ماهي اسباب خسائر الشركات الكويتية وقلة ارباح بعضها ؟؟؟

[صقرالبحر]

نستغرب هذا العام ان الشركات التي اعلنت ارباح ممتازه العام الماضي تعلن خسائر قوية في الربع الاول
وكذلك شركات تعلن ارباح تعادل نصف اربااحها العام الماضي في الربع الاول
وبعض الشركات ارباح زهيده جدا وماتسوا التعب
ياليت الاخوان يفيدونا حسب معلوماتهم بالاسباب


ولكم تحياتي

 

[خسران جداً]

اي والله ان كلامك صح 100% يا خوفي ان صار فيها بوق من تحت لي تحت والله انسفهم نسف

لو اعرف منو يبوق فلوسنا جان حطيتله قنبله وفجرته وخليته يتقطع 99 الف قطعه و يدورونه اهله على شان يدفنونه ولا يلقون الا قطعه وحده من خشمه على شان يدفنونها

والله قاهريني اذا احنا قاعد نخسر جم ألف عيل اهم لازم يكونون خسرانين جم مليون..........بس اكيد هذي لعبه اهم لاعبينها علينا....و يا غافلين لكم الله

 

[white soul]

لان اغلب الشركات الموجوده عندنا ورقيه

وما عندها شغل غير المضاربه بالبورصه

ويوم طاح السوق بينت على حقيقتها

والا شركات صناعيه وعقاريه خسرانه ..؟

شركات عقاريه ما عندها مقر اللهم شقه اجار وفراش هندي وكل شغلها بالاسهم

والله الشرهه مو عليهم علي سمح لهالشركات بالادارج

المفروض اي شركه قبل لا تدرج تبين اصولها وشغلها وارباحها من وين قبل ادراجها بالسوق ولازم يشرطون عليهم ان غالبية الارباح تكون من نشاط الشركه الاساسي

مو شركه صناعيه تحقق 10 مليون 9 مليون ونص من الاسهم وربع مليون ارباح مرحله والربع الباقي يمكن تعويضات​

 

[صقرالبحر]

لان اغلب الشركات الموجوده عندنا ورقيه

وما عندها شغل غير المضاربه بالبورصه

ويوم طاح السوق بينت على حقيقتها

والا شركات صناعيه وعقاريه خسرانه ..؟

شركات عقاريه ما عندها مقر اللهم شقه اجار وفراش هندي وكل شغلها بالاسهم

والله الشرهه مو عليهم علي سمح لهالشركات بالادارج

المفروض اي شركه قبل لا تدرج تبين اصولها وشغلها وارباحها من وين قبل ادراجها بالسوق ولازم يشرطون عليهم ان غالبية الارباح تكون من نشاط الشركه الاساسي

مو شركه صناعيه تحقق 10 مليون 9 مليون ونص من الاسهم وربع مليون ارباح مرحله والربع الباقي يمكن تعويضات​

مشكورين علي الرد
وفعلا كلمة شركات ورقية هيه احسن وصف لهذه الشركات الصورية
ولكن لم لايكون هناك رقابه علي نشاطهم من قبل الدولة حتي يتميز الطيب من الخبيث ؟؟؟ ولا سياسة هذي شركة ولدنا هي السائده ؟

 

[السوق الكويتي]

هذا درس لنا علشان نبتعد عن الشركات العقارية او الصناعية اللي المفروض ماتتأثر بنزول البورصة ويكون نشاطها الاساسي بعيد عن المضاربة واللعب بأموال المستثمرين ..

 

[صقرالبحر]

هذا درس لنا علشان نبتعد عن الشركات العقارية او الصناعية اللي المفروض ماتتأثر بنزول البورصة ويكون نشاطها الاساسي بعيد عن المضاربة واللعب بأموال المستثمرين ..

بس هذي التجاره فيها ربح وخساره
ممكن هالسنه ربح وممكن السنه الجايه خسارة
واعتقد هذا شي طبيعي