مسكينه الوالده والله

SpeciaL 1

عضو مميز
التسجيل
23 يوليو 2005
المشاركات
5,672
الإقامة
أي مكان فيه واي فاي
أخي الكريم
الله يعطي الوالدة الصحة والعافية
والله يتمم عليك رضاها

أصعب ما على الإنسان الفشل
وبإذن الله لن تكون من الفاشلين
ونسأل الله أن يبعدنا عن الفشل
جميل أن يكون لدى كل منا الأمل والتفاؤل الدائم مع الإصرار بالنجاح وتحقيق الذات
وصعب علينا أن نجد ألف باب ونطرق أحدهم ولا يفتح لنا
ونجلس عنده نندب حظنا لأنه مغلقاً
ولا نسعى لغيره من الأبواب

كانت معظم ردود الأخوة الأعضاء جميلة وقدموا الكثير من الحلول جزاهم الله خيراً
فاختر ما تستطع وابدأ من جديد وتذكر دائماً أن الله سيرزقك لحسن نيتك
وأنه سبحانه وتعالى هو مقسم الأرزاق

أتمنى منك أن تسعى وتسعى حتى تحقق ذاتك لتفخر بك والدتك
ولا تتهاون في برها ومداراتها والترفيه عنها والتنزه والتسوق معها..

كم جميل أن تكون والدتك بجانبك تقبل يدها يوماً ورأسها يوماً وتضمها يوماً وتطبطب على رأسك يوماً

أسأل الله العظيم الصحة والعافية وطول العمر لأمهاتكم
وأسأله سبحانه وتعالى أن يرحم والدتي بواسع رحمته وأن يغفر لها وأن يوسع عليها في قبرها وأن يسكنها الجنة
اللهم آمين



كم افتقدتك يا أمي



أخوكم/ ويلاه
 

بوحسن

عضو مميز
التسجيل
15 مارس 2004
المشاركات
3,021
ولد_فلوس قال:
درر القرآن وانتي الصاجه مو بوحسن مع احترامي لابوحسن

اي والله انا مالي شغل القران كله درر والاخت قصدت بكلامها مثل ما فهمت ان الايه تطابق الحاله وتصبر بشكل مريح وغريب مثل ما انا احس

و الايه هي لسان حالنا كلنا .. ومو بس ام الاخ الكريم

وباذن الله امك تتعوض خير قريب وصبر جميل

اما بالنسبه للاخ الي ماخذ فلوس من عمته وخسرهم !! اقوله الله يصبرك على بلواك هذي صج مصيبه بدون اي حنان
 

stillhamad

موقوف
التسجيل
13 نوفمبر 2005
المشاركات
1,965
شوف يا الطيب

أذا كانت هالفكره من شورك وأنك قنعتها بانك راح تدوبل فلوسها وهذا ما أظنه .. فيجب عليك ترجيع فلوسها فلسافلسا .. ودرهما درهما وتومانا تومانا .

أما أن كانت هي من طلب منك ذلك بأن تشغل لها فلوسها بالأسهم .. فليس عليك جناح ولا رنغات مراوح .. يعني هي تتحمل نتيجة تصرفاتها وقرارتها كامله ولا داعي لأن تحس بتأنيب الضمير ..

وفمان الله
 

SMoOoKY

عضو نشط
التسجيل
28 يناير 2006
المشاركات
1,000
الإقامة
بدار أبو مبــــارك
صدقني تبي نصيحه ومافيها روح وتعال....اخذها سولها مفاجأه رحلة العمره صدقني حريمنا الكبار عندها الدنيا بصوب وانه احد يوديها العمرخ بصوب واذا الله مقدرك وفيها شده وحصلك تحججها صدقني هذا بيغنيها عن 100 الف مو 10 الاف...
كسر حساباتك وعزم تراها ليلتين والحجيه تستاهل......
 

sadsa

عضو نشط
التسجيل
8 مارس 2005
المشاركات
982
SMoOoKY قال:
صدقني تبي نصيحه ومافيها روح وتعال....اخذها سولها مفاجأه رحلة العمره صدقني حريمنا الكبار عندها الدنيا بصوب وانه احد يوديها العمرخ بصوب واذا الله مقدرك وفيها شده وحصلك تحججها صدقني هذا بيغنيها عن 100 الف مو 10 الاف...
كسر حساباتك وعزم تراها ليلتين والحجيه تستاهل......
كلام منطقى
وهناك تقولها موضوع الخساره
وتوعدها بان السوق سيتحسن مستقبلا
وتقول لها انك أقل واحد خساره غيرك خسر كل حلاله
 

خسران جداً

موقوف
التسجيل
25 أبريل 2006
المشاركات
1,333
اي والله حاول تعطيها من فلوسك
 

Math-Man

موقوف
التسجيل
14 ديسمبر 2005
المشاركات
460
الإقامة
Kuwait
ما قصرتوا على تعاطفكم ومحاوله ابداء الحلول .. جزاكم الله خير.

صراحة بعد صلاة العشاء اليوم رحت كلمت الوالدة وبست راسها ، قتلها يما ترا رديت فلوسج بس ناقصة وايد ، والله وانا اقولها هالكلام ودي الارض تنشق وتبلعني . ياليت الخسارة كلها بفلوسي ولا بفلوسها وايد اهون. وقتلها ترى اللي رد بحسابج ثلاث الاف بس ..

تدرون يا جماعة شقالت الوالدة الله يحفظها ويحفظ ويرحم امهاتكم ، تقول يسلم راسك ، احنا بنعمة وخير ، مرتاحين بصحتنا وبين اهلنا ، لا يهمك ولا يضيق خلقك !!! قاعدة تواسيني يا جماعة! ، صراحة ما تحملت وخرت دمعة من عيني غصبن علي ...مفروض انا اللي اواسيها مو هي !

بس ما قول اللا الله يصبرنا....
 

الكولونيل

عضو نشط
التسجيل
24 ديسمبر 2005
المشاركات
735
يمعود هذي الدنيا بله ماتقولي منو ربحان هالايام خلها على الله

الله يعوض علينا وعليك
 

بو اسكندر

عضو نشط
التسجيل
27 أكتوبر 2005
المشاركات
133
الإقامة
جبال الالب
Math-Man قال:
ما قصرتوا على تعاطفكم ومحاوله ابداء الحلول .. جزاكم الله خير.

صراحة بعد صلاة العشاء اليوم رحت كلمت الوالدة وبست راسها ، قتلها يما ترا رديت فلوسج بس ناقصة وايد ، والله وانا اقولها هالكلام ودي الارض تنشق وتبلعني . ياليت الخسارة كلها بفلوسي ولا بفلوسها وايد اهون. وقتلها ترى اللي رد بحسابج ثلاث الاف بس ..

تدرون يا جماعة شقالت الوالدة الله يحفظها ويحفظ ويرحم امهاتكم ، تقول يسلم راسك ، احنا بنعمة وخير ، مرتاحين بصحتنا وبين اهلنا ، لا يهمك ولا يضيق خلقك !!! قاعدة تواسيني يا جماعة! ، صراحة ما تحملت وخرت دمعة من عيني غصبن علي ...مفروض انا اللي اواسيها مو هي !

بس ما قول اللا الله يصبرنا....

الله ايخلي والدتك لك ويبارك لك في الباجي من لفلوس تراه بركه
 

أرزاق

عضو نشط
التسجيل
26 نوفمبر 2003
المشاركات
112
الإقامة
اهل شرق
جزا الوالدين على الله

:) صج لاقالو جزا الوالدين على الله
سبحان الله مهما نسوي نشوف رحمت الوالدين علينا
على كثر تقصيرنا في برهم وطاعتهم
على كثر ماهم يحبونا ويهونون علينا
كثر مانكبر ونشيب وهم نبقى عيالهم الصغار اللي يدارونا ويخافون علينا ويتحملون اي شي عشانا
عسى الله يعينا على برهم وطاعتهم ورد اقل جميل لهم ولا يحرمنا اجرهم ويبلغنا رضاه ورضاهم.يارب العاليمن
 

مايجامل

موقوف
التسجيل
11 مارس 2006
المشاركات
1,365
Math-Man قال:
الوالده ينقالك باستثمر لها فلوسها ، مسيكينه عطتني فليساتها اللي ميمعتها ، 10 الاف ، توني الحين رديت لها فلوسها اللي صاروا 3 الاف بس ، والله قلبي يعورني و فشلة ،

صج اني منحرج منها المسكينه ، ينقال مستثمر يعني . يبا احنا وين والاستثمار وين ، من شاف ويهي

الله كريم

الله يعوض عليكم خير ان شاء الله

والخطأ هو انك بعت السهم بخساره واصبحت محققه المفروض تصبر وتخلي الخساره دفتريه وتصبر علي السهم
وتقول للوالدة الله يطول في عمرها خليت الاسهم للاستثمار ونأخذ أرباح شهريه

وطبعا وأنت ومدة أيدك اللي تقدر عليه ادفع لها شهريا بحدود 200 او 300 دينار وقول لها هذي ارباح الاسهم

والله يرزقها ويرزقك ويرزق جميع المسلمين قوووول أأأأمين
 

أحمد بورصة

عضو نشط
التسجيل
12 مارس 2005
المشاركات
809
اخذ قرض من بوبيان او التمويل و رد فلوس امك

كان المفروض تبين لها حقيقة البورصة و مخاطرها

الله يعوضكم خير انشالله


الله لطيف بما يشاء .. انه هو العليم الحكيم
 
التسجيل
12 أكتوبر 2005
المشاركات
889
صارلي نفس الموقف بس كانت الخساره 1200 دينار وكانت مع الوالد ورجعت فلوسه كامله ومع الخساير وهو مايدري الخساره بالعمر ويكفينا رضاهم
 

sam-7

عضو نشط
التسجيل
19 فبراير 2006
المشاركات
219
الإقامة
الكويت
slack قال:
ياخوي هذي اكبر مشكلة انه اغلب صناع السوق
اهم شي عنده انه يستغل الوضع ويشتري منك بارخص من سعر السوق
يعني الزبده انه ما يهمهم شي بس يبون يطلعون فلوس .
مافي احد يفكر يقول انه المساهم لنفرض انه حرمه تصرف على عيالها
او انه المساهم يكون طالب يدرس بره . ماعندهم رحمه بس وزع منحه وزيادات راس المال هذا سوقنا
شوف رحمة المسيح بالحيوانات و قوانينهم وشوف الي عندنا

الله يكون بالعون

اخي الفاضل الصراحة اخر شئ بمشاركتك ينرفز الواحد .. واقولها لك بصراحة انت جاهل وتتفلسف شكو المسيح والحيوانات وبورصتهم!!

شوف هاللنك ممكن يفيدك
http://www.all-creatures.org/ca/ark-186soul.html
اذا عن بورصتهم ممكن بلحظة وجدة من السهم من 100 دولار يوصل 0.01 واذا حكتك الدنيا وخسرت وبعت ماوراك ودونك وصرت متشرد يعطونك كوبونات اكل , تطبيقا لمقولة مؤسس الرأس مالية (ادم سميث)
اما بخصوص المسيحية والحيوانات يكون بعلمك ان بالديانة المسيحية الحيوانات مالها روح (Soul) ... عكس ديننا اللي يقول وبكل ذات نفس صدقة .

لكن مانقول الا لاحول ولاقوة الا بالله العلي العظيم .
 

ChanZeeN

عضو نشط
التسجيل
13 فبراير 2006
المشاركات
242
نفس الوضع مع الاهل خساره نسبه الخساره 36 بالميه, بس شاورت نفسي ولقيت افضل حل... خليت الاسهم ما بعتهم لاني اذا بعت الخساره جايده وبين فتره وفتره اعطي الاهل مبلغ و اقوولهم هذي ربح الاسهم لين الله يعددلها و انا متامل انشاء السوق بيرجع بعد عطله الصيف يعني بعد نص تسعه.
 

slack

عضو نشط
التسجيل
19 سبتمبر 2005
المشاركات
344
sam-7 قال:
اخي الفاضل الصراحة اخر شئ بمشاركتك ينرفز الواحد .. واقولها لك بصراحة انت جاهل وتتفلسف شكو المسيح والحيوانات وبورصتهم!!

شوف هاللنك ممكن يفيدك
http://www.all-creatures.org/ca/ark-186soul.html
اذا عن بورصتهم ممكن بلحظة وجدة من السهم من 100 دولار يوصل 0.01 واذا حكتك الدنيا وخسرت وبعت ماوراك ودونك وصرت متشرد يعطونك كوبونات اكل , تطبيقا لمقولة مؤسس الرأس مالية (ادم سميث)
اما بخصوص المسيحية والحيوانات يكون بعلمك ان بالديانة المسيحية الحيوانات مالها روح (Soul) ... عكس ديننا اللي يقول وبكل ذات نفس صدقة .

لكن مانقول الا لاحول ولاقوة الا بالله العلي العظيم .

انا اوصف لك المسيح بمعاملتهم للحيوانات و اصوف لك البشر الي عندنا مع معاملتهم مع البشر !! شتوصفهم .
الحمد الله اني ما تضررت بس من القهر الي فيني اتجاه صغار المستثمرين
وخسايرهم الهايله لعوايلهم + بيع بيوتهم
وبعدين مالي شغل بدينهم ولا في بورصتهم ولا بحيواناتهم حتى لو عندها 7 ارواح
وجه مقارنه كان و محد جاهل مع احترامي لك و تحب تتفلسف لانه محد رد على موضوعي غيرك !
افهم الموضوع عدل بعدين تكلم
تقرى انجليزي مشالله عليك بس تفكير مافيه الله يعين الجميع اذا تفكيرهم جذي بالبورصه
 

سلوم5

عضو نشط
التسجيل
7 فبراير 2006
المشاركات
150
مايجامل قال:
الله يعوض عليكم خير ان شاء الله

والخطأ هو انك بعت السهم بخساره واصبحت محققه المفروض تصبر وتخلي الخساره دفتريه وتصبر علي السهم
وتقول للوالدة الله يطول في عمرها خليت الاسهم للاستثمار ونأخذ أرباح شهريه

وطبعا وأنت ومدة أيدك اللي تقدر عليه ادفع لها شهريا بحدود 200 او 300 دينار وقول لها هذي ارباح الاسهم

والله يرزقها ويرزقك ويرزق جميع المسلمين قوووول أأأأمين

مايجامل ماشاالله الضاهر فلوووووسه وايد 200 و300 كل شهر الناس مو لاقيا تصب بانزين او تعبي كرت ب5 ادنانير من بعد المقابر الجماعيه اللي صارت بلبورصه يعني بنصير تجااااااار هيهاي
 
أعلى