خسران يبي يعوض فلوسه شنو ياخذ

Black

عضو نشط
التسجيل
27 فبراير 2006
المشاركات
637
السلام عليكم
يا اخوان ، اخوكم خسران و غرقان و ماكل تبن من فوق الى تحت
خسرت 75% من فلوسي اللي جمعتها طول عمري و قربت من حافة الانهيار
ابي نصيحة من اخ يخاف الله في اخوه و يعطيني نصيحة على سهم فيه خير
و الله يجازيه عني كل الخير في الدنيا و الآخرة
الله يرحم والديكم ، اللي يبي يعطي نصيحة يعطي أسباب للنصيحة
و الله يعين
سلام
 

بورش

عضو مميز
التسجيل
25 سبتمبر 2005
المشاركات
3,660
الإقامة
دار بالبورصة
خسايرك محققه ولاغير محققه؟
 

Black

عضو نشط
التسجيل
27 فبراير 2006
المشاركات
637
محققة و طارت الطيور بأرزاقها
بالول أخذت المجموعة على دينار و بعتها لما صارت 550 فلس و أخذت سلطان على 1040 و بعته على 780 او 770 موذاكر بالضبط و بعدين أخذت العراق القابضة على 70 و الصفوة على 122 و هم أرخص سهمين بالسوق و الحين مخنوق فيهم و صارلهم جم شهر ما شفت منهم الا سواد الويه ببركة ادارتهم العبقرية
اشوف الشركات تصعد و تتحرك و هذول ميتين بالمرة
 

بورش

عضو مميز
التسجيل
25 سبتمبر 2005
المشاركات
3,660
الإقامة
دار بالبورصة
Black قال:
محققة و طارت الطيور بأرزاقها
بالول أخذت المجموعة على دينار و بعتها لما صارت 550 فلس و أخذت سلطان على 1040 و بعته على 780 او 770 موذاكر بالضبط و بعدين أخذت العراق القابضة على 70 و الصفوة على 122 و هم أرخص سهمين بالسوق و الحين مخنوق فيهم و صارلهم جم شهر ما شفت منهم الا سواد الويه ببركة ادارتهم العبقرية
اشوف الشركات تصعد و تتحرك و هذول ميتين بالمرة

اصبر خير في شركاتك ياخوي ... والله يعوضك خير ان شاء الله
هذا امتحان من ربك .. اصبر عسى الله يرزقك
واذا على المجموعه الدولية .. غلطت يوم بعته .. الحين المجموعه الدولية عوضت الي شروا بالدينار .. عشان جذي أٌولك اصبر ترى الصبر زين

واعتقد الأسبوع هذا بيكون فيه القليل من جني الأرباح .. فأنصحك بالدخول في الأسبوع الياي .. وان شاء الله مع صعدت السوق لنا كلام ثاني
 

Black

عضو نشط
التسجيل
27 فبراير 2006
المشاركات
637
مشكور أخوي و جزاك الله ألف خير
 

ابو العداله

عضو نشط
التسجيل
10 مايو 2006
المشاركات
581
الله يعينك ويعوضك انشالله ؟؟ شوف انا عندى توصيات على بعض الشركات وانت راقبهم بداية الاسبوع اذا السوق كان زين دش واشترى واذا كان السوق نازل انطر ولك حرية الاختيار؟؟ ((عقارات متحده_د للتمويل_المال_بتروجلف_)) طبعا هذى كله توصيات من صديق صادق انشالله ويعلم الله انى املك فى شركه واحده فقط وراح اراقب الاسبوع القادم واحتمال ادش؟؟ اقسم انى صادق فى كلامى واتمنى الخير للكل ؟؟ طبعا التوصيه لمدة اسبوعين تقريبا
 

alshammery

عضو نشط
التسجيل
7 نوفمبر 2004
المشاركات
956
الاخ black اولا اهم شى الصحة والعافية والستر ...ثانيا كثير من الاخوان فى المنتدى يدشون على بعض الاسهم بعد ان تكون تشبعت وانتفخت واخذت كفايتها من الارتفاع بدون داعى اللهم ان الكبار يبون جنى ارباح على ظهورنا بعدين اخوى بلاك فى شى اسمة ايقاف الخسارة عند سعر معين ينبغى البيع عندة واذا كنت محقق ربح ولو قليل فاقنع برزقك وقل الحمد للة انا واحد من الناس اذا اخذت سهم وبدا يطلع فوق احطة تحت النظر واراقب كميات البيع والشراء فهى تدلك على مسار السهم اليوم انت اخذت سهم المجموعة بدينار زين يوم تشوفة بداء النزول بقوة ابيع عند طلبات 960 تقريبا وانتظر علية لين يستقر وراح تجينى فرصة اشيلة باسعار اقل ب 300 فلس تقريبا سهم سلطان شراة واحد من الربع ب 900 فلس من اكثر من شهر واللة انى حذرتة وقلتلة يوم راح من 620 الى 790 راقب السهم كظلة لانهم راح يقطونة فى اى لحظة وفعلا باعة 790 وانتظرة عند ال620 مرة ثانية وبهذة الطريقة ماتكون خسران والخسائر تعلم المتداول وما يقع فى الفخ مرة ثانية .....
 

Black

عضو نشط
التسجيل
27 فبراير 2006
المشاركات
637
مشكورين و جزاكم الله ألف خير
البتروجولف ما أعتقد راح تستمر لأنه صاعده من 244 الى 690 ، يعني تقريبا ثلاث أضعاف سعر السهم ، و صار فيه تضخم كبير و بوقت قصير ، يمكن يكمل ، العلم عند الله سبحانه ، من أكثر الأسهم اللي قاعد أطالعها هي الصناعات ، سلطان ، الأسماك ، و نظرتي كانت قشرة مثل ما كنت أطالع جماعة المجموعة و تركتها و دشيت على الصفوة مع العراق ، جماعة المجموعة ما شاء الله عليها صارت فوق ، و اللي اخترتهم بعدهم ميتين في مكانهم ، شركة مو دافعة راس المال و الثانية اشفطت 100 مليون دينار .
المشاريع بسبب الشوتايم صارت مثل اللي مو موجود بالسوق بالمرة ولا صار لها أي ذكر ، لأن الناس ما تبي تسمع الا عن الشوتايم ، و الظاهر السالفة مطولة ، أو فيها إنّ .
و الله يعين و يستر علينا و عليكم
سلام
 

ابو العداله

عضو نشط
التسجيل
10 مايو 2006
المشاركات
581
بخصوص بتروجلف انا معاك وقلت نفس الكلام بالضبط لكن قالولى راح توصل 750 ؟؟ والله مادرى انا ماشريت لانى خايف بس راح ارقب الاسبوع القادم؟؟ اما المال ايضا مرتفع 100فلس وهم قالو راح تطوف 400 فلس وهم راح اراقب واحتمال ادش عليها؟؟ اما دللتمويل فهى توصيه فنيه فى حال لم تنزل عن اقفالها السابق تتجه الى 400 ومن ثم 430 ؟؟ واخيرا وهى اكثر امان العقارات المتحده (املك فيها) انشالله متجه فوق 300 ؟؟ العلم عند الله ولك حرية الراى والاختيار
 

المعوشرجي79

عضو نشط
التسجيل
8 أبريل 2005
المشاركات
1,759
الإقامة
الكويت
Black قال:
السلام عليكم
يا اخوان ، اخوكم خسران و غرقان و ماكل تبن من فوق الى تحت
خسرت 75% من فلوسي اللي جمعتها طول عمري و قربت من حافة الانهيار
ابي نصيحة من اخ يخاف الله في اخوه و يعطيني نصيحة على سهم فيه خير
و الله يجازيه عني كل الخير في الدنيا و الآخرة
الله يرحم والديكم ، اللي يبي يعطي نصيحة يعطي أسباب للنصيحة
و الله يعين
سلام

بطل بقالة وخر عن السوق نهائيا باذن الله تعالى راح تعوض خسايرك وترى ما اتطنز واحاجيك من صجي والله
 

خير الكلام

عضو نشط
التسجيل
9 سبتمبر 2004
المشاركات
1,030
السلام عليكم

المعوشرجي79 قال:
بطل بقالة وخر عن السوق نهائيا باذن الله تعالى راح تعوض خسايرك وترى ما اتطنز واحاجيك من صجي والله
===

وانت نهايتك راح تكون بالعبره .

والنهايه بالعبره (العبره يعني الدمعه)

بقاله مره وحده ليش مو سوق مركزي :)
 

بوعباس

عضو نشط
التسجيل
30 مايو 2004
المشاركات
61
إذا تبي نصيحه فهذي النصيحه

السلام عليكم اخوي شلونك و الله يعوض عليك
اذا تبي نصيحتي فجدامك طريق واحد بس يبيله صبر انا انصحك بأن تكتتب بسهم آجال التابع للمجموعه الدوليه و تصفي كل اسهمك و تنطرعليه و هذا اعتقد هو احسن حل لان وراه ملاك و شركات قويين و اللي مكتتبين فيه كلهم هوامير و راهين فلمن يصعد السهم راح يحوشك نصيب و ثانيا 50% من الاسهم ممسوكه من قبل المجموعه الدوليه كسهم استراتيجي فماراح يفرطون فيه و راح يصعد مثل سهم بتروجلف و جراند و الله يوفقك و نصيحه ثانيه عقب ما تعوض فلوسك طلق السوق بالثلاث و شوف لك مصدر رزق ثاني .
نصيحه ثالثه اذا شريت سهم لازم تحط سقف اعلى و سقف ادنى تبيع عليه سواء ربح او خساره يفترض ان السقف الادنى بحال الخساره لا يتعدى 10 % من فلوسك واذا كان جذي بيع حتى لو بخساره و لمن يبدء السهم مره ثانيه بالصعود اخذه و ولا تنطر عليه و تتبع طريقة بعض الناس برد و ثلج عليه لانها اكبر غلط و الله يكون بالعون
 

المعوشرجي79

عضو نشط
التسجيل
8 أبريل 2005
المشاركات
1,759
الإقامة
الكويت
خير الكلام قال:
===

وانت نهايتك راح تكون بالعبره .

والنهايه بالعبره (العبره يعني الدمعه)

بقاله مره وحده ليش مو سوق مركزي :)

انا مافهمت قصدك من الي قلته اما بالاحسان او الاساءة بس هم ارد واقول اي بقاله لانه الريال يقول خسر ثلاث ارباع راس ماله يعني ما عنده فلوس سوق مركزي

وارد واقولك انت يا خير الكلام ترى سامي البدر الشيخ طال عمره سنع اسهمه مشالله وعلى العهد باقون :)
 

الجارح

عضو نشط
التسجيل
16 مارس 2006
المشاركات
1,939
الإقامة
بلد الخير
حبيبى الخساره وراحها ربح والربح عندى وانا ابو هندى شهر 8 خلك جاهز انطر منى الاشاره راح ادخلك عالم الاجل بس خلك جاهز وصدقنى راح ترجع افلوسك وفوقهم بوسه زى ماراحو راح انجيبهم لك ولايضيق خلقك حبيب قلبى اى ويت يو :p
 

برق الشرق

عضو نشط
التسجيل
13 أغسطس 2005
المشاركات
1,018
الإقامة
في ظل غيمة!
النصيحة بجمل مثل ما يقولون
شوف الاسهم الراكزة التكانة
انصحك بتمويل الخليج والصناعات الوطنية
والله يخلف عليك
 

Black

عضو نشط
التسجيل
27 فبراير 2006
المشاركات
637
مشكورين على هالنصايح الحلوة و جزاكم الله ألف خير
 

ابو مها

عضو مميز
التسجيل
18 أكتوبر 2005
المشاركات
639
Black قال:
السلام عليكم
يا اخوان ، اخوكم خسران و غرقان و ماكل تبن من فوق الى تحت
خسرت 75% من فلوسي اللي جمعتها طول عمري و قربت من حافة الانهيار
ابي نصيحة من اخ يخاف الله في اخوه و يعطيني نصيحة على سهم فيه خير
و الله يجازيه عني كل الخير في الدنيا و الآخرة
الله يرحم والديكم ، اللي يبي يعطي نصيحة يعطي أسباب للنصيحة
و الله يعين
سلام
السلام عليكم

اخي الكريم اصبر واعلم ان ما اصابك لم يكن ليخطأك وان مع العسر يسرا.


اخي الكريم عندي لك توصية ويعلم الله اني لك ناصح وما لي فيها اي فايدة الا النصح لك ومحبة الخير لك .

السهم لولوة العقارية

الدخول : بين 176 و 180 .

الهدف الاول : 208 .

المدة اسبوعين والله اعلم .

وقف الخسارة اغلاق تحت 166 .

تقبل تمنياتي لك بالربح الوفير
 

الملفات المرفقه:

  • لولوة.JPG
    لولوة.JPG
    الحجم: 42.2 KB   المشاهدات: 332

NBK

عضو نشط
التسجيل
29 مارس 2006
المشاركات
5,323
الإقامة
الكويت الحبيبه
بوعباس قال:
السلام عليكم اخوي شلونك و الله يعوض عليك
اذا تبي نصيحتي فجدامك طريق واحد بس يبيله صبر انا انصحك بأن تكتتب بسهم آجال التابع للمجموعه الدوليه و تصفي كل اسهمك و تنطرعليه و هذا اعتقد هو احسن حل لان وراه ملاك و شركات قويين و اللي مكتتبين فيه كلهم هوامير و راهين فلمن يصعد السهم راح يحوشك نصيب و ثانيا 50% من الاسهم ممسوكه من قبل المجموعه الدوليه كسهم استراتيجي فماراح يفرطون فيه و راح يصعد مثل سهم بتروجلف و جراند و الله يوفقك و نصيحه ثانيه عقب ما تعوض فلوسك طلق السوق بالثلاث و شوف لك مصدر رزق ثاني .
نصيحه ثالثه اذا شريت سهم لازم تحط سقف اعلى و سقف ادنى تبيع عليه سواء ربح او خساره يفترض ان السقف الادنى بحال الخساره لا يتعدى 10 % من فلوسك واذا كان جذي بيع حتى لو بخساره و لمن يبدء السهم مره ثانيه بالصعود اخذه و ولا تنطر عليه و تتبع طريقة بعض الناس برد و ثلج عليه لانها اكبر غلط و الله يكون بالعون


ممكن اخوي تفيدنا بكيفية الاكتتاب بهذه الشركه

ولك مني كل الشكر
 
التسجيل
6 مارس 2006
المشاركات
129
شوف اخوي اولا الله يعوض عليك وعلينا . ثانيا لازم تكون مقتنع اساسا بالشركه الي ممكن ننصحك فيها وبعدين تشتري.

وثالثا دير بالك لان السوق ممكن يتراجع بعد الانتخابات او قبلها بشوي.

انا خسرت كل فلوسي ودخلت السوق فلوس يديده. وهذه مو اول مره اخسر فلوسي :d لاني مرات اتهور والعاطفه كانت تاخذني واطنش بالتحليل, بس كنت ارجع الفلوس الي خسرتها وفوقهم بوسه.

الطريقه لازم ماتحط ببالك انك بترجع خسارتك كلها من سهم واحد بس, هذا اكبر غلط.

مثلا انا خسرت 100 الف تقريبا ارجعهم شوي شوي الف على الف, خمسه من هني عشره من هناك وترد لفلوس بعد جم شهر او مرات تتطول سنه لايضيق خلقك اهم شي انشاءالله يردون.

الحين نرجع للاسهم,
عندك مجموعة الاوراق سعرها مناسب للشراء واحتمال الربح 100 فلس.
عقارات متحده احتمال الربح 85 فلس وفوق.
عقارات الكويت احتمال الربح 70 فلس وفوق.
الصفوه وعقار, ممكن يسوون مفاجئات على المدى الطويل واقل شي يدوبل السعر.

ودييييير بالك تشتري اسهم البحر بالغالي او سامي البدر هذيله مايخافون الله وخرابين بيوت, خسايري كلها من الجناعات والبحر تره يقضون على باجي الحلال .
والله يوفقك ويوفقنا جميعا. اخوك بوسليمان
 

سوق الاوراق

عضو نشط
التسجيل
5 يوليو 2005
المشاركات
5,635
خير الكلام قال:
===

وانت نهايتك راح تكون بالعبره .

والنهايه بالعبره (العبره يعني الدمعه)

بقاله مره وحده ليش مو سوق مركزي :)


السلام عليكم

حكيم زمانك :)

للاخ الكريم . Black

تمعن بكلام ( خير الكلام ) عدل ترى الجواب الشافي لسئوالك بين السطور . وشوف محمد علي كلاي مسلم وما يفوز الا بالضربة القاضية
واذا تبي تفوز بالضربة القاضية . اسمع كلام خير الكلام .:) :)
 
أعلى