السوق ضربته الحمى وارتفع ولكن السؤال للاخوة عموم اي الاسهم للاصطياد في هذه المعمعمة وكيف السبيل لمسحها؟؟؟ الهمام أعني عجلوا علينا بالراي السداد ولكم الاجر والثواب
أنت لها الحين ماطرحت لك ولا ظبى والله مدرى وشقولك يابوفهيد السوق كل ماأخذ فى الارتفاع واقترابنا من نقطة 1700 كل مازاد الحذر عندى ولا أفكر فى الظباء بل بالجرابيع أقرا التوقيع فأنا حطيته من كم يوم يعنى خذ الحذر فالمهمه الصعبه وسؤالك الان صعب
الله يقطع شيطانك والله ضحكتنى يابوفهيد أضحك الله سنك ونا لى كم يوم ضايقن صدرى لكن خذ هالشارت فيه ميزه جيده فى توضيح نقاط الدعم والمقاومه أما هالوضيحى مايخارجنى أقرونه أطوال لو بطرده وألتفت وراه نطحنى نطحتن عند الله خبرها خصوصا وأنه عليه كلام ماهو طيب يعنى نطوح
ههههههههههههههه والله انك تنقد على في المكتب اضحك لحالي على تعليقاتك عزيزنا العفار LU شركة نظيفة وانا احب الشركات النظيفة ومن ناحية اساسية حالها طيب وش عذروبك فيها ؟؟؟ الشارت اللي حطيت تأيد انها عاد لها مجال وهي من الشركات التي مع الخيل ياشقرا يعني مع طلعت السوق او تحرك الاقتصاد كل بيشري بدالة ويركب تلفون باختصار مخل منتجاتها نهائية الشركة رمز امريكي والصناديق والكبتات داخلين فيها بقوة قرونها أفا عليك نركب لها ربلات الزبدة حسب اللي اراه انها صعود في صعود
الشركه شركة أتصالات وجا الطارى فيها أنهم بقسمون أسهمها تقسيم عكسى يوم أنها أربظت تحت الواحد وهالحين ونا خوك مافيه شىء ماهوب جيد ياسبحان الله كل الشركات قاعده أتناقز مناقز مثل القدر أذا فوحته بقايا الحتات اللى داخل تلقاه فوق لكن أنا من النوع اللى أذا صار السوق فيه نسبه كبيره متفائله تشائمت وتلقانى أطقطق على الخفافى أما أذا تشائموا الربع تلقانى متفائل حتى وأن كان الشارت يقول لى أن الناسداك سوف يصل الى 1700 الشركات اللى فيها أو عليها كلام ماهو زين ما أدخل فيها ترا يابوفهيد كل له تفكيره وقناعته وشروطه اللى يدخل فيها بالسهم ليس شرطا أن كلامى عن هالوضيحى صحيح ميه فالميه
يا سلامي عليك يالعفار انت كما يقول الامريكان "اتجه عكس الجمهور" وهذه المقولة فيها الكثير من الصحة وان كانت تتعارض مع مقولة العرب "حشر مع الناس عيد " على فكرة العكس ليس بمعنى الصورة تم عكسها وهذا رابط بشركات ستعكس او عكست وان اثر ذلك ايجابي عليها وفي الحقيقة هو نوع من التحايل الشرعي لتحسين صورة الشركة على الاقل البروكر ما يلهس ولكن يلحس http://www.forbes.com/2002/11/25/cx...news/story.asp?symbols=NYSE:LU&story=30195531 عودا على ذي بدء المراد الشركة LU الزبدة شركة مضاربة نظيفة . وان بغيتها استثمار فهي سهم عجائز .
