شنو اسم الصندوق الاستثمارى للبنك الوطنى ؟؟

[خوش خبر]

اذا فى احد من الاخوان يقدر يفيدنى شنو اسم الصندوق الاستثمارى للبنك الوطنى وكم ارباحهم العام الماضى ان وجد ....ولكم الشكر

 

[NBK]

للرفع​

 

[المحفظة]

هذا هو الرابط

لا اعلم اي صندوق تقصد ولكن خذ هذا الرابط لصناديق الوطني....

http://www.nbk.com/ARABIC/Investment+Center/Investment+Funds/Investment+Funds.htm

 

[خوش خبر]

لا اعلم اي صندوق تقصد ولكن خذ هذا الرابط لصناديق الوطني....

http://www.nbk.com/ARABIC/Investment+Center/Investment+Funds/Investment+Funds.htm

ما قصرت وهذا اللى كنت اسال عنه و لا ابى اثقل عليك اذا عندك فكره عن الصناديق الموجوده شنو الزين منهم و اذا كنت مشترك فى احدهم , واذا ما كنت مشارك يمكن احد من الاخوان يقدر يفيدنا و انا راح اسال البنك الوطنى بس تدرى المشارك فى الصناديق يفيدك اكثر من البنك من خبرته السابقه ولك منى كل الشكر والتقدير والله يوفقك

 

[المحفظة]

الله يسلمك ويخليك والله ياخوي انا كنت مشترك في صندوق العملات في

الوطني وايضا اشتركت في صندوق للعقارات الاجنبية في بنك الكويت المتحد

(الاهلي المتحد الان) وعموما صناديق البنوك تعطيك عائد اعلى من الوديعة

ومخاطرها قليلة ولكن الشركات الاستثمارية لديها صناديق تعطيك عائد اكثر

من البنوك ولكن مخاطرها اكثر (مثل المركز المالي,الاستثمارات

الوطنية,جلوبل)

وعندها صناديق الاسهم (اذا كنت تتداول في البورصة حط فيهم احسن من

انك تتداول بنفسك) وانصحك انك تتريث بسبب غموض وضع البورصة حاليا

وعلى العموم كل هذا يخضع لتوجهاتك الاستثمارية واي سؤال انا حاضر

 

[خوش خبر]

الوطنى

ما قصرت ...والله يوفقك

 

[أوتاد]

بس جنه صناديقهم مو اسلاميه...؟؟

 

[خوش خبر]

الوطنى

بس جنه صناديقهم مو اسلاميه...؟؟

اشلون مو اسلامى انت تقولين جنه وجنه ما ينفع وبصراحه انا احترم رايج بس يا ريت تفيدينا اكثر اذا عندك الدليل القاطع ونقرر بعدين ؟؟؟

 

[أوتاد]

السلام عليكم...

خوش خبر..اوضحلك اكثر..شكلك مافهمتني عدل..

انا ماتعاملت مع البنك الوطني ولامره لانه مو اسلامي...
فلما شفتك تسأل عن الصناديق..((استفسرت منك))اذا اسلامي او لا..

يعني انا ما احلل ولا احرم...

ان شاءالله فهمت..واسفه اذا فهمتني غلط واذا ماوضحت الصوره بالرد الاول..

 

[خوش خبر]

الوطنى

انا سالت البنك اليوم وفهمت منهم ان جميع الصناديق اللى عندهم ويتعاملون فيها بل الدينار الكويتى اسلامى 100%

 

[أوتاد]

الحمدلله ان صناديقهم اسلاميه ..