منو يفهم يجمرك السيارات؟

[S500]

السلام عليكم

اذا بغيت اشتري سياره من الوكاله بس بدون ارقام لاني شاريها بركب عليها لوحات سعوديه ما هي الطريقه بالضبط؟

والسؤال الثاني

اذا شريت السياره وركبت عليها ارقام من الكويت ورحت بعتها بالسعوديه شنو الاجراء المتبع من ناحيه الجمرك كم ياخذون على؟

 

[alajmiktv]

اذا كانت السيارة متجمركة بالكويت ما يا خذون منك شي ,, بس قول لهم ابي لوحات تصدير والأمور سهالة ,, بس اهم شي اخذ معاك شهادة تثبت ان السيارة متجمركة بالكويت للسعودية

 

[S500]

شنو تقصد ان السياره متجمركه ؟

السياره شاريها من الوكاله يعني متجمركه او لا؟

 

[بدر 25]

s500 هذي أول مرة بتاريخ تسجيلي بالمنتدي أفتح قسم أستراحة المنتدي وسبحان الله أول ماطاحت عيني طاحت علي مشاركتك خل أجاوبك من واقع خبره .

بالنسبه لأستفسارك الأول تبلغ الوكاله أنك بتشتريها منهم وتبي تصدرها علي طول للسعوديه عشان ما يطلعولها لوحات كويتيه بهالحاله شنو راح يصير أنا أقولك :-
1- خلك ذكي عشان ما يوهقونك الوكاله وتدفع 5% من قيمة السياره للسعوديه قول حق الوكاله أبي ختم مقاصه مع البيان الجمركي الأحصائي إلي بموجبه راح تصدر السياره للسعوديه بهالحاله ماراح تدفع ولا فلس للسعوديه ، دير بالك تري أذا ماعندك ختم مقاصه علي البيان الجمركي راح تدفع 5% من قمية السياره ضريبه يعني كل 10000 عليها 500 دينار .

بالنسبه للأستفسار الثاني
راح ياخذون عليك 5% من قيمة السياره، بس أنتي شتسوي بالحاله أنا أقولك أذا كنت شاريها من الوكاله وركبت عليها لوحات
1- راح أول شئ تصقط اللوحات وتستخرج ورقتين من المرور أ- برائة ذمه للسياره ب- شهادة تسقيط للمركبه

2- تطلب من الوكالة مستندات وهي عباره عن نسخة طبق الأصل من البيان الوارد إلي دشت فيه السياره الكويت.

3- تاخذ جميع المستندات المذكوره أعلاه وتروح الجمارك ( المنفذ إلي دشت منه السياره الكويت وهو بنسبة 99% ميناء الشويخ )

4- تعمل بيان أحصائي للسياره بموجب المستندات إلي معاك وتاخذ عليه ختم مقاصه وبعدها تتوكل علي الله وتروح السعوديه وتدعيلي .

ملاحظه : دير بالك تري ختم المقاصه هو الشئ الوحيد إلي مايخليك تدفع أفلوس (جمرك) للسعوديه أذا ماعندك ختم مقاصه تري راح تدفع 5% من قيمة السياره جمرك .