startq8 قال:
برد على اسألتك واحد واحد اوكي
1. المسؤول عنهم لجنة السوق
والريال ليمه شافهم قاعدين يقللون من خدمتهم هددهم بأدخال
شريك لهم بالسوق (الشركه الخليجيه لحفظ الاوراق) وزعلو الملاك
بس مايقدر يقيل مدير المقاصه عشان ماطلع رقم تداول
2. شهادة الاسهم حط مركزين لتخليص الشهادة ويشتغلون العصر
ومايقدر يوسع الدمج لانه اذا توسع شفايدة منع بيع البطاقات
والناس اللى بالدمج اظن مو مقصرين بس الواحد له قدره
ومايقدر يخلص المكتتبين كلهم مره وحده (مدة الدمج شهر )
3. بالاول تقدر تقول متخلف اما الحين اسأل شركات الوساطه
النظام سريع جدا ويقدر يحط البروكر 4 اوامر بالدقيقه
4.الريال اهو المسؤول عن البورصه بس مايشتغل بالبلديه
عشان يحط مواقف سيارات حق المتداولين اذا ماتدري
نصف موظفين ادارات البورصه يصفطون سياراتهم
بمواقف الميدان وتدفع عنهم ادارة البورصه مبالغ الاشتراكات
5.موقع البورصه توهم معدلين فيه بس مو معناته ماينقطع
كل شي يخترب وبكل مكان يعني مو بس عندنا
6. التداول سهل للغايه والتداول الالكتروني من شغل الشركات
وتحصيل الارباح على حسب كل شركة ووين مركز حفظ التابع
لشركة
7. انا مااشجع التخلف بس خل الريال يروحلهم مبجر ويعطونه
قبل ال10.30
ومشكور واتمنى ان قدرت اوضح
اشكرك على هذا الرد
هذا ردي المختصر
1. هددهم و ازعلوا هذه سوالف تصير بالدواوين وليس بدوائر الدوله. انا ما اقدر اقول يقيل فلان او يرقي فلان لكي يحل المشكله. لكن الواضح هو انه يوجد مشكله و لاتحل.
2. اولا انا ماطلبت يوسع الدمج. ثانيا ليش مايسوى مراكز اكثر ، موظفين اكثر ، يعطي مواعيد بدل لا الناس تقعد تنطر بالساعات. مدير المفروض يكون عنده مهارات اداريه و يعالج المشاكل. ولكن يعلم ان لا محاسب و لا ملاذ للمواطنين يعني تصف دور بالحر عاجبك عاجبك مو عاجبك ...
3. ماشاء الله يقدر يحط البروكر 4 اوامر بالدقيقه. انا قصدت النظام ككل وليس سرعة ادخال الطلبات.
4. يعني المتداوليين المفروض يحلون مشكله المواقف؟ هناك عشرات الحلول لكن تحتاج اجتماعات و كتابات لكي تحل. ولكن لم اسمع عن حل واحد من ادارة البورصه
5. كل شي يخترب وبكل مكان يعني مو بس عندنا. ممكن تقولي كم مره اخترب موقع Yahoo خلال السنوات الماضيه!! عدد مستخدمي هذا الموقع يتجاوز عدد سكان العالم العربي كله. هل تنقص ادارة البورصه الاموال لشراء السيرفر المناسب! ولا يمكن ينقص البونص السنوي لموظفين البورصه!
6. انا اجد التداول صعب للغايه ومن الممكن ان يكون سهل للغايه وتحصيل الارباح ممكن يكون بادخال الارباح مباشره بحساب العميل او مكان مركزي لتحصيل الارباح. ولكن من يأخذ هذا القرار؟
7. يعني مواعيد العمل تعدلت الى 10 ولا يمكن اروح بكره يقولون تعال الساعه 9. على فكره الارقام لا توزع مجانا. الزبون الذي يدفع يجب ان يخدم بابتسامه.
اخي الكريم اتمنا ان تتفهم ان مدير البورصه ليس الهدف من النقد ولكن هدفي هو ان نتقدم و نرتقي
يجب على ادارة البورصة ان تعي ان المتداولين وقتهم من ذهب.
اخيرا اشكر لك جهدك بالرد على كل النقاط و اتفهم كليا وجهة نظرك.
