ممكن مساعدة

[النهار]

السلام عليكم اخونى انا جديد على السوق ابى الشركات حق المضاربه وشلون اعرف انها مضاربه

 

[Believer]

نصيحة ابتعد عن المضاربة وخصوصا الأيام هذه وإنك جديد على السوق كما تقول، خذ أسهم قوية ونام عليها أبركلك ... أنصحك ببيت التمويل الكويتي وبيت التمويل الخليجي وهواتف، أسهم قوية وأرباحها تشغيلية متزايدة سنويا وشبه مضمونة على المدى القريب والبعيد ... المضاربة ممكن تضرب معاك فوق وممكن تضرب معاك تحت حتى لو كنت خبير ...

 

[ابو مها]

السلام عليكم اخونى انا جديد على السوق ابى الشركات حق المضاربه وشلون اعرف انها مضاربه

اخوي احمد لا تستعجل بالشراء في الوقت الحالي وما انصحك تشتري ولا سهم .

اصبر خل يعدي هالاسبوعين ونشوف السوق يرسي على شنو .

بس خلك متابع للمنتدى وان شاء الله راح تجد من يوجهك لكل خير

 

[العالم]

احمد المهنا لاتقرب السوق الا لما تشوفة 8500 نقطة ولنا كلام ثاني لما يوصل وهشي قريب جدا والعلم عند اللة

 

[FLOOD]

نصيحة ابعد عن السوق بالوقت هذا بالذات لمدة شهر

 

[موفق خير]

هلا والله احمد النهار

الايام هذي تخوف بالسوق ومثل ماقالوا اعضاء المنتدى لا تستعجل وانطر لين السوق يتعدل واتمنى لك التوفيق ان شاء الله

 

[hassan_abu3eed]

اخوي احمد اسمع كلام اخوانك اذا تبي تخسر فلوسك دش بالوقت الحالي
السوق الحين منتهي بس انشالله اصبر شوي ودش بعدين لان بالوقت هذا السهم اذا نزل نزل صعب يرتفع واذا ارتفع ارتفاع مايذكر اصبر شوي ولا تعجل اذا انت داش ما بأذنك ماي تبي تضارب راقبلك سهمين او ثلاثه مو اكثر لمدة 10 ايام وشوف كمية التداول وهل فيه صانع سوق وهل يصلح للمضاربه وبالتوفيق انشاءلله

 

[النهار]

مشكورين اخوينى على النصيحه

 

[مرعوب بالسوق]

لا تحاول الدخول

السلام عليكم اخونى انا جديد على السوق ابى الشركات حق المضاربه وشلون اعرف انها مضاربه

اخوي احمد

لا تحاول تدخل السوق تره انت بعدين تتحسف بالوقت الحالي على انك فكرة تدخل السوق نصيحه اخوية

خلك برة النصدوق البني احسلك وقول ما قال مرعووب بالسوق

 

[خوش خبر]

السوق

خلك بعيد وراقب السوق وراح تشوف ان دخول السوق مو وقته الحين

 

[بن تركي]

قلة قيمة التداول اليومي بسبب عدم وجود فرصة للمضاربين للدخول على الأسهم وذلك بسبب النزول الغير متوقف وأنت تبي تدخل تضارب ،،

 

[nasr 2]

السلام عليكم اخونى انا جديد على السوق ابى الشركات حق المضاربه وشلون اعرف انها مضاربه

أخوي أحمد
أذا تبي تنام وأنت مشغول البال.. خش السوق
وأذا تبي توسوس ............... . خش السوق
وأذا تبي السكر يزيد معاك ........ خش السوق
وأذا تبي الضغط .................... خش السوق
بس كافي ... وأذا تبي زود هم .... خش السوق

 

[SMoOoKY]

والله نصيحه موطنازه اسلم على راس مالك لو بمشروع صغير مصبغه صالون اي شي.................
مييتين بالشهر ربح ابرك من 600 دينار الى 1000 خساره يوميه