أمل المساعده

[@@@]

أخوانى أنا مستثمر فى السوق الكويتى ولا أعرف لماذا السوق ينزل فى هذا الشكل

هل يوجد سبب

 

[no smoking]

انا كنت متشائم من سوقنا . بس حاليا احمد ربي الف مره . لما اشوف الاسواق الخليجيه وشنوا قاعد يصير فيهم . الحمدالله الذي عافاني مم ابتلوهم فيه وفضلنا علي كثير من خلقه

 

[ابو مها]

أخوانى أنا مستثمر فى السوق الكويتى ولا أعرف لماذا السوق ينزل فى هذا الشكل

هل يوجد سبب

السلام عليكم

نعم يوجد سبب للنزول الحالي للسوق وهو ان اسواق المال تمر بدورات صعود وهبوط .

زبدة الحجي :

الجماعه صرفوا اسهمهم فوق ونزلوا السوق للتجميع مرة اخرى واسترداد ما امكن من اسهمهم ومن ثم مواصلة الصعود مرة اخرى .

اذا كنت مستثمر فيجب عليك ان تجني ارباحك بنقاط معينه وتعيد الشراء بنقاط معينة والاستفادة من فرقيات البيع والشراء .

تحياتي لك اخي الكريم

 

[البواردي]

السلام عليكم
اخوي @@@ ان شاء الله السوق يرجع ويصير زين بإذن الله

اذا انت تقول انك مستثمر انا اقترح عليك تقعد بالدوانيه ولعب كوت ولا هند وتابع اخبار الساعه 9 بالليل اذا قالو السوق صار تداوله فوق الـ200 مليون دينار ابدا تراقب السوق

اما الاسباب فهي كثير منها :- نزول الاسواق المجاوره ( ما ادري شنو علاقتنا فيهم )
الملف النووي الايراني ( لو عندهم بورصه مثلنا جان ما انزلت بورصتهم )
الحكومه وما ادراك ما الحكومه ( لو انها قووووود جان شفت السوق زين )
الركيبي وعناده ( مجلب بالكرسي جنه وارثه ما يبي يقوم )
التلاعب بالارباح ( اذا ما تلاعبو يموتوووووووووون )
نزوح المحافظ عن السوق وعدم الشراء ( حلالهم وبكيفهم )
الاشاعات والاخبار السلبيه ( لو تخف من السوق جان السوق بخير )
كثرت عروض الاسهم ( الشباب قبل ما يوصل السوق يحط امر بيع )
واخيراً وليس آخر والسبب الرئيسي ان الكويت صارت ديرة حساد من بعد الفساد ( ما يبونك تستغني ) تذكر كلمة فلان الفلاني لمن قال ... مو كل واحد صار عنده 50 مليون دينار قال انا تااااااااااااجر !!!!!!!

تعددت الاسباب والنزول وااااااااااااااااااااااااحد
موفقين خير

والله من وراء القصد​