مجموعة سامى البدر تقود السوق للنزول

[علمونى]

يجب الحذر خلال اليومين القادمين النزول وبالحد الادنى قادم

والله اعلم

 

[moe]

يجب الحذر خلال اليومين القادمين النزول وبالحد الادنى قادم

والله اعلم

تحليل ممتاز وأدلة رائعة ؟؟؟؟؟

سبحان الله رزق الناس صار لعبة كل واحد يقعد يخمن بدون تحليل ولاشي ويدخل المنتدى يتحفنا بكلامه دون اي دليل اوتحليل

لا حول ولاقوة الابالله

 

[boalons]

تحليل ممتاز وأدلة رائعة ؟؟؟؟؟

سبحان الله رزق الناس صار لعبة كل واحد يقعد يخمن بدون تحليل ولاشي ويدخل المنتدى يتحفنا بكلامه دون اي دليل اوتحليل

لا حول ولاقوة الابالله

هذي طال عمرك يسمونها فتاوي الجيب

 

[ارسطو الدروازه]

يجب الحذر خلال اليومين القادمين النزول وبالحد الادنى قادم

والله اعلم

اتمنى يمر شهر على سهم ما تفتون عليه

واذا صعد قلتووو الحمدلله انه المصدر خون وما خسروو الشباب

يعنى احنا شنو نفهم باجر نعرض كل اسهمنا الله المستعان

انا ماصرت اكتب بالسوق الكويتى والسبه كلام بعض الاخوه انا دابل

فلوس مرتين بالمجموعه د ..

افتكووو من هالعاده

 

[المقرود]

سوقنا لا يعتمد على مجموعة واحدة فقط في الصعود والهبوط
ففي حين أنك تلاحظ أن مجموعة في الحد الأعلى ، تجد أن مجموعات أخرى تتراوح صعودا ونزولا

 

[AMH63070]

يجب الحذر خلال اليومين القادمين النزول وبالحد الادنى قادم

والله اعلم

كلام فاضي مردود عليه

 

[صقرالبحر]

يجب الحذر خلال اليومين القادمين النزول وبالحد الادنى قادم

والله اعلم

لايجوز هذا الكلام بدون ادله
جميع الاخوان ملاك المجموعه د عدم التهاون باي تحذير ومراقبة التداول فقط ولا للبيع الا بعد التاكد
تداول اليوم لم ياتي من فراغ
فقط المراقبه وعدم التسرع
المضاربين حانت الفرصه الذهبيه وقد تم فتح الباب علي مصراعيه واللي مادش عالسهم اليوم ب 600 وقطه ب 640 خل يسمح لي
ولكن هذا لايعني ان 600 هي قاع السهم
حاليا الدعم 600 والمقاومه 670

تحياتي

 

[tarazaan]

يجب الحذر خلال اليومين القادمين النزول وبالحد الادنى قادم

والله اعلم

زييين يسوون فيك
انا قبل امس حطيت نفس التحذير بعنوان قوي للفت الانتباه وصكوني بتعليقات مالها اول ولا تالي
واذا ماني غلطان جنك واحد من اللي انتقدوا مشاركتي اللي كانت بعنوان
(المجانين ملاك المجموعه......)ه


بس ياللله لا اتحبط ...لا ترما الا الشجار المثمره وانا وياك مثمرين ولا قصور بشباب المنتدى

ووسع صدرك لاي انتقاد واستفيد من اخطائك

 

[علمونى]

زييين يسوون فيك
انا قبل امس حطيت نفس التحذير بعنوان قوي للفت الانتباه وصكوني بتعليقات مالها اول ولا تالي
واذا ماني غلطان جنك واحد من اللي انتقدوا مشاركتي اللي كانت بعنوان
(المجانين ملاك المجموعه......)ه


بس ياللله لا اتحبط ...لا ترما الا الشجار المثمره وانا وياك مثمرين ولا قصور بشباب المنتدى

ووسع صدرك لاي انتقاد واستفيد من اخطائك

ابدا لم لنتقد موضوعك الله العالم انك مضيع

معلومتى جدا دقيقه

واذا الجيماز يحب مصلحة الاخوان وان كانت هذه امانه بحكم انه يشتغل بمحفظة البدر

اذا ما عليه حرج

ان يتكلم ويقول شلى صار اليوم

 

[البواردي]

اشوف التحذيرات بلشت من صارت اسهم المجموعه بالقاع لي الحين وانتو تحذرون ما ادري شتبون والله العظيم
شفتوو تداول اليوم ما شاء الله تبارك الرحمن شلون ؟؟
شفتو اعلان بتروغلف عن تأجير الحفار اللي ذبحوكم فيه ؟؟
يا جماعه اشوف التوصيات والتحذيرات صارت عيدية عيد اي واحد ايي يقول كلام موثوق منه طلعو وتصعد الاسهم وكل ما واحد يقول طلعو تصعد اكثر
تكفون اذا جذي السالفه كل يوم قولو طلعو عشان نشوف مثل تعليقات اليوم
وبعدين ذبحتو الريال بالحش خافو ربكم وترى الحمد لله كل اللي مشى على نصيحة ابو فواز ربح واهو ما طق احد على ايده وقاله روح اشتر غصبن عنك ولو يقول مثل هالشي لا تشترون ترى الفلوس فلوسكم والعقل عقلكم لا اطيعونه اذا مو عاجبكم بس لا تذمون ترى الريال نفع وااااااااااااايد ناس جزاه الله خير

روح يا بو فواز احنا معاك لو نشوف اسهم المجموعه بسوق الجمعه تنباع هم معاك

 

[مايجامل]

ابدا لم لنتقد موضوعك الله العالم انك مضيع

معلومتى جدا دقيقه

واذا الجيماز يحب مصلحة الاخوان وان كانت هذه امانه بحكم انه يشتغل بمحفظة البدر

اذا ما عليه حرج

ان يتكلم ويقول شلى صار اليوم

صحيح ان الجيماز يشتغل عند البدر مو عيب

يكفي من سمع كلام الجيماز الحين هو ربحان

بتروغلف من 250 فلس الي 740 فلس والسهم معلق بالحد الأعلي

 

[المعوشرجي79]

بتروجلف وقعت العقد رسمي مكتوب بجريدة الانباء اذا الكلام صحيح هذا يعني ان تداول امس فيه سبب لصعود قوي مو مجرد تصريف على العموم لا نستبق الامور الايام راح تبين

 

[سهم خسران]

يجب الحذر خلال اليومين القادمين النزول وبالحد الادنى قادم

والله اعلم

ثاني مره لا تقول الصج

 

[الراقي]

الخبر يدوس بطن التحليل وكل الأخبار الحين تأشيرات مافي شي واضح ولكن التحليل الفني يقول احنا عند او قبل القمة والتحليل الأساسي يقول ان ارباح النصف الأول لن تقل عن 80 فلس هذا اذا بتروجلف وجراند صمدو فقط 10 ايام تداول

 

[garmin]

اولا : آنا لا أدير أي محفظه لمجموعة سامي البدر وآنا قاعد في بيتي ويمي كوب من الشاي ويشرفني أن أدير محافظ هذه الشركه
ثانيا :صعود الأسهم لم تكن من فراغ حيث انها صعدت لقيمها العادله وإذا كان هناك قصور من مدير المحفظه السابق أي كانت أسبابه فبإذن الله له العذر والله يسامحه على اللي سواه .

أرباح المجموعه الدوليه لللربع الثاني المتوقعه راح تكون أكثر من ممتازه بإذن الله وراح تشفع لها أسعارها الحاليه أو التي سوف تصلها لها بإذن الله

صعود بتروقلف طبيعي أنا أشوفه بحكم العقد الذي تم توقيعه والذي آنا أعتبره تطمين لمن يود الإستثمار في مثل تلك النوعيه من الأسهم ولكن ..هناك شي قادم لبتروقلف سيكون حديث السوق بإذن الله

أما بالنسبه لسهم يقود السوق صعودا ونزولا

معناها بان هذا القروب اصبح قيادي في السوق أو إستولا على قلوب المتداولين
قراند لو بس تفهمون وتدرسون بعقلانيه عملية الإستحواذ والتي لا أود ان ادخل بتفاصيلها لتم تاكيد بان قراند سعرها الحالي هو عادل لها ..في الوقت الحالي


اخيرا
صعود الأسهم او نزولها بالحد الاعلى أو الحد الادنا يعتمد بشكل كبير على صانع السوق على أي سهم وليس المجموعه الدوليه وخواتها
نتمنا من الله التوفيق للجميع ويرزقكم الرزق الحلال
وصباحج خير يا كويت

اخوكم
بوفواز

 

[بوحسن]

اولا : آنا لا أدير أي محفظه لمجموعة سامي البدر وآنا قاعد في بيتي ويمي كوب من الشاي

ضحكتني هالعباره

والله من اكثر الناس الي اعرفهم اخلاص نيه ومكسب كبير مو فقط للمنتديات بل لجميع من دخل البورصه

الله يوفقكك دوم يا الجيماز ( مع انك فتره كنت نجال لبعض الشباب ايام السعر بو دينار ... والسوق كله كان نجله nachlah بشكل عام

بس بالنهايه ما يصح الا الصحيح )

والله ما املك بالمجموعه اي شي ..متعلق بسهم ثاني والله يستر منه ...

بس احب امدح الاخلاص والفعايل الطيبه تتكلم عن نفسها وتجبرنا نتحجى net7acha عنها ..

اضيف شي بالنسبه للاخ علموني ..يمكن قصده ردة فعل السوق في جني الارباح ..وهالشي طبعا يعتمد على خضار السوق من حماره لاني ان شفت السوق احمر ويحومر بقط اسهمي واجني ربح لان الارباح اقدر احصل عليها بشهر 4- 2007 واحنا بعيدين عنه وما يندرى عن حال السوق ... اعتقد هذا رايه
اما بالنسبه للشارت ..ما شفت منه شي لاني مو متابع السهم للاسف ..

 

[تويجر]

لحد يرد عليه

 

[صقرالبحر]

ماني راد عليه

 

[قـنـــاص2]

بس كلام من غير دليل

 

[بوسليمان بوشهري]

(علموني) انت اخطات بطريقه كتابتك للموضوع ولم تخطا بمفهوم الكلام.

فلا يجب الحذر لان الاسهم صعدت بدون توقف نفس المره الي طافت وانا شريت بالعالي وماسمعت الكلام البعض كان يحذر والاغلبيه تكتب :مالكم شغل والبدر شيخ الاقتصاديين ومن هلكلام الي حد امه فاضي بس العاطفه خذت الكل وشريت قراند ب 950 ونزل. والشراء كان بناء على توصيات كل واحد اعرفه وكل مدير محفظه, وبالاخير ماشفتها عدت ال950 ولا مره ونزل بالقاع وبعته ب 445. لو البدر ريال مثل ماتقولون ومايرضه على مستثمرينه( وهذا هم كلام فاضي لان كل واحد يدور مصلحته) ماشفنه اسهمه حد ادنى كل يوم وبدتاول 100000 او 200000 . انا ماقدرت ابيع لان الطلبات كانت 10000 او 20000 وعلشان لااكون سبب نزول السهم وصبرت بس حسيت بان (لبسونه العمه) او خذينه بومبه من غير تيمون :d .حسيت سامي البدر هو كوكي كوين الكمسري النصاب العالمي(الي قص على تيمون وبومبه)

والحين ردوا على نفس الفلم والله اني انصح كل الي اعرفهم بالابتعاد نهائيا عن البحر والبدر واسهمهم بالعالي والشراء فقط لما تنخفض الاسعار انخفاض شديد مثل ماصار فينا. انا اتمنى ان مايحوشكم الي حاشني(صك على عقر البقر) والي ربحان خل يبيع ولايتحسف على صعود السهم لان وان صعد بيصعد جم يعني 100 فلس بعد؟ لكن ان نزل بينزل بالسرداب عند ابليس وربعه. والي ماعنده السهم وخخخخخخخخخخخخخر عن هلمجموعه الانتحاريه والبورصه متروسه اسهم والرزاق هو الله وليس سامي البدر.
اسف طولت عليكم بس والله اني لكم من الناصحين. والله يوفق الجميع