الان راح تطلع الفضايح

[عندك سلف]

فترة المسموح للاعلان فيها عن نتائج الربع الاول شارفت على الانتهاء...

والشركات الربحانة و ذات الاداء الجيد بالربع الاول بادرت بالاعلان عن نتائجها في بداية الفترة ..........أما الشركات التي نتائجها تسود الوجهه فهي تأخر اعلان نتائجها الى اخر وقت مسموح وهو نصف شهر مايو.....

لذلك عليكم الاستعداد لتلقي النتائج السلبية و الفضائح للشركات التي لم تعلن عن نتائجها اللى الان...

وأخص بالذكر شركات البحر والشركات التي تعتمد على النشاط الاستثماري في تحقيق ارباحها...

 

[Question-Mark]

فترة المسموح للاعلان فيها عن نتائج الربع الاول شارفت على الانتهاء...

والشركات الربحانة و ذات الاداء الجيد بالربع الاول بادرت بالاعلان عن نتائجها في بداية الفترة ..........أما الشركات التي نتائجها تسود الوجهه فهي تأخر اعلان نتائجها الى اخر وقت مسموح وهو نصف شهر مايو.....

لذلك عليكم الاستعداد لتلقي النتائج السلبية و الفضائح للشركات التي لم تعلن عن نتائجها اللى الان...

وأخص بالذكر شركات البحر والشركات التي تعتمد على النشاط الاستثماري في تحقيق ارباحها...

الشركات المعنيّه بنتائجها السلبيّه راح تلقى بظلالها على السوق

 

[fsg70]

فعلا هذا الي حصل اليوم وتاثير أرباح الوطنيه كان واضح علي المخازن ومجموعتها وعلي عموم السوق

 

[Nasser pwc]

اي والله بتطلع فضايحهم​

 

[Black]

و الله يا خوي لا راح تطلع فضايح ولا شي
الحرامية كثار و اللي يسندوهم أكثر
و كل واحد ياخذ جم بيزه و يغطي على صاحبه
سبق و قلت أكثر من مرة شلون شركات راس مالها 50 و 60 و 100 مليون و تاخذ مشاريع بمئات الملايين و ساعات يوصل الرقم الى مليار
شلون ممكن ان شركة تاخذ مشروع أكبر من راس المال بأضعاف و هذا بس مشروع و لو تحسبون مجموع المشاريع اللي ماخذتها الشركة راح اتلاقون ان الميزانية بتوصل مثل ميزانية وزارة الدفاع الأمريكية
و الموضوع بين أمرين
يا انهم جذابين و حرامية ولا مشاريع ولا بطيخ
أو انهم قاعدين يسوونه مواقف للسيارت الخاصة بالمشروع او المضلات و اللي قيمتها يمكن اتكون 20 او 30 ألف دينار ، و يقولون انهم وقعوا مشروع قيمته مليار
مثل الصفوة طلعوا اخبار انها موقعة مشروع قيمته مليار درهم مدري ريال و بعدين طلع الحجي انهم داشين المشروع بنسبة 1.5%
ولا سامي البدر اليوم كاتبين عنه مقال في جريدة السيف اللي يوزعونها مجانا عند السوق ، يقولون وجه البدر كالبدر و هو كلام مكتوب عليه و هو مدح و صفات مو موجوده بالدنيا بأحد إلا فيه ، و الكلام كله جذب و نفاق على روسنا و مافي ضحايا غيرنا ، الناس اللي انضربت بالمجموعة لاتعد ولا تحصى و الى اليوم اللي يطبلون لهم حوالينك و ساعات اتلاقيهم من ربعك ، و ما تاخذ من الجماعة الا الحجي
و لو اتروح حق العراق اللي سهمها ما اييب قوطي بيبسي اشتغلوا و شتغلوا و بعدين طلعوا ارباح 5% و الأرباح وزعوها حسب (حسب) ما قالوه بالجمعية ، السهم سعره 63 فلس و الأرباح 5 فلوس ، زين بنعرف وين راحت الأرباح ، يقولون رحلوها الى راس المال اللي مو مدفوع ، زين انا كصاحب أسهم لا استفدت من الترحيل ولا من الزيادة و السهم ما ارتفع 5 فلوس للزيادة اللي حطوها ، وين راحت ، ما ادري ، و الظاهر راح يتمون على هالحال سنوات الى ان يكملون راس المال و كل سنة مافي ارباح و كل سنة رحلنا الارباح و الناس مالها الا الله و هذا كافي
نصيحة ،،،، لا اتحاولون تشتكون او اتصارخون لان السوق و اللي راح تشتكون له ربع و راح يتحدون عليكم وماراح يرتاحون و يوقفون اللي قاعدين يسوونه الا اذا خلصوا فلوسكم او اذا حصلوا ضربة من ربك اتكون فيهم او في عيالهم يمكن يمكن يتعضون
و الله يعين
سلام