بقول الي بقلبي ..

الموضوع في 'السوق الكويتي للأوراق الماليه' بواسطة بوحسن, بتاريخ ‏17 مايو 2006.

  1. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    عندي كلام بقلبي وخايف اقوله بالمناسبه هني اتذكر اغنيه عبدالكريم عبدالقادر ( .. بقلبي كلام ودي اقوله ) اهديها لكم

    .. ماكان ودي افتح موضوع يديد علشان لا يقولون بوحسن خرعنا وشالكلام

    بس ما اعتقد الحين في احد مو مخترع بالاصل وخصوصا بعد نزول السعودي امس 1000 نقطه

    ندش بالموضوع

    شايفين السوق السعودي ؟؟
    شايفين القرارات والارتفاعات الوهميه الي تصير بعد كل قرار جيد !!
    شايفين ان السوق السعودي كل ماله والى نزول ؟
    الملك هناك ما قصر وياهم .. حتى بديت ما استبعد الا يدش البورصه ويتداول للناس باسهمهم والي يبيع سهم يسجنه !

    بس هم ما نفع الى الان ... الوضع اشبه باعصار تسونامي .. كان عنيف ونحتاج وقت للتخلص من اسبابه ..

    هل هي عقوبه من الله عزوجل وبلاء ؟ لاننا لم نشكر النعمه ؟؟ ولاننا ركضنا على الفلوس مو بس بفوائض اموالنا .. بل وخذينا قروض وبعنا بيوت !! ومدخرات واموال بيضه لايام سوده كانت مخشوشه ؟

    عموما

    اخواني اتوقع بنسبة 90% على السوق السلام ..مو بس سوقنا الا اسواق المنطقه ايضا

    الخص التاريخ السابق وخصوصا للجدد الي دشو البورصه

    الي صار بكلمة بسيطه ان كافة الاوراق الماليه الي بخزن المحافظ + خزن الشركات الماليه + الشركات البورصويه ( اسهم الخزينه ) الي كانت نايمه عندهم منذ سنوات سابقه كلها تعرضت للمضاربات وكلها انزلت السوق لتجني الربح لوصولها الى اسعار مغريه جدا

    طلعوها لنا وباعو ورق مقابل فلوس ... نعم ..وانباعت وتحملنا ..

    اكيد البعض يذكر خرعت سحب السيوله في الام تي سي والمخازن ؟وقبلها بيت التمويل وشركة المال ! قلنا شركات كبيره وتبي تتوسع ..والله يستر لا تنسحب السيوله من السوق وكثرت المواضيع وطل ها الهاجس اليومي لنا

    المهم قدرت فلوسنا نستوعب هالشغلات ومنها تفريخ الشكرات باكتتابات جديده ..واحنا مراكض وراى الفلوس ... وين اكو اكتتاب ...ركضه وتسجيل

    طالعونا التجار وقالو ... هذيلي هم عندهم فلوس .. شوفهم اشلون يتراكضون بالاكتتابات

    اطلعت لهم فكره جديده !! شنهي

    اكمل ...

    وليم ما كفاهم هالشي وباعو كل شي علينا حتى ما بقى الا يطبعون على ملابسهم الداخليه وفنايلهم كلمه سهم واحنا نشتريه
    ... قالو نبي نزيد راس المال لشركات تعبانه جدا وتقريبا وهميه بس مدرجه بالبورصه .. .. وهي طريقة جديده وقانونيه لطباعة اوراق تحت مسمى ( سهم مدرج بالبورصه قابل للبيع فورا )

    حتى البعض كان ناطر شركة النخيل هالشركة الي كانت طنازه وسخريه الكل بعد ما شفنا شركه رعد الي كانت تبيع معجون طمام وعصير وبفك وشلون تحولت الى شركة استثماريه ..بفلوووووووسنا وبنفس الوقت واحنا راضيين :mad: ليم زادو راس مالها

    التجار اطمعو ... وعندهم اداواتهم ..ناس تطبل رؤساء محافظ يصلون بنفس المسيد ينصحونك ... صبيان محافظ بالسوق يطلعون اشاعات .. التجار انفسهم يدزولك مسجات غلط ... لانهم يبون يربحون وهذي فرصه العمر لهم

    للاسف

    ما فيهم صبر ينتظرون المنح والتوزيعات علشان يزيد معدلات هذه الاسهم بشكل دوري وطبيعي نفس السنوات السابقه وعلشان يربحون دوم وبشكل متوازن .. الطمع شين

    لقوها فرصه وقالوا في انفسهم خل نستغل اكبر فرصه بحياتنا وهي ارتفاع السوق الى معدل خيالي ..فوقه جني ارباح ونطبع اوراق
    وبعدين نلم من تحت

    وصار الي صار وما حسبو ان الطمع نهايته شينه دوما ..

    ان الكل زاد راس ماله بمعدل خيالي والكل قط اسهمه وصار المخامط وخصوصا ان التجار من شكل واحد .. الكل يقول لا يطوفك ويبيله طباعة اوراق عليها كلمة سهم
    ( الكلمه السحريه لفتح جيوب صغار المستثمرين ) .. واحنا مراكض

    ليم صار سوقنا اشبه بسوق الحراج الكل يعرض شغلات جيده بارخص الاسعار والدلال ينزل بالسعر ويقول لصاحب السهم ....... بيع بيييييييييييييييع ..انت ليلحين ربحان


    سوقنا مليان اوراق كشخه ومطبوعة طباعة فاخره مكتوب بالنص ( سهم )
    بس فلوس ماكو

    خذو فلوسنا وعطونا شهاده اسهم ... وهم يضحكون خل تنفعكم هالشهادات

    نتمنى ان لا ننتهي بكارثه ..لانني مقتنع بان الله هو مقدر الامور ... ولو حرصنا

    و استغفر الله من كل ذنب واطلب من الجميع السموحه وانا وياكم بمركب واحد طبعان

    حسبي الله .. و نعم بالله .. نعم المولى ونعم النصير

    هذي قصتنا باختصار مع بورصه الكويت لغالبيه الاسهم
    ( الي ما توزع نقدي محترم ..علشان لا ندش بالذمم وبالافتراءات )

    الحين احس اني طلعت كل الي بقلبي ..شكرا لصبركم

    والصبر مفتاح

    ملاحظه :
    التجار = ناس عاديين - محافظ - شركات - ناس مسئولين بالحكومه - هيئات حكوميه تتعرض للمسائله من قبل مجلس الامه وديوان المحاسبه - شيوخ - ووزراء - واعضاء مجلس امه وبلدي ..سابق او حالي
     
  2. Moshaks_777

    Moshaks_777 موقوف

    التسجيل:
    ‏26 أكتوبر 2005
    المشاركات:
    3,518
    عدد الإعجابات:
    0
    مكان الإقامة:
    الكويت
    ياينه الدور
     
  3. C'O'B'R'A

    C'O'B'R'A عضو نشط

    التسجيل:
    ‏30 مارس 2006
    المشاركات:
    1,084
    عدد الإعجابات:
    0
    مكان الإقامة:
    K U W A I T
    صباح الخير بوحسن

    يعطيك العافيه والواحد ماله الا يقول


    لاحول ولا قوة الا بالله العلي العظيم
    انا لله وانا اليه راجعون
    سبحان ربي العظيم
    سبحان ربي الاعلى


    تحياتي لك يا بوحسن
     
  4. خير الكلام

    خير الكلام عضو جديد

    التسجيل:
    ‏9 سبتمبر 2004
    المشاركات:
    1,030
    عدد الإعجابات:
    1
    السلام عليكم

    صباح الورد والياسمين .

    اذا كان بوحسن هو نفسه حبيبنا الاولي الصبر مفتاح .

    ماا اقول الا الخير قريب ان شاء الله :)
     
  5. بوعبدالهادي

    بوعبدالهادي عضو نشط

    التسجيل:
    ‏10 ديسمبر 2005
    المشاركات:
    503
    عدد الإعجابات:
    0
    اخوي بوحسن شنو فايدة النقدي والمنحة اذا يتم خصمهم من قيمة السهم وبعدها السهم ما يشوف النور ابد

    عندي سهم المستثمر وكنت ماخذة على سعر 510 ونزل لغاية 400 قلت اخذ ارباحه واعوض جزء من الخسارة وظل ينزل وينزل اكثر وتمت الموافقة على توزيع الارباح تفصخ السهم وبعدها بفتره وزعوا الارباح والمنحه
    كان سعره قبل التفصيخ 335 تقريبا ونزل لغاية 285
    وماكو من 3 ايام بدا بتوزيع الارباح والحين لو بتبيع الكسور راح تبيعها اقل من سعره

    النتيجة ان المستثمر ما يستفيد من النقدي ولا المنحة
    وصارت عندي قناعة الحين ... بيع السهم قبل التوزيعه واخذه بعد التفصيخ

    تحياتي
    اخوك/بوعبدالهادي
     
  6. q8 investor

    q8 investor عضو نشط

    التسجيل:
    ‏9 أغسطس 2005
    المشاركات:
    190
    عدد الإعجابات:
    0
    هلا بوحسن .......الله يسهل اموركم.......بس وينكم يا بوحسن صارلك فتره لا شارت وارتدادات ولا دعم مقاومه....:d والله يا خوى امس شفت مقابله مع دكتور اقتصاد سعودى وقال ان نزول السوق راح يستمر لمده سنه او سنتين........... وان احتماليه ان الصندوق اللى اسس فى السعوديه ممكن يكون لها ردت فعل عكسيه على السوق........ النصيحه لك خلك متابع فقط ولا تدش حاليا..........
     
  7. Bo Tasneem

    Bo Tasneem عضو جديد

    التسجيل:
    ‏14 مايو 2005
    المشاركات:
    2,780
    عدد الإعجابات:
    0
    مكان الإقامة:
    فـ(زوجتي)ـي أحضـ(تسنيم)ـــان أسـ(مريم)ـرتــي
    تسلم يابوحسن على هالكلام إللي من قلبك ..

    وعسى الله يبرّد على قلوبنا جميعاً .. وكلامك عين العقل وتصوّر أظنه مضبوط 100% ..

    الله يفرجها على الجميع إن شاءالله .. وشكل الهبوط والتدهور مستمر فترة طويلة والله يسهّل على الجميع يارب


    بوتسنيم
     
  8. Abdulazeez

    Abdulazeez عضو نشط

    التسجيل:
    ‏7 سبتمبر 2004
    المشاركات:
    5,644
    عدد الإعجابات:
    5
    مكان الإقامة:
    Kuwait
    ما أقول يا أخوي بوحســن إلا

    حســـــبنا الله ونعم الوكيل ...
     
  9. بوعبدالهادي

    بوعبدالهادي عضو نشط

    التسجيل:
    ‏10 ديسمبر 2005
    المشاركات:
    503
    عدد الإعجابات:
    0
    اشكثر راح يطول يعني

    سنه ناطرين
    سنتين ناطرين
    ثلاث سنوات ناطرين
    5 سنوات ناطرين
    20 سنه ناطرين
    30 سنه بعد مافيني شده على النطره - اوصي عيالي ينطرون :)
    لغاية ما الله يفرجها

    تدرون يا اخوان على الرغم من الخسارة الكبيره والنزول الجنوني الا ان مازال عندي بصييييص امل ومثل ما يقولون ازمه وتعدي

    تحياتي للجميع
    اخوكم/بوعبدالهادي
     
  10. Bo Tasneem

    Bo Tasneem عضو جديد

    التسجيل:
    ‏14 مايو 2005
    المشاركات:
    2,780
    عدد الإعجابات:
    0
    مكان الإقامة:
    فـ(زوجتي)ـي أحضـ(تسنيم)ـــان أسـ(مريم)ـرتــي

    يا بوعبدالهادي ..

    يقول أحد التجار في احدى الدواوين .. إذا راعي التاكسي دخل البورصه !! ليش نقعد فيها احنا !! :rolleyes:

    فأهم يبون راعي التاكسي يطلع ومعاه شلّته .. وتالي يدخلون التجار وتنتعش البورصه آنذاك إن شاءالله


    بوتسنيم
     
  11. .osama

    .osama عضو جديد

    التسجيل:
    ‏12 مارس 2006
    المشاركات:
    309
    عدد الإعجابات:
    0
    مكان الإقامة:
    الكويت
    انسحاب تكتيكي

    مؤشر السوق يذكرني في بيانات مجلس قياده الثوره بالعراق ايام حرب ايران والعراق

    إذا الايرانيين دخلوا الاراضي العراقيه يطلع المذيع العراقي بالتلفزيون ويقول ان الجيش قام بعمليه انسحاب تكتيكي

    والظاهر اني بنسحب من هالسوق هذا انسجاب تكتيكي وبرجع له بعد مايخلص الهجوم المعادي

    وياخوفي لا ارجع وماالقى ولا مقاتل بالميدان [​IMG]
     
  12. بو بندر

    بو بندر عضو نشط

    التسجيل:
    ‏15 سبتمبر 2005
    المشاركات:
    1,002
    عدد الإعجابات:
    50
    مكان الإقامة:
    متداول الاوسط سابقا
    اخخخخخخخخخخخخخخخخخخخخخخ يا ابو حسن

    جبتها علي الجرح

    انا اتفق معاك بالي تقوله 100 % بس ازيد عليه

    انه الحكومه لها يد بالموضوع والسالفه سالفت امعاند وارضاء خواطر وتصفية حسابات

    او كل هذا علي احسابنا

    للاسف موغريب علي حكومتنا الي قاعد ايصير او مو اول مره ايصير

    مشكلتنا انه مافي ابهلبلد الا هالولد هو الفهمان الوحيد

    وافهم يا فهيم


    دمتم
     
  13. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    نضحك ؟ ولا نضحك يقول شارتات :)

    بس اذا صج تبي شارت :)

    شوف اليوم كان المفروض يكون النهائي بس شوف اشصار ؟
     

    الملفات المرفقة:

    • a7.JPG
      a7.JPG
      حجم الملف:
      118.9 KB
      المشاهدات:
      283
  14. q8 investor

    q8 investor عضو نشط

    التسجيل:
    ‏9 أغسطس 2005
    المشاركات:
    190
    عدد الإعجابات:
    0
    بصراحه يا بوحسن الالوان وايد حلوه ومريحه:D وما لقيت تحط شارت اكبر من اللى حطيته :p قول شعندك ............مو تقول تبى تطلع اللى بقلبك .............. طلع حبيبى طلع
     
  15. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0

    هههههههههههههه والله الالوان مريحه مثل ما قلت لانها علم دولة زائير :)
    ولو تلاحظ متعمد ما احط لون احمر :)

    كافي الاعصاب الي فينا ..وبسك تحرش

    انت شايف اخر شمعه وين اوقفت ..

    انا من زمان مقسم الشارت الى عده اقسام بترند نازل
    ولو تدور بعض مشاركاتي السابقه بتشوف شارت مثله ومن هني عرفت شكل السوق او استنتجته مع امنيه باني اطلع غلط

    اظن من خلال الالوان هالشي ان ما ارتد السهم الى الاعلى فاقول

    ان القسم الوسطي بالضبط احنا فيه هو على حافة النزول للمؤشر

    يعني اي كسر للاسفل الي هو محدد باللون الاصفر هو دليل نزول لا محاله في رايي

    بمعنى اوضح هو ان دشينا باللون الازرق اشوف باننا سوف نلامس القاع فيه كما هو موضح في خط الترند ومثل ما قلت ... كما اتوقع

    اعتقد امس انا كاتب الرقم المتوقع للقاع ان استمر بالنزول وهو 8850 او شي جذي هذا طبعا اذا كان النزول قوي ..

    واذا كان النزول حبه حبه اتوقع بنشوف الرقم الي بعده

    والي بعده 8550 شي جذي

    انشاء الله فهمت قصدي اشوي

    وبعدين موضوعي عن شي وخليتنا نتكلم عن شي ثاني طال عمرك :)
    والشكر لكل من شارك وعبر عن رايه بموضوعي
     
  16. بوعيد

    بوعيد عضو مميز

    التسجيل:
    ‏8 يوليو 2005
    المشاركات:
    816
    عدد الإعجابات:
    0
    الله يعطيك العافيه يابوحسن على هالكلام اللي موجود بقلب كل انسان يرى هالوضع السيء ويتحسر على اللي قاعد يصير

    كنت قد ذكرت هالامور بأن السوق حتى يتعدل يحتاج لإصلاح الخلل و الكل يعرفه ويشوفه لكن من يجروء على معالجة الأمور

    هل ننتظر الحل من الحكومه ....واذا كانت صناديق الهيئه هي أساس الداء فما العمل !!
    هل ننتظر الحل من مجلس الامه ....نواب يحركونهم بالريموت كنترول ونواب آخرين يرفعون شعار الإصلاح ومن داخل مصلحة الحزب او التكتل او غيره وكم هي صدمه كبيره عندما يتحرك الجميع من النواب ويتراشقون بالألفاظ وينشرون غسيلهم عندما وصلت الأمور لمصالحهم الخاصه في تعديل الدوائر ..اين هؤلاء من قضايا المواطن الحقيقيه كل مايقدمونه شعارات رنانه وكلام في كلام كما يقال ( نسمع جعجعه ولا نرى طحينا ) !!
    أو ننتظر الحل من محافظ وصناديق تنتهج دور تكسير العظام وعدم التداول بعقلانيه ومن القريب ان تصبح صانعة سوق وهي صانعة تصريف !!!

    سأذكر الاسباب وسأترك الامر للعقلاء ليتفكرون في مايحدث وأعلم ان بعض الاسباب سيتهجم علينا البعض بأن فلان مو المشكله وفلان مو المشكله ولكن الحق أحق أن يتبع ويقال :
    الاسباب :
    1- الكل يعلم بأن السوق يحتاج لتدفق السيوله ومايحدث هو إستمرار لشفط السيوله ومهزلة إدراج الشركات بالسوق الرسمي مستمره ولا اعلم لماذا لاتدرج بالسوق الموازي حتى يتم تقييمها أو انهم عملوا اكتتاب ب 100 فلس ولأشخاص مقربين وتم تأسيس الشركه وتدرج وبالنازل يبيعون دبل السعر و يتدبس فيها الصغار ....( فأين وزارة التجاره وادارة السوق ) ؟؟
    2- سبق وحذر الجميع من زيادة راس المال والمنح للشركات اللي ماعندها نشاط محدد ولكن لاحياة لمن تنادي ولايزال المسلسل مستمر .
    3- اتجاه الصغار نحو الشركات المضاربيه بدون وعي او دراسه يشتري ومرات بالآجل ولما ينزل السهم لايضع حد لوقف الخساره او يكون عنده سيوله للتبريد وبعد انهيار السهم يستوعب ويبيع بخساره كبيره :confused:
    4-الصحافه : للاسف مارست الصحف جميع انواع التطبيل للاسهم وبعد ماطاح الفاس بالراس نرى احدى الصحف اللي كانت كل اسبوع تعمل دراسه للاسهم اليوم اصابها الصمت !!! وين دراستكم حق هالاسهم ...هذي اسهمكم اللي قلتوا سعرها العادل .....اليوم خسرانه واسعارها بالحضيض !!
    5-الإدارة الإدارة الإدارة ولا اقصد إدارة البورصه ولكن اقصد كل من له قدره على اتخاذ القرار وسبحان الله عجب في هذا البلد لاوزير يملك قرار ولا مدير سوق يملك القرار .....فمن بيده القرار راح تحاسبون على التفريط في هذه الامانه يوم القيامه فكلكم مؤتمن يا وزير ....يا مدير البورصه ...يا اعضاء الأمه هل وقفتم أمام من يسرق أموال الناس بالباطل
    صفقات وهميه
    توزيعات الارباح غير عادله
    تلاعب في الحسابات
    شركات ورق في ورق
    أكل أموال الناس بالباطل
    ويقولون لاتتكلم عن ادارة البورصه في عهدها صعد السوق !! سبحان الله وهل نقول لمن يحسن إسلامه ويلتزم ثم يقوم بإرتكاب الذنوب أن ماعمله من حسنات في السابق تجعل ذنوبه مقبوله ...أي مكيال هذا

    الخلاصه ......الحل بيدكم نعم بيدكم ياصغار المستثمرين أنتم من يجب ان تتخذون القرار وترفعون صوتكم فصاحب الألم هو من يحس فيه وحده
    اذا مافيه تداول ليش تبيعون !!! خلوهم يحترقون
    اذا نزلوا شركة جديده ليش تندفعون لها خلوها تكون عبره لباقي الشركات
    اذا زادو راس المال ليش تركضون وراهم
    اذا وزعوا المنح والتوزيعات السيئه ليش ماتحضرون الجمعيات العموميه !!

    الحل بيدكم ...وأختم قولي بقوله تعالى: «و ما أصابكم من مصيبة فبما كسبت أيديكم و يعفوا عن كثير»
     
  17. Nasser pwc

    Nasser pwc عضو جديد

    التسجيل:
    ‏5 فبراير 2006
    المشاركات:
    1,198
    عدد الإعجابات:
    0
    مكان الإقامة:
    عمار ياكويت
    الله يعطيك العافيه اخوي بوحسن​
     
  18. q8 investor

    q8 investor عضو نشط

    التسجيل:
    ‏9 أغسطس 2005
    المشاركات:
    190
    عدد الإعجابات:
    0
    مشكور يا بوحسن .......... وآنا ما طلعتك من السالفه......... ابد والله ........ آنا حبيت اطلع اللى بقلبك:d :d
     
  19. الكولونيل

    الكولونيل عضو نشط

    التسجيل:
    ‏24 ديسمبر 2005
    المشاركات:
    735
    عدد الإعجابات:
    146

    يابوتسنيم التجار الكبار والكبير الله سبحانه مايبي راعي التكسي يطلع من السوق بالعكس يبي حتى راعي البرد اللي كل يوم الساعه 4:30 العصر يفتر بالفريج ويقول بريييييييييييييييييييييد :D يدش ويا راعي التكسي البورصه

    تدري ليش لانهم لقيمات البورصه بدونهم البورصه ماتسوا اهما الضحيه اللي يحلون فيهم الله :( يكون بالعون
     
  20. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    بو عبدالهادي .. انا قلت شركات توزع نقدي محترم ..ما نبي منحه بعد كل هالزيادات في رؤوس الاموال الي صارت سابقا .. يعني روق طباعه عليها كلمه سهم ما نبي بعد ..وخير مثال ..السفن وزعت بس نقدي و 25 فلس

    بو عيد احسنت .. بس لو الناس تتحرك بنشوف حلول ترقيعيه لارضائها ...

    اول شي المفروض التجاره ما تتدخل وايد بالقوانين لان التجار مسرع ما يزعلون وشفنا السعودي
    بس الشركات ام راس مال 5 مليون ممنوعه تدش ولازم نشوف ايراد كبير سابق لها ومتواصل ومن مكاتب محاسبيه معتمده والمفروض البورصه تقرر بعض المكاتب لها وكل سنه تغيرها يعني المفروض 3 ميزانيات من 3 مكاتب مختلفه ثقه

    وبعدين كشف الملاك المفروض يصير الى 2 % مو 5%

    منع البيع بنفس الوقت الشراء ..الي يشتري اليوم يبيع باجر مو يرفعلك السهم حق ساعه ويقفله لك نازل

    وقت اقفال الاسعار الساعه 12 و 29 دقيقه و 29 ثانيه لازم يشوفولنا فيها حل

    هذي بعض الامنيات ..ولكن خل ترجع السيوله ..وشلي يرجعها !!

    .. ان تكون البورصه جذابه مره اخرى ..وشلي يخلي البورصه جذابه .. اصلاحات محدوده وقويه بموافقة التجار مو يعدلون معيار محاسبي ونروح احنا فيها ومنو يحرك هالاصلاحات .. الحكومه ..شلي يحرك الحكومه نواب نضاف .. ومن وين نييب نواب نضاف بالداوئر الخمس ممكن .. وشلون نحقق دوائر خمس ... وقفه شعبيه ..وشلون نتفق كشعب ليم نحس بضرر ومتى يصير الضرر .. البورصه تنزل الى كارثه مثلا

    يعني اذا تعرف هالاغنيه ..

    العروس تبي عيال والعيال يبون حليب والحليب عند البقر و البقر يبي حشيش والحشيش يبي مطر والمطر عند الله .. لا اله الا الله

    .. ..هذي بورصتنا حاليا