شركة صكوك القابضة ش.م.ك مقفلة (صكوك)

[بووعبدالله]

مبروكين ياشباب

ومنها للاعلى ان شاء الله

بالتوفيق للجميع ...

 

[tariq9999]

يا جماعة انا السهم ما اتابعة وما عندي عنه معلومات بس اليوم شفته معلق شنو عندة السهم منو صانع السوق ماله وكم السعر المتوقع للسهم في المدى القريب وفي المدى البعيد ؟؟؟
موفقين انشاالله

 

[متداول اسلامي]

شباب شرايكم بالبيع 350 فلس الاسبوع الجاي
حلوه ولا الصبر زين بعد؟
نخاف من الطمع
===
المستثمر يصبر والله يوفقه

 

[مستثمر اسلامي]

شباب شرايكم بالبيع 350 فلس الاسبوع الجاي
حلوه ولا الصبر زين بعد؟
نخاف من الطمع
===
المستثمر يصبر والله يوفقه

بيع 350 فلس و استرده بعد توزيع الرباح موفق خير

 

[بورش]

شركة صكوك القابضة

معلومات الشركة
اسم الشركة شركة صكـوك القابضة (ش.م.ك مقفلة.)‏
تاريخ التأسيس ‏23 اغسطس 1998
تاريخ الادراج في السوق 27-12-2005
العنوان القبلة شارع السور برج منذر الدور (1)‏
صندوق البريد ‏29110 الصفاة 13152 الكويت
هاتف 965-2472672
فاكس 965-2472671
موقع الانترنت www.sokouk.com
البريد الالكتروني info@sokouk.com

اغراض الشركة
تملك اسهم شركات مساهمة كويتية او اجنبية وكذلك تملك اسهم او حصص في
شركات ذات مسؤولية محدودة كويتية او اجنبية او الاشتراك في تاسيس هذه
الشركات بنوعيها وادارتها وكفالتها لدى الغير اقراض الشركات التي تملك
فيها اسهما وكفالتها لدى الغير وفي هذه الحالة يتعين الا تقل نسبة مشاركة
الشركة القابضة في رأس مال الشركة المقترضة عن 20% على الاقل تملك حقوق
الملكية الصناعية من براءات الاختراع او علامات تجارية صناعية او رسوم
صناعية او ايه حقوق اخرى تتعلق بذلك وتأجيرها لشركات اخرى لاستغلالها
سواء داخل الكويت او خارجها تملك المنقولات والعقارات اللازمة لمباشرة
نشاطها في الحدود المسموح بها وفقا للقانون. استغلال الفوائض المالية
المتوفرة لدى الشركة عن طريق استثمارها في محافظ مالية وعقارية تدار من
قبل شركات وجهات متخصصة.‏


رأس المال المدفوع ‏30.000.000 دينار كويتي
القيمة الاسمية للسهم ‏100‏ فلس
عدد الاسهم المصدرة ‏300.000.000 سهم
عدد اسهم الخزينة سهم -
عدد الاسهم القائمة ‏300.000.000 سهم


اعضاء مجلس الادارة
رئيس مجلس الادارة فواز سليمان عبدالله الاحمد
نائب الرئيس فؤاد حامد الحمود
عضو عبدالوهاب صالح المزيني
عضو عبدالرحمن عبدالله احمد الكوهجي
عضو عيسى محمد عيسى حبيب

الرئيس التنفيذي مشعل خليفه العميري

مراقب الحسابات البزيع وشركاهم


بيانات الافصاح عن ملكية كبار المساهمين
مزيد من التفاصيل في سجل الافصاح والعبرة ببيانات التسجيل

النسبة المرهونة كبار المساهمين / النسبة
-- / مباشرة الشركة الكويتية للاستثمار / 10.17%‏
-- / مباشرة الشركة الدولية للاجارة والاستثمار / 10%‏
-- / مباشرة مجموعة عارف الاستثمارية / 10%‏
-- / مباشرة شركة منشآت للمشاريع العقارية / 6.44%‏
-- / مباشرة الشركة التجارية العقارية / 5%‏
-- / مباشرة الشركة الكويتية الوطنية للخدمات والاستثمارات العقارية / 5%‏

 

[بورش]

اتوقع انطلاقة جيدة لهذا السهم

 

[عنيد]

يعطيك العافية أخوي العزيز الموضوع مكرر في الصفحة الثانية

http://www.indexsignal.com/vb/showthread.php?t=31176&page=7​

 

[بورش]

أخوي شفت الموضوع من قبل وقريت أوله كله كلام عن سوق الجت ومتى يتم ادراجه .. حبيت يكون هذا الموضوع المباشر وتسلم على التنويه

 

[عنيد]

أخوي شفت الموضوع من قبل وقريت أوله كله كلام عن سوق الجت ومتى يتم ادراجه .. حبيت يكون هذا الموضوع المباشر وتسلم على التنويه​

أخوي دام شايف جذي عيل شورتك وهداية الله .

ولو الود ودي جان أخلى المشاركات كلها بالمنتدى عن صكوك

تحياتي لك وكل عام وانت بخير وتوقعك بمحله اخوي .​

 

[متداول اسلامي]

امين اجمعين يالحبيب
بأذن الله
350

 

[Wise]

اتمنى عدم فتح موضوع ثاني لشركة صكوك وانتقيد بالموضوع الرئيسي لشركه .

 

[بووعبدالله]

مساء الخير للجميع

دعوه لمراقبة السهم غدا

بالتوفيق لملاكه ...

 

[التحليل الفني]

شوفو المغامره قطيت كل فلوسي فيها الحين بسعر 295 فلس والله يستر

مبروكين ​

 

[بورش]

مبروك لك أخوي
ولي قط فلوسه اليوم على 335؟؟ شتقوله ؟؟

 

[عنيد]

مبروك لك أخوي
ولي قط فلوسه اليوم على 335؟؟ شتقوله ؟؟​

اخوي العزيز بورش اصبر , وان الله مع الصابرين , ترى السهم فيه خير , لكن

مثل ما شفت اليوم السوق ما ساعده للصعود وثانيا لا تنسى شغل

المضاربين . يعني بالفعل اليوم المضارب هو المستفيد الوحيد . والله يرزقهم .

ويرزقنا جميعا , وأرجع واقول صكوك سهم يستحق المتابعة ​

 

[بورش]

والله ياخوك انا بالبورصة من سنين .. بس ماشفت نفس الي صار اليوم .. مادري شالسالفة .. من أول مافتح +15 وبعدين صار تداول عجيب غريب فوق ال 12 مليون سهم وهوا قاعد ينزل لي 310
قاعد يلم أسهم وانا قاعد أطالعه وهوا ينزل .. انا انشالله بنطر عليه لي اسبوعين جدام وبعدين بقطه .. بس عسى مايوصل تحت ال 300

 

[q8_chamber]

ملاحظة متداول جديد

مرحبا شباب

انا قاعد الاحظ مضاربين كبار مو هينين .,.,.
لو اتشوفون عدد الاوامر و كمية الطلب مو هينة

انا بس ودي اعرف متى يتعدل وضع صكوك ؟
كم المدة ؟
و السعر إللي راح يوصله ؟


وشنو الاخبار إلي عليها
ياريت اتساعدوني بهل طلب

وتمنياتي لكم بالربح الدائم

 

[عنيد]

اخواني سهم صكوك أسس نقطة دعم قوية على 290 الى 295 تقريبا

والأخبار قوية على السهم وكل اللي صار اليوم انا أشوفه بوجهة نظري

طبيعي . لأن أكثر اللي يقطون عندهم نظرة تشائمية من السوق ككل .أول

ما يشوف احد البياعه قط مثلا 200 ألف على طوول قط معاه , أظف الى ذلك

المضاربين اللي شارين 300 او 290 دائما يفكر دائما بان 30 فلس

ربحية يقول أطلع من السهم أحسن واستفيد وبعدين اشتري بالنازل .

السهم فيه خير وان شاء الله الايام تثبت لكم ( فقط أدعوكم لمراقبة السهم

السهم )​

 

[نوخذه 15]

يا جماعة الخير من زمان قالو لكم السهم جديد والسيوله فى السوق مو مثل الاول الاكتتابات خذت الكثير وبعدين مشاريعة يالله تقول بسمالله يعنى مافى شى للحين على الشركة اللى غيرها وفى عندها مشاريع ما وصلت مثل هذا السعر فالتريث زين . ودمتم

 

[بووعبدالله]

مبروك لك أخوي
ولي قط فلوسه اليوم على 335؟؟ شتقوله ؟؟

صباح الخير اخوي

السهم طيب مايخوف
ومثل ماقال اخوي عنيد عنده دعم قوي على 290 فلس اذا كسرها قطه
اما الحين ضارب وياهم لانه السهم عليه مضاربه..

وبالتوفيق ...