السوق الي 7000 نقطه

fsg70

عضو نشط
التسجيل
24 يوليو 2005
المشاركات
727
ممكن تبين شلون توقعت ال7000 نقطه حتي نقتنع بكلامك
 

mashal

موقوف
التسجيل
30 مارس 2006
المشاركات
95
fsg70 قال:
ممكن تبين شلون توقعت ال7000 نقطه حتي نقتنع بكلامك


1_ تقاس حال السنه بتداولات شهر يناير وهذه نظريه أمريكيه
2_ العهد الجديد ليست هناك بوادر لدفع عجلة الأقتصاد بل التفكير في الضرائب وغير ذلك
3_ الأوضاع السياسه في الشرق الأوسط ليس هناك أستقرار بل الأمور تزداد للأسوء وهناك تقارير أستخبارتيه تقول بأن وصول الأسلاميين في مصر وفلسطين والأردن والكويت للبرلمان ستجعلنا علي مواجهه مع الحلفاء
4- الدوره الأقتصاديه للأوراق الماليه أرتفع قوي خلال عام 2005 بنسبه 100% يعني المؤشر من 6000 الي 12000 خلال سنه وهذا غير صحي .
5_ في الوقت الحالي وخلال تداولات الأسبوعين الأخيرين دق ناقوس الخطر.
6_ ناهيك عن الوضع الساسي داخل البلد ونحن مقبلين علي أنتخابات العام القادم وسيبداء المزايدات السياسيه يعني كل شهر راح تشوف أستجواب وأعتقد الكل يتفق معاي بتأثر السوق في موضوع حل المجلس وطرح الثقه ووو
7_ الشركات الكبيره حاطه بالها شيء بعيد الأمد مثل المخازن في المؤتمر الصحفي قال 2008 × 8 ونتم تعرفون المتداولين ماعندهم صبر لل2008
هناك أمور كثيره سلبيه لاتساعد للرتداد السوق نعجز عن ذكرها

أخواني هذه وجهة نضر وليست دعوه للتخويف ولاللبيع كلن عقله براسه ويعرف خلاصه
 

Moshaks_777

موقوف
التسجيل
26 أكتوبر 2005
المشاركات
3,518
الإقامة
الكويت
mashal قال:
ماكو شيء صعي 400نقطه × 5 أيام راح تشوف 7000 نقطه وبعدين مافيه بوادر صعود للسوق صناع السوق في أجازه
شنو شي صعي مافهمت
 

خير الكلام

عضو نشط
التسجيل
9 سبتمبر 2004
المشاركات
1,030
السلام عليكم

انور النقوشي قال:
تكفي اخوي
خير الكلام
ابي شرح شنو قصه 20/5/2006
اكثر من مكان سامعها
شنو السر بهل اليوم
=======

انا مثلك وايد اشوف هالتاريخ بس والله مالي شغل .:)

ووايد اعضاء حاطين تواقيعهم 20/5 .

تبي تاريخ يطيب خاطرك ؟

1/6/2006

تذكر هالتاريخ .


لحظه خلني اتاكد اذا مايصادف عطله .:)

ملاحظه : جد ترقب هالتاريخ .:cool:
 

بوعنتر

عضو نشط
التسجيل
30 مارس 2004
المشاركات
891
انا اقول السوق رايح 5000
لانه نبيها 5
وتذكرو هذا التاريخ
5/5/
نبيها خمس
:d
 

mashal

موقوف
التسجيل
30 مارس 2006
المشاركات
95
تروح السكره وتجي الفكره ولكل حدث حديث;) ;)
 

الكولونيل

عضو نشط
التسجيل
24 ديسمبر 2005
المشاركات
735
mashal قال:
السوق شكله متجه لل 7000 نقطه خلال هذا العام خلال الشهرين القادمين ستستمر قضية أيران وتعديل الدوائر والدستور ومع بداية شهر سبعه ( يوليو ) راح ندخل في أعلانات الربع الثاني وحتما راح نشوف الخسائر المعلنه للشركات أن كانت حقيقيه أو وهميه .


اخي الكريم مشعل اشكرك على طرح الموضوع واشكر المشرفين والمراقبين على سعة صدرهم وعدم شطب الموضوع فهذا ان دل يدل على الديمقراطيه في هذا المنتدى الكريم

بالنسبه للموضوع اللي طرحته والله اني اعتبرك متفائل جدا لاني ارى ان السوق قد يفقد ارباح 2005 بالكامل والله يستر

يعني توقعي للسوق عموما سوف يكسر ال6000 نقطه وهذا مجرد راي
وهي نتيجة مقارنته باسواق الخليج عموما فالاغلبيه ان لم تخسر ارباح 2005 فهي على وشك خسارتها والله المستعان

الرجاء عدم اخذ هذا الرأي بانه توصيه بيع او شراء وكل شخص مسؤول عن اي قرار يتخذه

وبالتوفيق للجميع​
 

الكولونيل

عضو نشط
التسجيل
24 ديسمبر 2005
المشاركات
735
خير الكلام قال:
=======

انا مثلك وايد اشوف هالتاريخ بس والله مالي شغل .:)

ووايد اعضاء حاطين تواقيعهم 20/5 .

تبي تاريخ يطيب خاطرك ؟

1/6/2006

تذكر هالتاريخ .


لحظه خلني اتاكد اذا مايصادف عطله .:)

ملاحظه : جد ترقب هالتاريخ .:cool:


اخي الحبيب والغالي خير الكلامي :D ( علشان ماتقول في معرفه سابقه )

بصراحه انا من شفت اغلب الاعضاء حاطين بتوقيعاتهم هالتاريخ ويتكلمون عنه وايد شبه اني تأكدت والله اعلم انه هاليوم راح يكون يوم اغبر :rolleyes: (حلوه اغبر هذي مدري شلون طلعت )
يوم لن ننساه في حياتنا الله يستر على كل مسلم يارب فحط بالك يمكن راح يكون بداية النهايه والله المستعان
 

المجموعي

عضو نشط
التسجيل
30 سبتمبر 2005
المشاركات
604
mashal قال:
1_ تقاس حال السنه بتداولات شهر يناير وهذه نظريه أمريكيه
2_ العهد الجديد ليست هناك بوادر لدفع عجلة الأقتصاد بل التفكير في الضرائب وغير ذلك
3_ الأوضاع السياسه في الشرق الأوسط ليس هناك أستقرار بل الأمور تزداد للأسوء وهناك تقارير أستخبارتيه تقول بأن وصول الأسلاميين في مصر وفلسطين والأردن والكويت للبرلمان ستجعلنا علي مواجهه مع الحلفاء
4- الدوره الأقتصاديه للأوراق الماليه أرتفع قوي خلال عام 2005 بنسبه 100% يعني المؤشر من 6000 الي 12000 خلال سنه وهذا غير صحي .
5_ في الوقت الحالي وخلال تداولات الأسبوعين الأخيرين دق ناقوس الخطر.
6_ ناهيك عن الوضع الساسي داخل البلد ونحن مقبلين علي أنتخابات العام القادم وسيبداء المزايدات السياسيه يعني كل شهر راح تشوف أستجواب وأعتقد الكل يتفق معاي بتأثر السوق في موضوع حل المجلس وطرح الثقه ووو
7_ الشركات الكبيره حاطه بالها شيء بعيد الأمد مثل المخازن في المؤتمر الصحفي قال 2008 × 8 ونتم تعرفون المتداولين ماعندهم صبر لل2008
هناك أمور كثيره سلبيه لاتساعد للرتداد السوق نعجز عن ذكرها

أخواني هذه وجهة نضر وليست دعوه للتخويف ولاللبيع كلن عقله براسه ويعرف خلاصه

اخوي العزيز..

اولا محد يقدر يحدد اتجاه السوق ولا احد يقدر يحدد الرقم بدقة اللي تفضلت فيه..

ردا على نقاطك :

1_ السنه تقاس ويبدى تحديد اتجاه السوق او تحديد اتجاهك للشركه التي تريد الاستثمار فيها بعد النص الاول اي بعد ظهور نتايج النصف الاول يتضح بشكل كبير اتجاه السوق العام...

2_ العهد الجديد يظهر انه هناك طفره بالبنيه التحتيه والعمران وهناك طفره اقتصاديه مقبله (لاتأتي بيوم ويومين)..ولعلمك الخاص تم اختيارالكويت ثاني دوله بالخليج بعد الامارات بقوة المشاريع المطروحه وتميزها للانشاء والتطور بالعمراني
يساعدها بدلك:
ارتفاع اسعار النفط..
ارتفاع فائض الميزانيه للدوله...

3_الامور السياسيه موجوده من زمان وليست جديده علينا وكان السوق يحقق ارقام سياسيه..موضوع العراق(من اربع سنين) موضوع(مسرحية ايران من سنتين والسوق شالع مو راد عليه.. اما مسألة وصول الاسلامين في الكويت والاردن ومصر فهو ليس بجديد على الساحه ومن زمان وهم يشكلون اغلبيات بالمجالس النيابيه فما المستجد بهدا الشي...اما مسألة وصول حماس للحكم فهدا هو الشي الجديد علينا(واعتقد انهم وضعوا بمأزق مرتب سابقا) وحتى لو لم يكن مصيده لهم فها هم تأتيهم المشاكل من كل مكان(وكان الله في عونهم وسدد خطاهم والهمهم الصبر والسلوان ونصرهم على عدوهم)...

4_ الدوره الاقتصاديه للسوق صحيح ارتفعت ارتفاع قوي خلال 2005
لكن كلامك عن ارتفاعه 100% غير صحيح
ليش
المؤشر كان 6410 نقطه بتاريخ 1/1/2005
المؤشر كان 11445 نقطه بتاريخ 28/12/2005

ويدل هالشي على صعود المؤشر 5000 نقطه (وليس 6000 كما تفضلت)
ونسبة الصعود تقدر ب80% (وليس 100% كما تفضلت)

والصعود اللي حققه المؤشر قابله ببالفتره اللي طافت نزووووووووووول
يعني تم عمل موازنه مابين الاثنين

المؤشر كان 11445 في 28/12/2005
المؤشر الان 9400 حسب اقفال الاربعاء الماضي
(لم اتطرق الى اعلى قمه وصل لها المؤشر وهي 12050..ولو تطرقت لها لكان النزول بحسبة 2700 نقطه...وانما احتسبته على اقفال 2005 الى تاريخ اقفال الاربعاء الماضي)
النزول 2050 نقطه من بداية العام
اي مايعادل 20%

اخصم ال20% من الصعود اللي كان محقق اللي هو 80%
نعطيهم نزول بسيط شوي بعد وكااااااااااااااااااااااااااااااافي...

اتوقع انه كافي واي نزول اكبر من دلك ندخل في مرحلة صعبه لايعلم فيها الا رب العالمين سبحانه..

5_ انا اايدك انه الوضع مو طيب...لكن شنو اللي ادى ل هالشي النتايج التعيسه للشركات اللي اغلبها غير محقق(هو العامل الرئيسي)...اتجاه المستثمرين الى امر بعيد عن مجال الاسهم الا وهو السياسه...
وانغروا بالتصعيد اللي يصير ب(مسرحية الدوائر والمزايده الوطنيه)...

6_ اش دخل الانتخابات بالسوق..اما مسأة الأستجوابات فانا معاك تأثر بالسوق لو موجهه لوزير الماليه او اي وزير(صباحي)...

اما مسألة حل مجلس الامه فتاريخيا مع اي حل لمجلس الامه ترى السووووووووووووووووووووووق مشتعل وتقدر ترجع للتاريخ وتسأل القدامي...

7_ دكرت ان الشركات الكبيره حاطه ببالها استثمار طويل الامد..عجبي قلت الشركات الكبرى وماشفنا الا المخازن العموميه فقط...ممكن تدكر شركه كبرى ثانيه غير المخازن...
ومنو اللي قال ماكو مستثمرين ينطرون الى 2008
المضارب اهو اللي ماينطر اما المستثمر الصحيييييييييييييييييح ينطر وماعنده اي مشكله بالمره..
وشخصيا اعرف ناس استثمرت بشركات سنتين وانت طالع...

اما مسألة في امور اخرى سلبيه لاتساعد السوق على الارتداد وماودك تقولها...
بالعكس قولها وخل نتناقش فيها ونتحاور ونوصل لنتيجه مفيده لكل الاخوان...


الاختلاف في وجهة النظر لايفسد للود قضيه...





وفقنا الله لما يحب ويرضى
 

FOCUS

عضو نشط
التسجيل
5 مايو 2006
المشاركات
675
الإقامة
الكويت
mashal قال:
السوق شكله متجه لل 7000 نقطه خلال هذا العام خلال الشهرين القادمين ستستمر قضية أيران وتعديل الدوائر والدستور ومع بداية شهر سبعه ( يوليو ) راح ندخل في أعلانات الربع الثاني وحتما راح نشوف الخسائر المعلنه للشركات أن كانت حقيقيه أو وهميه .


تفائلوا بالخير تجدوه .

ليش هذا التشائم !!!!

إتفائل ... مشكله إيران قلت شدتها .

وإنشاء الله تنحل مشكلة الدوائر ... وشوف العجب !!!

والعجب الأنطلاقة الصاروووووخية بأذن الله .

و ألحق أو ماتلحق على التجميع .


آنا متوقع ان السوق بينطلق أنطلاقة غير شكل :)


والله أعلم .


وشكرا لكم .
 

المجموعي

عضو نشط
التسجيل
30 سبتمبر 2005
المشاركات
604
الكولونيل قال:


بالنسبه للموضوع اللي طرحته والله اني اعتبرك متفائل جدا لاني ارى ان السوق قد يفقد ارباح 2005 بالكامل والله يستر

يعني توقعي للسوق عموما سوف يكسر ال6000 نقطه وهذا مجرد راي
وهي نتيجة مقارنته باسواق الخليج عموما فالاغلبيه ان لم تخسر ارباح 2005 فهي على وشك خسارتها والله المستعان



وبالتوفيق للجميع​

لاحول ولاقوة الا بالله

ردينا على سالفة الاسواق الخليجيه مره ثانيه ومقارنتها بالسوق الكويتي..

اخوي العزيز الكولونيل هل من المنطق هالكلام اللي تقوله ان السووووووووووووووق ينزل الى ال6000 مقارنتة مع اسواق الخليج

سوق دبي فقد 65% وانت الى الان 20% وال18% وتراوح بينهم
سوق السعوديه فقد 55% وانت الى الان 20% وال18% وترواح بينهم

ادا بوقت النزوووووووول العنيف والقوي لم يتجاوز نزول السوق ال18%
تبيه الحين عقب ماهدت الاوضاع سواء السياسيه الخارجيه او نزول اسواق المنطقه العنيف ينزل الى ال6000 بفقدان 3500 نقطه مره وحده!!!!!

ياجماعه
والله العظيم مايصير
حولت مؤشر السوق الى تنزيلات وكل من قام وحط رقم بباله...

شنو المقومااااااااااااااااااات اللي مستند عليها للنزول الى هالارقام المخيفه

راجع الوضع السياسي والاقتصادي للبلد مستقبلا شنو رايح يكون الوضع عليه وشوف قياسك صحييييييييييييييييييييييييييييح ام خاطئ...


نصييييييييييييييييييييييييحه لوجه الله...

الجديد على السوق ومايتحمل تقلباته يطلع من السوق افضل له ولفلوسه
اللي متشائم من السوق ويشوف انه ينزل اكثر من هالنزول بيع واطلع وارجع لو لك نيه بعد ماتشوف الرقم اللي متوقعه تحقق

انت مقتنع هالنزول راح يصير معناها هالنزول راح يكون معاه هبووووووووط لاسعار الاسهم اكثر من هالهبوط
اش حقه ناطر خسرااااااااااااان لا لا لا تحجج بالكلام هدا
خساره الحين 20 الف دينار ولا باجر لي وصل المؤشر 6000 تصير 80 او 90 الف دينار

فكروا بالعقل والمنطق واركن العاااااااااااااااطفه على جنب وانت توصل لنتيجه مرضيه لك....


والله يوفق الكل



وفقنا الله لما يحب ويرى
 

CENTRALBANK

عضو نشط
التسجيل
8 أغسطس 2005
المشاركات
1,656
معناة كلامك ان السوق راح يتدمر ... والدمار مو علينا بس ... على الكل ولا اشرايكم
 

انور النقوشي

عضو نشط
التسجيل
16 فبراير 2006
المشاركات
827
الإقامة
يوم بسوق واجف و يوم بسوق المقاصيص
الكولونيل قال:
اخي الكريم مشعل اشكرك على طرح الموضوع واشكر المشرفين والمراقبين على سعة صدرهم وعدم شطب الموضوع فهذا ان دل يدل على الديمقراطيه في هذا المنتدى الكريم

بالنسبه للموضوع اللي طرحته والله اني اعتبرك متفائل جدا لاني ارى ان السوق قد يفقد ارباح 2005 بالكامل والله يستر

يعني توقعي للسوق عموما سوف يكسر ال6000 نقطه وهذا مجرد راي
وهي نتيجة مقارنته باسواق الخليج عموما فالاغلبيه ان لم تخسر ارباح 2005 فهي على وشك خسارتها والله المستعان

الرجاء عدم اخذ هذا الرأي بانه توصيه بيع او شراء وكل شخص مسؤول عن اي قرار يتخذه

وبالتوفيق للجميع​
الكولونيل
تصدق ان شركات فقدت ارباح 2005 و وايد مو شويه بس تلاعب الاقفالات الاخير هو سبب عدم تراجع سوقنا الى دون ال6000
الواقع ان سوقنا اقل من 6000 نقطه و الدليل
شوف شركات الجناعات جم اليوم و جم كانت 2005
شوف كثير من شركات الاستثمار جم اليوم و جم كانت 2005
و كثيير
بس تلاعب الاقفالات الاخير هو سبب تماسك السوق​
.
 

الكولونيل

عضو نشط
التسجيل
24 ديسمبر 2005
المشاركات
735
انور النقوشي قال:
الكولونيل
تصدق ان شركات فقدت ارباح 2005 و وايد مو شويه بس تلاعب الاقفالات الاخير هو سبب عدم تراجع سوقنا الى دون ال6000
الواقع ان سوقنا اقل من 6000 نقطه و الدليل
شوف شركات الجناعات جم اليوم و جم كانت 2005
شوف كثير من شركات الاستثمار جم اليوم و جم كانت 2005
و كثيير
بس تلاعب الاقفالات الاخير هو سبب تماسك السوق​
.


والله كلامك صحيح وهذي اهي اكبر مشكله لانه اغلب الاسهم انهارت الى اسعار خياليه ولكن المؤشر متماسك ولم ينهار الى الان مثل ماقال اخونا المجموعي تقريبا نزوله 20 %فقط

وانا نبهت على هالشغله من قبل وتقدر تشوفها بهالرابط


http://www.indexsignal.com/vb/showthread.php?t=46983


وبالتوفيق للجميع
 

الكولونيل

عضو نشط
التسجيل
24 ديسمبر 2005
المشاركات
735
المجموعي قال:
لاحول ولاقوة الا بالله

ردينا على سالفة الاسواق الخليجيه مره ثانيه ومقارنتها بالسوق الكويتي..

اخوي العزيز الكولونيل هل من المنطق هالكلام اللي تقوله ان السووووووووووووووق ينزل الى ال6000 مقارنتة مع اسواق الخليج

سوق دبي فقد 65% وانت الى الان 20% وال18% وتراوح بينهم
سوق السعوديه فقد 55% وانت الى الان 20% وال18% وترواح بينهم

ادا بوقت النزوووووووول العنيف والقوي لم يتجاوز نزول السوق ال18%
تبيه الحين عقب ماهدت الاوضاع سواء السياسيه الخارجيه او نزول اسواق المنطقه العنيف ينزل الى ال6000 بفقدان 3500 نقطه مره وحده!!!!!

ياجماعه
والله العظيم مايصير
حولت مؤشر السوق الى تنزيلات وكل من قام وحط رقم بباله...

شنو المقومااااااااااااااااااات اللي مستند عليها للنزول الى هالارقام المخيفه

راجع الوضع السياسي والاقتصادي للبلد مستقبلا شنو رايح يكون الوضع عليه وشوف قياسك صحييييييييييييييييييييييييييييح ام خاطئ...


نصييييييييييييييييييييييييحه لوجه الله...

الجديد على السوق ومايتحمل تقلباته يطلع من السوق افضل له ولفلوسه
اللي متشائم من السوق ويشوف انه ينزل اكثر من هالنزول بيع واطلع وارجع لو لك نيه بعد ماتشوف الرقم اللي متوقعه تحقق

انت مقتنع هالنزول راح يصير معناها هالنزول راح يكون معاه هبووووووووط لاسعار الاسهم اكثر من هالهبوط
اش حقه ناطر خسرااااااااااااان لا لا لا تحجج بالكلام هدا
خساره الحين 20 الف دينار ولا باجر لي وصل المؤشر 6000 تصير 80 او 90 الف دينار

فكروا بالعقل والمنطق واركن العاااااااااااااااطفه على جنب وانت توصل لنتيجه مرضيه لك....


والله يوفق الكل



وفقنا الله لما يحب ويرى


اقسم بالله اني خسرت مبلغ وقدره ومع هذا بعت جميع اسهمي بخساره فادحه للعلم لاني لاني متوقع نزول السوق اكثر وانا حاليا لااملك ولا سهم
ان كان لي رزقه باخذها واذا مو مكتوبلي رزقه ماراح اطول شي

الله يوفقنا وياك​
 

meshal1221

عضو نشط
التسجيل
17 مارس 2006
المشاركات
16
السلام عليكم انا اؤيد كلام الاخ مشعل من مر عليه سنه 97 لغايه الان سوف يرى ان كل خمس سنوات يكون المؤشر اعلى وادنى فى سنه97 كان اعلى مؤشروفي سنه2001كان ادنى مؤشر وفى سنه 2005اعلى مؤشر وسالت عن سنه 93 كان ادنى مؤشر.
ومن ناحيه العقار تلاحظ ان كل 10 سنوات فيها طفره قويه كانت سنه 1993 وسنه 2003 .
والان من ناحيه الاسهم من رأي الشخصى انه بدأ العد التنازلى لخمس سنوات لغايه 2009.
وسامحونى اذا كان الكلام مضايق احد هذه للافاده فقط لاخوانى.
 

الوطن

عضو نشط
التسجيل
21 فبراير 2006
المشاركات
440
الإقامة
الكويت
انا اقول الاسبوع القادم اخضر اخضر مصدر ثقة
ليس دعوة لشراء
 

ryaq

عضو نشط
التسجيل
28 أبريل 2005
المشاركات
69
نزول السوق الى 7000 نقطة فيه ضرر للجميع ليس فقط لصغار الستثمرين، الضرر سيعم الكل والكبا ر هم المتضررين لانهم يملكون اغلب الاسهم فى الشركات ولا تنسوا المحافظ الاستثمارية ة والصناديق والهيئة العامة للاستثمار والتأمينات الاجتماعية وغيرهم ، البنوك ستتأثر عندما لا يستطيع الذى اقترض لشراء الاسهم من دفع الاقساط الشهرية ، سواء افراد او تجار او شركات ، ستحل الكارثة بالكل، بعض الاسهم نزلت اسعارها الى اقل من القيمة الدفترية وهذه فرصة لشرائها من جديد وليس العكس ، لذلك ان نزول السوق بدون ذكر الاسباب هو من اجل تخويف صغار المستثمرين الخروج من السوق بخسارة ثم رفع السوق مرة ثانية وهذا ما حصل سابقا فى السوق
وعند ذلك يشترى الناس الاسهم باسعار عاليه بعد ان كانت بحوزتهم باسعار رخيصة هذا حصل لى منذ فترة ليس بعيدة كان سهم المشاريع فى شهر مارس وابريل 2004 نزل الى اقل من 200 فلس وبعت السهم وبعد ذلك ارتفع فى عام 2005 ووصل الى اكثر من 700 فلس وحدث نفس الشى لاسهم كثير من الشركات. السوق حاليا فرصة للشراء ولا توجد احسن من هذه الفرصة لان الاسعار وصلت الى مستويات متدنية ولا يخفى على احد ان الخساير المعلن عنها هى خسائر دفترية وليست حقيقية للشركات التى اعلنت عن خسائر . تفائلوا وانشاء الله السوق بخير.
 
أعلى