الخليجية للإستثمار البترولي ش.م.ك مقفلة ( بتروجلف )

الحالة
موضوع مغلق

مستثمردولي

عضو نشط
التسجيل
22 نوفمبر 2005
المشاركات
391
الإقامة
برنده على النيل
السلام عليكم

متى يتفسخ السهم
 

SMoOoKY

عضو نشط
التسجيل
28 يناير 2006
المشاركات
1,000
الإقامة
بدار أبو مبــــارك
ياجماعه تكفون وصلولنا شصار بالجمعيه ...بوتنسيم تكفا تراك علقتني :)

وانا قايلك يابو فواز قدها وقدود....عساك طلعت روحهم...


بوفواز ...(( احم طبعان حدي بس لابس نظاره :) ))
 

boalons

عضو محترف
التسجيل
17 سبتمبر 2003
المشاركات
4,057
الإقامة
KUWAIT
Moshaks_777 قال:
شكله مافي توزيع ارباح رحنا ملح



احساس يقول جذي

في توزيع ان شاء الله تمت الموافقه على المنحه المقترحه
 

SMoOoKY

عضو نشط
التسجيل
28 يناير 2006
المشاركات
1,000
الإقامة
بدار أبو مبــــارك
انا بعت اليوم بصراحه اتحمل الخساره الحاليه واتصرف بالكاش ولا اندبس بعد التفصخ وانربط زياده ....

الله المستعان...
 

هيت

موقوف
التسجيل
8 أكتوبر 2005
المشاركات
135
Bo Tasneem قال:
تصوّر كامل للجمعية العمومية ومادار فيها ستكون بين أيديكم وأمام أعينكم الليلة إن شاءالله ..

نقطتين عالماشي :

* جمال النفيسي .. أثبت بأنك لاتعرف المراوغة بالكلام .. ويقولك الكذب حبله قصير !! وكان طول حبلك مو أكثر من 5دقايق !! راح أقولكم اشلون الليلة بإذن الله ..

* كفو يالجيماز وبيّض الله وجهك ياخوي .. فانت والله تستحق أن أصوّت لك كعضو مجلس إدارة للشركة مكان أحد العضوين إللي استقالوا !!

التفصيل الليلة إن شاءالله .. وبانتظار تاريخ 31/6 يالنفيسي !!


بوتسنيم

السلام عليكم

بوتنسيم الليله يعني اليوم ولا الليله بتوقيت النفيسي
 

m666666

عضو نشط
التسجيل
12 مايو 2006
المشاركات
220
هيت قال:
السلام عليكم

بوتنسيم الليله يعني اليوم ولا الليله بتوقيت النفيسي

فى الجمعية العمومية لشركة بتروجلف خرج جمال النفيسى على الحضور من المساهمين بعدما امطروه بوابل من الاسئلة المحرجة عن الشركة وخسائرها فى الربع الاول وارباحها الهزيلة فى العام 2005 بمبررات لايصدقها عقل ............ النفيسى اتهم الصحف بانها السبب فى خسائر الشركة فى الربع الاول !!!!! زين والله
النفيسى زعم ان القبس حرفت تصريحه بانه يتوقع ربحية للسهم فى 2005 بواقع 150 فلس رغم ان التصريح على لسانه وقال انه قال هذا الكلام بشرط بيع الحفار !!!! زين والله
وين الحفار ؟ وليش ما باعوه ؟ وهل يوجد حفار بحرى فعلا ؟ واذا كان موجود وين ايرادات تأجيره ؟
واذا كانت الصحافة باقت ايجار الحفار ليش ما يقاضيهم !!!!!!!!!
 

Bo Tasneem

عضو نشط
التسجيل
14 مايو 2005
المشاركات
2,780
الإقامة
فـ(زوجتي)ـي أحضـ(تسنيم)ـــان أسـ(مريم)ـرتــي
m666666 قال:
فى الجمعية العمومية لشركة بتروجلف خرج جمال النفيسى على الحضور من المساهمين بعدما امطروه بوابل من الاسئلة المحرجة عن الشركة وخسائرها فى الربع الاول وارباحها الهزيلة فى العام 2005 بمبررات لايصدقها عقل ............ النفيسى اتهم الصحف بانها السبب فى خسائر الشركة فى الربع الاول !!!!! زين والله
النفيسى زعم ان القبس حرفت تصريحه بانه يتوقع ربحية للسهم فى 2005 بواقع 150 فلس رغم ان التصريح على لسانه وقال انه قال هذا الكلام بشرط بيع الحفار !!!! زين والله
وين الحفار ؟ وليش ما باعوه ؟ وهل يوجد حفار بحرى فعلا ؟ واذا كان موجود وين ايرادات تأجيره ؟
واذا كانت الصحافة باقت ايجار الحفار ليش ما يقاضيهم !!!!!!!!!


أخي الكريم شكراً لك على توضيحك الطيّب ..

SMoOoKY و هيت .. اشوي اشوي علينا :) .. عذروني على التأخير في تصوّر الجمعية العمومية ولكلٍ عذره .. وكان قصدي البارحة بس عاذريني إن شاءالله ..

عموماً ..

بدأت الجمعية العمومية من قبل الدكتور بشير بسرد سريع على البنود الموجودة بجدول الأعمال .. وشكله يبي يخلّص بسرعة ويمشي ..

ليمن وصل إلى النقطة الأخيرة من جدول الأعمال وهي الموافقة على توصية مجلس الإدارة في توزيع أسهم المنحة بواقع 22% .. كان هناك نقطة نظام واعتراض من قبل أخونا الكبير الجيماز ..

قال : يادكتور .. بما إن مسار السهم وتوجهاته غير مجزية للمستثمرين أطالب بزيادة أسهم المنحة إلى 30% !!

دار حوار بين الدكتور بشير مع جمال النفيسي .. ها اشلون مالون مايصير ومادري شنو .. المهم تم عمل تصويت سريع ..

ياالجيماز جم عندك قال هالكثر .. يافلان جم عندك قال هالكثر .. يالمعترضين على التوصية وتبون 30% مثل ما طالب الأخ .. اطلعوا كلهم كمية معينة .. جان ينط واحد قاعد بالزاوية صوته صوت عنتر ماشاءالله .. قال: يبه آنا أقول بأن إللي وصّى المجلس فيه يمشي !! :confused:

شكله عنده عشر تعش مليون بالبتروجلف وصارت الأغلبية له طبيعي .. وراحت علينا الزيادة ..

المهم اخلصت بنود الجمعية العمومية .. فاقترح الجيماز بأن هل هناك مانع لطرح الأسئله !! أعطوه الموافقة الحمدلله .. اهني يبدي الفلم !!

الجيماز : شنو سالفة الحفّار والمسلسل ماله وهل فيه جزء ثاني أو شنو بالضبط !!

الدكتور : والله ياخوي الحفار هذا سالفته إنّا احنا كنّا قبل فترة نبي نبيعه حتّى بسعره وهو 25مليون دولار .. ولكن قلنا نبي نربح على الأقل لو مليون واحد بس .. يعني سعر البيع 26مليون دولار .. ولكن المفاوضات كانت بس علشان انطيّح هالـ1 مليون .. وصارت على طول سالفة اعصار كاترينا إللي دمّر كثير من الحفارات البحرية في أمريكا .. فزاد سعره وزادت الطلبات عليه إلى أن بلغ سعر الـ70مليون !!

وجارية الدراسة الآن في عروض تقدّمت للشركة لتأجيره .. ونحن بصدد الانتهاء من عقد تأجيره لمدة سنتين .. وجاري البحث من الآن لتأجيره ابتداءاً من سنة 2008 ولمدة 5سنوات .. يعني احنا قاعدين نسعى لابرام عقدين لتأجير الحفار على مدى 7 سنوات .. وهذا كله لصالح المستثمرين والمساهمين بالشركة حتّى يكون هناك عائد سنوي بل شهري يعول على الشركة بأرباح ممتازة أفضل من بيعه :) .. "آنا أتفق معاه بهالنقطة .. ولكن مثل ما تفضل الأخ (فيرسون - بوفارس) بأن الشركة لازم تحط حد لمسرحية الحفار بالجرايد بأسرع وقت وتوضيح هذه الخطوة الإيجابية للناس وهي التأجير" .. قواك الله يابوفارس

النقطة إللي كان ودّي أنسف قاعة الجمعية العمومية بعد سماعي للرد .. هي:

أحد المستثمرين بالصف الأول : لازم يكون هناك صانع سوق للسهم يتحكّم بثبات سعر السهم !!

الدكتور : لأ لأ لأ احنا شركة بترولية تشغيلية بحته .. ومالنا شغل بالسهم وبالسوق وماعندنا محافظ ولاشي (والله شكل هالجواب امزهبينه من زمان !!) .. بس راح نكتب هذا الاقتراح ونطرحه في جلسات مجلس الإدارة للبحث فيه ..

الجيماز : ليش أرباح الربع الأول خسرانه الشركة وانت تقول بأن احنا شركة تشغيلية بحته !!

النفيسي : انت شايف وضع السوق واشلون متدهور .. فاستثماراتنا في بعض الشركات في سوق الكويت سببت خسائر للشركة .. وهذا شي طبيعي ..

(يقول طبيعي :eek: !! مو توكم انت والدكتور تقولون احنا مالنا شغل بالأسهم وماعندنا محافظ يامال الفقر !! شنو هالتخبّط وشنو هالكذب وشنو هالتناقض يالنفيسي !! ماتوقعت اسلوبك يوصل لهالدرجة من الاستخفاف بعقول المستثمرين :mad: .. أنا أشهد بأنك صغير على كرسيّك إللي عطوك إياه .. حتى أحد الأسئله تقولك اشلون قيمتوا سعر الحفّار !! ترد وتقول: تخيّل عندك سيارة وتبي تبيعها هل انت إللي تقول سعرها ولاّ تنطر الشراي يقولك سعر الشراااااء !! اشكبرها على حلجك .. هذا اسلوب ينطرح وخاصة بالجمعية العمومية لاااااا ومن عضو منتدب !! :mad: )

المهم اخواني .. هذا أهم إللي صار بالجمعية .. وأحب أفيدكم بأن نقطة أرباح 31/6 أي الربع الثاني ركّزوا عليها الجماعة مرتين .. يعني إن شاءالله نأمل أن تكون هناك حركة طيبة للشركة من العقود إللي ذكروا بآخر الجمعية بأنها منتهية وتم التوقيع عليها .. يعني إن شاءالله يعلنونها رسمياً ومنها يتحرّك السهم إلى أعلى بإذن الله ..

وأحب أشكر الجيماز على جهده وحرقة قلبة على اخوانه المستثمرين من طرح تساؤلات فادتنا الحمدلله كثيراً .. وهذا يدل على إنك يابوفواز حقاني وماترضى بالخطأ أياً كان .. ولا أثني عليك غير إني شفت فيك هالسمات .. فجزاك الله خير ..

وآسف على الإطالة إخواني .. وأخوكم حاضر لأي استفسار يمكن أكون نسيت نقطة معينة دارت هناك وماذكرتها ..


بوتسنيم
 

SMoOoKY

عضو نشط
التسجيل
28 يناير 2006
المشاركات
1,000
الإقامة
بدار أبو مبــــارك
انشهد انه بو فواز ماقصر فيهم.....وهالطرفي الي اعترض مال دايسين ابطنه عقب الجمعيه تخلونه يتعلم يعترض...:|
الله المستعان... ومشكور يابو تنسيم...
 

ربيع البورصه

عضو نشط
التسجيل
7 يوليو 2005
المشاركات
27
اي حرقه قلبه

هذا بيرقع موقفه من بعد تطبيله الغير طبيعي على الحفار

والا نسينا الماضي بجم كلمه الحين
 

Bo Tasneem

عضو نشط
التسجيل
14 مايو 2005
المشاركات
2,780
الإقامة
فـ(زوجتي)ـي أحضـ(تسنيم)ـــان أسـ(مريم)ـرتــي
ربيع البورصه قال:
اي حرقه قلبه

هذا بيرقع موقفه من بعد تطبيله الغير طبيعي على الحفار

والا نسينا الماضي بجم كلمه الحين


مشكور أخوي ..

واحسان الظن بالناس راح يكسبك جم حسنه ترى .. كلنا طحنا بسبب الحفّار !!

ولعلمك أخوي .. بوفواز خسران أكثر مني ومنّك .. وادعيلنا بالخير أحسن من الطعن بالنوايا .. الله يهداك بس


بوتسنيم
 

SMoOoKY

عضو نشط
التسجيل
28 يناير 2006
المشاركات
1,000
الإقامة
بدار أبو مبــــارك
ياجماعه محد ودانا بداهيه الا النيه الي مو صافيه ....ان منت مغصوب تاخذ حجي من فلان وعلان ...القرار شخصي ويرجعلك سواء ربحت والا خسرت....انا شخص دخلت على السهم بسبب تطبيل مجلس الاداره نفسهم والاخ البدر....وهم احمل نفسي شئ من المسؤليه وهذا يرجع لعدم تركيزي بملائة الشركه ومتابعة اخبارها....

صدقوني صفوا النيه والله بيرضى علينا....

ومني للمراقبين....اي اتهام شخصي يجب اتخاذ قرار بشأنه...الخساره ماهي سبب للقذف بالذمم والتشكيك بالنوايا....
موفقين خير....
 

aliii

موقوف
التسجيل
14 سبتمبر 2005
المشاركات
3,377
يعطيك ألف عافية أخوي بوتسنيم على نقل ما جرى في الجمعية

بو تسنيم ما قالوا كم الأيجار اليومي الحالي للحفار ؟؟

كيف ممكن الحصول على نسخة من الميزانية للربع الأول للشركة ؟؟

وتحياتي لك
 

هيت

موقوف
التسجيل
8 أكتوبر 2005
المشاركات
135
مشكور بوتنسيم على هذا التقرير المفصل

الظاهر اجتماع امس كان مثمر اشوف كان في دعم للسهم اليوم و ارتفاع طفييف بالسعر

فاتحة خير انشاء الله

اليوم تفسخ السهم , لكن متى تنزل المنحه؟ هل لازم اراجع الشركه او المقاصه لأحصل عليها؟
 

SMoOoKY

عضو نشط
التسجيل
28 يناير 2006
المشاركات
1,000
الإقامة
بدار أبو مبــــارك
والي يقهرررررررر جريدة الانباء ولا كأنه مجلس ادارة الشركه مسوي شي غلط وا احد اعترض على شغلهم كاتبين انهم راح يأجرون حفار الفقر مابين 90 او 100 الف يوميا ://///// ماشوف احد قال الجريده قاعده اطبل...
لاحول ولاقوة الا بالله...
 
الحالة
موضوع مغلق
أعلى