دورة المؤشرنت للتحليل الفني
50 دينار كويتي
khaleeeed قال:اسعد اللة صباحكم
شتوقعون يا اخوان سهم بيت الاستثمار الخليجى الى وين نازل ؟؟
وشرايكم نبيعة الحين وناخذة تحت ؟؟؟؟؟؟
اخاف اذا بعناة يروح فوق ونقعد حنا تحت!!!!!!!!!!!!!!!!( ( (
ابو مها قال:السلام عليكم اخ خالد
صراحة السوق وضعه سيء ونزول السوق الى مستوى 8800 وارد جدا . والله اعلم
السهم والله اعلم يتجه الى 400 فلس . والله اعلم
طبعا قرار البيع والشراء والاحتفاظ راجعلك اولا وآخرا ، وما تقدم وجهة نظري الفنية لحركة السهم .
تحياتي لك اخي الكريم
الكولونيل قال:الله يعطيك العافيه يابو مها ولا عليك امر انا ودي ادش على المجموعه ممكن تعطيني اتجاه السهم وتشرحلي التشارت ولا عليك امر
ابو مها قال:حياك الله يالكلونيل
حاضر غالي والطلب رخيص
شوف اخوي اتجاه المجموعة الدولية نزول حاليا واقرب دعم للسهم يقع عند 495 وهي النقطة التي ارتد منها السهم سابقا .
الترند المرسوم على الشارت المرفق اتجاهه نزول مثل ما انت شايف عشان جذي عرفنا ان اتجاه السهم نزول ، طبعا حددنا الدعم عند 495 لانها نقطة دعم قوية ارتد منها السهم صعودا وبقوة .
لذلك انصحك تدش على السهم عندما يلامس ال 495 ثم يبدا بالصعود وتمسك السهم ثم ما ان يبدا السهم بالثبات والتذبذب بعد صعوده تبيعه . :d
تحياتي لك اخي الكريم
العميل عبدالله قال:على اي اساس قلت ان السهم رايح 400 ممكن توضحلنا اخي العزيز
خليجي طبعا
الكولونيل قال:متقصر حبيبنا بو مها تبي الصج هالسهم الوحيد والله مادري ليش لما اخذه ماقدر ابيعه الا بعد عناء سواءا ربح ولا خساره اذا ربح يطمعني زياده واذا خساره طبعا مايطاوعني قلبي ابيعه بخساره مادري شمسوي فيني هالسهم الظاهر بوشامه ساحرني فيه :d
ابو مها قال:السلام عليكم
طبعا انا حددت في تحليلي ان السهم يتجه الى 400 فلس بناء على عدة اسباب :
الاول : ان السهم خلال الفترة الماضية في اتجاه نزولي وهو ما يمثله الخط الازرق بالشارت المرفق .
الثاني : نزول السهم عن مستوى التداول ل 50 يوم وهو ما يمثله الخط الاسود بالشارت المرفق .
الثالث : نزول السهم عن مستوى التداول ل 200 يوم وهو ما يمثله الخط البني بالشارت المرفق .
الرابع : نزول السهم عن دعم مستوى 61.8 % من نسب فابيوناسي .
جميع الاسباب السابقة تضغط السهم للاتجاه النزولي الى اقرب دعم واضح وقوي عند 400 فلس .ارجو ان تكون المعلومة وصلت بشكل واضح ومفهوم .
طبعا ما تقدم وجهة نظري الخاصة تحتمل الصواب والخطأ ولكني مقتنع بصوابها .
والله تعالى اعلم واحكم
حصل لبس بالموضوعالكولونيل قال:شسالفه بومها 400
توك تقول 495 دعم قوي جذيه شتت تفكيري
ابو مها قال:ههههههههههههههههههههه
تصدق ابتلش هالمسلم
مرة يسمى الشيخ سامي البدر
ومرة سامي تكتكه
ومرة ابو شامة
الله يعينه
العميل عبدالله قال:غلوبل حطو مره ان اذا وصل الخليجي سعر 430 يعطي أشاره شراء
شرايك بتحليل غلوبل
يعطيك العافيه أخوي بومها انا عميل الانسانيه وعميل الناس الطيبينابو مها قال:غلوبل تحليلهم ما يحتاج تشاور فيه لان الاسهم وتحاليلها شغلهم وعندهم كادر متخصص بهالشغلات ومحترفين .
ولكن كل الخوف ان يدخل على تحاليلهم مسالة التنفيع والتطبيل لبعض الاسهم .
تحياتي لك ايها العميل عبد الله
صج انت عميل لمن ؟
الله يعطيك العافيةالعميل عبدالله قال:يعطيك العافيه أخوي بومها انا عميل الانسانيه وعميل الناس الطيبين
دورة المؤشرنت للتحليل الفني
50 دينار كويتي