactory عضو جديد

    التسجيل:
    ‏4 مارس 2006
    المشاركات:
    215
    عدد الإعجابات:
    0
    مكان الإقامة:
    الكويت
    والله انا راح اروح باجر التمويل بس ماعندي بطاقه الوالده وواحد من اخواني بس عندي صور مادري عن التمويل
     
  16. InUrEyEs

    InUrEyEs عضو نشط

    التسجيل:
    ‏12 يناير 2005
    المشاركات:
    1,101
    عدد الإعجابات:
    2
    شوف اخوى انت ادمج مع زوجتك وعيالك واخوك كذالك عقب مايصيرون بسمك او بسم اخوك عقب ادمج ملوت اخوك وانت ادمجهم بسم ابوك او امك علشان اصيرون كلهم بسم واحد يااالام او الاب لانهم درجه قرابه اولا عاد عقب كيفك بتحولهم لك او حق اخووك
     
  17. ابو ريم

    ابو ريم عضو نشط

    التسجيل:
    ‏3 يوليو 2005
    المشاركات:
    204
    عدد الإعجابات:
    0
    لو سمحت لي بهذا السؤال انا معاي توكيل عام مع الرهن لجميع اخواني

    والوالده هل يقبلون بهذا التوكيل

    وهل يحتاج ورقة التنازل
     
  18. Nasser pwc

    Nasser pwc عضو جديد

    التسجيل:
    ‏5 فبراير 2006
    المشاركات:
    1,198
    عدد الإعجابات:
    0
    مكان الإقامة:
    عمار ياكويت
    شباب في مشكله الله ياخذهم الحين بأعتمد توقيعي من البنك جان يقولي حبيبي الاعتماد من فرعك

    يعني يا اخوان نصيحه لاتاخر وتمر بنك منقطتك اذا انته مبطل حساب بفرع ثاني يعني لازم فرعك

    زحمه مو طبيعيه ليش ماحسبو حساب من اول شي الله ياخذهم

    مايبون يبطلون الدمج للدرجه الرابعه عشان لاتصير الاسهم بيد واحد

    يعني ماكو بيع الا بالسعر الي يبيونه المساهمين

    على حركتهم هذي بيصير تخبط باول فترت تداول عشان كل واحد يبي الاسهم بسمه لازم يبيع الي مو بسمه ويرد يشتريه مره ثانيه هذي المشكله الي احنا مافكرنا فيها​
     
  19. InUrEyEs

    InUrEyEs عضو نشط

    التسجيل:
    ‏12 يناير 2005
    المشاركات:
    1,101
    عدد الإعجابات:
    2
    الى عنده توكيل مايحتاج ورقه تنازل يقدر يدمج بموجب التوكيل للدرجه الاولى من الاقارب
     
  20. عذبي1

    عذبي1 عضو جديد

    التسجيل:
    ‏27 أغسطس 2005
    المشاركات:
    119
    عدد الإعجابات:
    0
    يجماعة الله لايهينكم والله ان مخي ظرب قمت ماجمع

    شوي شوي علينا .ياليت احد يقدر يفيدنى
    اولا- عندى خمس شهادات اربعة لخواني مدموجة وخالصة بساميهم والشهادة الخامسة للوالد الله يطول بعمره مع اخواني القصر ايضا مدموجين كلهم بسمه .

    ثانيا- اللى فهمته من المشاركات السابقه الآتي:-
    1- الذهاب للبنك اللى اكتتبت فيه (بيت التمويل ) انا وخواني للتنازل للوالد
    ثم الذهاب للمقاصة لتحويلهم بسم الوالد مع احضار جميع البطايق المدنية للإخوان المدموجة لهم الاسهم فقط مع بطاقة الوالدوبدون حضورهم شخصيا للمقاصة........صحيح

    2- التحويل من اسم الوالد احم احم لي اسمى من المقاصة مباشرة بنفس اليوم دون الرجوع للبنك .....عدل

    3- واحد من الإخوان عنده توكيل من الوالد وهذا يكفي عن حضور الوالد بجميع المشاوير المقصودة ....ماشى وياكم ولا بدينا نخورها .

    وهكذا تم بحمد الله صنع النووى ...آسف اقصد تحويل الاسهم بسمى شخصيا .....يويله اللى بقول ناقص بعد شي.:d
    #ملاحظة اخيرة (الوالد +ثلاثة من الإخوان ماعندهم حساب ببنك التمويل )في اي اشكالية .
    مع تمنياتى لكم بالتوفيق بعد هذه الحرب الطاحنه .

    اخوكم :ابومحمد​