بسافر اسبوع ... وين تنصحوني

[FreeTrader]

والله يا اخي عندي قناعة يا تسافر صح يا لا تسافر

طبعا ماكو احد مسلم يستغني عن زيارة مكة وانا اقولك لازم تزورها

لكن تبي مكان تروحلة راح اتحس براحة نفسية وهو سويسرا

لا تقعد في جنيف روح مونترو , او ديفون في فرنسا او شامونيه

مشكور اخوي المغامرجي فعلا دول تستحق الزياره
لكن انا افضل دول هدوء واسترخاء اكثر من الدول الاوربيه رحتلها وجربتها بيني بينك ما اعجبتني مثل الدول الاخرى في الهدوء وراحه البال

لذلك الى الان المالديف هي الاقوى في ذاكرتي وتركيا
شاكر مرورك اخوي على الموضوع والله لا يحرمنا من توجيهاتك

 

[FreeTrader]

انا رايح بتاريخ 6/6/2006 المالديف وعلى فكرة اسبوع تعتبر إجازة طويلة بالمالديف .. وحياك الله معاي ..

يزيدني شرف يا اخوي اكون معاك لكن انا اجازتي بعدك بشهر يعني في اوائل شهر سبعه

يا ريت تزودني بعد رجوعك بالسلامه باخر الاخبار والاماكن الي ارتحت فيها اكثر
وبارك الله فيك

 

[FreeTrader]

اعتقد هذه يا ابو ابراهيم متع ناظريك
http://www.travel4arab.com/vb/showthread.php?t=60395

بيوسف الله يعطيك العافيه على هالصور ..
المنتدى انا مشترك معاهم من قبل خمس سنوات يمكن او اكثر بس والله ولا مره مريت فيه على تركيا

لكن والله عاجبتني وفعلا شكله المكان هاديء وجميل
ادري قاعد تساعدني علشان الصوغه لكن ولا يهمك موجوده الصوغه
مشكور

 

[FreeTrader]

بويوسف شوف هالموقع عن تركيا
راح يعجبك وعن المدينه وشوف جمالها
ايضا هذا الرابط من احد الاخوان الي زار هالمكان ووصفه لي بانه اكثر من رائع

http://www.uzungol.com/resimler/index.html

 

[al7bebe]

ابو ابراهيم اصدقائي اكثرهم مسافرين ماليزيا

الديره يمدحونها وفيها امان بس اهم شيء الحجز الفندق من البلد الي انت فيها.

 

[lekyooom]

روح النمسا وبالذات منطقة اسمها زيلامسي واسكن في قرية اسمها كابرون وصدقني راح تدعيلي لان راح تعيش في عالم ثاني سواء من الطبيعة
وطيبة الشعب النمساوي واذا تبي مساعده انا حاضر

 

[kkekke]

روح النمسا وبالذات منطقة اسمها زيلامسي واسكن في قرية اسمها كابرون وصدقني راح تدعيلي لان راح تعيش في عالم ثاني سواء من الطبيعة
وطيبة الشعب النمساوي واذا تبي مساعده انا حاضر

النمسا


بعض الصور الخاصة بقرية St. Wolfgang

 

[kkekke]

تكملة صور النمسا نفس القرية

 

[FreeTrader]

مشكورين يا جماعه على مروركم فعلا النمسا تستاهل
وحيرتوني بصراحه اكثر

اخوي لك يوم ...
ياريت تختصر لي الاماكن الجميله والسكن المناسب
واكون ممنون لك

 

[trader_1]

ما أقووول إلا سلم لي على الحسوووو

 

[سهم مرتاح]

بوبراهيم انا قعدت اطالع الموضوع واحترت
الله يعينك وين بتروح
بالنسبه لي افضل تركيا واماكن محدده للعائله فقط..

 

[FreeTrader]

بوبراهيم انا قعدت اطالع الموضوع واحترت
الله يعينك وين بتروح
بالنسبه لي افضل تركيا واماكن محدده للعائله فقط..

تقريبا هذا الحل الاخير ...
بالفعل امس تقريبا قررت عليها .. والله يكتب الي فيه الخير

 

[الفال الطيب]

سؤال : بسافر للتسوق للخبر والدمام الاسبوع القادم , شنو تنصحوني احلى اسواق هناك , سراحة ولا مره سافرت لتلك المناطق , منتظر رأيكم يا اخوان ..؟؟

 

[zoya_y]

السلام عليكم
نبي اهل السفرات ينصحوني بنصيحه لدوله بقضي فيها من اسبوع الى عشر ايام مع المدام فقط

احترت بكذا دوله بس ياريت واحد ينصني بدوله ممكن تغير تفكيري
وممكن رحلتي تبدأ من السعوديه لاني ناوي قبلها بعمره ان شاء الله وبعدها اخذ جوله خارج الخليج تغير جو مع الاهل بدون الاولاد
الرحله ممكن تبدأ اول شهر سبعه
يلا فزعتكم
ولكم مني كل تقدير واحترام

فيينا

 

[boyousif]

اذا فلوسك وايده روح النمسا اذا مو وايد انا انصحك روح تايلاند اقعد 5ايام بوكت و5ايام بانكوك ترى بوكت شهر7 عندهم موسم امطار يعني الجو كله غيم وروعه وبانكوك 5ايام تسوق ............... اسال مجرب والله ماتتحسف

 

[حكيم زمانه]

موضوع قديم .....2006

 

[Bent_alq8]

سؤال : بسافر للتسوق للخبر والدمام الاسبوع القادم , شنو تنصحوني احلى اسواق هناك , سراحة ولا مره سافرت لتلك المناطق , منتظر رأيكم يا اخوان ..؟؟

بصراحة يا أخوي أسواق الدمام والخبر ولا أروع وفيه مجمعات كثيرة
بالنسبة للدمام :
بن خلدون
الشاطئ مول(عالكورنيش)
المرينا مول(بجانب الشاطئ مول)
الواحة(صغير بس حلو تلقى فيه شغلات عجيبة)
فيه مجمع الظهران (بين الخبر والدمام رهييييب)
الخبر:
طبعاً الراشد(مجدد ورهيب)
الجمعة سنتر
فؤاد سنتر
مطاعم كورنيش الخبر عجيبة كل شئ موجود...
بعض الأسواق القديمة كذلك جميلة مثل سوق الدمام لكن تحتاج طولت بال...
المطاعم عموماً لن تحتار كل شئ موجود وعليك بمطعم الصيني اللي على كورنيش الدمام عنجد مو طبيعي....
الله يهنيكم وإجازة سعيدة لك وللأهل...
ملاحظة: فيه شقق فندقية بجانب الراشد إسمها العليا للشقق الفندقية جميلة جداً وأنصحك قبل لا تسكن تشوف كذا شقة لأن المستويات قد تختلف فيما السعر لا يختلف كثيراً..

 

[" قاصد خير "]

ماليزيا أوكى .. ​

 

[الفال الطيب]

بصراحة يا أخوي أسواق الدمام والخبر ولا أروع وفيه مجمعات كثيرة
بالنسبة للدمام :
بن خلدون
الشاطئ مول(عالكورنيش)
المرينا مول(بجانب الشاطئ مول)
الواحة(صغير بس حلو تلقى فيه شغلات عجيبة)
فيه مجمع الظهران (بين الخبر والدمام رهييييب)
الخبر:
طبعاً الراشد(مجدد ورهيب)
الجمعة سنتر
فؤاد سنتر
مطاعم كورنيش الخبر عجيبة كل شئ موجود...
بعض الأسواق القديمة كذلك جميلة مثل سوق الدمام لكن تحتاج طولت بال...
المطاعم عموماً لن تحتار كل شئ موجود وعليك بمطعم الصيني اللي على كورنيش الدمام عنجد مو طبيعي....
الله يهنيكم وإجازة سعيدة لك وللأهل...
ملاحظة: فيه شقق فندقية بجانب الراشد إسمها العليا للشقق الفندقية جميلة جداً وأنصحك قبل لا تسكن تشوف كذا شقة لأن المستويات قد تختلف فيما السعر لا يختلف كثيراً..

تسلمين اختي ,, ومشكورة وما قصرتي ..