مجموعة المهازل

[الوطن]

خسرنا اكثر من نص افلوسنا مع مجموعة المخازن تداول اليوم مايبشر بخير
وكل يوم انقول باجر الفرج وفلوسنا يوم بعد يوم اطير وين كلام جميل السلطان وين الارباح وين العقود والله صج منقال مجموعة المهازل اكثر مجموعة نزول فى السوق شوفوا اسعار الاسهم قبل سنةواليوم بس
الواحد شيقول حسبي الله ونعم الوكيل فيهم والله

 

[مساهمجي]

لو كانت المجموعه بروحها نازله باقتنع بكلامك .

ليش في ناس مو مقتنعه ان السوق طايح وخافس ؟؟؟ شالمطلوب من المجموعه تلم وتصعد زالناس تضارب علي مخها يعني ؟؟؟

انا عندي بسلطان وببيان لكن مالنا الا الصبر لين يرد السوق لوضعه الطبيعي

بالتوفيق للجميع

 

[القطب الجنوبي]

الزميل الوطن

أنا سأحتفل قريباً بمناسبة مرور سنة كاملة على " التدبس " بأسهم المخازن .
أفكر حالياً أن " أزتهم " بسوق الكسور بخسارة وأتخلص من همهم وأشتري أسهم بنك بوبيان ( أيضاً من سوق الكسور ) والتي ستنزل خلال أيام قليلة .
ويدفعني في ذلك بيت الشعر العربي :
" فاز باللذات من كان جسورا ... فإن لم أربح فلن أكن خسورا " .

 

[الوطن]

لو كانت المجموعه بروحها نازله باقتنع بكلامك .

ليش في ناس مو مقتنعه ان السوق طايح وخافس ؟؟؟ شالمطلوب من المجموعه تلم وتصعد زالناس تضارب علي مخها يعني ؟؟؟

انا عندي بسلطان وببيان لكن مالنا الا الصبر لين يرد السوق لوضعه الطبيعي

بالتوفيق للجميع/
اخوى اول شىء انت شوف اسعار مجموعة المخازن قبل مايطيح السوق وبعد ماطاح السوق لانضحك على انفسنا ونصدق سبب نزول المجموعة نزول السوق المجموعة فى نزول بعد توزيع الارباح شهر 5-2005 وراجع الاقفالات وشوف
والله يوفقك

 

[alshammery]

الاخ مساهمجى شوف الاسهم المدرجة واسعار من سنة بس ...راح تلاقى اسهم المجموعة هى اكثر من هبطت اسعارهم خذ عندك بالترتيب....بيان من 1480 الى360 وشكلها رايحة 300 .اذا اعلنت عن خسائر الربع الاول يعنى نزولها 4 اضعاف ...اللبنانية نزول من 1080 الى 260 يعنى 4 اضعاف النزول وراهم سلطان من سعر 2680 الى 830الحالى يعنى نزول 3.3 ضعف والمخازن من سعر 6850 اعلى سعر وصلت لة واقفلت يومها 6750الى2260 الحالىاى نزول 3 اضعاف السعر ..واقل شى فى المجموعة الوطنية العقارية من 1960 اعلى سعر الى 830 الحالى اى نزول بمسبة 2.3 طبعا فى معاهم كم سهم نزل نفس نزولهم مثل شعاع من 1560 الى الحين 500ولكن تضل مجموعة المخازن هى الاولى فى نسبة النزول وراى شخصى ان المجموعة اذا فيها طلعة خلال الاشهر القادمة فالمخازن بالكثير توصل 3000 والوطنية وسلطان 1200 وبيان 600 واللبنانية انتهى تغاعلها مع المخازن واقصى ما توصل لة 400 فلس ... واللة يعين المتدبسين فى المجموعة واقول لهم خلوكم مستثمرين واخذوا الارباح وخلوا عندكم امل وطبعا اسعار المجموعة السابقة تنسونها بالمرة ترد عليها لان هذة الاسعار وصلت نتيجة الاشاعات علشان يصرفون على العالم تذكرون الاسعار اللى حطوها كانت المخازن 10دنانير وراح يدرج فى نيويورك بسعر 33 دولار وسلطان 5 دنانير والوطنية 4 دنانير وبيان 2.5 دينار واللبنانية 2 دينار واخر شى العالم تدبست بجدارة فى هالمجموعة التعبانة بس اقول الشاطر اللى طلع منها فى الوقت المناسب ....

 

[الوطن]

للتذكير

 

[UNIX]

ما أخذت أرباح و منح؟ و لا مو محسوبين ؟

 

[الوطن]

يعتمد على سعر السهم اثناء الشراء فبل سنتين جم كان سعر السهم والحين جم ولمدة سنتين وانت تاخذ اسهم المنحة مع النقدي هم ماتطلع راس المال يعني فى النهايه انت خسران فى الاسثمار في هذى المجموعة ,واذا انت حاس ان مجموعة المخازن الاستثمار فيها ناجح الله يوفقك يارب
تحياتي للجمع انا حاط الموضوع فقط للتذكير

 

[filfil]

ما أخذت أرباح و منح؟ و لا مو محسوبين ؟

كل السوق ياخد ارباح ومنح !!!!!!!!!!!!!!!!1

 

[هاوي99999]

ما أخذت أرباح و منح؟ و لا مو محسوبين ؟

حاسدين الفقير على موتة الجمعه

 

[white soul]

مجموعة المخازن ومجموعة سامي البدر احتار فيهم العلماء والاطباء وعجز عن فهم سلوكهم المحللين والمتداولين

ما تدري ليش ينزلون ومتى يصعدون وما تدري شنو الي ياثر فيهم

بالفتره الاخيره سلطان وبيان اعلنو التمرد على اجلتي

المخازن طالعه بيان مالها شغل

المخازن حد ادنى سلطان مرتفع 20 فلس​

 

[UNIX]

اللي بالجدر يطلعه الملاس

و اللي ما يعرف الصقر يشويه

خل القرعة ترعى

لو كنت ربحان جان ما همك الخسران. و لو كنت خايف على حلالك المفروض ما تشتري السهم عمياني، كنت المفروض تدرسه عدل أو تروح حق أقرب شركة استثمارية يمك تعطيهم فلوسك يديرولك اياها.

بس ما عليه الله يكون بعون الخسران

 

[al7mly]

انا ما املك بالسهم بس نصيحتي انسوه في الوقت الحالي ....الجناعات ناوين علي شي
عشان لا تتعبون روحكم لا تابعونه انسوووووووووووووووووه
اللي متعبكم الحين انكم تشوفون الاسهم معلقه ومجموعة المخازن نازله وماتحرك...بس ان فازت بعقد ........شنو اللي راح يصير ...اقتنع انه دوره حياه مثل ماكان السهم مشلع وبالعلالي لازم يريح وانا عندي قناعه بانه ماراح يطول بالتريحيه

 

[al7mly]

بعدين مو بس مجموعتكم مجموعه مهازل السوق كله مهزله