هل ندمت انك دخلت البورصه ؟

[q8i22i]

الحمدلله على كل شي

بسم الله الرحمن الرحيم

انا من الناس اللي كل شي سوته ماكوا شي ما دشيت فيه

3 اسواق بالخليج طبعا الكويتي - دبي - ابو ظبي

ودشيت بالعملات

و دشيت بالامريكي (( و اكثر شغلي بالامريكي ))

الامريكي الحمدلله صاعد ==== الكويتي نازل



تصدقون اربح ارباح قويه و خسرها بنسبة90%

اللي اربح مني اخسره مني


بس الحمدلله و الشكر على كل شي


انا اللي خسرته مو فلوس

الحاله النفسيه (( يعني من كثر ما تابع الاخبار و المحللين و اقراء كتب و ادش دورات و هذي الحاله من سنوات ماضيه ))

صرت خبير واذا تكلمت قدام ناس قالوا هذا اللي ماكل السوق

مايدرون اني ينطبق علي المثل اللي يقول

يا بو زيد جنك ما غزيت


السوق الامريكي افضل من اي سوق في العالم صج سوق

بس ان شاء الله يصحح ابقوه السوق الامريكي و ناخذ نصيبنه منه و نرد خسارات الكويتي

و شكرا

 

[ALHASHEL]

اممم والله يعني موو وايد ندمت.. بس الحلو فيها تضيعة وقت والشين فيها خسارة افلوس يعني جني قاعد العب قماااار بس هذي حراام و هذي موو حرام وسلامتكـــــــــــــــــــم مع تحيات اخووكم هشهوش

 

[امبركو]

انا واعوذ بالله من كلمة انا والله انى ندمان بس مافى اليد حيله ..50%من راس المال طاروا، قبل لا ادش السوق مااحاتى شىء اما الحين 24 ساعه تفكيرى كله بالبورصه ،متى اشترى هالسهم ؟متى ابيع؟وكل يوم على هالحاله

لا وموعارفين شلون نطلع منها ونرد راس مالنا

والله يكون بالعون..... !!

 

[المرزوق]

عامه الاسواق العالميه مااظن فيها ندم بحاله وحده معرفه نوعيه الاسواق ونوعا ما خلفيه بسيطه للتحاليل الفنيه وغيرها واظن بالتعليم ماكو ندم والمشكله اشوف بعض الاخوان اللى دشو البورصه داشين علي السمع او يبون يربحون بسرعه او او او النصيحه تعلم قبل لا دش اى سوق
تحياتي لكم
وجوابي علي الاخ اللى سأل
بالعكس كل يوم نتعلم شي خسارة ربح الحمدالله
اهم شي الاستمراريه

 

[ams]

اتصدقون يا جماعه أغلب إلي يقولون ابي أطلع راس مالي وأطلع يقصون على نفسهم الطمع ما يخليكم تذكروا قبل خسارتكم أي ربح ربحته إسأل نفسك ليش ما طلعت .

 

[w6n 911]

انا مش ندمانه انا مش ندمانه انا مش ندمانه اني ..........

اهم شي الصحه موجوده والعافيه من الله بخير وعافيه الفلوس ورق وتراب تروح وتييي

وانا والله خسرانه لكن العوض علي اللله

 

[سوق التجار]

انا مش ندمانه انا مش ندمانه انا مش ندمانه اني ..........

اهم شي الصحه موجوده والعافيه من الله بخير وعافيه الفلوس ورق وتراب تروح وتييي

وانا والله خسرانه لكن العوض علي اللله

أنا مش ندمانه !!!

هذي غنية (ليلى غفران)

 

[سلوم5]

وش فايدت الندم
البارحه عيني لها النوم ماطاب
القلب شاقي والضماير مغاضيب
خذنا من الدنيا دروس وتجاريب
وقتن عسفنا مثل عسف المطايااخخخخخخ لو يفيد الندم ماخسرناااااا

 

[فهاد11]

ندمان كثر شعر راسي يعني مو كثير لان شعر راسي طار من دشيت البورصه والله يستر من الباقي والحمد لله على كل حال

 

[تاج المراجل]

الكل ندمان وخسران

كلنا ندمنا وخسرنا ابونا جابر الخير الله يرحمه هذي هي الخساارة العظمى ويجب ان نطلبله في كل صلاتنا

 

[NBK]

كلنا ندمنا وخسرنا ابونا جابر الخير الله يرحمه هذي هي الخساارة العظمى ويجب ان نطلبله في كل صلاتنا

كفو والله​

 

[A.M.W]

تصدقون مادري انا ندمان والا لأ بس الصراحة البورصة تجارة راقية جدا خلافا للتجارة الاخرى مثلا اذا تبي تفتح مصبغة تعال سو رخصة حط تأمين دورلك محل موقعه جيد دور اجهزة دراي كلين واوتي فلات وعمال وتعاقد مع شركة غسيل وسو لك اعلان فوق المحل واذا الهندي مالك حرق دشداشة شيخ رحت وطي واذا حرق بدلة عرس مالت بنت هامور طق اصبع الخ ....

البورصة الحلو فيها انك اذا خسرت 40000 الف مافي اي مشكلة زور واحد من ربعك تحلطم عليه 3 ايام وارجع البيت كوابيس لمدة 5 ايام روح عمرة انتهت القصة

والشغلة الثانية الحلو بالبورصة انها حتى وانت خسران كشخة اسمك تاجر بالبورصة ولو عندك بقالة وربحان عقيدي عقيدي ماكو فكة يعني انا سويت قاعدة للمحبطين من البورصة

خسران بالبورصة ولا ربحان ببسطة (لأن الناس مظاهر واسف عالاطالة )