الأن تم صدور مرسوم حل المجلس

[ابو غانم]

أنا قلت خبر حلو حق الشعب وانت تقول حل مجلس الأمه .. الشعب يبي يشوووف خير ملمووووس مو مشاكل .

بعدين منو اللي قالك ان الشعب كله يبي خمس دوائر ؟؟

محد يبي خمس الا اللي لابسين جنزات مخصره وستريش وقميص مخصر حده ونايميين بخيمه ملونه !!!!!

بس اعلامهم قوي خلو الللي يشوفهم يقول ان الكويت كلها تبي خمس دوائر .. أنا أبي 15 دائرة شلووون

 

[بوزايد]

والله ما يهمنى اعضاء المجلس ينحل ولا ما ينحل نفس الشى
اللى يحز بالنفس انه حكومتنا قمة بالضعف (بس اسم حكومه )
اختارت العشر معقوله انها للحين ما تقدر تبرر اختيارها للعشر؟
ليش متعبين نفسهم اذا مو مقتنعين ؟(ولا ليش يحولونها للمحكمه الدستوريه )؟؟؟؟؟؟؟؟؟؟؟؟؟؟؟؟؟؟؟؟؟؟؟
اللى اشوفه ان ما فى حكومه بالبلد كلش
قلتها قبل هالمره مشكلتنا بان رئيس مجلس الوزراء لحد الان يتعامل مع الاوضاع بالديره من نظرته كرئيس الديوان مو مستوعب المنصب
حتى الوزراء الحميضى لحد الحين يتعامل على اساس انه رئيس الصندوق الكويتى للتنميه مو مستوعب انه وزير ماليه مو عارف الفرق بين المنصبين
الزلزله حدث ولا حرج خل اسكت احسن
الحل فى نظرى تغيير رئيس مجلس الوزراء وبس
بالنسبه للأعضاء ما تغيير شى 3 ارباع الأعضاء ما تغيروا صارلهم سنين شنو اللى تغير؟ رئيس مجلس الوزراء هو اللى تغير وهو سبب كل اللى قاعد يصير مو لانه متعمد ابدا .. السبب لانه امكانياته ما تؤهله للمنصب .
هذا راى ويحتمل اكون غلطان ما اقول الا الله يهدى الجميع لما فيه خير دولتنا آمين وسلامتكم

 

[Messenger]

الوضع غريب جدا !!!

ناس يثقون بمجلس الأمة بتزكية امير للبلاد ويوكلونه بصلاحية امر كهذا
وفي نفس الوقت يريدون من الأمير ( المزكي ) بأن يحل المجلس الذي حاز علي ثقة الناس اصلا في تزكية امير للبلد

قال الله في حق فرعون ....فأستخف قومه فأطاعوه

احنا مصيبتنا صارت اكبر من قوم فرعون لأنه احنا اللي نبحث عمن يستخف بنا !!!

 

[الفاتح]

خمس خمس

يا جماعة شفو منو في كتلة 29 وشفو منو بالمقابل شفو من الي دايم يصوتون حسب ارادتنا منو الخرافي راعي الطبقية من معه شوية فداوية خدم مندبين لتخليص المعاملاة هم اساس الفساد خلي الجيل الجديد يعبر عن رأيه مو تبونها ديمقراطية فل تكن شفو الصورة بين المعسكر الازرق والمعسكر البرتقالي وجريدة الوطن مروجة الاكاذيب والاشاعات تذكرون كم مره بثت مقالات اقتصادية كاذبه

انظر اليهم كأنهم مغصوبين على القعده

حلوه الخرافي غار من السعدون ويبي يوريه انه حشوده اكثر وجايبلهم كراسي كشخه كله من خير الكويت


في النهايه اتمنى الازدهار والاستقرار لوطني الغالي الكويت

 

[ebjad]

كل ما يثار من جدل وخلافات حول الدوائر ومعارضة أو موافقة احالة مشروع القانون الى المحكمه الدستورية هو يصب في النهاية لصالح الكويت ، فالكل من حولنا ينظر الينا بنظرة أحترام وأننا شعب متحرك ونشط وغير خامل ولدينا مساحة من الحرية النسبية التي لا توجد عند الدول المجاورة ولا حتى في بعض ما يسمى بدول العالم المتقدم .
فهذه الممارسة للديموقراطيه التي نراها ونمارسها من خلال ممثلينا في مجلس الامة لهي مفخرة لنا وقد ثبت ذلك من خلال التوافق على تولية سمو الامير سدت الحكم وفي رفض مسيرة الامعه التي يراد للجميع التأييد لمشروع قانون الدوائر العشر . فكل عبر عن رأئه بصراحة تامه سواء أكان مؤيدا أو معارضا لها ، وهنا تبرز حرية الرأى في ظل دستورنا وقيادتنا الرشيده .
دعوهم يعبروا عن رأئهم ويمارسوا صلاحياتهم وهم ممثليكم في مجلس الامه وفي النهاية سيحل الخلاف ونرى سمة التوافق عبر الوسائل المشروعة لتحقيق الهدف . أنني استغرب من البعض الذى يقول : لا نريد مجلس الامة ويجعل همه الوحيد هو ما يحققه من مصلحة خاصة بحته يراها في سوق الاسهم وينسى أو يتناسى ما تمر به البلاد من أزمة سياسية نسأل الله أن تنتهي على خير .

 

[بوعبدالله]

الصراحة انا مستغرب
الاصلاح الي تطالبين فيه بيدكم انتوو مو بيد المجلس ولا الحكومة

الحين اشوفكم تذمون بالاعضاء ولا كأنكم انتو الي وصلتوهم المجلس!

وانا ويا الخمس الدوائر لأنها افضل لمستقبل الكويت واستغرب من الي يبونها على ماهي 25 دائرة.

خمس دوائر تعني

1- لا طائفية
2- لا احزاب
3- لا لشراء الاصوات
4- لا قبلية
5- مصلحة الكويت

الله يستر على الكويت ويديم العز و الرخاء علينا و على المسلمين اجمعين

 

[مستثمره جديده]

السلام عليكم

اول شي اشكر الاخت على نقل الاخبار


وبصراحه انا مستغرب من تعليق بعض الاخوان على انشالله ينحل المجلس هذا مجلس حراميه والكلام اللى ماله داعى


يجماعه الخير الاعضاء بالمجلس يمثلون الشعب الكويتى وماجوز انك تطعن في الناس وانت ماتدرى


احنا مانقول كلهم زينين ولا نقول كلهم حراميه مايجوز تعم عليهم


وصدقونى من الصعب حل هذا المجلس بالتحديد لان هو اللى زكى وصدق على الامير واذا تم حل هذا المجلس مو حلوه في حق الامير المجلس اللى زكاك وصدق علة توليك الحكم تحله


والمشكله ان الموضوع معقد ومن الصعب حل المشكله ببساطه لانها صحيح فيها ظلم لشعب ولازم يكون فيها عدل بين الشعب ككل


وانشالله تمشي الامور على خير

اخي الكريم

اشكرك على طرحك الراقي

 

[بوحسن]

يا جماعة شفو منو في كتلة 29 وشفو منو بالمقابل شفو من الي دايم يصوتون حسب ارادتنا منو الخرافي راعي الطبقية من معه شوية فداوية خدم مندبين لتخليص المعاملاة هم اساس الفساد خلي الجيل الجديد يعبر عن رأيه مو تبونها ديمقراطية فل تكن شفو الصورة بين المعسكر الازرق والمعسكر البرتقالي وجريدة الوطن مروجة الاكاذيب والاشاعات تذكرون كم مره بثت مقالات اقتصادية كاذبه

انظر اليهم كأنهم مغصوبين على القعده

حلوه الخرافي غار من السعدون ويبي يوريه انه حشوده اكثر وجايبلهم كراسي كشخه كله من خير الكويت


في النهايه اتمنى الازدهار والاستقرار لوطني الغالي الكويت

عاد مع اني ابي خمس دوائر بس هالقعده ديمقراطيه واحسن من قعدة البنات ونومتهم بالشوارع بخيم !!

عزيزي هذي الديمقراطيه وليلحين في مجال حق اللون الاخضر

 

[C'O'B'R'A]

صباح الخير

لا بلا كديناها خير

اذا وصلو هالمواصيل

على الدنيا السلام

وعلى البورصه السلام

وعلى الاقتصاد السلام

وعلى البرتقاله السلام

 

[نقوشي]

نبيها ...

خمسة


أقسم برب الكعبة أنكم تعلمون جميعاً أي تقسيم سينفع الكويت ...

ثارت ثائرة شرائي الذمم ومخلصي المعاملات وملوك دورات المياة اجلكم الله عندما علموا بأن زوالهم قد دنى واصبح بمرمى العين ...

 

[مزاجي]

حل مجلس الامه

يتردد الان انه تم اصدار مرسوم اميري بحل مجلس الامه
تبقى اشاعه حتى تاكيد الخبر

 

[حسين بن عاقول]

رسمي انحل المجلس والانتخابات 22-6-2006

 

[بوحسن]

رسمي انحل المجلس والانتخابات 22-6-2006

اي جنه الخبر صح ..تم الحل ..

 

[MH For Ever]

طيب هيك خبر شنو رح يكون تأثيره على البورصة؟؟

 

[RICARDO-KAKA]

تم تأكيد الخبر من شباب من داخل المجلس

على ذمتهم

 

[SMoOoKY]

الي مابغيناه صار....الله يستر على الديره....
يضل اشاعه لغايه صدور اعلان رسمي.....
بس الي بلغني موظف بالمجلس معتفسين :/

 

[Moodi]

يا اخوان حتى لو اكييد وتم التاكد ما أتوقع انه الانتخابات راح تكون بتاريخ 22-6 لانها المفرووض بعد ستين يوم بعنى تقريبا بتاريخ 22-7 بعز الصيف واللواهييب والبرحى والزبيدى واتوقع البورصه انشاء الى الصعود والخير ياى (جاى)

 

[بوحسن]

طيب هيك خبر شنو رح يكون تأثيره على البورصة؟؟

هيك خبر علق سستم البورصه وتاخرت البورصه
لاحظي الساعه ولاحظي وقت العمليات المتداوله

الكل يتوقع ارتفاع للاسهم بعد الحل

 

[المجموعي]

رسمي انحل المجلس والانتخابات 22-6-2006

بن عاااااااااااااااقول

الانتخابات بعد شهرين او ثلاث اشهر من الحل

 

[المجموعي]

هيك خبر علق سستم البورصه وتاخرت البورصه
لاحظي الساعه ولاحظي وقت العمليات المتداوله

الكل يتوقع ارتفاع للاسهم بعد الحل

عادة مايصاحب الحل ارتفاااااااااااااع بالاسهم

شوووووووووووووووووف المؤشر اخوي بوحسن

مو ملحق لا اله الا الله...

من ال28 نقطه والحين 60 نقطه مرتفع

اللهم زيد وبارك بارتفاع الاسهم

وفقنا الله لما يحب ويرضى