اليوم رجل على رجل وحولت الاسهم باسمي (بوبيان)

[kuwait77]

ترى انا صادق اليوم قعدت وشربت سكانة شاى وكل امورى خلصت وحولت الاسهم باسمي اسهم الاقارب والاصدقاء وقانوني ولايقدرون يفتحون حلقهم بشي ترى مو باسمي يعني الشهادة تصير باسم الرجال و لا كن اقدر ابيع الاسهم وتروح الفلوس لرصيدي دايركت شرايكم

 

[vactory]

؟؟؟؟؟؟؟؟؟؟

 

[انور النقوشي]

شلون؟؟؟؟؟؟؟؟
فهمنا​

 

[bolbanat]

شلون الطريقة ؟؟؟؟

 

[الذوق كله]

الظاهر أنها بوبيان للبتروكيماويات ,,,,,,,,,,,,,,,,,,


أو أن سكانة الشاي فيها (..................) مغشوشة.

 

[kuwait77]

لا والله بنك بوبيان
والله والطريقة سهله وفيها تلاعب على القانون شوي ولاكن قانوني وشرط يكون عندك وكالة عامة عن الشخص والا يروح معاك

 

[bo-hamad]

الله يوفقك قبل جم يوم رحتلهم اللى بالضجيج زحمه

ومسكرين الباب ومايعطون ارقام لين يخلصون اللى داخل

و اليوم العصر بروح أدمج الأسهم بس الله يعينى على الزحمه الظاهر بقعد بالشمس

 

[kuwait77]

انا والله ماعندي دمج

 

[بن تركي]

زين شنو الطريقة لأن الصبح مافي دمج خاف سويت تفويض بالبيع

 

[kuwait77]

يااخوان انا قلت فوق ترى ماعندي دمج ولاتقدرون تدمجون

 

[هيت]

اخي الكريم

أذا انت تبي اتفيد اخوانك الرجاء وضع المعلومات كامله

لكن الكلام بالالغاز و شرب الشاي ما منه فايده بصراحه

 

[Q8_]

ياخوان انا اكتتبت باسم عيالي و المدام و امي و ابوي
و بورقه الاكتتاب حطيت صح على مربع الدمج

لازم اروح ادمجهم باسمي ولا لا ؟

 

[ولد الديرة]

ياخوان انا اكتتبت باسم عيالي و المدام و امي و ابوي
و بورقه الاكتتاب حطيت صح على مربع الدمج

لازم اروح ادمجهم باسمي ولا لا ؟

لا مالا داعيى تدمج لان الاسهم كلهم مدموجين باسمك وجاهزين بس تستلم الشهادة من وين ؟؟؟؟

هذي اللي ما ادرين عنها

 

[khaled3030]

ترى انا صادق اليوم قعدت وشربت سكانة شاى وكل امورى خلصت وحولت الاسهم باسمي اسهم الاقارب والاصدقاء وقانوني ولايقدرون يفتحون حلقهم بشي ترى مو باسمي يعني الشهادة تصير باسم الرجال و لا كن اقدر ابيع الاسهم وتروح الفلوس لرصيدي دايركت شرايكم

والله فشله ما بقى عندنا شغل الا واحد يروح البورصه ويشرب شاي ويرد هني ويتفلسف يا اخي بتفيد الناس حط الطريقه بتتفلسف بروحنا كارهين عمرنا من الي نشوفه الصبح

 

[ابن صفير]

لا مالا داعيى تدمج لان الاسهم كلهم مدموجين باسمك وجاهزين بس تستلم الشهادة من وين ؟؟؟؟

هذي اللي ما ادرين عنها

السلام عليكم
الي اعرفه ما تحتاج شهاده
تعطي مكتبك الي تداول عنده سند التخصيص وخلال 24 ساعه تكون الاسهم في رصيدك
هذا كلام مكتب الرباعيه افضل مكتب وساطه ماليه بالعالم من وجهة نظري
بعد ما شفت خدمة المكاتب الثانيه
تحياتي

 

[متداول مالي]

والله الصراحه ماأدري صاحب الموضوع شلون حول الاسهم بأسمه وشني الطريقه اللى أتبعها ولا ني شايف للحين فايده من موضوعه اللى فاتحه .
بس اللى نعرفه أنك لازم تفتح أرقام تداول للناس اللى مكتتب ببطاقاتهم وتبيع لهم عن طريق مكتب تسجل عنده أرقام تداولهم عشان تقدر تبيع من أول يوم ثم يأخذون الشيكات ويحولون الفلوس بحسابك .

 

[Nasser pwc]

بصراحه انا مو فاهم شي للحين

الحين مبطل الموضوع ليش!!!​

 

[بـو بدر]

ما يحتاج الرجال مغطي عن واحد والا اثنين من ربعه وراح المقاصه اخذ تفويض منهم وحطه عند المكتب وراح يبيع وبعد البيع راح يستلم الشيكات صادره باسمائهم ويروح يركبهم بالسياره ويمر البنك ويصرفهم.....من غير اي فلسفه

 

[أبو محسن]

والله انا اليوم تكسرت رجولي من الوقفة بالضجيج لدمج اسهم عائلتي
وكان رقمي 242 مع اني ماخذ الرقم الساعة 4 العصر لكن قزرتها بمتابعة مباراة الكويت مع القادسية ولا خلصت الا الساعة 8.30 مساء

لكن السؤال هل استطيع ان ابيع فوري بالورقة الي اعطوني اياها ام هناك اجراءات اخرى ودفع رسوم

 

[FLOOD]

موضوع الدمج انتهينا منا الحيل الموضوع الجديد كيف يتم تنزيل الاسهم فى رصيدك الالكترونى ( الاوسط - متداول- بى كى ام اى) و غيرهم