شركة مشرف للتجارة والمقاولات ش.م.ك.م ( مشرف )

[sporty72]

مشكلة السهم ان الدوران عليه بسيط .. وممكن ينام بالاسابيع والاشهر من غير ان تتم عليه اي صفقة تذكر .. لكن نتمنى ان زيادة رأس المال اتغير من وضع السهم وتنشطه شوي .

هذا الي راح يحصل والله أعلم نفس باقي الاسهم الي ذكرتهم من قبل
للتذكير : باجر راح يكون الحد الأعلى للسهم هو 212 والحد الأدنى 182
ودمتم

 

[sporty72]

مبروكين على صعود اليوم مع انه السوق وايد نازل بس يعتبر شي طيب للسهم

 

[بو سليمان]

مشرف فيها فيها هدف للمضارب المغامر

 

[sporty72]

السهم معلن عن خساير وعلق بالحد الأعلى بس هم نفول مبروكين

الظاهر بس انا الي أملك بالسهم

 

[بو سليمان]

السهم معلن عن خساير وعلق بالحد الأعلى بس هم نفول مبروكين

الظاهر بس انا الي أملك بالسهم

تصدق اول ما تفسخ السهم وصيت عليه الشباب بصفحة المتابعة و قلت الهدف 250

و كان مجرد احساس مو معلومة

 

[sporty72]

بس الغريب بهالسهم ليش كل هالخساير ؟

 

[بو سليمان]

بس الغريب بهالسهم ليش كل هالخساير ؟

اتوقع يترفع و مع شويت تطبيل اذا طاف الربع و بعدين زحلقة الي 140

 

[sporty72]

اتوقع يترفع و مع شويت تطبيل اذا طاف الربع و بعدين زحلقة الي 140

شنو مصلحته ينزله والسهم ممسوك مو معقولة يخسر نفسه ؟
وبعدين شمعنى حددت هالسعر 140 ؟

 

[الاوربي]

في خوش اخبار عن مشرف بجريدة الوطن ان شالله يعلق ويفرحكم

 

[alsharaf]

دونالد فيديرستون: »مشرف« تنقل مقرها الى أبوظبي وتعتزم الإدراج في دبي.. وتوقع عقدين في الإمارات بإجمالي 1.2 مليار درهم

 

[بو سليمان]

شنو مصلحته ينزله والسهم ممسوك مو معقولة يخسر نفسه ؟
وبعدين شمعنى حددت هالسعر 140 ؟

رقم جاء علي بالي مثل ما جاء السهم علي بالي و نصحت فيه ثاني يوم بعد التفسيخة و كان 200

الاسهم بالنسبة لمضارب صارت حساسية و تخمين خصوصا لاسهم قليلة التداول يعني ضارب و انت تتحمل نتيجة المضاربة

تدري شنو مصلحة اذا قدر يصرف اكبرعدد ممكن ما عنده مانع ينزل 140 و يمكن اقل يعني صانع السوق كسب ربح محقق افضل من ربح غيرمحقق


عموما هو مجرد راي

 

[barbarian]

8:43:15 ِ.(مشرف) تحصل على ثلاثة عقود في الامارات وعمان
يعلن سوق الكويت للاوراق المالية ان شركة مشرف للتجارة والمقاولات (مشرف)‏
افادت بانها قد فازت ووقعت العقود التالية :‏
ِ1- وقعت الشركة عقد المرحلة الثالثة من مشروع " السوق المركزي" في امارة ‏
ابو ظبي مع شركة الدار العقارية في ابو ظبي - الامارات العربية ‏، حيث تقوم ‏
شركة مشرف للتجارة والمقاولات باعمال بناء مختلفة داخل المشروع المذكور
وبقيمة اجمالية 433 مليون درهم اماراتي ولمدة 365 يوما .‏
ِ2- فازت الشركة بالاشتراك مع (شركة محاصة) شركة خدمات الخليج للبتروكيماويات
والتجارة ش.م.م وشركة المد الاخضر للتجارة العامة والمقاولات ، بعقد مع الشركة
العمانية لخدمات الصرف الصحي ، حيت تقوم الشركة باعمال بناء اساسية لقنات ‏
التجمع الرئيسية لولاية السيب - سلطنة عمان ، علما بان نسبة مشاركة مشرف ‏
للتجارة والمقاولات 8,34% حيث تقوم الشركة بتنفيذ الجزء المتعلق بحفر الانفاق
وذلك بقيمة اجمالية 54,971,569 ريال عماني ولمدة 780 يوم .‏
ِ3- فازت الشركة بالاشتراك مع (كونسورتيوم) شركة سامسونغ للهندسة بعقد ‏
مع شركة نخيل - الاماراتية ، بعقد تصميم ، بناء ، تشغيل وصيانة مصنع لمعالجة ‏
مياة المجاري في المدينة الدولية ، علما بان نسبة مشاركة مشرف للتجارة ‏
والمقاولات 38,5% وللشركة دور اساسي في بناء البنية التحتية للمشروع ، ‏
حيث تبلغ القيمة الاجمالية للعقد 832 مليون درهم اماراتي ولمدة 31 شهرا .‏

-----------------

وين الشفافية !!!

السهم معلق من أمس واليوم الاعلان !!!

يا أخباري اللي تسربت لووووووووووووووووووووول

 

[barbarian]

نطالب البورصة بالغاء جميع الصفقات اللي تمت أمس

سواء كانت بيع أو شراء !!!

وين الشفافيه

 

[sporty72]

نطالب البورصة بالغاء جميع الصفقات اللي تمت أمس

سواء كانت بيع أو شراء !!!

وين الشفافيه

لا ولي يعافيك مانبيك اطالب بشي
يعني بقت على هالسهم الي ماعندهم شفافية
روح طالب بإلغاء صفقات منا قابضة من 214 الى فوق الدينار وعقب قالو عندنا وماعندنا وغيره وغيره يا أخوي خليها على الله خلي الناس تترزق
ولاتنسى السهم شبع نزول خله شوي يتنفس
وأخيرا أقول مبروك لملاك السهم ومنها للأعلى

 

[إبــداع]

شنو سالفة هالسهم ؟

ووين رايح ؟

تنصحونا نشتري فيه باجر ؟

 

[sporty72]

شنو سالفة هالسهم ؟

ووين رايح ؟

تنصحونا نشتري فيه باجر ؟

شلون تاخذ فيه والسهم طلب بدون عرض بالحد الأعلى عاد لازم تنطره لما يفتح
حسب مايقال حاليا ان السهم له هدف مبدئي فوق الربع وانا أقول من ثم نفس السعر الي تفسخ منه 375 وبعدها يكون له أهداف أخرى - هذا والله أعلم
يا شباب لحد يقول هذي توصية ولا تحليل فني ولا إشاعة انا تكلمت على السهم من قبل لايرد للتداول بعد ماتوقف 3 شهور تقريبا وقلت هالسهم راح يسوي فلم بالأيام القادمة
قد يكون كلامي صحيح وقد يكون خاطيء هذا في علم الغيب - انما هم اجتهاد شخصي
تحياتي

 

[إبــداع]

باجر أحط طلبي والله كريم

أخاف يسوي فيلم منا قابضه الجزء 2

 

[ابو راشد الواصل]

يا اخوان ديرو بالكم من هالسهم عنده خسائر وحاليا الدخول على هذا السهم خطر يجب الانتظار 25 يوم من تفسيخ السهم لان تعرف اتجاهه ودعمه وحاليا السهم فى تصعيد قوى تعرفون ليش لان يصرفون عليكم فى العالى ويا خذونه منكم من تحت يعنى على الدعم لا تتوقعون ان السهم راح يرجع مثل زمان بهاذى السرعه 0 مع تحياتى الواصل 0

 

[Jareer]

نطالب البورصة بالغاء جميع الصفقات اللي تمت أمس

سواء كانت بيع أو شراء !!!

وين الشفافيه

يعني قبل لا يرفعون اي سهم , تبيهم ايقولون لك تري احنا بنعلق السهم الفلاني باكر , تعال اتفضل اشتر قبل لا نرفع السهم!!!!

 

[sporty72]

مبروكين التعليقة
وإن شاء الله باجر السهم يعدي 250